Iˇsaˬyaˇ 14:12 - Akha

¹² Shawˬ ga shawˬ muiˇ-ahˇ duˇ-eu Baˬbuˇloˬ sahˬ paˬ-oˇ, mˬ kʼoeˇ taˆ neh aˬ joˆ-ehˇ ga ka le teˬ. Dzeuˇ laˇ ngeh tsawˇ jeuˬ dawˬ tawˆ luꞈ kʼoeˇ taˆ nawˬ tehˬ-euˬ tsawˇ haˬ, aˬ joˆ-ehˇ miˇ tsaˬ kʼoeˇ taˆ bi biˬ ka teˬ.

Iˇsaˬyaˇ 14:12 ပူးပေါင်းရင်းမြစ်များ

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.

Iˇsaˬyaˇ 34:4

Nahˇ ma, ba la, aˬ guiˇ dawˬ tawˆ guiˇ byoˆ jiˇ-awˇ, saˬ nmˇ lehˬ yoˆ-eu loꞈ-ehˇ mˬ lehˬ yoˆ kʼoꞈ-awˇ, siˬ guˬ maˇ sheuˇ aˇ paꞈ ga-eu loꞈ-ehˇ, aˬ guiˇ dawˬ tawˆ ga le tehꞈ-a.

Yeˬlaˬmiˇ 50:23

Baˬbuˇloˬ miˇ kʼahˬ-aˬ, miˇ tsaˬ dawˬ tawˆ luꞈ-ahˇ diˬ puˬ neh kʼoˆ meuˇ jiˇ-euˬ meh. Nymˬ-mˇ poˆ jawˇ diˬ puˬ kʼoeˇ kʼehꞈ-iˇ kʼoeˆ-iˇ-awˇ, miˇ kʼahˬ kʼoeˇ kʼahˬ kʼoeˇ taˆ kʼoeˇ loꞈ-ehˇ keuˆ le-euˬ gaˇ, tsawˇ jeuˬ dawˬ tawˆ luꞈ tsawˬ guˆ-iˇ-eu meh.

Yeˬlaˬmiˇ 51:53

Baˬbuˇloˬ meuˬ mˬ-ahˇ keuˆ ni daˆ keuˆ leˇ nya-awˇ, ziꞈ dui dui-eu taˆ tsoˆ leˇ nya kʼawꞈ, tsawˇ haˬ pyehˬ gʼeh-awˇ bi laˆ cawˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Yeˬsaˬgeˬlaˇ 26:17

Nawˬ-euˬ gʼaˇ duˬ tsawˇ ngoeˇ ngoeˇ nehˬ-eu caˇ dawˬ heu bymˇ aˬ yawꞈ maꞈ caˇ tehꞈ-a. “Tsawˇ myahˇ doˆ dui dui-eu meuˬ-oˇ, nawˇ aˬ joˆ-ehˇ bi laˆ cawˆ teˬ. Iˬ maˬ kʼoeˇ taˆ nawˬ neh dzoeˬ-awˇ, laˆ shaˆ-euˬ baoˬ nawˇ ngeuˇ law meh. Nawˇ hawˇ-eu nawˬ-euˬ tsawˇ haˬ-ahˇ, kʼaˇ jawˇ kʼaˇ deuˬ guˆ lawˬ yaˇ tawˇ.

Aaˇbaˬdiˇ 1:4

Nawˬ-euˬ nymˇ kʼaˬ dzeˇ bahˬ loꞈ-ehˇ aˬ guiˇ yaw kaˬ-ahˇ jaˆ-eu kʼawꞈ, Nawˬ-ahˇ ngaˇ gʼeu ka nehˬ ma lehˇ, Ngaˇ Sahˬpaˬ Miˬyehˇ ehˇ-eu ma.

Luˇkaꞈ 10:18

Yeˬsuˇ aˬ yawꞈ maꞈ-ahˇ ehˇ kʼoꞈ nehˬ-eu, “Mˬ myawꞈ myawꞈ-eu loꞈ-ehˇ, Saˬdaˬ mˬ-ahˇ neh ga ka le gaˇ ngaˇ mawˇ-euˬ ma.

