Iˇsaˬyaˇ 14:31 - Akha

³¹ Meuˬ lahˇ kʼehˬ-oˇ, guˇ-awˬ. Meuˬ-oˇ, ngoeˇ-awˬ. Piˇliˇtiˆ tsawˇ haˬ deuˬ-oˇ, guˆ dui dui-awˬ. Laꞈ taˆ paw pyawˬ-ahˇ uˬ kʼoeˬ du doˆ laˇ luꞈ-eu kʼoeˇ, guiˇ maꞈ maꞈ ma pyeuꞈ-awˇ, guˆ-eu nui ma ahˇ-eu tiˬ gʼaˬ-iˬ maˬ keuˬ-a.

Iˇsaˬyaˇ 14:31 ပူးပေါင်းရင်းမြစ်များ

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Iˇsaˬyaˇ 14:29

“Piˇliˇtiˆ tsawˇ haˬ kʼaˇ jawˇ kʼaˇ deuˬ-oˇ, naw maꞈ-ahˇ diˬ-eu daˇ cuiˇ kʼehꞈ-iˇ-euˬ miˇ neh, naw maꞈ laˬ kʼaˬ taˬ cehˇ. Shiˇ dzeuˇ-euˬ aˇ lawˇ kʼoeˇ mawˇ-euˬ duˬ ciˇ-ahˇ, doꞈ kʼaˆ dzehˬ-eu aˇ lawˇ yaw shuiꞈ doˆ laˇ tehꞈ-a. Aˇ lawˇ ya uˆ ceuꞈ deˇ laˇ ngeh, zaw nya-eu aˇ lawˇ ceuꞈ doˆ leꞈ tehꞈ-a.

Iˇsaˬyaˇ 16:7

Kʼoeˇ miˇ neh Mawˇbaˆ tsawˇ haˬ deuˬ tsawˇ ngoeˇ ya ngoeˇ tehꞈ-a. Mawˇbaˆ miˇ kʼahˬ gʼaˇ duˬ ga uiˬ-awˇ ngoeˇ tehꞈ-a. Kiˇlaˆheˬyehˆ meuˬ-ahˇ jawˇ ngeh dzaˬ-euˬ, kuiˇ dui dui-eu aˬ gaꞈ kaˬ muˇ-ahˇ noeˬ mawˇ-awˇ, ya ngoeˇ sehꞈ leꞈ tehꞈ-a.

Iˇsaˬyaˇ 20:1

Aˬshuˇliˆ sahˬ paˬ Saˬgoˬ neh, Aˬshuˇliˆ guiˇ maꞈ dawꞈ tawˆ luꞈ kʼoeˇ taˆ uˆ lahˇ-eu gʼaˬ-ahˇ dawˬ biꞈ-awˇ, Piˇliˇtiˆ miˇ kʼahˬ Aˬshaˬdoˇ meuˬ-ahˇ guiˇ bi deuˆ-iˇ-euˬ meh.

Iˇsaˬyaˇ 24:12

Meuˬ pyaˆ-iˇ shaˆ-iˇ-awˇ, meuˬ lahˇ laˇ gʼoˆ kʼehꞈ-iˇ kʼoeˆ-iˇ-euˬ meh.

Iˇsaˬyaˇ 26:1

Yuˇdaˆ miˇ kʼahˬ laꞈ kʼoeˇ caˇ dawˬ heu bymˇ ya caˇ-eu aˇ nah keuˆ le tehꞈ-a. Aˬ dui-euˬ meuˬ ziꞈ dui dui meh. Meuˬ meuˬ lahˇ-ahˇ Miˬyehˇ haw piˇ luꞈ meh.

Iˇsaˬyaˇ 3:26

Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Iˇsaˬyaˇ 34:16

Jeˬ zaˬ deuˬ gaˇ kawˆ boꞈ ahˇ taˬ-euˬ, Sahˬpaˬ Miˬyehˇ-euˬ sahˬ boꞈ pah haw sheˇ. Jeˬ zaˬ heu deuˬ tiˬ mawˇ-iˬ maˬ ya byoˆ-iˇ-eu uˬ taꞈ, aˇ gu ma baw-eu aˇ teˬ maˬ ya bi jawˇ-a lehˇ, Sahˬpaˬ Miˬyehˇ dawˬ biꞈ taˬ-eu jaˆ-awˇ, aˬ yawꞈ maꞈ-ahˇ aˬ yawꞈ tiˬ gaˇ sheuˬ dzoeˇ tehꞈ-a.

Iˇsaˬyaˇ 45:2

“Nawˬ-euˬ gʼaˇ duˬ ngaˇ gaˇ ma shaˇ dahˇ ma. Gawˬ jawˬ gawˬ duˇ deuˬ-ahˇ ngaˇ laˆ di ma. Guiˬ shuiˇ laˇ gʼoˆ deuˬ-ahˇ ngaˇ dehˬ pyaˆ-awˇ, shmˇ laˇ gʼoˆ bahˬ deuˬ ngawˬ kʼehꞈ ma.

Yeˬlaˬmiˇ 1:14

Kʼoeˇ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ, laꞈ taˆ paw neh shaˬ zahˬ guˆ gaˆ tahˬ kʼaˇ daˆ leꞈ tehꞈ-a.

Yeˬlaˬmiˇ 47:2

Sahˬpaˬ Miˬyehˇ heu loꞈ-ehˇ ehˇ-eu meh. “Haw yawˬ. Kʼoeˇ taˆ paw iˇ cuꞈ dahˬ goˇ daˆ laˇ-awˇ, iˇ jeuˬ jeuˬ le tehꞈ-a. Miˇ tsaˬ hawˇ-eu kʼaˇ jaˆ-eu jeˬ dawˬ tawˆ kʼoeˇ taˆ, meuˬ deuˬ hawˇ-eu meuˬ-ahˇ jawˇ-eu tsawˇ haˬ kʼoeˇ taˆ, iˇ cuꞈ yoeˇ pymˬ tehꞈ-a. Tsawˇ haˬ zaˬ deuˬ caw ba le-awˬ lehˇ guˇ tehꞈ-a. Miˇ tsaˬ zaˬ dawˬ tawˆ luꞈ guˇ guˇ-ehˇ ngoeˇ tehꞈ-a.

Yeˬlaˬmiˇ 47:4

Piˇliˇtiˆ-ahˇ laˆ cawˆ nehˬ-eu aˇ yamˬ keuˆ le-euˬ meh. Duˇlu hawˇ-eu Siˇdoˬ meuˬ-ahˇ ngehˬ gʼeh le-eu gaˇ ma, dawˬ tawˆ luꞈ bi deuˆ tsehˆ tehꞈ-a. Gaˬlaˬdeˬ laˆ shaˆ lawˇ deh paw neh jawˇ le-euˬ, Piˇliˇtiˆ tsawˇ haˬ kʼaˇ jawˇ kʼaˇ deuˬ-ahˇ Sahˬpaˬ Miˬyehˇ pyeuꞈ-eu ngaˇ laˆ cawˆ ma.