Iˇsaˬyaˇ 17:7 - Akha

⁷ Aˇ nah aˇ yamˬ kʼoeˇ keuˆ le ngeh, Beh-euˬ yaw sahˇ Iˇsaˬleˬlaˆ-euˬ muiˬ-eu shawˇ-eu Miˬyehˇ-ahˇ,

Iˇsaˬyaˇ 17:7 ပူးပေါင်းရင်းမြစ်များ

2 Saˬmeuˬlaˆ 22:42

Aˬ yawꞈ maꞈ zeuˬ zeuˬ-ehˇ haw kʼawꞈ, caw ba nehˬ-eu gʼaˬ maˬ jawˇ-a. Sahˬpaˬ Miˬyehˇ-ahˇ guˇ nehˬ kʼawꞈ, myaˆ haw cawˬ nehˬ gaˇ maˬ duˇ-a.

2 Laˬsaˬbaˬ 31:1

Bawˬ-iˬ gʼeh gʼaˬ ngeh, Iˇsaˬleˬlaˆ tsawˇ haˬ dawˬ tawˆ luꞈ Yuˇdaˆ miˇ kʼahˬ laꞈ kʼoeˇ jaˆ-eu meuˬ yawˬ meuˬ na luꞈ-ahˇ iˇ doe-awˇ, kʼaˬ lo kʼawˇ zeuˇ tahˬ pahˬ aˬ ma mawˇ kawˇ deuˬ deh paˆ dzeh-awˇ, Aˬsheˇlaˬ miˬyehˇ ma-euˬ tahˬ pahˬ aˬ ma mawˇ kawˇ deuˬ tuˇ coˬ-awˇ, lawˇ duˬ deuˬ hawˇ-eu lawˇ ciꞈ zaˬ deuˬ uˬ duˬ tahˬ-eu jawˇ duˬ deuˬ-ahˇ laˆ cawˆ jiˇ-euˬ meh. Yuˇdaˆ miˇ kʼahˬ doe ni kʼoeˇ loꞈ-ehˇ jahˇ gʼaˬ ngeh, Beˬyaˬmiˬ miˇ kʼahˬ, Eˇpaˬleˬ miˇ kʼahˬ hawˇ-eu, Maˬnaˇseˬ miˇ kʼahˬ doe ni aˬ yawꞈ maꞈ kʼoeˇ loꞈ-ehˇ jahˇ-iˇ-awˇ, yawˬ ha-euˬ meuˬ-ahˇ gʼoꞈ-iˇ jiˇ-euˬ meh.

Jaceuq 95:6

Laˇ-awˬ. Aˬ dui dawˬ tawˆ luꞈ awˆ byaˆ-awˇ, aˬ yawꞈ-ahˇ uˬ duˬ tahˬ kaˇ-euˇ. Aˬ dui-ahˇ beh-euˬ yaw sahˇ Sahˬpaˬ Miˬyehˇ mehˬ shi, pawˬ tsuiꞈ pawˬ dmˬ dmˬ kaˇ-euˇ.

Iˇsaˬyaˇ 19:22

Iˇjiˇtuˆ tsawˇ haˬ deuˬ-ahˇ Sahˬpaˬ Miˬyehˇ kʼehˬ neh kʼaˆ nehˬ tehꞈ-a. Ehˇ kʼawꞈ, aˬ yawꞈ maꞈ-ahˇ aˬ yawꞈ ngehˬ paˇ gʼeh nehˬ tehꞈ-a. Aˬ yawꞈ maꞈ aˬ yawꞈ jawˇ paw gʼoꞈ kʼoꞈ laˇ-awˇ guiˬ lahˬ shaˇ ngeh, aˬ yawꞈ maꞈ-euˬ shaˇ dawˬ-ahˇ aˬ yawꞈ naˇ haˬ nehˬ-awˇ, ngehˬ gʼeh dah teˬ nehˬ tehꞈ-a.

Iˇsaˬyaˇ 22:11

Lah yaw oeˇ lah-ahˇ neh yoeˇ doˆ-eu iˇ cuꞈ jeˬ hmˬ-eu lehˇ, meuˬ laꞈ kʼoeˇ nawˇ lah gawˬ tehꞈ-a. Ehˇ kʼawꞈ, aˇ hu ba neh heu deuˬ dawˬ tawˆ luꞈ mˇ-euˬ gʼaˬ pyeuꞈ-eu Miˬyehˇ-ahˇ nawˇ maˬ haw cawˬ-a.

Iˇsaˬyaˇ 29:24

Aˬ dzawˬ aˇ gah deuˬ noeˬ siˬ noeˬ mawˇ nya laˇ-awˇ, naˬ lehˬ deuˬ mehˬ paˇ nya tehꞈ-a.”

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Aˬmoˆ 3:12

Sahˬpaˬ Miˬyehˇ ehˇ-eu, “Aˇ laˬ jaˬ shiˇ neh bi kawꞈ sehꞈ dzaˬ-euˬ yawˇ tiˬ mawˇ-euˬ aˬ kuiˇ nyiˬ kahˬ hawˇ-eu naˬ paꞈ tiˬ pyawˬ tehꞈ-ehˇ, yawˇ bo-eu gʼaˬ mawˇ kʼoꞈ-euˬ loꞈ-ehˇ, nymˬ-mˇ muiˬ-eu ja ciˬ kʼoeˇ taˆ saˇ lehˆ ni dehꞈ byawˬ luꞈ-eu Saˬmaˬliˆ meuˬ-ahˇ jawˇ-eu tsawˇ haˬ deuˬ laꞈ kʼoeˇ, ui cuiˆ tehꞈ-ehˇ ya buˬ ya law-iˇ tehꞈ-a.”

Miˇkaˬ 7:7

Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.