Iˇsaˬyaˇ 17:10 - Akha

¹⁰ Iˇsaˬleˬlaˆ tsawˇ haˬ deuˬ-oˇ, naw maꞈ gʼaˇ duˬ lo guˇ loꞈ-ehˇ ziꞈ-euˬ, naw maꞈ-ahˇ ka kʼoꞈ-euˬ miˬ yehˇ-ahˇ, naw maꞈ byehˇ dzeh yaꞈ-awˇ, aˬ cawˬ tsawˇ jeuˬ-euˬ Miˬyehˇ-ahˇ uˬ duˬ tahˬ-eu gʼaˇ duˬ, muiˬ-eu shawˇ-eu yaˇ kmˇ mˇ-euˬ miˇ neh,

Iˇsaˬyaˇ 17:10 ပူးပေါင်းရင်းမြစ်များ

1 Laˬsaˬbaˬ 16:35

Nga maꞈ-ahˇ ka kʼoꞈ-eu Miˬyehˇ, nga maꞈ-ahˇ ka kʼoꞈ nehˬ laꞈ-awˬ. Nga maꞈ-ahˇ tiˬ gaˇ sheuˬ uiˬ-awˇ, aˬ cawˬ tsawˇ jeuˬ aˬ laꞈ laꞈ kʼoeˇ, nga maꞈ-ahˇ ka kʼoꞈ nehˬ laꞈ-awˬ. “Nga maꞈ nawˬ-ahˇ guiˬ lahˬ huiˬ-awˇ, nawˬ-euˬ muiˬ-eu shawˇ-eu tsawˇ myahˇ, ja ceuˬ ma” lehˇ yawꞈ-ahˇ ehˇ yawˬ.

Jaceuq 106:13

Ehˇ kʼawꞈ, aˬ yawꞈ neh mˇ nehˬ-euˬ jeˬ-ahˇ, tiˬ kʼehˇ laˇ kʼehˬ laꞈ kʼoeˇ aˬ yawꞈ maꞈ ngehˇ jiˇ-awˇ, aˬ yawꞈ mehˬ nehˬ gaˇ maˬ dawˬ keuˆ ni dehꞈ-euˬ meh.

Jaceuq 106:21

Iˇjiˇtuˆ miˇ kʼahˬ-ahˇ kʼaˆ jeˬ-ehˇ gʼeh-eu jeˬ mˇ-eu laꞈ kʼoeˇ, aˬ yawꞈ maꞈ-ahˇ ka kʼoꞈ-euˬ Miˬyehˇ-ahˇ, aˬ yawꞈ maꞈ ngehˇ-euˬ meh.

Jaceuq 18:2

SahˬpaˬMiˬyehˇngaˬ-euˬlo guˇ, ziꞈdui dui-eu taˆpyeuꞈ-eu ma. Ngaˬ-euˬMiˬyehˇngaˬ-euˬlo guˇ, guˆgaˆdzeuˇni awˆshmˇduˬma. Dehˬdaˬduˬloꞈ-ehˇtahˬ piˇ-awˇ, ka kʼoꞈ-eu uˬcoeˇ pyeuꞈ-eu meh.

Jaceuq 31:2

Ngaˬ-euˬshaˇdawˬ-ahˇ naˇhaˬ-awˇ, yaw kawˇ-ehˇ ka kʼoꞈle nehˬlaꞈ. Ngaˬ-euˬgʼoe duˬlo guˇhawˇ-eu, ziꞈdah ni gʼeh-eu taˆloꞈ-ehˇ, ngaˬ-ahˇhaw teˬhaw piˇnehˬlaꞈ.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 79:9

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ caw ba nehˬ laꞈ. Nawˬ-euˬ myaˆ pyawˬ naˇ mehˇ gʼaˇ duˬ nga maꞈ-ahˇ ka kʼoꞈ-awˇ, iˬ baˇ pyehˬ nehˬ laꞈ.

Jaceuq 85:4

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ sheuˬ kʼoꞈ le nehˬ laꞈ. Nga maꞈ kʼoeˇ taˆ nawˇ nui ma maˬ saˇ-eu jeˬ bi byoˆ-iˇ nehˬ laꞈ.

