Iˇsaˬyaˇ 16:1 - Akha

¹ Yeˬluˇsaˬlehˬ meuˬ-ahˇ uˆ lahˇ-eu gʼaˬ jawˇ gaˇ, kʼaˇ shuiꞈ deh yaˇ-ahˇ jaˆ-eu Seˇlaˇ meuˬ-ahˇ neh, Mawˇbaˆ tsawˇ haˬ deuˬ yawˇ zaˬ tiˬ mawˇ laꞈ sawˬ biꞈ gʼeh-euˬ meh.

Iˇsaˬyaˇ 16:1 ပူးပေါင်းရင်းမြစ်များ

2 Saˬmeuˬlaˆ 8:2

Kʼoeˇ naˇ, Mawˇbaˆ tsawˇ haˬ deuˬ-ahˇ aˬ yawꞈ guiˇ deuˆ gʼaˬ-euˬ meh. Guiˇ deuˆ ngeh nyehꞈ mi-euˬ deuˬ-ahˇ miˇ tsa bi yuꞈ-awˇ, smˬ bymˇ nyiˬ bymˇ sehꞈ-euˬ meh. Kʼoeˇ ngeh, Mawˇbaˆ tsawˇ haˬ deuˬ aˬ yawꞈ uˆ lahˇ-eu uˬ moˆ ya jawˇ-awˇ, aˬ yawꞈ-ahˇ kawˬ doˆ nehˬ-euˬ meh.

2 Sahˬpaˬ 14:7

Saˬdeuꞈ deh kʼawꞈ lehˇ kuˇ-eu tsahˇ-ahˇ, Eˬdoˬ tsawˇ haˬ tiˬ muiˇ gʼaˬ-ahˇ Aˬmaˬziˇ neh sehꞈ-euˬ meh. Seˇlaˇ meuˬ-ahˇ aˬ yawꞈ deuˆ za-awˇ, Yawˇkaˬdeˬlaˇ meuˬ lehˇ myahˇ paˇ nehˬ-euˬ loꞈ-ehˇ, iˬ nah keuˆ ni kʼoeˇ loꞈ-ehˇ kuˇ luꞈ-eu meh.

2 Sahˬpaˬ 3:4

Mawˇbaˆ sahˬ paˬ Meˬshaˬ-aˬ, yawˇ cu-eu tsawˇ haˬ pyeuꞈ-awˇ, tiˬ kʼoꞈ-euˬ yawˇ zaˬ tiˬ seh mawˇ maˬ ehˇ, yawˇ tiˬ seh mawˇ-ahˇ tehˬ uiˬ-euˬ yawˇ caꞈ hm deuˬ maˬ ehˇ, Iˇsaˬleˬlaˆ sahˬ paˬ-ahˇ ya biꞈ-eu meh.

Eˇzaˬlaˬ 7:17

“Pyuˇ kʼoeˇ deuˬ-ahˇ nawˇ saˇ jaˇ taˬ-awˇ zmˬ-eu laꞈ kʼoeˇ, mawˇ neˇ deuˬ, yawˇ deuˬ, yawˇ zaˬ deuˬ, cehˇ deuˬ hawˇ-eu aˬ gaꞈ dzaˇ uiˇ zeuˇ-awˇ, Yeˬluˇsaˬlehˬ meuˬ-euˬ Uˬ duˬ tahˬ nymˇ nymˇ ma-ahˇ jaˆ-eu lawˇ duˬ kʼoeˇ taˆ ya lawˇ meh.

Iˇsaˬyaˇ 10:32

Iˬ nah muiˇ-eu deuˬ Noˇbaˆ meuˬ-ahˇ oe keuˆ-awˇ, Ziˇoˬ gawˬ jawˬ hawˇ-eu Yeˬluˇsaˬlehˬ meuˬ-ahˇ, laꞈ du cawˬ doˆ-awˇ lmˬ tehꞈ-a.

Iˇsaˬyaˇ 42:11

Kʼaˇ shuiꞈ deh ga hawˇ-eu kʼoeˇ gaˇ jaˆ-eu meuˬ deuˬ, Miˬyehˇ-ahˇ ja ceuˬ-awˬ. Geˬdaˬ tsawˇ haˬ aˬ yawꞈ-ahˇ ja ceuˬ-awˬ. Seˇlaˇ meuˬ-ahˇ jawˇ-eu tsawˇ haˬ deuˬ kʼawꞈ, gawˬ jawˬ uˬ du laˬ kʼaˬ cehˇ-awˇ guˇ-awˬ.

Yeˬsaˬgeˬlaˇ 45:16

“Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, lawˇ-eu shehˇ-eu heu deuˬ Iˇsaˬleˬlaˆ tsawˇ jeuˬ-ahˇ uˆ lahˇ-eu sahˬ paˬ zaˬ yo jawˇ gaˇ ya yuˇ laꞈ meh.

Miˇkaˬ 4:8

Kʼoeˇ naˇ, yawˇ bo-eu tsawˇ haˬ loꞈ-ehˇ aˬ yawꞈ-euˬ tsawˇ haˬ deuˬ-ahˇ Miˬyehˇ haw piˇ-euˬ jawˇ duˬ pyeuꞈ-eu Yeˬluˇsaˬlehˬ meuˬ-oˇ, nawˇ-aˬ, nawˬ-euˬ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ paˇ pyeuꞈ laˇ tehꞈ-a.