Iˇsaˬyaˇ 14:20 - Akha

²⁰ Nawˬ-euˬ miˇ kʼahˬ nawˇ laˆ cawˆ-awˇ, nawˬ-euˬ tsawˇ jeuˬ nawˇ sehꞈ-euˬ baˬ da neh, sahˬ paˬ nui deuˬ-ahˇ baꞈ pahˬ-euˬ loꞈ-ehˇ, aˬ cawˬ nawˬ-ahˇ maˬ baꞈ pahˬ-a. Haiˬ-eu tsawˇ haˬ deuˬ-euˬ zaˬ deuˬ uˆ deuˬ, tsawˇ myahˇ byoˆ-awˇ tsuiꞈ dahˬ dahˬ-iˇ tehꞈ-a.

Iˇsaˬyaˇ 14:20 ပူးပေါင်းရင်းမြစ်များ

2 Sahˬpaˬ 9:35

Ehˇ kʼawꞈ, tsawˇ haˬ kʼoeˇ deuˬ Yeˬsaˬbeˬlaˇ-ahˇ baꞈ pahˬ-eu lehˇ iˇ ngeh, uˬ duˬ kmˬ hawˇ-eu, aˬ kuiˇ aˬ laꞈ shaˬ yoeˬ tehꞈ-ehˇ dzeˇ gaˇ ya mawˇ-euˬ meh.

Yawˇbaˆ 18:16

Aˬ yawꞈ-euˬ duˬ ciˇ hawˇ-eu uˬ laꞈ deuˬ nyoeˬ-iˇ koˆ-iˇ jiˇ-euˬ meh.

Yawˇbaˆ 18:17

Aˬ yawꞈ-euˬ pu hawˇ-eu miˇ kʼahˬ doe ni aˬ yawꞈ tsawˇ myahˇ doˆ-eu byoˆ-iˇ-awˇ, aˬ cawˬ tiˬ gʼaˬ-iˬ aˬ yawꞈ-ahˇ maˬ paˇ siˬ nya meh.

Yawˇbaˆ 18:19

Aˬ yawꞈ zaˬ tiˬ gʼaˬ-iˬ maˬ jawˇ yaꞈ-ehˇ tsuiꞈ dahˬ dahˬ-iˇ tehꞈ-a.

Jaceuq 109:13

Aˬ yawꞈ-euˬ zaˬ deuˬ uˆ deuˬ shiˇ jiˇ-awˇ, zaˬ ziˇ-ahˇ aˬ yawꞈ-euˬ tsawˇ myahˇ byoˆ-iˇ luꞈ-uˇ.

Jaceuq 21:10

Aˬyawꞈmaꞈ-euˬzaˬdeuˬuˆdeuˬ, tiˬgʼaˬ-iˬ maˬbi dzeuˇ-iˇni, sahˬpaˬneh bi sehꞈjiˇtehꞈ-a.

Jaceuq 37:28

Yaw tsaˬyaw dawˇjeˬkeuˆle ni, SahˬpaˬMiˬyehˇgaˬ-eu miˇneh, muiˬ-eu shawˇ-eu tsawˇhaˬdeuˬ-ahˇ, aˬyawꞈbyehˇdzeh-eu maˬbaw-ehˇ, mˬmaˬmaˬbyaˆdah teˬ-eu meh. Ehˇkʼawꞈyaw haiˬ-euˬzaˬdeuˬ-ahˇ, teh dzeh nehˬ-awˇbi shaˬtehꞈ-a.

Dawˬ tsoˆ 6:3

Tsawˇ haˬ tiˬ gʼaˬ, zaˬ aˇ yaˇ gʼaˬ ya cu-awˇ, ziˇ baw dui dui kʼawꞈ, yaw dehꞈ dehꞈ ngeh nui saˇ maˬ oꞈ-ehˇ, shiˇ ngeh yaw muiˬ-ehˇ baꞈ pahˬ nehˬ-eu gʼaˬ maˬ jawˇ naˇ, yaw shiˇ-ehˇ yoeˇ dzeh-euˬ zaˬ nahˬ maˬ tawˬ-a.

Iˇsaˬyaˇ 1:4

Iˬ baˇ huiˬ-eu tsawˇ jeuˬ law hawˇ nga. Iˬ baˇ neh bi ciˬ tehˬ sehꞈ law hawˇ nga. Yaw haiˬ-euˬ zaˬ pyeuꞈ-awˇ, yaw bahˬ je poˆ-eu nga. Sahˬpaˬ Miˬyehˇ-ahˇ aˬ yawꞈ maꞈ byehˇ dzeh-awˇ, Iˇsaˬleˬlaˆ-euˬ Muiˬ-eu shawˇ-eu gʼaˬ-ahˇ byehˇ dzeh-euˬ nga. Maˇ maˇ ni byehˇ tsehˆ tsehˆ-euˬ nga.

Iˇsaˬyaˇ 31:2

Ehˇ kʼawꞈ, Miˬyehˇ yawꞈ mˇ-euˬ gaˇ yawꞈ siˬ nya-awˇ, shaˬ zahˬ guˆ gaˆ bi keuˆ le nya-eu meh. Yaw haiˬ jeˬ mˇ-eu tsawˇ haˬ deuˬ hawˇ-eu, aˬ yawꞈ maꞈ-ahˇ haw piˇ nehˬ-eu deuˬ-ahˇ, aˬ yawꞈ laˆ guˆ-awˇ kʼehˬ tehꞈ-a.

Iˇsaˬyaˇ 9:17

Kʼoeˇ miˇ neh zaˬ guˬ deuˬ-ahˇ Sahˬpaˬ Miˬyehˇ maˬ taˬ nehˬ-ehˇ, muˇ coeˬ aˬ nmˇ hawˇ-eu miˬ coeˬ miˬ ma-ahˇ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ-a. Aˬ yawꞈ maꞈ Miˬyehˇ maˬ baw-ehˇ, yaw haiˬ tehꞈ-ehˇ mˇ-eu uˬ taꞈ, dawˬ ngehˬ-eu yaw muiˬ maˬ ahˇ-eu miˇ neh meh. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ shuꞈ-iˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.