Iˇsaˬyaˇ 13:11 - Akha

¹¹ Sahˬpaˬ Miˬyehˇ heu loꞈ-ehˇ ehˇ-eu meh. “Yaw haiˬ jeˬ byah-eu miˇ tsaˬ tahˬ kʼawˇ-ahˇ ngaˇ kʼehˬ-awˇ, iˬ baˇ mˇ-eu yaw haiˬ deuˬ-ahˇ ngaˇ kʼehˬ nehˬ ma. Jahˇ gʼeh-eu tsawˇ haˬ deuˬ daˬ bi ga-awˇ, smˇ kʼaˆ kʼaˆ-eu deuˬ-ahˇ ngaˇ nawˬ awˆ ma.

Iˇsaˬyaˇ 13:11 ပူးပေါင်းရင်းမြစ်များ

Yawˇbaˆ 40:12

Aˬ yawꞈ maꞈ-ahˇ dehˬ awˆ nehˬ-awˇ, nui ma maˬ dawˇ-eu tsawˇ haˬ deuˬ yawꞈ luꞈ gaˇ nawˬ pyehˆ nehˬ-awˬ.

Dawqdaq 11:31

Yaw tsaˬ yaw dawˇ tsawˇ haˬ deuˬ, miˇ tsaˬ kʼoeˇ taˆ dehꞈ ngeh guiˬ lahˬ za naˇ, haiˬ-eu tsawˇ haˬ deuˬ kʼehˬ-eu kʼaˆ-eu jeˬ-ahˇ maˬ ya daˬ-ehˇ aˬ gaˇ iˇ nmˇ.

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Iˇsaˬyaˇ 11:4

Iˇ shaˬ zaˬ-ahˇ yaw tsaˬ yaw dawˇ jeˬ bi mawˇ-awˇ, zaˬ coeˬ zaˬ-ahˇ di dehˬ ni haw tehꞈ-a. Aˬ yawꞈ kʼaˬ meh dawˬ ngehˬ dawˬ tmˇ, miˇ tsaˬ zaˬ-ahˇ daˇ cuiˇ sheu juiꞈ nya-awˇ, aˬ yawꞈ mehˬ luˬ-ahˇ gʼawˇ-eu saꞈ, yaw haiˬ deuˬ-ahˇ sehꞈ dzeh tehꞈ-a.

Iˇsaˬyaˇ 14:21

Aˬ poeˬ aˬ bawˇ deuˬ neh mˇ-euˬ iˬ baˇ aˇ poeˬ, aˬ yawꞈ-euˬ aˬ li deuˬ-ahˇ sehꞈ-eu gʼaˇ duˬ, lehˬ hmˬ laˆ dah taˬ-awˬ. Aˬ yawꞈ maꞈ miˇ tsaˬ kʼoeˇ taˆ dzoeˬ dzaˬ maˬ paˇ oꞈ-ehˇ, meuˬ maˬ paˇ daˬ byah nya meh.

Iˇsaˬyaˇ 14:5

Yaw haiˬ-euˬ daˇ cuiˇ dzoeˬ dzaˬ gawˬ yoeˬ, Sahˬpaˬ Miˬyehˇ neh bi ngawˬ kʼehꞈ-euˬ meh.

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Iˇsaˬyaˇ 2:17

Tsawˇ haˬ zaˬ nui ma huiˬ-eu jeˬ bi dehˬ awˆ-awˇ, jahˇ gʼeh haw-eu nui ma bi gʼeu ka tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 22:14

Baoˬ huiˬ-eu Sahˬpaˬ Miˬyehˇ ngaˬ-ahˇ ehˇ-eu, “Aˬ yawꞈ maꞈ ziˇ jiˇ ngeh keuˆ ni, iˬ baˇ heu ngaˇ maˬ pyehˬ nehˬ lehˇ, Dawˬ tawˆ kʼoeˇ taˆ uˆ lahˇ-eu Baoˬ huiˬ-eu ngaˇ Sahˬpaˬ Miˬyehˇ ehˇ-eu ma.”

Iˇsaˬyaˇ 23:9

Aˬ yawꞈ maꞈ-euˬ kʼahˬ sehˇ dawˬ tawˆ byoˆ le jiˇ-awˇ, myaˆ pyawˬ naˇ mehˇ jaˆ-eu deuˬ ya shaꞈ dawˇ ni, Baoˬ huiˬ-eu Sahˬpaˬ Miˬyehˇ neh jahˇ nehˬ-euˬ meh.

Iˇsaˬyaˇ 24:21

Mˬ kʼoeˇ taˆ baoˬ huiˬ-eu deuˬ hawˇ-eu, miˇ tsaˬ kʼoeˇ taˆ dzoeˬ dzaˬ-eu deuˬ-ahˇ, Sahˬpaˬ Miˬyehˇ kʼehˬ-eu aˇ nah peh laˇ luꞈ meh.

Iˇsaˬyaˇ 25:3

Baoˬ huiˬ-eu tsawˇ jeuˬ deuˬ nawˬ-ahˇ ja ceuˬ-awˇ, haiˬ-eu tsawˇ jeuˬ-euˬ meuˬ deuˬ laꞈ kʼoeˇ, nawˬ-ahˇ yaw zeu baw tehꞈ-a.