2 Beˬtuˆluˆ 1:19

Kʼoeˇ miˇ neh, Miˬyehˇ gʼaˇ duˬ ngeh dah-eu deuˬ neh ngehˬ yaꞈ tmˇ yaꞈ-euˬ dawˬ deuˬ-ahˇ nga maꞈ jah dzehˬ laˇ-euˬ ma. Dawˬ kʼoeˇ deuˬ-ahˇ naw maꞈ yaw muiˬ paˬ-ehˇ naˇ haˬ geuꞈ-awˬ. Aˬ jeˬ miˇ neh ehˇ naˇ, kʼoeˇ-aˬ, Aˇ nah kʼoeˇ nah uˬ bya bya taw taw laˇ-awˇ naw maꞈ-euˬ nui ma laꞈ kʼoeˇ shawˬ ga shawˬ muiˇ tsehˬ laˇ ngeh keuˆ ni, yaw zahˇ laꞈ kʼoeˇ yaw shehꞈ bya nehˬ laꞈ-eu tsiˇ kʼmˬ-ahˇ duˇ-eu meh.

2 Beˬtuˆluˆ 2:4

Aˬ jeˬ miˇ neh ehˇ naˇ, iˬ baˇ mˇ-eu mˬ taˆ gʼaˬ kʼehˇ deuˬ-ahˇ keuˆ ni Miˬyehˇ maˬ taˬ nehˬ-ehˇ shiˬ buiˇ lah ma-ahˇ biˬ ahˇ-awˇ, Yaˇ kʼaˬ daˇ-eu Aˇ nah-ahˇ dawˬ luꞈ-eu meh.

Panmaeq 2:28

Shawˬ ga shawˬ muiˇ kʼawꞈ, aˬ yawꞈ-ahˇ ngaˇ biꞈ ma.

Panmaeq 22:16

“Ngaˇ Yeˬsuˇ-aˬ, Ka li zaˬ aˇ muˇ laꞈ kʼoeˇ gaˇ kawˆ heu deuˬ naw maꞈ-ahˇ bi ehˇ gaˬ-eu gʼaˇ duˬ, ngaˬ-euˬ mˬ taˆ gʼaˬ kʼehˇ-ahˇ kʼehˇ gʼeh leꞈ-euˬ ma. Ngaˇ-aˬ, Daˬbiˇ-euˬ zaˬ ma. Aˬ guiˇ shawˬ ga shawˬ muiˇ pyeuꞈ-eu ma.”

Panmaeq 8:10

Kʼoeˇ naˇ, mˬ taˆ gʼaˬ kʼehˇ smˇ gʼaˬ tiˬ gʼaˬ daˇ heh baw ngeh, miˬ dzaˬ miˬ doꞈ-ahˇ duˇ-eu aˬ guiˇ guiˇ ma tiˬ siˬ mˬ-ahˇ neh ga ka le-awˇ, lawˇ baˬ baˬ ma smˬ bymˇ tiˬ bymˇ hawˇ-eu, lawˇ gawˆ gawˆ zaˬ deuˬ kʼoeˇ taˆ ga daˆ le-euˬ meh.

Panmaeq 9:1

Kʼoeˇ naˇ, mˬ taˆ gʼaˬ kʼehˇ ngaˬ gʼaˬ tiˬ gʼaˬ daˇ heh baw ngeh, aˬ guiˇ tiˬ siˬ miˇ tsaˬ kʼoeˇ taˆ ga ka le gaˇ ngaˇ ya mawˇ-euˬ ma. Aˬ guiˇ kʼoeˇ siˬ-ahˇ maˬ li-iˇ nya-eu duˬ kʼahˬ -ahˇ pah-eu mahˬ tawꞈ kahˬ biꞈ taˬ-euˬ meh.