Iˇsaˬyaˇ 16:12 - Akha

¹² Mawˇbaˆ tsawˇ haˬ deuˬ gawˬ jawˬ yaw goˇ-ahˇ le-awˇ, aˬ yawꞈ maꞈ-euˬ taˆ-ahˇ uˬ duˬ tahˬ leˇ kʼawꞈ, aˬ yawꞈ maꞈ-euˬ uˬ duˬ tahˬ nymˇ jaˆ gaˇ le-awˇ, maˬ naˬ leˇ ni guiˬ lahˬ shaˇ kʼawꞈ, tiˬ jeˬ-iˬ gaˇ dahˇ maˬ tsoeˬ-ehˇ, gʼaˬ doeˇ cah doeˇ-eu jeˬ oꞈ-eu tehꞈ meh.

Iˇsaˬyaˇ 16:12 ပူးပေါင်းရင်းမြစ်များ

1 Sahˬpaˬ 11:7

Yeˬluˇsaˬlehˬ meuˬ-euˬ nahˇ ma doˆ kʼehˬ paw jaˆ-euˬ gawˬ jawˬ kʼoeˇ taˆ, Mawˇbaˆ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ, gʼeh-eu Sheˬmoˇshaˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ hawˇ-eu, Aˬmoˬ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ gʼeh-eu Moˇlehˆ miˬ yehˇ-ahˇ uˬ duˬ tahˬ-eu jawˇ duˬ tiˬ tsahˇ aˬ yawꞈ tsoˆ-euˬ meh.

1 Sahˬpaˬ 18:29

Nah loˆ ceh laˇ ngeh keuˆ ni aˬ yawꞈ maꞈ toˇ toˇ-ehˇ jawˇ-eu kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.

2 Sahˬpaˬ 19:12

Goˇzaˬ meuˬ, Haˬlaˬ meuˬ, Yeˬzehˇ meuˬ heu deuˬ-ahˇ ngaˬ-euˬ aˬ poeˬ aˬ bawˇ deuˬ neh laˆ luˬ laˆ seˇ nehˬ-awˇ, Teˬlaˬsaˬ meuˬ-ahˇ jawˇ-eu Behˬteˬdeˬ tsawˇ haˬ deuˬ-ahˇ sehꞈ-euˬ kʼawꞈ, meuˬ kʼoeˇ deuˬ-euˬ miˬ yehˇ tiˬ gʼaˬ-iˬ aˬ yawꞈ-euˬ tsawˇ haˬ deuˬ-ahˇ maˬ ka kʼoꞈ nehˬ nya-aˬ.

2 Sahˬpaˬ 3:27

Kʼoeˇ miˇ neh, aˬ yawꞈ shiˇ naˇ dzoeˬ dzaˬ oꞈ-eu gʼaˬ pyeuꞈ-eu aˬ yawꞈ-euˬ aˬ li aˬ yuiꞈ yuiꞈ saˬ gʼaˬ-ahˇ, meuˬ meuˬ lahˇ kʼoeˇ taˆ Mawˇbaˆ miˬ yehˇ-ahˇ aˬ yawꞈ lawˇ nehˬ-euˬ meh. Kʼoeˇ loꞈ-ehˇ jahˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, zahˬ leˇ-awˇ, yawˬ ha-euˬ miˇ kʼahˬ-ahˇ gʼoꞈ leˇ jiˇ-euˬ meh.

Dawqdaq 1:28

Kʼoeˇ ngeh naw maꞈ ngaˬ-ahˇ kuˇ kʼawꞈ, ngaˇ maˬ naˇ haˬ. Naw maꞈ ngaˬ-ahˇ poˆ sehꞈ leꞈ kʼawꞈ, maˬ poˆ mawˇ nya-aˇ.

Iˇsaˬyaˇ 15:2

Diˇboˬ meuˬ-ahˇ jawˇ-eu tsawˇ haˬ deuˬ, yaw goˇ-ahˇ jaˆ-eu taˆ-ahˇ daˆ leˇ-awˇ, tsawˇ ngoeˇ ngoeˇ leˇ-euˬ meh. Neˬboˬ meuˬ hawˇ-eu Meˬdeˬbaˬ meuˬ gʼaˇ duˬ, Mawˇbaˆ tsawˇ haˬ deuˬ tsawˇ ngoeˇ ngoeˇ-eu meh. Yawˬ gʼaˬ na luꞈ noeˬ shaˬ dui dui-eu miˇ neh, uˬ duˬ hawˇ-eu mehˬ mahˬ jehˆ dzeh-eu meh.

