Iˇsaˬyaˇ 13:6 - Akha

⁶ Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Iˇsaˬyaˇ 13:6 ပူးပေါင်းရင်းမြစ်များ

Yawˇbaˆ 31:23

Miˬyehˇ yaˇ kʼaˬ daˇ gaˇ ngaˇ guˆ-eu miˇ neh, kʼoeˇ loꞈ-ehˇ gʼeh-eu jeˬ tiˬ jawˇ-iˬ ngaˇ maˬ mˇ-aˬ.

Iˇsaˬyaˇ 10:25

Aˬ yawꞈ maꞈ naw maꞈ-ahˇ kʼehˬ-eu kʼaˆ-eu jeˬ, tiˬ kʼehˇ laˇ kʼehˬ laꞈ kʼoeˇ aˇ saˬ bi saˬ-awˇ, aˬ yawꞈ maꞈ-ahˇ ngaˇ laˆ luˬ laˆ seˇ nehˬ ma.

Iˇsaˬyaˇ 10:3

Kʼehˬ-eu kʼaˆ-eu jeˬ keuˆ le ngeh nah, guˆ-eu gaˆ-eu jeˬ gaˇ mahˇ kaˬ gaˇ neh oe keuˆ ngeh, nawˇ aˬ joˆ-ehˇ jahˇ nmˇ. Aˬ suˇ gʼaˬ-ahˇ laꞈ jeuˬ shaˇ-awˇ, nawˬ-euˬ pyuˇ shuiˇ myawˬ gahˬ aˬ gaˇ bi jaˆ yaꞈ nmˇ.

Iˇsaˬyaˇ 13:9

Haw taˬ lawˬ. Sahˬpaˬ Miˬyehˇ-euˬ aˇ nah keuˆ le luꞈ meh. Nui pehˇ naꞈ-awˇ gʼawˬ shaˬ gaˬ-eu maˬ siˬ nya-eu, aˇ nah kʼoeˇ nah keuˆ le luꞈ meh. Miˇ kʼahˬ kʼahˬ lah bawˇ tsahˬ bawˇ dahˇ ya pyeuꞈ-iˇ-awˇ, iˬ baˇ ahˇ-eu deuˬ ya shiˇ jiˇ tehꞈ-a.

Iˇsaˬyaˇ 14:23

Baˬbuˇloˬ meuˬ-ahˇ lah yaˬ bi yaˬ-iˇ-awˇ, kuiˬ siˆ zaˬ siˆ deuˬ kʼoeˇ gaˇ jawˇ tehꞈ-a. Baˬbuˇloˬ meuˬ laꞈ kʼoeˇ tiˬ jeˬ-iˬ maˬ bi dzeˇ yaꞈ ni, yaˆ pyawˇ yaˆ juiˇ-eu loꞈ-ehˇ laˆ cawˆ ma lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ tsehˆ-eu ma.”

Iˇsaˬyaˇ 14:31

Meuˬ lahˇ kʼehˬ-oˇ, guˇ-awˬ. Meuˬ-oˇ, ngoeˇ-awˬ. Piˇliˇtiˆ tsawˇ haˬ deuˬ-oˇ, guˆ dui dui-awˬ. Laꞈ taˆ paw pyawˬ-ahˇ uˬ kʼoeˬ du doˆ laˇ luꞈ-eu kʼoeˇ, guiˇ maꞈ maꞈ ma pyeuꞈ-awˇ, guˆ-eu nui ma ahˇ-eu tiˬ gʼaˬ-iˬ maˬ keuˬ-a.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Iˇsaˬyaˇ 23:1

Heu-aˬ, Duˇlu meuˬ-ahˇ taꞈ leˇ-eu Miˬyehˇ-euˬ dawˬ meh. Taˬshiˆ meuˬ-ahˇ jawˇ-eu saˇ baoˬ deuˬ-oˇ, noeˬ shaˬ-awˇ ngoeˇ-awˬ. Duˇlu meuˬ luˬ-iˇ seˇ-iˇ jiˇ-awˇ, nymˇ hawˇ-eu saˇ baoˬ naˬ duˬ maˬ paˇ jaˆ meh. Guˇbaˬluˇ miˇ kʼahˬ-ahˇ neh, gaˇ kawˆ heu gaˬ keuˆ laˇ-euˬ meh.