Jaceuq 9:17

Miˬyehˇ-ahˇbyehˇdzeh-euˬtsawˇjeuˬ, haiˬ-eu tsawˇhaˬkʼoeˇdeuˬdawˬtawˆ, shiˇ-eu miˇkʼahˬ-ahˇkeuˆtehꞈ-a.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 17:9

Iˇsaˬleˬlaˆ tsawˇ haˬ deuˬ baˬ da neh, Hiˇbiˇ tsawˇ jeuˬ hawˇ-eu Aˬmawˇliˆ tsawˇ jeuˬ, meuˬ byehˇ dzeh-awˇ cehˆ-euˬ loꞈ-ehˇ, aˇ nah aˇ yamˬ kʼoeˇ keuˆ le ngeh, aˬ yawꞈ maꞈ-euˬ meuˬ deuˬ ya byehˇ dzeh-awˇ, bi laˆ cawˆ jiˇ tehꞈ-a.

Iˇsaˬyaˇ 18:5

Aˬ gaꞈ aˇ paꞈ ga jiˇ-awˇ aˇ siˬ awꞈ laˇ ngeh, aˬ gaꞈ aˇ siˬ maˬ pyaˆ uiˬ dah mi naˆ-ehˇ, aˬ gaꞈ ciˇ ni-ahˇ tsoꞈ-eu uˬ laꞈ-ahˇ, mi cehˇ tawˆ jeˇ neh pyehˆ tsehˆ-eu loꞈ-ehˇ, muiˇ-eu deuˬ Suˬdaˬ tsawˇ haˬ-ahˇ, yaw awˇ laꞈ-ehˇ laˆ cawˆ tehꞈ-a.

Iˇsaˬyaˇ 25:4

Mehꞈ-eu shuꞈ-eu deuˬ hawˇ-eu shaˬ-eu zahˬ-eu deuˬ, nawˇ jawˇ gaˇ cehˆ laˇ-awˇ, guˆ-eu gaˆ-eu jeˬ-ahˇ buˬ-iˇ-euˬ meh. Jaˬ lehˇ lehˇ ma baw ngeh aˬ yawꞈ maꞈ-ahˇ nawˇ haw lahˇ-awˇ, nahˇ tsaˇ kʼaˆ ngeh naˇ shmˇ bi awˆ-euˬ meh. Haiˬ-eu tsawˇ haˬ deuˬ neh mˇ-euˬ yaw doeˇ jeˬ-aˬ, kaˇ pyawˇ-ahˇ ciˬ tahˬ ciˬ tuˆ-eu jaˬ lehˇ lehˇ ma -ahˇ duˇ-awˇ,

Iˇsaˬyaˇ 26:4

Mˬ maˬ maˬ byaˆ zaˇ ziˇ Sahˬpaˬ Miˬyehˇ-ahˇ jah-awˬ. Aˬ dui-ahˇ aˬ yawꞈ aˬ myah luꞈ haw piˇ tehꞈ-a.

Iˇsaˬyaˇ 30:29

Ehˇ kʼawꞈ, Miˬyehˇ-euˬ tsawˇ haˬ deuˬ pyeuꞈ-eu naw maꞈ deuˬ-aˬ, muiˬ-eu shawˇ-eu bawˬ-iˬ gʼeh-eu uˬ ciꞈ tiˬ miˇ loꞈ-ehˇ, laˬ kʼaˬ cehˇ-awˇ caˇ dawˬ ya caˇ tehꞈ-a. Iˇsaˬleˬlaˆ-ahˇ haw piˇ-eu gʼaˬ pyeuꞈ-eu, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma-ahˇ, bawˬ law baw-awˇ le-eu tsawˇ haˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Iˇsaˬyaˇ 33:2

Sahˬpaˬ Miˬyehˇ-oˇ, nga maꞈ-ahˇ gʼawˬ shaˬ gaˬ nehˬ laꞈ-awˬ. Nga maꞈ nawˬ-ahˇ noeˬ tmˬ luꞈ-eu ma. Yawˬ nah na luꞈ nga maꞈ-ahˇ haw piˇ-awˇ, guˆ-eu gaˆ-eu jeˬ laꞈ kʼoeˇ ka kʼoꞈ nehˬ laꞈ-awˬ.

Iˇsaˬyaˇ 44:8

Ngaˬ-euˬ tsawˇ haˬ-oˇ, nawˇ taˬ guˆ. Aˇ hu ba neh iˬ nah keuˆ ni kʼaˇ pyeuꞈ laˇ-euˬ jeˬ-ahˇ, ngaˬ neh ehˇ tsehˆ taˬ-euˬ nawˇ siˬ nya-awˇ, nawˇ saˇ kiˇ pyeuꞈ-eu meh. Miˬ yehˇ nui gʼaˬ jawˇ ta siˬ loˇ. Ngaˇ maˬ gaˬ haw-euˬ baoˬ huiˬ-eu miˬ yehˇ nui gʼaˬ paˇ jawˇ ta loˇ.”