Iˇsaˬyaˇ 16:13

Heu-aˬ, Mawˇbaˆ miˇ kʼahˬ-ahˇ taꞈ leˇ-awˇ, naꞈ ngeh neh, Sahˬpaˬ Miˬyehˇ ehˇ taˬ-euˬ dawˬ meh.

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Iˇsaˬyaˇ 37:38

Tiˬ nah keuˆ laˇ ngeh, aˬ yawꞈ-euˬ miˬ yehˇ pyeuꞈ-eu Niˇsaˬloˆ miˬ yehˇ-euˬ uˬ duˬ tahˬ nymˇ-ahˇ aˬ yawꞈ uˬ duˬ tahˬ luꞈ ngeh, aˬ yawꞈ-euˬ aˬ li Aˬdaˬlaˬmeˬlehˆ hawˇ-eu Shaˬleˬzaˬ aˬ nyaꞈ nmˇ, aˬ yawꞈ-ahˇ mi cehˇ neh sehꞈ-awˇ, Aˬyaˬyaˇ miˇ kʼahˬ-ahˇ cehˆ-euˬ meh. Kʼoeˇ naˇ, aˬ yawꞈ-euˬ aˬ li Eˇsaˬhaˬdoˬ gʼaˬ aˬ yawꞈ-euˬ dah zaˇ sahˬ paˬ geuꞈ-euˬ meh.

Iˇsaˬyaˇ 47:13

Nawˬ-ahˇ nui noeˬ nui duˇ biꞈ-eu jawˇ kʼawꞈ, nawˇ gʼaˬ tiˬ pawꞈ-iˬ maˬ ahˇ-a. Ja maw nya-eu deuˬ mehˬ shi kuˇ doˆ-awˇ, nawˬ-ahˇ bi ka kʼoꞈ-awˬ. Aˬ guiˇ gaˇ kawˆ dzaw nya taˬ-awˇ, mˬ-ahˇ daˇ dza dehˬ jiˇ nya-eu, ba la aˬ yawꞈ siˬ yawꞈ kʼaˇ pyeuꞈ laˇ-eu gaˇ kawˆ, nawˬ-ahˇ ehˇ mehˬ nya-eu tsawˇ haˬ kʼoeˇ deuˬ, nawˬ-ahˇ bi ka kʼoꞈ-awˬ.

Yeˬlaˬmiˇ 10:5

Kʼoeˇ loꞈ-ehˇ gʼeh-eu tahˬ pahˬ aˬ ma mawˇ kawˇ deuˬ-aˬ, siˬ kʼoˬ kʼoˬ yaˇ bi loꞈ piˇ-eu gʼaˇ duˬ, gʼo yoeˬ neh jahˇ-euˬ tsawˇ haˬ mawˇ kawˇ-ahˇ duˇ-awˇ, dawˬ ngehˬ maˬ ngehˬ nya-a. Gaˇ ma maˬ cah nya-eu miˇ neh, tsawˇ haˬ neh ya bi baꞈ-eu meh. Tahˬ pahˬ aˬ ma mawˇ kawˇ deuˬ-ahˇ naw maꞈ taˬ guˆ. Naw maꞈ-ahˇ yaw doeˇ maˬ jahˇ laˇ nya-eu uˬ taꞈ, yaw muiˬ kʼawꞈ maˬ mˇ nehˬ nya-a.”

Yeˬlaˬmiˇ 48:13

Kʼoeˇ ngeh jawˇ, Beˬdeˬlaˇ miˬ yehˇ-ahˇ gʼoe-euˬ baˬ da neh, Iˇsaˬleˬlaˆ tsawˇ haˬ deuˬ kʼoeˇ taˆ shaꞈ dawˇ-eu jeˬ keuˆ le-euˬ loꞈ-ehˇ, Sheˬmoˇshaˆ miˬ yehˇ-ahˇ gʼoe-euˬ baˬ da neh, Mawˇbaˆ tsawˇ haˬ deuˬ kʼoeˇ taˆ shaꞈ dawˇ-eu jeˬ keuˆ le tehꞈ-a.

Yeˬlaˬmiˇ 48:35

Mawˇbaˆ tsawˇ haˬ deuˬ, aˬ yawꞈ maꞈ uˬ duˬ tahˬ-eu jawˇ duˬ-ahˇ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ yawꞈ maꞈ-euˬ miˬ yehˇ deuˬ-ahˇ lawˇ-eu shehˇ-eu jeˬ-ahˇ, bi naˬ leˇ jiˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 48:46

Mawˇbaˆ tsawˇ haˬ deuˬ gʼawˬ shaˇ shaˬ-ehˇ meh. Sheˬmiˇshaˆ miˬ yehˇ-ahˇ uˬ duˬ tahˬ-euˬ tsawˇ haˬ deuˬ cawˆ-iˇ-awˇ, aˬ yawꞈ maꞈ-euˬ aˬ buˇ aˬ li deuˬ -ahˇ aˬ cawˬ nyehꞈ byoˆ gʼeh-euˬ meh.

