Iˇsaˬyaˇ 14:4 - Akha

⁴ Aˬ yawꞈ kʼoeˇ loꞈ-ehˇ ka kʼoꞈ nehˬ ngeh, aˬ yawꞈ maꞈ Baˬbuˇloˬ sahˬ paˬ-ahˇ cehꞈ lehꞈ ka-eu laꞈ kʼoeˇ heu loꞈ-ehˇ ehˇ tehꞈ-a. “Aˬ cawˬ-ahˇ kʼehˬ-eu sahˬ paˬ-euˬ aˇ yamˬ jiˇ-euˬ meh. Aˬ yawꞈ aˬ cawˬ-ahˇ maˬ paˇ kʼehˬ nya meh.

Iˇsaˬyaˇ 14:4 ပူးပေါင်းရင်းမြစ်များ

2 Laˬsaˬbaˬ 36:18

Sahˬ paˬ kʼoeˇ gʼaˬ Uˬ duˬ tahˬ nymˇ nymˇ ma-ahˇ maˬ ehˇ, kʼoeˇ gaˇ jaˆ-eu pyuˇ shuiˇ myawˬ gahˬ deuˬ-ahˇ maˬ ehˇ, Yuˇdaˆ sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ pyuˇ shuiˇ myawˬ gahˬ deuˬ-ahˇ maˬ ehˇ, goˬ doe jiˇ-awˇ, yawˬ jeˬ na luꞈ Baˬbuˇloˬ miˇ kʼahˬ-ahˇ yuˇ kʼoꞈ gʼeh jiˇ-euˬ meh.

Iˇsaˬyaˇ 13:1

Heu-aˬ, Miˬyehˇ neh Aˬmoˆ-euˬ aˬ li Iˇsaˬyaˇ-ahˇ pah mehˬ nehˬ-euˬ, Baˬbuˇloˬ meuˬ-ahˇ taꞈ leˇ-eu gaˇ kawˆ deuˬ meh.

Iˇsaˬyaˇ 13:19

Miˇ kʼahˬ dawˬ tawˆ luꞈ kʼoeˇ taˆ, Baˬbuˇloˬ miˇ kʼahˬ yaw shehꞈ kʼahˬ sehˇ huiˬ-eu miˇ neh, aˬ yawꞈ-euˬ tsawˇ haˬ deuˬ kʼahˬ sehˇ jaˆ kʼawꞈ Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, Sahˬpaˬ Miˬyehˇ pyeuꞈ-eu ngaˇ laˆ luˬ laˆ seˇ nehˬ ma.

Iˇsaˬyaˇ 14:17

Miˇ tsaˬ tahˬ kʼawˇ-ahˇ kʼaˇ shuiꞈ shuiꞈ yaˇ laˆ pyeuꞈ-awˇ, meuˬ deuˬ deh byaˆ jiˇ-awˇ, kʼaˇ nyehꞈ mi-euˬ tsawˇ haˬ-ahˇ maˬ pyehˬ nehˬ-eu kʼoeˇ gʼaˬ, aˬ yawꞈ maˬ ngeuˇ-a loˇ.

Iˇsaˬyaˇ 14:5

Yaw haiˬ-euˬ daˇ cuiˇ dzoeˬ dzaˬ gawˬ yoeˬ, Sahˬpaˬ Miˬyehˇ neh bi ngawˬ kʼehꞈ-euˬ meh.

Iˇsaˬyaˇ 14:6

Miˇ kʼahˬ zaˬ-ahˇ maˬ naˬ leˇ ni diˬ-awˇ, miˇ kʼahˬ tsawˇ jeuˬ-ahˇ maˬ tsehˆ leˇ ni zuiˆ-euˬ, gʼawˬ shaˬ gaˬ-eu maˬ siˬ nya-eu dzoeˬ dzaˬ gawˬ yoeˬ kʼoeˇ meh.

Iˇsaˬyaˇ 16:4

Naw maꞈ miˇ kʼahˬ laꞈ kʼoeˇ nga maꞈ-ahˇ bi jawˇ laꞈ-awˇ, nga maꞈ-ahˇ laˆ cawˆ mawꞈ-eu deuˬ maˬ bi laˇ ni, haw teˬ haw piˇ laꞈ-awˬ.” (Kʼehˬ-eu kʼaˆ-eu jeˬ hawˇ-eu laˆ luˬ laˆ seˇ-eu jeˬ aˇ saˬ saˬ le tehꞈ-a. Miˇ kʼahˬ-ahˇ laˆ cawˆ le-eu deuˬ iˇ byoˆ jiˇ tehꞈ-a.