Iˇsaˬyaˇ 51:13

Mˬ toˆ pyeh-awˇ miˇ tsaˬ dawˬ pehˬ pehˬ-euˬ yaw sahˇ, Sahˬpaˬ Miˬyehˇ-ahˇ naw maꞈ ngehˇ teˬ loˇ. Naw maꞈ-ahˇ laˆ cawˆ-eu gʼaˇ duˬ lehˬ hmˬ luꞈ-eu, naw maꞈ-ahˇ kʼehˬ-eu deuˬ-euˬ nui pehˇ-ahˇ, aˬ jeˬ miˇ neh maˬ tsehˆ leˇ ni guˆ te. Aˬ yawꞈ maꞈ-euˬ nui pehˇ naw maꞈ-ahˇ maˬ laˆ deuˬ nya-a.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 62:11

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ heu loꞈ-ehˇ ehˇ luꞈ meh. “Naw maꞈ-ahˇ ka kʼoꞈ-eu gʼaˇ duˬ, aˬ yawꞈ neh ka kʼoꞈ doˆ laꞈ-euˬ tsawˇ haˬ deuˬ-ahˇ sheuˬ-awˇ, Sahˬpaˬ Miˬyehˇ oe luꞈ meh lehˇ, Yeˬluˇsaˬlehˬ tsawˇ haˬ-ahˇ ehˇ nehˬ-awˬ.”

Yeˬlaˬmiˇ 12:13

Ngaˬ-euˬ tsawˇ haˬ deuˬ cehˇ ka kʼawꞈ, shmˇ ma tehꞈ-ehˇ ya yehˬ tehꞈ-a. Aˬ yawꞈ maꞈ gaˇ mˇ sehꞈ leꞈ kʼawꞈ, guiˬ lahˬ tiˬ jeˬ-iˬ maˬ baw-a. Ngaˇ nui ma pehˇ-eu jeˬ baˬ da neh, dzaˬ la gʼo cehˇ maˬ za le-a.”

Yeˬlaˬmiˇ 17:13

Sahˬpaˬ Miˬyehˇ nawˇ Iˇsaˬleˬlaˆ-euˬ noeˬ tmˬ duˬ meh. Nawˬ-ahˇ kʼaˇ byehˇ dzeh-eu tsawˇ haˬ kʼoeˇ taˆ, shaꞈ dawˇ-eu jeˬ keuˆ le tehꞈ-a. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu, Sahˬpaˬ Miˬyehˇ nawˬ-ahˇ aˬ yawꞈ maꞈ byehˇ dzeh-euˬ miˇ neh, kʼaˬ lehˇ kʼoeˇ taˆ boꞈ-euˬ tsawˇ myahˇ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Yeˬlaˬmiˇ 2:32

Zaˬ miˬ aˬ buˇ tiˬ gʼaˬ yawˬ ha-euˬ laꞈ duꞈ lahˇ dah-ahˇ ngehˇ nmˇ loˇ. Smˇ miˇ iˇ-eu zaˬ miˬ oeˇ mˇ baˇ-eu mehˬ tsoeˬ ngehˇ kʼmˬ nmˇ loˇ. Ehˇ kʼawꞈ aˇ nah aˇ yamˬ maˬ gui jiˇ coeˇ gaˇ keuˆ ni, ngaˬ-euˬ tsawˇ haˬ ngaˬ-ahˇ ngehˇ byoˆ-euˬ meh.

Yeˬlaˬmiˇ 3:21

Gawˬ duˇ uˬ du teˇ saˇ gaˬ laˇ-eu meh. Iˇsaˬleˬlaˆ tsawˇ haˬ deuˬ ngoeˇ-awˇ shaˇ-eu teˇ saˇ meh. Aˬ jeˬ miˇ neh ehˇ naˇ aˬ yawꞈ maꞈ dehꞈ lehˬ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-euˬ meh.

