Iˇsaˬyaˇ 15:1 - Akha

¹ Heu-aˬ, Mawˇbaˆ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Mawˇbaˆ miˇ kʼahˬ laꞈ kʼoeˇ jaˆ-eu, Aˇlaˆ meuˬ hawˇ-eu Kiˇlaˆ meuˬ, tiˬ miˇ tehꞈ-ehˇ bi laˆ cawˆ-awˇ, Mawˇbaˆ miˇ kʼahˬ ciˬ cuˇ ni jaˆ-eu meh.

Iˇsaˬyaˇ 15:1 ပူးပေါင်းရင်းမြစ်များ

2 Sahˬpaˬ 3:25

Meuˬ deuˬ-ahˇ aˬ yawꞈ maꞈ laˆ cawˆ nehˬ jiˇ-awˇ, deh yaˇ kʼaˇ muiˬ-eu kʼaˬ lo lo gahˬ pyeuꞈ jiˇ ni, tiˬ gʼaˬ-euˬ kʼaˬ lo tiˬ siˬ yawˬ gʼaˬ na luꞈ biˬ ahˇ-euˬ meh. Iˇ cuꞈ lah duˬ deuˬ-ahˇ aˬ yawꞈ maꞈ duˬ tsoeˬ-awˇ, aˇ siˬ aˇ bawˇ deuˬ tuˇ dzeh-euˬ meh. Aˇ saˬ saˬ laˇ ngeh, sahˬ paˬ jawˇ-eu meuˬ pyeuꞈ-eu Kiˇlaˆheˬyehˆ meuˬ tiˬ meuˬ tehꞈ-ehˇ maˬ cawˆ-iˇni dzeˇ-eu meh. Caˬ oeˬ pi luꞈ-eu deuˬ meuˬ kʼoeˇ meuˬ-ahˇ loꞈ jawˬ-awˇ guiˇ deuˆ-euˬ meh.

Iˇsaˬyaˇ 11:14

Ehˇ kʼawꞈ, aˬ yawꞈ maꞈ nui ma gm-eu laꞈ kʼoeˇ, nahˇ ma ga kʼehˬ paw-euˬ Piˇliˇtiˆ tsawˇ haˬ-ahˇ guiˇ deuˆ-awˇ, nahˇ ma doˆ kʼehˬ paw jawˇ-eu tsawˇ haˬ deuˬ-euˬ pyuˇ shuiˇ deuˆ geuꞈ tehꞈ-a. Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬmoˬ miˇ kʼahˬ aˬ yawꞈ maꞈ-euˬ laꞈ oꞈ awꞈ tehꞈ-a.

Iˇsaˬyaˇ 13:1

Heu-aˬ, Miˬyehˇ neh Aˬmoˆ-euˬ aˬ li Iˇsaˬyaˇ-ahˇ pah mehˬ nehˬ-euˬ, Baˬbuˇloˬ meuˬ-ahˇ taꞈ leˇ-eu gaˇ kawˆ deuˬ meh.

Iˇsaˬyaˇ 14:28

Heu-aˬ, sahˬ paˬ Aˬkaˆ shiˇ ngeh kʼoꞈ keuˆ le-euˬ Sahˬpaˬ Miˬyehˇ-euˬ dawˬ neh.

Iˇsaˬyaˇ 16:11

Mawˇbaˆ miˇ kʼahˬ gʼaˇ duˬ ngaˇ tsawˇ ngoeˇ ngoeˇ-awˇ, Kiˇlaˆheˬyehˆ meuˬ gʼaˇ duˬ ngaˇ shaˬ zahˬ mˇ-eu ma.

Iˇsaˬyaˇ 16:6

Yuˇdaˆ tsawˇ haˬ deuˬ ehˇ-eu, “Mawˇbaˆ tsawˇ haˬ deuˬ jahˇ gʼeh-eu gaˇ kawˆ, nga maꞈ ya gaˬ gʼaˬ taˬ-euˬ ma. Aˬ yawꞈ maꞈ kʼahˬ sehˇ huiˬ-awˇ jahˇ gʼeh sehꞈ kʼawꞈ, aˬ yawꞈ maꞈ neh kʼahˬ sehˇ jehˆ-euˬ awˬ kʼawꞈ tehꞈ meh.”

Iˇsaˬyaˇ 16:7

Kʼoeˇ miˇ neh Mawˇbaˆ tsawˇ haˬ deuˬ tsawˇ ngoeˇ ya ngoeˇ tehꞈ-a. Mawˇbaˆ miˇ kʼahˬ gʼaˇ duˬ ga uiˬ-awˇ ngoeˇ tehꞈ-a. Kiˇlaˆheˬyehˆ meuˬ-ahˇ jawˇ ngeh dzaˬ-euˬ, kuiˇ dui dui-eu aˬ gaꞈ kaˬ muˇ-ahˇ noeˬ mawˇ-awˇ, ya ngoeˇ sehꞈ leꞈ tehꞈ-a.