Yeˬlaˬmiˇ 48:7

“Mawˇbaˆ nawˇ-aˬ, yawˬ ha-euˬ gʼaˬ hawˇ-eu, yawˬ ha pyuˇ shuiˇ-ahˇ nui kʼaˬ tsmˬ-euˬ meh. Ehˇ kʼawꞈ, nymˬ-mˇ aˬ cawˬ neh guiˇ bi deuˆ gʼaˬ-awˇ, naw maꞈ-euˬ Sheˬmoˇshaˆ miˬ yehˇ kʼoeˇ yehˇ, sahˬ paˬ zaˬ yo deuˬ hawˇ-eu piˇ ma deuˬ nehˬ-ehˇ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a.

Bawˇtsahˬ 21:28

Meuˬ kʼoeˇ meuˬ paˇ tsoˆ muiˬ taˬ-euˬ gaˇ aˬ dui mawˇ mawꞈ nya. Aˇ hu, Heˬshaˬboˬ meuˬ heu meuˬ-ahˇ neh, Siˇhoˬ-euˬ guiˇ maꞈ deuˬ miˬ dzaˬ loꞈ-ehˇ doˆ-iˇ-awˇ, Mawˇbaˆ miˇ kʼahˬ Aˇlaˆ meuˬ-ahˇ laˆ cawˆ-awˇ, Aˬnoˬ tahˬ mehˇ gawˬ jawˬ-ahˇ dzoeˬ-euˬ meh.

Bawˇtsahˬ 22:39

Kʼoeˇ naˇ, Huˇzoˆ meuˬ-ahˇ, Baˬlehˇ nehˬ-ehˇ Baˬlamˬ le-euˬ meh.

Bawˇtsahˬ 22:41

Yawˬ shawˬ yawˬ, Baˬlamˬ-ahˇ Baˬmo baˬlaˇ meuˬ-ahˇ Baˬlehˇ sheuˬ gʼeh-euˬ meh. Kʼoeˇ gaˇ le keuˆ naˇ, Iˇsaˬleˬlaˆ tsawˇ haˬ tiˬ paˆ na deuˬ-ahˇ haw mawˇ nya-eu meh.

Bawˇtsahˬ 23:14

Piˇsaˬgaˬ gawˬ jawˬ uˬ du jaˆ-eu Zoˇpymˬ deh yaˇ-ahˇ, Baˬlamˬ-ahˇ Baˬlehˇ sheuˬ gʼeh-euˬ meh. Kʼoeˇ gaˇ kʼawꞈ, lawˇ duˬ shiꞈ hmˬ aˬ yawꞈ tsoˆ-awˇ, aˬ yawꞈ hmˬ yawꞈ kʼoeˇ taˆ, mawˇ neˇ mawˇ gaw tiˬ mawˇ hawˇ-eu yawˇ aˬ buˬ tiˬ mawˇ lawˇ-euˬ meh.

Bawˇtsahˬ 23:28

Kʼoeˇ naˇ, bawˇ tsahˬ bawˇ dahˇ dawˬ peh jaˆ-eu Peˬoˇ gawˬ jawˬ uˬ du, Baˬlamˬ-ahˇ Baˬlehˇ sheuˬ daˆ gʼeh-euˬ meh.

Bawˇtsahˬ 24:17

Aˬ kaˇ keuˆ le-eu aˇ yamˬ-ahˇ ngaˇ haw gʼeh-awˇ, Iˇsaˬleˬlaˆ tsawˇ jeuˬ-ahˇ ngaˇ mawˇ-euˬ ma. Yaw shehꞈ bya-eu aˬ guiˇ loꞈ-ehˇ, aˬ yawꞈ maꞈ-euˬ tsawˇ jeuˬ laꞈ kʼoeˇ, sahˬpaˬ tiˬ gʼaˬ doˆ laˇ tehꞈ-a. Aˬ guiˇ smˇ miˇ iˇ-eu loꞈ-ehˇ, Iˇsaˬleˬlaˆ tsawˇ jeuˬ laꞈ kʼoeˇ, ja pyuˬ ni ga keuˆ le tehꞈ-a. Mawˇbaˆ tsawˇ haˬ aˬ yuiꞈ aˬ tsu deuˬ-ahˇ aˬ yawꞈ diˬ-awˇ, Seˬtaˆ tsawˇ haˬ dawˬ tawˆ luꞈ-ahˇ aˬ yawꞈ dawꞈ lah nehˬ jiˇ tehꞈ-a.