Iˇsaˬyaˇ 21:2

Kʼehˬ-eu kʼaˆ-eu jeˬ hawˇ-eu ceh geuꞈ lu geuꞈ-eu jeˬ maˬ ehˇ, saˇ jaˇ puiˬ-eu jeˬ hawˇ-eu laˆ luˬ laˆ seˇ-eu jeˬ maˬ ehˇ, yaw sahˇ laꞈ kʼoeˇ ngaˇ ya mawˇ-euˬ ma. Eˇlamˬ guiˇ maꞈ deuˬ-oˇ, guiˇ deuˆ-awˬ. Meˬdiˇ guiˇ maꞈ deuˬ-oˇ, meuˬ deuˬ-ahˇ loꞈ jawˬ-awˬ. Baˬbuˇloˬ meuˬ baˬ da neh myaˆ biˇ ya yoeˇ-eu jeˬ, Miˬyehˇ aˇ saˬ bi saˬ tehꞈ-a.

Iˇsaˬyaˇ 47:5

Sahˬpaˬ Miˬyehˇ ehˇ-eu, “Baˬbuˇloˬ aˬ buˇ-oˇ, yaw zahˇ laꞈ kʼoeˇ ciˬ cuˇ ni gʼeh gaˇ dzuˇ-awˬ. Tsawˇ jeuˬ dawˬ tawˆ luꞈ-euˬ sahˬ paˬ ma meh lehˇ, aˬ cawˬ nawˬ-ahˇ maˬ paˇ kuˇ meh.

Iˇsaˬyaˇ 49:26

Nawˬ-ahˇ kʼehˬ-eu tsawˇ haˬ tiˬ gʼaˬ tiˇ gʼaˬ shaˬ jiˇ dzaˬ ni ngaˇ jahˇ nehˬ-awˇ, jiˇ baˬ yehꞈ-eu loꞈ-ehˇ yawˬ ha-euˬ shiˬ dawˇ yehꞈ tehꞈ-a. Kʼoeˇ naˇ ngaˇ Sahˬpaˬ Miˬyehˇ pyeuꞈ-eu gaˇ kawˆ-ahˇ, tsawˇ jeuˬ dawˬ tawˆ luꞈ ya siˬ duˬ tehꞈ-a. Naw maꞈ-ahˇ ka kʼoꞈ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. Ngaˇ Iˇsaˬleˬlaˆ-euˬ baoˬ huiˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a.”

Iˇsaˬyaˇ 51:13

Mˬ toˆ pyeh-awˇ miˇ tsaˬ dawˬ pehˬ pehˬ-euˬ yaw sahˇ, Sahˬpaˬ Miˬyehˇ-ahˇ naw maꞈ ngehˇ teˬ loˇ. Naw maꞈ-ahˇ laˆ cawˆ-eu gʼaˇ duˬ lehˬ hmˬ luꞈ-eu, naw maꞈ-ahˇ kʼehˬ-eu deuˬ-euˬ nui pehˇ-ahˇ, aˬ jeˬ miˇ neh maˬ tsehˆ leˇ ni guˆ te. Aˬ yawꞈ maꞈ-euˬ nui pehˇ naw maꞈ-ahˇ maˬ laˆ deuˬ nya-a.

Iˇsaˬyaˇ 51:23

Naw maꞈ-ahˇ gaˇ ma doe ni bi ga-awˇ, kʼaˬ lehˇ-ahˇ nawˬ-eu loꞈ-ehˇ naw maꞈ kʼoeˇ taˆ nawˬ-awˇ cah-eu, naw maꞈ-ahˇ kʼehˬ-eu tsawˇ haˬ kʼoeˇ deuˬ-ahˇ, kʼmˬ maˬ kʼoeˇ ngaˇ ciˬ nehˬ-awˇ bi dawˇ ma.”

Iˇsaˬyaˇ 54:14

Yaw tsaˬ yaw dawˇ jeˬ nawˬ-ahˇ gʼaˬ bi kʼaˆ laˇ-awˇ, guˆ-eu gaˆ-eu kʼehˬ-eu kʼaˆ-eu jeˬ-ahˇ, nawˇ ya buˬ-iˇ tehꞈ-a.

Iˇsaˬyaˇ 9:4

Aˬ yawꞈ maꞈ-ahˇ daˇ awˆ taˬ-euˬ kʼaˆ baꞈ kawˬ hawˇ-eu, aˬ yawꞈ maꞈ-euˬ baꞈ pu-ahˇ deh-eu daˇ kawˬ-ahˇ, nawˇ ngawˬ kʼehꞈ nehˬ-euˬ meh. Aˇ hu Miˇdiˬyaˬ guiˇ maꞈ-ahˇ nawˇ deuˆ gʼaˬ-euˬ loꞈ-ehˇ, nawˬ-euˬ tsawˇ haˬ-ahˇ nawˬ dzaˬ kʼaˆ dzaˬ-euˬ tsawˇ jeuˬ-ahˇ, nawˇ deuˆ gʼaˬ nehˬ-euˬ meh.