Yeˬsaˬgeˬlaˇ 22:12

Nawˬ-euˬ tsawˇ haˬ tiˬ paˆ na deuˬ pyuˇ za laˇ ni tsawˇ haˬ sehꞈ-eu meh. Tiˬ paˆ na deuˬ yawˬ ha tsawˇ jeuˬ Iˇsaˬleˬlaˆ tsawˇ haˬ-ahˇ pyuˇ paˇ nehˬ-awˇ, jiˇ jeuˬ gʼawˬ mya ni yuˇ dzaˬ-eu laꞈ kʼoeˇ, aˬ cawˬ-euˬ uˬ duˬ-ahˇ teuꞈ-awˇ smˇ muiˬ laˆ muiˬ-euˬ meh. Aˬ yawꞈ maꞈ ngaˬ-ahˇ ngehˇ jiˇ-euˬ meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 23:35

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ ngaˬ-ahˇ ngehˇ-awˇ naˇ kʼah ciˬ pyawˇ-euˬ miˇ neh, nawˬ neh kʼaˬ miˬ sheu gaˇ gaˬ-awˇ meh maˬ laˇ geuꞈ-euˬ aˇ poeˬ nawˇ ya shaˬ duˬ tehꞈ-a.

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Hawˇseˬ 8:14

“Iˇsaˬleˬlaˆ tsawˇ haˬ deuˬ-aˬ, beh-euˬ yaw sahˇ gʼaˬ-ahˇ ngehˇ-awˇ, sahˬpaˬ hawˇ nymˇ tsoˆ luꞈ-eu meh. Yuˇdaˆ tsawˇ haˬ meuˬ teˬ lahˬ-awˇ, ziꞈ dah ni gawˬ ziꞈ taˬ-euˬ meh. Ehˇ kʼawꞈ ngaˇ miˬ dzaˬ pyehˬ gʼeh-awˇ, aˬ yawꞈ maꞈ-euˬ hawˇ nymˇ hawˇ-eu meuˬ deuˬ-ahˇ bi puiˆ dzaˬ jiˇ ma.”

Yawˇlaˆ 1:17

Miˇ tsa ka-euˬ siˬ yoeˬ shiˇ-awˇ, cehˇ pi ahˇ taˬ-eu maˬ jaˆ-ehˇ, cehˇ jiˇ yawꞈ ngehꞈ coˬ-iˇ-eu meh.

Uˬ duˬ 26:16

naw maꞈ-ahˇ ngaˇ kʼehˬ nehˬ kʼaˆ nehˬ ma. Naw maꞈ kʼoeˇ taˆ shaˬ zahˬ guˆ gaˆ bi keuˆ le ma. Naw maꞈ-euˬ myaˆ nuiˆ myaˆ behꞈ behꞈ-iˇ-awˇ, tsawˇ shiˇ uˬ kʼawˇ-ahˇ deuˬ leˇ gaˇ keuˆ ni kʼaˆ-eu maˬ laˆ taˬ nya-eu naˇ gawˇ deuˬ, naw maꞈ kʼoeˇ taˆ ngaˇ bi keuˆ le ma. Naw maꞈ siˬ yoeˬ sehˬ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-ahˇ muiˇ-eu deuˬ naw maꞈ-ahˇ deuˆ gʼaˬ-awˇ, naw maꞈ neh kʼaˇ ka taˬ-euˬ deuˬ yuˇ dzaˬ jiˇ tehꞈ-a.

Uˬ duˬ 26:20

Naw maꞈ mˇ sehꞈ leꞈ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-euˬ miˇ tsaˬ naw maꞈ-ahˇ dzaˬ la gʼo cehˇ maˬ bi za le-eu uˬ taꞈ, aˇ siˬ aˇ bawˇ deuˬ kʼawꞈ, aˇ siˬ maˬ bi siˬ le-a.

Aˬmoˆ 5:11

Iˇ shaˬ zaˬ deuˬ-ahˇ naw maꞈ zuiˆ gʼaˬ-awˇ, aˬ yawꞈ maꞈ-euˬ cehˇ naw maꞈ nawˬ dzaˬ kʼaˆ dzaˬ-eu meh. Kʼoeˇ miˇ neh, naw maꞈ neh tsoˆ-euˬ muiˬ dui dui-eu kʼaˬ lo nymˇ-ahˇ naw maꞈ maˬ paˇ ya jawˇ-ehˇ, naw maꞈ neh ka taˬ-euˬ haw muiˬ dui dui-eu aˬ gaꞈ yaˇ kmˇ-ahˇ neh doˆ le-euˬ aˬ gaꞈ dzaˇ uiˇ naw maꞈ maˬ paˇ ya dawˇ meh.