Iˇsaˬyaˇ 34:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ-awˇ, guiˇ maꞈ dawˬ tawˆ luꞈ-ahˇ aˬ yawꞈ nui ma daˆ luꞈ-eu meh. Aˬ yawꞈ maꞈ-ahˇ aˬ yawꞈ laˆ cawˆ nehˬ-awˇ, bi sehꞈ byoˆ jiˇ tehꞈ-a.

Iˇsaˬyaˇ 34:8

Ziˇoˬ meuˬ-ahˇ Sahˬpaˬ Miˬyehˇ ka kʼoꞈ le-awˇ, muiˇ-eu deuˬ-ahˇ laꞈ poˆ poˆ nehˬ ngeh nah, kʼoeˇ loꞈ-ehˇ gʼeh-eu jeˬ keuˆ le tehꞈ-a.

Iˇsaˬyaˇ 47:11

Nawˬ-euˬ kʼoeˇ taˆ guˆ-eu gaˆ-eu jeˬ keuˆ le meh. Nyiˇ paˬ shaˆ ma neh maˬ dehˬ tsoeˬ nya-a. Nawˬ neh yuꞈ maˆ maˬ maˆ haw-euˬ luˬ-iˇ seˇ-iˇ-eu jeˬ, nawˬ-euˬ kʼoeˇ taˆ ja pyuˬ ni ga keuˆ le tehꞈ-a.

Iˇsaˬyaˇ 52:5

Nymˬ-mˇ Baˬbuˇloˬ miˇ kʼahˬ kʼawꞈ, naw maꞈ-ahˇ kʼoeˇ loꞈ-ehˇ jahˇ nehˬ-euˬ meh. Naw maꞈ-ahˇ nyehꞈ geuꞈ gʼeh-awˇ, aˇ poeˬ maˬ biꞈ nehˬ-a. Naw maꞈ-ahˇ uˆ lahˇ-eu tsawˇ haˬ kʼoeˇ deuˬ kʼahˬ sehˇ jehˆ-awˇ, ngaˬ-ahˇ yaw zeu maˬ baw ni dehꞈ haw-eu maˬ naˬ leˇ-a.

Iˇsaˬyaˇ 61:2

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ka kʼoꞈ-awˇ, aˬ yawꞈ maꞈ-ahˇ muiˇ-eu deuˬ-ahˇ guiˇ deuˆ gʼaˬ-eu, aˇ nah aˇ yamˬ keuˆ le luꞈ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ pyehˬ leꞈ-euˬ meh. Noeˬ shaˬ noeˬ zahˬ-eu tsawˇ haˬ deuˬ nui ma bi saˇ laˇ ni, aˬ yawꞈ ngaˬ-ahˇ pyehˬ leꞈ-euˬ meh.

Iˇsaˬyaˇ 63:4

Ngaˬ-euˬ tsawˇ haˬ deuˬ-ahˇ ka kʼoꞈ nehˬ-eu, aˇ yamˬ keuˆ laˇ-euˬ ngaˇ noeˬ tsehˆ-eu ma. Aˬ yawꞈ maꞈ-ahˇ muiˇ-eu deuˬ-ahˇ kʼehˬ-eu aˇ yamˬ tsaˬ laˇ-euˬ meh.

Iˇsaˬyaˇ 65:14

Aˬ yawꞈ maꞈ laˬ kʼaˬ cehˇ-eu caˇ luꞈ ngeh, naw maꞈ-euˬ nui ma tsawˬ paˆ-awˇ ya ngoeˇ tehꞈ-a.