Iˇsaˬyaˇ 25:10

Ziˇoˬ gawˬ jawˬ-ahˇ Sahˬpaˬ Miˬyehˇ haw piˇ tehꞈ-a. Ehˇ kʼawꞈ, gʼo yoeˬ-ahˇ mawˇ neˇ keˬ duˬ kʼawꞈ laꞈ kʼoeˇ nawˬ pahˬ nehˬ-eu loꞈ-ehˇ, Mawˇbaˆ tsawˇ haˬ deuˬ-ahˇ aˬ yawꞈ nawˬ pahˬ tehꞈ-a.

Iˇsaˬyaˇ 25:12

Mawˇbaˆ tsawˇ jeuˬ-euˬ goˇ dui dui-eu meuˬ meuˬ lahˇ-ahˇ aˬ yawꞈ bi coˬ-iˇ-awˇ, laˆ meuˇ laˆ loeˇ nehˬ tehꞈ-a.

Yeˬlaˬmiˇ 9:26

Iˇjiˇtuˆ miˇ kʼahˬ, Yuˇdaˆ miˇ kʼahˬ, Eˬdoˬ miˇ kʼahˬ, Aˬmoˬ miˇ kʼahˬ, Mawˇbaˆ miˇ kʼahˬ hawˇ-eu gaˇ mahˇ kaˬ gaˇ jaˆ-eu kʼaˇ shuiꞈ deh ga miˇ kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ-ahˇ, ngaˇ kʼehˬ nehˬ kʼaˆ nehˬ ma. Gaˇ mahˇ kaˬ-eu kʼaˇ shuiꞈ deh ga miˇ kʼahˬ-ahˇ jawˇ-eu tsawˇ jeuˬ heu deuˬ dawˬ tawˆ luꞈ, nui ma keuˆ-awˇ uˬ jehˆ jehˆ dzeh-eu maˬ ngeuˇ-a. Iˇsaˬleˬlaˆ tsawˇ ha dawˬ tawˆ luꞈ kʼawꞈ, nui ma laꞈ kʼoeˇ keuˆ ni baˆ kʼoˆ mehˬ dzaˬ yehˬ taˬ-euˬ tiˬ gʼaˬ-iˬ maˬ ahˇ-a.”

Bawˇtsahˬ 21:28

Meuˬ kʼoeˇ meuˬ paˇ tsoˆ muiˬ taˬ-euˬ gaˇ aˬ dui mawˇ mawꞈ nya. Aˇ hu, Heˬshaˬboˬ meuˬ heu meuˬ-ahˇ neh, Siˇhoˬ-euˬ guiˇ maꞈ deuˬ miˬ dzaˬ loꞈ-ehˇ doˆ-iˇ-awˇ, Mawˇbaˆ miˇ kʼahˬ Aˇlaˆ meuˬ-ahˇ laˆ cawˆ-awˇ, Aˬnoˬ tahˬ mehˇ gawˬ jawˬ-ahˇ dzoeˬ-euˬ meh.

Dawˬmehˬ 2:18

‘Aˇlaˆ meuˬ jaˆ-eu paw kahˇ neh, Mawˇbaˆ miˇ kʼahˬ-ahˇ iˬ nah naw maꞈ ya le tsehˆ meh.

Dawˬmehˬ 2:19

Kʼoeˇ naˇ, Lawˇtaˬ-euˬ zaˬ deuˬ uˆ deuˬ pyeuꞈ-eu Aˬmoˬ tsawˇ jeuˬ jawˇ-eu miˇ kʼahˬ dawˬ peh naw maꞈ le keuˆ tehꞈ-a. Aˬ yawꞈ maꞈ-ahˇ naw maꞈ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˇ kʼahˬ naw maꞈ-ahˇ ngaˇ maˬ biꞈ’ lehˇ ehˇ-eu meh.”

Dawˬmehˬ 2:9

Sahˬpaˬ Miˬyehˇ ngaˬ-ahˇ ehˇ-eu, ‘Lawˇtaˬ-euˬ zaˬ deuˬ uˆ deuˬ pyeuꞈ-eu Mawˇbaˆ tsawˇ haˬ deuˬ-ahˇ taˬ laˆ bahˬ nehˬ. Guiˇ kʼawꞈ taˬ deuˆ nehˬ. Aˬ jeˬ miˇ neh ehˇ naˇ, ngaˇ aˬ yawꞈ maꞈ-ahˇ Aˇlaˆ meuˬ biꞈ taˬ-euˬ ma. Aˬ yawꞈ maꞈ-euˬ miˇ kʼahˬ tiˬ pyehˬ tehˬ-ehˇ kʼawꞈ, naw maꞈ-ahˇ ngaˇ maˬ biꞈ’ lehˇ ehˇ-eu meh.”