Yeˬlaˬmiˇ 24:9

Guˆ dui dui laˇ paˬ-ehˇ gʼeh-eu shaˬ-eu zahˬ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-iˇ tehꞈ-a. Aˬ yawꞈ maꞈ-ahˇ aˬ cawˬ ja bu ja doeˇ-awˇ, kʼaˇ ehˇ mawꞈ-eu jeˬ ehˇ niˇ gʼa-eu uˬ taꞈ, ngaˬ neh aˬ yawꞈ maꞈ-ahˇ kʼaˇ teh byaˆ-euˬ jawˇ duˬ laꞈ kʼoeˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ-ahˇ dawˬ daˬ daˬ-awˇ yaˬ tehꞈ-a.

Yeˬlaˬmiˇ 48:17

“Miˇ kʼahˬ tsawˇ myahˇ doˆ-euˬ kʼaˇ siˬ nya-eu, dawˬ peh jawˇ-eu tsawˇ jeuˬ dawˬ tawˆ, miˇ kʼahˬ kʼoeˇ kʼahˬ gʼaˇ duˬ tsawˇ ngoeˇ ngoeˇ-awˬ. Aˬ yawꞈ dzoeˬ dzaˬ kʼehꞈ-iˇ kʼoeˆ-iˇ jiˇ-awˇ, baoˬ hawˇ-eu kʼahˬ sehˇ maˬ paˇ jaˆ meh lehˇ ehˇ-awˬ.

Ngoeˇ dawˬ 4:1

Yaw shehꞈ guiˇ nyiˬ ni bya-euˬ shuiˇ, yaw shehꞈ byoˆ-iˇ jiˇ shaw-euˬ meh. Muiˬ-eu shawˇ-eu kʼaˬ lo tsaˬ byaˆ, gaˇ ma doe ni ga luꞈ-eu meh.

Yeˬsaˬgeˬlaˇ 5:15

“Nawˬ-ahˇ ngaˇ nui ma pehˇ-awˇ kʼehˬ nehˬ kʼaˆ nehˬ ngeh, nawˬ-euˬ tiˬ jawˬ jawˇ-eu tsawˇ jeuˬ dawˬ tawˆ luꞈ tsawˬ guˆ-iˇ tehꞈ-a. Aˬ yawꞈ maꞈ nawˬ-ahˇ nui daˆ daˆ-awˇ, ja bu ja doeˇ tehꞈ-a.

Daˬyeˬlaˇ 2:38

Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ maˬ ehˇ, jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼoeˇ taˆ maˬ ehˇ, nawˇ bi uˆ lahˇ-euˬ meh. Nawˇ-aˬ, shuiˇ uˬ duˬ kʼoeˇ siˬ meh.

Haˬbaˬkuˆ 2:17

Leˬbaˬnoˬ sahˬ kʼaˆ nawˇ tuˇ-euˬ, nawˬ-ahˇ tuˇ poˆ gaˇ ya daˬ-awˇ, bawˇ tsahˬ jeˬ zaˬ-ahˇ nawˇ sehꞈ-euˬ, jeˬ zaˬ nawˬ-ahˇ paˇ sehꞈ tehꞈ-a. Tsawˇ haˬ-euˬ shiˬ nawˇ sehꞈ yoeˇ-awˇ, miˇ tsaˬ-ahˇ nawˇ kʼehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.

Panmaeq 17:6

Zaˬ miˬ zaˬ kʼoeˇ gʼaˬ-aˬ, Miˬyehˇ-euˬ tsawˇ haˬ deuˬ-euˬ shiˬ hawˇ-eu, Yeˬsuˇ-ahˇ saˇ jaˇ ziꞈ-eu miˇ neh bi sehꞈ-euˬ tsawˇ haˬ deuˬ-euˬ shiˬ dawˇ yehꞈ taˬ-euˬ gaˇ ya mawˇ-euˬ ma. Zaˬ miˬ zaˬ kʼoeˇ gʼaˬ-ahˇ ya mawˇ ngeh, ngaˇ zahˬ leˇ-euˬ ma.

Panmaeq 18:16

“Aˬ huˇ-i, huiˬ-eu meuˬ-ahˇ haw sheˇ. paˇ pyuˇ paˇ shawˇ dm-awˇ, paˇ neˇ neˇ naˆ dm-awˇ, shuiˇ myawˬ guˇ deuˬ geuꞈ-awˇ, kʼaˬ lo sehˇ deuˬ geuꞈ-awˇ, caˇ kʼawꞈ sehˇ deuˬ geuꞈ-euˬ,

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”