Haˬbaˬkuˆ 3:18

Sahˬpaˬ Miˬyehˇ pyeuꞈ-eu Miˬyehˇ, ka kʼoꞈ le gaˇ ngaˇ noeˬ tmˬ-awˇ, laˬ kʼaˬ cehˇ taˆ ni jawˇ-euˬ ma.

Zeˬpaˬniˇ 1:13

Aˬ yawꞈ maꞈ tahˇ joe bi joe-awˇ, nymˇ deuˬ bi deh pyaˆ jiˇ tehꞈ-a. Yawˬ ha neh tsoˆ taˬ-euˬ nymˇ muiˬ, yawˬ ha maˬ ya jawˇ gaˇ keuˆ-awˇ, yawˬ ha mˇ-euˬ aˬ gaꞈ yaˇ kmˇ, aˬ gaꞈ dzaˇ uiˇ maˬ ya dawˇ-aˇ.”

Dawˬmehˬ 28:30

“Zaˬ miˬ aˬ buˇ tiˬ gʼaˬ-ahˇ sheuˬ-eu gʼaˇ duˬ nawˇ ngehˬ cawˬ tsehˆ taˬ kʼawꞈ, aˬ cawˬ neh bi sheuˬ geuꞈ tehꞈ-a. Nawˇ nymˇ tsoˆ kʼawꞈ, nawˬ neh tsoˆ-euˬ nymˇ-ahˇ nawˇ tiˬ jawˇ-iˬ maˬ ya jawˇ-aˇ. Aˬ gaꞈ yaˇ kmˇ mˇ kʼawꞈ, aˬ gaꞈ aˇ siˬ nawˇ tiˬ jawˇ-iˬ maˬ ya dzaˬ-aˇ.

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

Dawˬmehˬ 32:18

Yawꞈ maꞈ-ahˇ dehꞈ-eu jeˬ biꞈ-euˬ, ka kʼoꞈ nehˬ-euˬ yaw sahˇ pyeuꞈ-eu, Miˬyehˇ-ahˇ yawꞈ maꞈ ngehˇ-euˬ meh.

Dawˬmehˬ 32:31

Muiˇ-eu deuˬ-euˬ miˬ yehˇ kʼoeˇ deuˬ, Iˇsaˬleˬlaˆ Miˬyehˇ naˆ ni, baoˬ maˬ ahˇ-ehˇ gʼaˬ maˬ kʼaˆ-eu, muiˇ-eu deuˬ siˬ duˬ taˬ-euˬ meh.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Dawˬmehˬ 6:12

Kʼoeˇ ngeh, Iˇjiˇtuˆ miˇ kʼahˬ laꞈ kʼoeˇ naw maꞈ aˬ cawˬ zaˬ kʼaˆ ya geuꞈ luꞈ ngeh, naw maꞈ-ahˇ ka kʼoꞈ le-euˬ Sahˬpaˬ Miˬyehˇ-ahˇ naw maꞈ taˬ ngehˇ.

Dawˬmehˬ 8:11

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ maˬ ya ngehˇ ni, yaw kʼaˆ-ehˇ yahˇ yahˇ-ehˇ dehꞈ-awˬ. Iˬ nah ngaˇ naw maꞈ-ahˇ biꞈ-euˬ zahˇ dawˬ kʼoꞈ dawˬ heu deuˬ-ahˇ, tiˬ dawˬ-iˬ maˬ byehˇ dzeh ni caw teh-awˬ.

Dawˬmehˬ 8:14

naw maꞈ nui ma huiˬ laˇ-awˇ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ ka kʼoꞈ doˆ nehˬ laꞈ-euˬ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ ya ngehˇ ni yaw kʼaˆ kʼaˆ-ehˇ yahˇ-awˬ.

Dawˬmehˬ 8:19

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-awˇ, miˬyehˇ nui deuˬ-ahˇ tiˬ jawˇ-iˬ uˬ duˬ taˬ tahˬ. Naw maꞈ kʼoeˇ loꞈ-ehˇ jahˇ naˇ, aˬ diˇ aˬ maˇ laˆ luˬ laˆ seˇ nehˬ-eu jeˬ-ahˇ ya daˬ tehꞈ-a lehˇ, iˬ nah ngaˇ naw maꞈ-ahˇ ehˇ-eu ma.