Iˇsaˬyaˇ 17:6 - Akha

⁶ Iˇsaˬleˬlaˆ miˇ kʼahˬ-euˬ gaˇ kawˆ-aˬ, saˬ loˬ aˇ siˬ bi pyaˆ geuꞈ jiˇ-awˇ, uˬ laꞈ yaw awˆ-ahˇ oeˬ siˬ ngaˬ siˬ ngeuˬ-eu, saˬ loˬ aˇ bawˇ loꞈ-ehˇ guiˬ lahˬ doeˇ tehꞈ-a lehˇ, Iˇsaˬleˬlaˆ miˇ kʼahˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 17:6 ပူးပေါင်းရင်းမြစ်များ

1 Sahˬpaˬ 19:18

Ehˇ kʼawꞈ, ngaˬ-ahˇ saˇ jaˇ ziꞈ-awˇ, Baˬlaˇ miˬ yehˇ mehˬ shi maˬ awˆ byaˆ-ehˇ, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ-ahˇ mehˬ cuˇ maˬ cuˇ-euˬ tsawˇ haˬ shiꞈ heˇ gʼaˬ-ahˇ, Iˇsaˬleˬlaˆ miˇ kʼahˬ laꞈ kʼoeˇ ngaˇ bi dehꞈ yaꞈ ma.”

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Iˇsaˬyaˇ 10:22

Nymˬ-mˇ Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaˬ dui dui kʼawꞈ, ui cuiˆ tehꞈ-ehˇ gʼoꞈ doˆ laˇ tehꞈ-a. Luˬ-iˇ seˇ-iˇ-eu jeˬ kʼaˬ dahˇ tiˬ byah ni lehˬ hmˬ taˬ-euˬ loꞈ-ehˇ, nui kʼahˇ tiˬ shiˇ bi keuˆ le-euˬ meh.

Iˇsaˬyaˇ 24:13

Miˇ tsaˬ kʼoeˇ taˆ jaˆ-eu miˇ kʼahˬ dawˬ tawˆ kʼoeˇ taˆ, kʼoeˇ loꞈ-ehˇ keuˆ le tehꞈ-a. Uˬ pyaˬ uˬ laꞈ bi diˬ juˆ-euˬ saˬ loˬ aˇ bawˇ hawˇ-eu, aˇ siˬ bi pyaˆ cuˆ jiˇ-euˬ aˬ gaꞈ baw duˆ loꞈ-ehˇ jaˆ tehꞈ-a.

Iˇsaˬyaˇ 27:12

Aˇ nah kʼoeˇ nah keuˆ le ngeh jawˇ, cehˇ baw shawˇ doˆ geuꞈ-eu loꞈ-ehˇ, Uˇpaˬlaˇ lawˇ baˬ-ahˇ neh Iˇjiˇtuˆ miˇ kaˬ-ahˇ keuˆ ni, aˬ yawꞈ-euˬ tsawˇ haˬ tiˬ gʼaˬ saˇ-iˬ tiˬ gʼaˬ-ahˇ Sahˬpaˬ Miˬyehˇ poˆ kʼoꞈ uiˬ geuꞈ tehꞈ-a.

Yeˬlaˬmiˇ 4:27

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ tsaˬ tahˬ kʼawˇ heu-ahˇ ngaˇ laˆ byoˆ nehˬ gaˇ maˬ keuˆ kʼawꞈ, bawˇ tsahˬ bawˇ dahˇ ya pyeuꞈ-iˇ jiˇ tehꞈ-a.”

Yeˬsaˬgeˬlaˇ 39:29

Iˇsaˬleˬlaˆ tsawˇ jeuˬ kʼoeˇ taˆ ngaˬ-euˬ Yaw sahˇ shehˬ daˆ nehˬ-awˇ, aˬ yawꞈ maꞈ-ahˇ tiˬ jawˇ-iˬ maˬ paˇ byehˇ dzeh ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Aaˇbaˬdiˇ 1:5

Smˇ kʼoeˬ deuˬ nawˇ jawˇ gaˇ oe-awˇ, tahˇ joe deuˬ uˬ ciꞈ paw oe ngeh, aˬ yawꞈ maꞈ maˬ geuꞈ mawꞈ-eu jeˬ, maˬ yuˇ jiˇ ni byehˇ yaꞈ tehꞈ-a. Aˬ gaꞈ aˇ siˬ pyaˆ-eu deuˬ kʼawꞈ, maˬ pyaˆ jiˇ ni bi dzeˇ tehꞈ-a. Ehˇ kʼawꞈ, nawˬ-ahˇ muiˇ-eu kʼoeˇ deuˬ, nawˬ-ahˇ laˆ cawˆ-eu lehˇ oe ngeh, tiˬ jeˬ-iˬ maˬ bi dzeˇ yaꞈ-aˇ.

Miˇkaˬ 7:1

Ngaˇ nui ma cawˆ dui dui miˇ-a. Aˇ siˬ tiˬ siˬ-iˬ maˬ ngeuˬ-eu aˇ siˬ aˇ bawˇ hawˇ-eu aˬ gaꞈ baw duˆ-ahˇ tahˬ puˬ le-euˬ mehꞈ-eu shuꞈ-eu tsawˇ haˬ tiˬ gʼaˬ-ahˇ duˇ miˇ-a. Aˬ gaꞈ aˇ siˬ hawˇ-eu kuiˇ dui dui-eu siˬ guˬ maˇ sheuˇ aˇ siˬ dawˬ tawˆ luꞈ pyaˆ cuˬ jiˇ taˬ-euˬ meh.

Lormav 11:26

Kʼoeˇ ngeh jawˇ, Iˇsaˬleˬlaˇ tsawˇ haˬ dawˬ tawˆ luꞈ ka kʼoꞈ-eu jeˬ za tehꞈ-a. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ jaˆ-eu meh. “Ka kʼoꞈ le-eu yaw sahˇ kʼoeˇ gʼaˬ, Ziˇoˬ gawˬ jawˬ-ahˇ neh oe-awˇ, Yaˬkoˆ-euˬ zaˬ deuˬ uˆ deuˬ-euˬ, maˬ muiˬ maˬ jaˬ-eu yaw haiˬ jeˬ, dawˬ tawˆ luꞈ yuˇ dzeh nehˬ tehꞈ-a.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Yaˇ kʼaˬ daˇ 8:2

Ehˇ kʼawꞈ, Giˇdoˬ ehˇ-eu, “Naw maꞈ neh mˇ gʼaˬ-euˬ jeˬ-ahˇ shaˇ cehˆ haw naˇ, ngaˇ mˇ nya-eu jeˬ-aˬ ehˇ nyaꞈ maˬ nyeuˆ-a. Naw maꞈ Eˇpaˬleˬ tsawˇ haˬ deuˬ neh ui cuiˆ tehꞈ-ehˇ mˇ-euˬ kʼawꞈ, nga maꞈ aˇ jeuˬ jeuˬ lah ni mˇ-euˬ naˆ maˬ tseˇ poeˬ dzehˬ-eu meh.