Yeˬlaˬmiˇ 25:34

Yawˇ yawˇ maꞈ-ahˇ haw-eu yawˇ bo-eu deuˬ loꞈ-ehˇ, ngaˬ-euˬ tsawˇ haˬ-ahˇ sheuˬ gʼeh luꞈ-eu aˬ yuiꞈ aˬ tsu deuˬ, kʼaˬ lehˇ tsahˬ-ahˇ mahˬ poˆ poˆ-awˇ tsawˇ ngoeˇ ngoeˇ-awˬ. Naw maꞈ-ahˇ aˬ cawˬ sehꞈ-eu aˇ yamˬ keuˆ le-awˇ, miˇ tsaˬ oeˬ lahˬ ga meuˇ-iˇ-eu loꞈ-ehˇ, naw maꞈ luˬ-iˇ seˇ-iˇ tehꞈ-a.

Yeˬlaˬmiˇ 49:3

Heˬshaˬboˬ meuˬ-ahˇ jawˇ-eu deuˬ-oˇ, yaw kʼaˆ-ehˇ ngoeˇ-awˬ. Aˬiˇ meuˬ maˬ paˇ baw meh. Laˬbah meuˬ-ahˇ jawˇ-eu zaˬ miˬ zaˬ deuˬ-oˇ, tsawˇ ngoeˇ ngoeˇ-awˬ. Guˬ daˇ pehˇ zeuˇ mehˬ tsoeˬ dm-awˇ ngoeˇ-awˬ. Gʼoꞈ laˆ gʼoꞈ dmˇ-ehˇ cehˆ cehˆ-ehˇ shaˬ gʼa-awˬ. Naw maꞈ-euˬ miˬ yehˇ Miˇlaˬkoˬ-aˬ, aˬ yawꞈ-euˬ piˇ ma deuˬ hawˇ-eu sahˬ paˬ zaˬ yo deuˬ nehˬ-ehˇ, tiˬ kawˆ loꞈ-ehˇ bi nyehꞈ byoˆ gʼeh tehꞈ-a.

Yeˬlaˬmiˇ 51:8

Baˬbuˇloˬ meuˬ ja pyuˬ ni coˬ-iˇ-awˇ bi laˆ cawˆ-euˬ meh. Tsawˇ ngoeˇ ngoeˇ nehˬ-awˬ. Maˇ kʼehˬ maˇ naˇ-ahˇ jaˆ gʼaˬ dawˆ nehˬ haw sheˇ. Taˬ leˇ nya-eu baw le.

Yeˬsaˬgeˬlaˇ 13:5

Meuˬ meuˬ lahˇ byaˆ-iˇ-euˬ tsahˇ-ahˇ aˬ yawꞈ maꞈ loꞈ piˇ-eu maˬ ngeuˇ-a. Meuˬ meuˬ lahˇ paˇ gawˬ muiˬ-eu kʼawꞈ maˬ geuˇ-a. Kʼoeˇ miˇ neh, Sahˬpaˬ Miˬyehˇ-euˬ aˇ nah keuˆ le-awˇ, guiˇ deuˆ ngeh, Iˇsaˬleˬlaˆ miˇ kʼahˬ-ahˇ maˬ ceh piˇ nya-a.

Yeˬsaˬgeˬlaˇ 21:12

Tsawˇ haˬ zaˬ-oˇ, guˇ-awˇ ngoeˇ-awˬ. Ngaˬ-euˬ tsawˇ haˬ deuˬ sehꞈ-eu lehˇ, mi cehˇ heu lehˬ hmˬ taˬ-euˬ ma. Iˇsaˬleˬlaˆ sahˬ paˬ deuˬ-ahˇ sehꞈ-eu lehˇ lehˬ hmˬ taˬ-euˬ ma. Ngaˬ-euˬ tsawˇ haˬ kʼoeˇ deuˬ nehˬ-ehˇ, sahˬ paˬ deuˬ bi sehꞈ caw jiˇ ma. Nui ma cawˆ-awˇ kʼahˬ-ahˇ teˇ-awˬ.

Daˬyeˬlaˇ 5:26

Ehˇ mawꞈ-eu dawˬ tsuiꞈ-aˬ, heu loꞈ-ehˇ meh. MEˬNEˬ lehˇ ehˇ-eu-aˬ, naˬ baꞈ-ahˇ ehˇ-eu meh. Dawˬ tsuiꞈ-aˬ, nawˬ-euˬ miˇ kʼahˬ-euˬ aˇ nah aˇ yamˬ-ahˇ Miˬyehˇ gui taˬ-awˇ, aˇ saˬ saˬ-eu aˇ nah bi keuˆ le-eu lehˇ gʼeh-eu meh lehˇ ehˇ mawꞈ-eu meh.

