Iˇsaˬyaˇ 13:18 - Akha

¹⁸ Zaˬ guˬ deuˬ-ahˇ aˬ yawꞈ maꞈ kaˆ neh beuˆ coˬ-awˇ, zaˬ nahˬ deuˬ-ahˇ gʼawˬ sha-ehˇ maˬ gʼeh-eu uˬ taꞈ, zaˬ yaw nyiˇ deuˬ-ahˇ gʼawˬ shaˬ maˬ haw gaˬ-a.

Iˇsaˬyaˇ 13:18 ပူးပေါင်းရင်းမြစ်များ

2 Sahˬpaˬ 8:12

“Nawˇ aˬ jeˬ miˇ neh ngoeˇ te” lehˇ, Eˇliˇshehˇ-ahˇ Haˬzeˬlaˇ naˇ haˬ ngeh, Eˇliˇshehˇ ehˇ-eu, “Iˇsaˬleˬlaˆ tsawˇ haˬ deuˬ-ahˇ nawˇ yaw haiˬ jeˬ mˇ nehˬ tehꞈ-a lehˇ ngaˇ siˬ nya-eu miˇ neh ngoeˇ-eu ma. Aˬ yawꞈ maꞈ neh ziꞈ dah ni tsoˆ taˬ-euˬ nymˇ-ahˇ nawˇ miˬ dzaˬ dzah-awˇ, aˬ yawꞈ maꞈ-euˬ zaˬ guˬ deuˬ-ahˇ nawˇ deuˆ sehꞈ-eu uˬ taꞈ, aˬ yawꞈ maꞈ-euˬ zaˬ yaw nyiˇ deuˬ-ahˇ miˇ tsa ciˬ jeˬ nehˬ-awˇ, aˬ nyiˇ pi luꞈ-eu zaˬ miˬ zaˬ deuˬ-ahˇ uˬ maˆ ceuꞈ paˆ nehˬ tehꞈ-a.”

2 Laˬsaˬbaˬ 36:17

Kʼoeˇ miˇ neh, Sahˬpaˬ Miˬyehˇ neh Baˬbuˇloˬ sahˬ paˬ-ahˇ pyehˬ gʼeh leꞈ-awˇ, aˬ yawꞈ maꞈ-ahˇ guiˇ bi deuˆ le-euˬ meh. Sahˬpaˬ kʼoeˇ gʼaˬ Yuˇdaˆ tsawˇ haˬ zaˬ guˬ deuˬ-ahˇ Uˬ duˬ tahˬ nymˇ nymˇ ma laꞈ kʼoeˇ sehꞈ-euˬ meh. Tsawˇ mawˬ zaˬ guˬ maˬ ehˇ, kʼaˬ dzeˇ zaˬ hawˇ-eu zaˬ miˬ zaˬ maˬ ehˇ, naˇ-eu deuˬ hawˇ-eu jawˇ saˇ doˆ-eu deuˬ maˬ ehˇ, maˬ tseˇ paˆ ni, tiˬ gʼaˬ-ahˇ-iˬ gʼawˬ shaˬ maˬ gaˬ nehˬ ni sehꞈ-euˬ meh. Aˬ yawꞈ maꞈ dawˬ tawˆ luꞈ-ahˇ Neˬbuˬkaˬneˬzaˬ-euˬ aˬ laꞈ laꞈ kʼoeˇ Miˬyehˇ neh a nehˬ-euˬ meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Iˇsaˬyaˇ 13:16

Aˬ yawꞈ maꞈ myaˆ mawˇ gaˇ, aˬ yawꞈ maꞈ-euˬ zaˬ bi biˬ pyehˆ jiˇ-awˇ, aˬ yawꞈ maꞈ-euˬ myawˬ gahˬ bi yuˇ geuꞈ-eu uˬ taꞈ, aˬ yawꞈ maꞈ-euˬ miˬ zaˬ deuˬ-ahˇ yehˬ bawˬ-ehˇ, jahˇ nehˬ tehꞈ-a.”

Iˇsaˬyaˇ 47:9

Ehˇ kʼawꞈ, tiˬ kʼehˇ laˇ kʼehˬ tiˬ nah laꞈ kʼoeˇ, kʼoeˇ nyiˬ jeˬ luꞈ keuˆ le tehꞈ-a. Nyiˇ paˬ shaˆ ma-ahˇ nawˇ gʼoe kʼawꞈ, nawˬ-euˬ kʼaˬ dzeˇ zaˬ hawˇ-eu zaˬ deuˬ shiˇ tehꞈ-a.

Iˇsaˬyaˇ 5:28

Aˬ yawꞈ maꞈ-euˬ kaˆ myaˬ taˆ dui dui-awˇ, kaˆ kʼaˇ ngeuˇ-eu ngoꞈ daˆ jiˇ taˬ-euˬ meh. Aˬ yawꞈ maꞈ-euˬ mahˬ deuˬ kuiˇ sehˬ diˬ lo loꞈ-ehˇ gʼahˇ-awˇ, mahˬ laˆ lawˬ aˇ beuˆ jaˬ lehˇ lehˇ zeuˆ loꞈ-ehˇ buiˇ-eu meh.

Yeˬlaˬmiˇ 18:21

Ehˇ kʼawꞈ, mehꞈ-eu shuꞈ-eu hawˇ-eu mi zaˬ mi cehˇ baˬ da, aˬ yawꞈ maꞈ-euˬ zaˬ deuˬ bi shiˇ jiˇ-awˬ. Kʼaˬ dzeˇ zaˬ deuˬ naˇ gawˇ gawˇ sehꞈ jiˇ-awˇ, zaˬ deuˬ mi zaˬ mi cehˇ laꞈ-ahˇ shiˇ-awˇ, zaˬ miˬ zaˬ deuˬ miˬ coeˬ bi coeˬ-iˇ-awˬ.

