Iˇsaˬyaˇ 13:12 - Akha

¹² Tsawˇ haˬ zaˬ shuiˇ myaˆ-ehˇ maˬ myaˬ ni bi pyeuꞈ-iˇ-awˇ, Awˇpiˇlaˆ miˇ kʼahˬ-ahˇ jaˆ-eu shuiˇ miˇ tsaˬ zaˬ dawˬ tawˆ luꞈ myaˆ maˬ tseˇ myaˬ tehꞈ-a.

Iˇsaˬyaˇ 13:12 ပူးပေါင်းရင်းမြစ်များ

1 Sahˬpaˬ 9:28

Awˇpiˇlaˆ miˇ kʼahˬ paw aˬ yawꞈ maꞈ saˇ baoˬ dziˬ gʼeh-awˇ, Sawˇlaˬmoˬ-ahˇ shuiˇ gʼoeˬ heˇ koꞈ yaˇ jawꞈ-i ehˇ gʼaˬ ni tawˬ kʼoꞈ nehˬ laꞈ-euˬ meh.

1 Laˬsaˬbaˬ 1:23

Awˇpiˇlaˆ, Haˬbiˇlaˬ, Yawˇbehˆ heu deuˬ meh.

Yawˇbaˆ 28:16

Muiˬ dui dui-eu shuiˇ hawˇ-eu kʼaˬ lo sehˇ deuˬ, kʼoeˇ naˆ ni maˬ poeˬ-a.

Jaceuq 137:9

Nawˬ-euˬ zaˬ yaw nyiˇ deuˬ-ahˇ nyehꞈ-awˇ, kʼaˬ lo-ahˇ ciˬ jeˬ nehˬ-eu tsawˇ haˬ guiˬ lahˬ huiˬ tehꞈ-a.

Jaceuq 45:9

Nawˬ-euˬ nymˇ laꞈ kʼoeˇ jawˇ luꞈ-eu zaˬ miˬ deuˬ laꞈ kʼoeˇ, sahˬ paˬ zaˬ miˬ deuˬ kʼawꞈ ahˇ-awˇ, muiˬ dui dui-eu shuiˇ myawˬ guˇ deuˬ geuꞈ luꞈ-eu sahˬ paˬ-euˬ miˬ zaˬ gʼaˬ, nawˬ-euˬ nuiˇ mahˬ aˇ maˇ paw yawꞈ luꞈ meh.

Iˇsaˬyaˇ 10:19

Sahˬ kʼaˆ kʼoeˇ naˆ ni gʼeh-eu bi puiˆ byoˆ-awˇ, dzeˇ-eu aˇ bawˇ deuˬ-ahˇ, zaˬ yaw nyiˇ tiˬ gʼaˬ gui jiˇ nya tehꞈ-a.

Iˇsaˬyaˇ 24:6

Miˇ tsaˬ tahˬ kʼawˇ-ahˇ Miˬyehˇ yaˬ kehˇ yaˬ-eu miˇ neh, iˬ baˇ naꞈ-eu miˇ tsaˬ zaˬ teˬ le byoˆ le-awˇ, ui cuiˆ tehꞈ-ehˇ dzeuˇ-iˇ-eu meh.

Iˇsaˬyaˇ 4:1

Aˇ nah aˇ yamˬ kʼoeˇ keuˆ le ngeh, kʼaˬ dzeˇ zaˬ tiˬ gʼaˬ-ahˇ zaˬ miˬ zaˬ shiꞈ gʼaˬ nyehꞈ cuꞈ-awˇ, heu loꞈ-ehˇ ehˇ tehꞈ-a. “Nga maꞈ ya dzaˬ ya dawˇ, ya dm ya gʼaˬ ni, yawˬ haˇ yawˬ ha mˇ cu nya ma. Ehˇ kʼawꞈ, nga maꞈ kʼaˬ dzeˇ zaˬ maˬ baw-eu miˇ neh, miˬ dzeˇ dzeˇ-iˇ-euˬ nga lehˇ aˬ cawˬ neh bi ehˇ-awˇ daˬ maˬ ya ga ni, nga maꞈ-ahˇ nawˬ-euˬ miˬ zaˬ ma lehˇ myahˇ nehˬ laꞈ-awˬ.”

Iˇsaˬyaˇ 6:11

“Aˇ myah keuˆ ni kʼoeˇ loꞈ-ehˇ jahˇ nehˬ nmˇ” lehˇ, Sahˬpaˬ Miˬyehˇ-ahˇ ngaˇ naˇ haˬ ngeh, heu loꞈ-ehˇ ehˇ kʼoꞈ nehˬ laꞈ-euˬ meh. “Meuˬ deuˬ cawˆ-iˇ jiˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ ngeh keuˆ ni, nymˇ laꞈ kʼoeˇ tsawˇ haˬ tiˬ gʼaˬ-iˬ maˬ ya mawˇ-ehˇ, miˇ kʼahˬ kʼahˬ lah-ehˇ ciˬ cuˇ ni pyeuꞈ-iˇ ngeh keuˆ ni, kʼoeˇ loꞈ-ehˇ jahˇ nehˬ ma.

Iˇsaˬyaˇ 6:12

Tsawˇ haˬ kʼoeˇ deuˬ-ahˇ gaˇ mahˇ kaˬ gaˇ Sahˬpaˬ Miˬyehˇ teh dzeh-awˇ, miˇ kʼahˬ kʼoeˇ kʼahˬ doe ni, byehˇ dzeh yaꞈ-euˬ jawˇ duˬ gʼawˬ mya ni jaˆ tehꞈ-a.