Daˬyeˬlaˇ 5:9

Sahˬ paˬ Beˬlaˇshaˬzaˬ guˆ dui dui-iˇ-awˇ, myaˆ pyawˬ shiˬ maˬ dahˬ ni pyeuꞈ-iˇ-euˬ meh. Aˬ yawꞈ-euˬ gaˇ mˇ-eu sahˬ paˬ sahˬ ma deuˬ kʼawꞈ, noeˬ maˬ doˆ ni tsoˆ leˇ jiˇ-euˬ meh.

Yawˇlaˆ 1:11

Deh yaˇ mˇ dzaˬ-eu deuˬ ngoeˇ-awˬ. Aˬ gaꞈ yaˇ mˇ-eu deuˬ ngoeˇ-awˬ. Aˬ jeˬ miˇ neh ehˇ naˇ, cehˇ hawˇ-eu lawˬ loeˇ cawˆ-iˇ-awˇ, sahˬ lahˬ dawˬ tawˆ cawˆ jiˇ-euˬ meh.

Yawˇlaˆ 1:13

Lawˇ duˬ-ahˇ jawˇ-eu piˇ ma deuˬ guˬ daˇ pehˇ zeuˇ dm-awˇ ngoeˇ-awˬ. Uˬ duˬ tahˬ nymˇ nymˇ ma laꞈ kʼoeˇ, uˬ ciꞈ miˇ lah-ehˇ ngoeˇ leˇ-awˬ. Naw maꞈ-euˬ Miˬyehˇ-ahˇ damˬ-eu, aˬ gaꞈ dzaˇ uiˇ hawˇ-eu cehˇ pyuˇ, laˬ doˆ-iˇ kʼaˇ maˬ paˇ za meh.

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yawˇlaˆ 1:5

Jiˇ dawˇ kʼaˆ-eu tsawˇ haˬ deuˬ-oˇ, uˬ noeˬ beuˇ laˇ-awˇ neh ngoeˇ-awˬ. Aˬ gaꞈ dzaˇ uiˇ kʼaˇ dawˇ-eu deuˬ, yaw kʼaˆ-ehˇ guˇ guˇ-ehˇ ngoeˇ-awˬ. Aˬ gaꞈ baw duˆ laˆ cawˆ jiˇ-awˇ, aˬ gaꞈ dzaˇ uiˇ maˬ paˇ jaˆ meh.

Yawˇlaˆ 2:1

Miˬyehˇ-euˬ Ziˇoˬ gawˬ jawˬ-ahˇ, muiˬ-eu shawˇ-eu gawˬ jawˬ kʼoeˇ-ahˇ, daˇ heh baw-awˇ laˆ luiˬ nehˬ-awˬ. Yuˇdaˆ tsawˇ haˬ yaw dzuˬ dzuˬ-awˬ. Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yawˇlaˆ 2:11

Sahˬpaˬ Miˬyehˇ-euˬ guiˇ maꞈ-ahˇ Sahˬpaˬ Miˬyehˇ dawˬ biꞈ nehˬ ngeh, mˬ jeˬ tsawˬ tehˆ tehˆ gaˇ duˇ meh. Yawꞈ-euˬ ehˇ dawˬ geuꞈ-eu guiˇ maꞈ, myaˬ dui dui-awˇ baoˬ huiˬ-eu meh. Sahˬpaˬ Miˬyehˇ-euˬ aˇ nah-aˬ, guˆ dui dui laˇ paˬ-ehˇ gʼeh-awˇ, tiˬ gʼaˬ-iˬ maˬ dzeuˇ-iˇ nya-a.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Aˬmoˆ 5:18

Sahˬpaˬ Miˬyehˇ-euˬ aˇ nah-ahˇ noeˬ tmˬ luꞈ-eu naw maꞈ deuˬ aˇ naˆ ni guˆ paˬ-ehˇ gʼeh-eu nga. Aˇ nah kʼoeˇ nah naw maꞈ gʼaˇ duˬ aˬ jeˬ muiˬ nmˇ. Aˇ nah kʼoeˇ-aˬ, naw maꞈ gʼaˇ duˬ bya cehˆ ni gʼeh-eu aˇ nah maˬ ngeuˇ-a. Zahˇ tsui ni gʼeh-eu aˇ nah meh.