Yeˬlaˬmiˇ 5:16

Kaˆ beuˆ-eu aˬ yawꞈ maꞈ-euˬ yehˇ deuˬ kʼaˬ dui dui-awˇ, kʼaˇ mawˇ le-eu deuˬ-ahˇ gʼawˬ shaˬ maˬ gaˬ ni sehꞈ-eu meh.

Yeˬlaˬmiˇ 50:30

Kʼoeˇ miˇ neh, aˬ yawꞈ-euˬ aˬ li deuˬ meuˬ-euˬ gaˇ ma doe ni bi sehꞈ dzeh-awˇ, aˬ yawꞈ-euˬ yehˇ dawˬ tawˆ luꞈ kʼoeˇ ngeh nah bi sehꞈ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 50:42

Kaˆ hawˇ-eu mi cehˇ-ahˇ tuˆ tehˬ taˬ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ dziˬ-awˇ oe ngeh, laˆ shaˆ iˇ kʼawˇ mahˇ laˇ gaˇ duˇ-eu meh. Baˬbuˇloˬ miˇ kʼahˬ-ahˇ deuˆ-eu gʼaˇ duˬ, aˬ yawꞈ maꞈ lehˬ hmˬ dah-euˬ meh.

Yeˬlaˬmiˇ 51:22

Kʼaˬ dzeˇ zaˬ hawˇ-eu zaˬ miˬ zaˬ deuˬ-ahˇ maˬ ehˇ, tsawˇ mawˬ hawˇ-eu zaˬ guˬ deuˬ-ahˇ maˬ ehˇ, aˬ buˇ hawˇ-eu aˬ li deuˬ-ahˇ maˬ ehˇ, sehꞈ-eu gʼaˇ duˬ nawˬ-ahˇ ngaˇ zmˬ-euˬ ma.

Yeˬlaˬmiˇ 6:23

Aˬ yawꞈ maꞈ kaˆ hawˇ-eu mi cehˇ baꞈ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ pyehˬ teh sehˇ-awˇ oe-eu, iˬ ma laˆ shaˆ mahˇ gaˇ duˇ-awˇ, Yeˬluˇsaˬlehˬ meuˬ-ahˇ deuˆ-eu lehˇ gʼeh-eu meh.

Yeˬsaˬgeˬlaˇ 9:10

Kʼoeˇ miˇ neh, aˬ yawꞈ maꞈ-ahˇ ngaˇ gʼawˬ shaˬ maˬ gaˬ nehˬ. Aˬ yawꞈ maꞈ neh aˬ cawˬ-ahˇ jahˇ nehˬ taˬ-euˬ jaˆ-eu loꞈ-ehˇ, aˬ yawꞈ maꞈ-ahˇ ngaˇ jahˇ nehˬ ma.”

Daˬyeˬlaˇ 7:5

Bawˇ tsahˬ jeˬ zaˬ nyiˬ mawˇ tiˬ mawˇ-aˬ, kʼaˬ hmˇ-ahˇ duˇ-awˇ, aˬ kuiˇ nyiˬ kuiˇ kʼoeˇ taˆ gawˬ yawꞈ yawꞈ luꞈ-eu meh. Aˬ yawꞈ-euˬ seuˬ-ahˇ behˇ jehˆ smˇ kahˬ tsehꞈ tehˬ taˬ-euˬ meh. ‘Nawˇ kʼaˇ dzaˬ coeˇ-eu myaˆ ni dzaˬ-awˬ’ lehˇ aˬ yawꞈ-ahˇ ehˇ nehˬ-eu teˇ saˇ ngaˇ gaˬ-euˬ ma.

Hawˇseˬ 13:16

Ngaˬ-ahˇ puiˬ-euˬ jeˬ baˬ da neh, Saˬmaˬliˆ meuˬ-ahˇ ya kʼehˬ meh. Meuˬ laꞈ kʼoeˇ jawˇ-eu tsawˇ haˬ deuˬ, guiˇ deuˆ luꞈ ngeh bi deuˆ sehꞈ-awˇ, zaˬ nahˬ yaw nyiˇ deuˬ-ahˇ keuˆ ni, miˇ tsa dawˬ duˆ ka sehꞈ nehˬ-awˇ, aˬ nyiˇ pi-eu aˬ ma deuˬ-ahˇ, uˬ maˆ ceuꞈ paˆ nehˬ yaꞈ tehꞈ-a.”

Naˬhmˬ 2:1

Niˇnaˬbeˬ nawˇ ya cawˆ-iˇ meh. Nawˬ-ahˇ deuˆ-eu lehˇ oe luꞈ meh. Taˆ laꞈ kʼoeˇ tsawˇ haˬ bi jawˇ-awˬ. Gaˇ ma-ahˇ yaw muiˇ bi loꞈ-awˬ. Guiˇ deuˆ-eu lehˬ hmˬ dah taˬ-awˬ.

Naˬhmˬ 3:10

Ehˇ kʼawꞈ, aˬ yawꞈ-ahˇ paꞈ tawꞈ-awˇ, bi nyehꞈ byoˆ-euˬ maˬ ngeuˇ-a loˇ. Gaˇ gʼoꞈ gaˇ tsmˇ kʼaˇ tsmˇ le gaˇ, aˬ yawꞈ-euˬ zaˬ bi diˬ sehꞈ-awˇ, aˬ yuiꞈ aˬ tsu bi geuꞈ-euˬ deuˬ, tiˬ paw tiˬ gʼaˬ shmˇ caˆ paꞈ-awˇ, bi tsahˇ byoˆ-euˬ maˬ ngeuˇ-a loˇ.