Iˇsaˬyaˇ 15:9 - Akha

⁹ Diˇboˬ meuˬ-ahˇ yoeˇ-eu lawˇ baˬ shiˬ tehꞈ-ehˇ jaˆ kʼawꞈ, kʼoeˇ naˆ maˬ tseˇ paˇ jahˇ nehˬ-eu gʼaˇ duˬ, ngaˇ lehˬ hmˬ taˬ-euˬ ma. Cehˆ dzeuˇ-euˬ Mawˇbaˆ tsawˇ haˬ deuˬ kʼoeˇ taˆ maˬ ehˇ, jawˇ yaꞈ-euˬ Mawˇbaˆ tsawˇ haˬ deuˬ kʼoeˇ taˆ maˬ ehˇ, aˇ laˬ jaˬ shiˇ pyehˬ gʼeh leꞈ ma.

Iˇsaˬyaˇ 15:9 ပူးပေါင်းရင်းမြစ်များ

2 Sahˬpaˬ 17:25

Aˬ yawꞈ maꞈ kʼoeˇ gaˇ jawˇ beh beh le ngeh Sahˬpaˬ Miˬyehˇ-ahˇ uˬ duˬ maˬ tahˬ-eu miˇ neh, Sahˬpaˬ Miˬyehˇ neh aˇ laˬ jaˬ shiˇ pyehˬ gʼeh leꞈ-awˇ, aˬ yawꞈ maꞈ tiˬ paˆ na deuˬ-ahˇ bi kawꞈ sehꞈ-euˬ meh.

Iˇsaˬyaˇ 15:8

Mawˇbaˆ miˇ kʼahˬ tiˬ jawˬ tsawˇ ngoeˇ ngoeˇ-eu teˇ saˇ, Eˇgaˬleˬ hawˇ-eu Beˬlaˇeˬlmˬ meuˬ-ahˇ gaˬ keuˆ-eu meh.

Yeˬlaˬmiˇ 15:3

Guˆ dui dui laˇ paˬ-ehˇ gʼeh-eu oeˬ jeˬ, aˬ yawꞈ maꞈ-euˬ kʼoeˇ taˆ bi keuˆ le-eu gʼaˇ duˬ, Sahˬpaˬ Miˬyehˇ pyeuꞈ-eu ngaˇ noeˬ tsehˆ taˬ-euˬ ma. Aˬ yawꞈ maꞈ guiˇ deuˆ gaˇ bi sehꞈ tehꞈ-a. Aˬ yawꞈ-euˬ gʼawˇ mawˇ-ahˇ aˬ kuiˬ baꞈ tehꞈ-a. Aˇ jiˇ deuˬ aˬ yawꞈ maꞈ-ahˇ toˆ dzaˬ-awˇ, dzeˇ-eu deuˬ-ahˇ bawˇ tsahˬ jeˬ zaˬ deuˬ dzaˬ tehꞈ-a.

Yeˬlaˬmiˇ 50:17

Sahˬpaˬ Miˬyehˇ heu loꞈ-ehˇ ehˇ-eu meh. “Iˇsaˬleˬlaˆ tsawˇ haˬ deuˬ-aˬ, aˇ laˬ jaˬ shiˇ neh bi teh byaˆ-euˬ yawˇ deuˬ-ahˇ duˇ-eu meh. Yaw beh Aˬshuˇliˆ sahˬ paˬ neh bi kawꞈ sehꞈ dzaˬ-awˇ, kʼoeˇ naˇ, Baˬbuˇloˬ sahˬ paˬ Neˬbuˬkaˬneˬzaˬ neh shaˬ yoeˬ bi teuꞈ byoˆ jiˇ-euˬ meh.

Uˬ duˬ 26:18

“Kʼoeˇ loꞈ-ehˇ pyeuꞈ laˇ gʼaˬ-euˬ kʼawꞈ, ngaˬ-euˬ ehˇ dawˬ-ahˇ naw maꞈ maˬ naˇ haˬ geuꞈ naˇ, shiꞈ bymˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ keuˆ le tehꞈ-a.

Uˬ duˬ 26:24

yaw beh naˆ maˬ tseˇ shiꞈ bymˇ kʼaˆ dzehˬ-euˬ kʼehˬ-eu kʼaˆ-eu jeˬ, naw maꞈ kʼoeˇ taˆ ngaˇ paˇ bi keuˆ le ma.

Uˬ duˬ 26:28

ngaˇ nui ma pehˇ laˇ-eu laꞈ kʼoeˇ, yaw beh naˆ maˬ tseˇ shiꞈ bymˇ paˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ paˇ bi keuˆ le ma.

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.

Bawˇtsahˬ 21:30

Ehˇ kʼawꞈ, nymˬ-mˇ aˬ yawꞈ maꞈ-euˬ zaˬ deuˬ uˆ deuˬ-ahˇ Heˬshaˬboˬ-ahˇ neh Diˇboˬ-ahˇ doˆ ni maˬ ehˇ, Naˬshiˬ-ahˇ neh Meˬdeˬbaˬ dawˬ peh jaˆ-eu Nawˇpaˬ-ahˇ keuˆ ni maˬ ehˇ, Nga maꞈ laˆ luˬ laˆ seˇ nehˬ jiˇ-euˬ ma.”