Zeˬpaˬniˇ 1:14

Sahˬpaˬ Miˬyehˇ aˇ nah nah huiˬ, yaw kawˇ kawˇ-ehˇ keuˆ le luꞈ meh. Aˇ nah kʼoeˇ kʼaˬ jehꞈ ni gʼeh-awˇ, kʼaˬ duˬ ni gʼeh-eu yehˇ deuˬ kʼawꞈ, guˇ guˇ-ehˇ ngoeˇ gaˇ keuˆ tehꞈ-a.

Zeˬpaˬniˇ 1:7

Miˇ tsaˬ zaˬ deuˬ ciˬ cuˇ jawˇ-awˬ. Sahˬpaˬ Miˬyehˇ huiˬ-eu aˇ nah, Miˬyehˇ kʼehˬ-eu kʼaˆ-eu kʼoeˇ nah, dawˬ peh peh le tehˇ tehˬ luꞈ meh. Jeˬ zaˬ sehꞈ-awˇ lawˇ-eu loꞈ-ehˇ, Sahˬpaˬ Miˬyehˇ-euˬ tsawˇ haˬ-ahˇ, Sahˬpaˬ Miˬyehˇ sehꞈ le tehꞈ-a.”

Zaˬkaˬliˇ 14:1

Sahˬpaˬ Miˬyehˇ yaˇ kʼaˬ daˇ-eu aˇ nah peh laˇ luꞈ meh. Kʼoeˇ ngeh, Yeˬluˇsaˬlehˬ meuˬ-ahˇ tahˇ joe deh-awˇ, deh za-euˬ myawˬ gahˬ deuˬ naw maꞈ mehˬ shi biˇ geuꞈ gaˇ ya mawˇ tehꞈ-a.

Maˬlaˬkiˇ 4:5

“Ehˇ kʼawꞈ, guˆ dui dui laˇ paˬ-ehˇ gʼeh-eu Sahˬpaˬ Miˬyehˇ-euˬ aˇ nah nah huiˬ kʼoeˇ nah maˬ keuˆ-euˬ nmˇ kaˬ, Miˬyehˇ gʼaˇ duˬ ngehˬ dah-eu Eˇliˇyaˆ-ahˇ naw maꞈ jawˇ gaˇ ngaˇ pyehˬ gʼeh leꞈ ma.

Yaˬkoˆ 5:1

Smˇ muiˬ smˇ baw deuˬ-oˇ, ngaˇ ehˇ gaˇ naˇ haˬ sheˇ. Naw maꞈ kʼoeˇ taˆ shaˬ-eu zahˬ-eu jeˬ keuˆ le-eu lehˇ gʼeh-eu miˇ neh guˇ guˇ-ehˇ ngoeˇ-awˬ.

Panmaeq 18:10

Aˬ yawꞈ maꞈ-aˬ, aˬ yawꞈ-euˬ shaˬ zahˬ ya caw pi gaˇ guˆ-eu miˇ neh gaˇ mahˇ kaˬ gaˇ yawꞈ-awˇ haw tehꞈ-a. Aˬ yawꞈ maꞈ ehˇ-eu, “Aˇ naˆ ni guˆ laˇ paˬ-ehˇ gʼeh-eu nga. Aˇ naˆ ni zahˬ leˇ paˬ-ehˇ gʼeh-eu nga. Baoˬ huiˬ dui dui-eu Baˬbuˇloˬ-oˇ, nawˇ-aˬ, naˬ liˬ tiˬ laꞈ laꞈ kʼoeˇ tehꞈ-ehˇ bi kʼehˬ byoˆ leꞈ-euˬ ngaˇ.”