Iˇsaˬyaˇ 25:5

miˇ tsaˬ gui ngeh mˬ gʼoˇ gʼoˇ caw gaˇ duˇ leˇ-eu meh. Ehˇ kʼawꞈ, nga maꞈ-ahˇ muiˇ-eu tsawˇ haˬ deuˬ-ahˇ, Sahˬpaˬ Miˬyehˇ nawˇ zuiˆ gʼaˬ-awˇ, nahˇ tsaˇ tsoꞈ gaˇ mˬ dmˇ joe shmˇ le-eu loꞈ-ehˇ, haiˬ-eu tsawˇ haˬ deuˬ-euˬ teˇ saˇ nawˇ laˆ naˬ nehˬ-euˬ meh.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

Iˇsaˬyaˇ 29:20

Aˬ cawˬ-ahˇ kʼehˬ-eu deuˬ aˇ nah jiˇ-awˇ, aˬ cawˬ-ahˇ cehꞈ lehꞈ ka-eu deuˬ byoˆ le-awˇ, yaw haiˬ jeˬ mˇ-eu lehˇ jawˬ luꞈ-eu deuˬ bi coeˇ tsehˆ dzeh tehꞈ-a.

Iˇsaˬyaˇ 29:5

Yeˬluˇsaˬlehˬ meuˬ-oˇ, nawˬ-ahˇ guiˇ kʼaˇ deuˆ le-eu tsawˇ jeuˬ deuˬ, kʼaˬ lehˇ loꞈ-ehˇ bi baw byoˆ jiˇ-awˇ, guˆ laˇ paˬ-ehˇ gʼeh-eu guiˇ maꞈ kʼoeˇ deuˬ, gʼo yoeˬ loꞈ-ehˇ bi baw dzeh jiˇ tehꞈ-a. Maˬ noeˬ maˬ duˇ-euˬ laꞈ kʼoeˇ ja pyuˬ ni,

Iˇsaˬyaˇ 3:11

Ehˇ kʼawꞈ, haiˬ-eu tsawˇ haˬ deuˬ kʼoeˇ taˆ, dawˇ keuˆ le tehꞈ-a. Aˬ cawˬ-ahˇ aˬ yawꞈ maꞈ jahˇ doeˇ nehˬ-euˬ loꞈ-ehˇ, aˬ yawꞈ maꞈ nymˬ-mˇ ya daˬ poˆ tehꞈ-a.

Iˇsaˬyaˇ 5:15

Yawˬ gʼaˬ na luꞈ nui ma ga ka jiˇ-awˇ, nui ma yaw huiˬ deuˬ kʼawꞈ ga juˬ le tehꞈ-a.

Iˇsaˬyaˇ 65:7

Aˬ yawꞈ maꞈ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, dawˬ tawˆ luꞈ aˬ yawꞈ maꞈ-ahˇ ngaˇ ciˬ pi nehˬ ma. Gawˬ duˇ kʼoeˇ taˆ lawˇ ciꞈ zaˬ uˬ duˬ tahˬ-eu jawˇ duˬ-ahˇ, tsiˇ yaw saw jeˬ aˬ yawꞈ maꞈ doꞈ daˆ-awˇ, ngaˬ-ahˇ yaw doeˇ ehˇ taˬ-euˬ jaˆ-eu meh. Kʼoeˇ miˇ neh aˬ yawꞈ maꞈ mˇ dzeuˇ shaˇ dzeuˇ taˬ-euˬ loꞈ-ehˇ, aˬ yawꞈ maꞈ-ahˇ ngaˇ paˇ kʼehˬ poˆ nehˬ ma.”

Yeˬlaˬmiˇ 48:29

Mawˇbaˆ-aˬ, nui ma huiˬ dui mahˇ dui dui meh. Aˬ yawꞈ maꞈ nui ma aˇ naˆ ni huiˬ-eu gʼahˇ-eu gaˇ kawˆ, aˇ naˆ ni kʼahˬ sehˇ jehˆ-eu gaˇ kawˆ, aˇ naˆ ni jahˇ gʼeh-eu gaˇ kawˆ, ngaˇ ya gaˬ gʼaˬ-euˬ ma. Yawˬ haˇ yawˬ ha maˬ gaˇ dui dui ma lehˇ noeˬ luꞈ meh.

Daˬyeˬlaˇ 4:34

Sahˬ paˬ Neˬbuˬkaˬneˬzaˬ ehˇ-eu, “Shiꞈ kʼoꞈ dzeuˇ-iˇ ngeh jawˇ, mˬ-ahˇ ngaˇ gʼawˇ leuˇ haw ngeh, nui ma-ahˇ noeˬ laˇ-euˬ miˇ-a. Dawˬ tawˆ kʼoeˇ taˆ huiˬ-eu Miˬyehˇ-ahˇ ngaˇ ja ceuˬ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ-ahˇ ciˬ poeˬ-awˇ taˬ huiˬ taˬ mahˇ nehˬ-euˬ ma. “Aˬ yawꞈ dzoeˬ dzaˬ zaˇ ziˇ gmˬ-awˇ, aˬ yawꞈ miˇ kʼahˬ zaˇ ziˇ ziꞈ meh.

Haˬbaˬkuˆ 2:4

Gaˇ kawˆ kʼoeˇ-aˬ, heu loꞈ-ehˇ meh. Miˬyehˇ-ahˇ saˇ jaˇ maˬ puiˬ-eu, yaw tsaˬ yaw dawˇ deuˬ ya dehꞈ-awˇ, yaw haiˬ deuˬ maˬ dzeuˇ-iˇ nya-a.”