3 Iˇ cuꞈ mehꞈ luꞈ-eu tsawˇ haˬ deuˬ, lah duˬ iˇ cuꞈ-ahˇ laˬ kʼaˬ cehˇ-eu loꞈ-ehˇ, Miˬyehˇ-euˬ tsawˇ haˬ deuˬ, aˬ yawꞈ ka kʼoꞈ nehˬ gaˇ laˬ kʼaˬ cehˇ-eu meh.”
Nawˇ-aˬ, saꞈlaˇiˇbyoe pyeuꞈ-awˇ, nawˬ-euˬ yaw shehꞈ baˬda baˇneh, nga maꞈyaw shehꞈmawˇnya-eu ma.
“Guiˬ lahˬ yaw dzahˇ dawˬ tawˆ luꞈ, Ziˇoˬ meuˬ-ahˇ neh oe-euˬ meh” lehˇ, aˬ yawꞈ maꞈ gaˇ nyeh nyeh-awˇ caˇ tehꞈ-a.
Ngaˇ gaˬ-eu gʼaˬ hawˇ-eu kʼaˬ dzeˇ zaˬ nui deuˬ shaˇ cehˆ haw ngeh, bawˇ tsahˬ sahˬ kʼaˆ-ahˇ dehꞈ-eu siˬ poeˬ tsaꞈ aˇ bawˇ-ahˇ duˇ-eu meh. Aˇ bawˇ kʼoeˇ bawˇ-euˬ naˇ shmˇ-ahˇ ngaˇ nuiˇ mawꞈ-awˇ, aˇ bawˇ kʼoeˇ-euˬ aˇ siˬ kuiˇ dui dui nya.
Gui coˇ ni gʼeh-eu gawˬ duˇ deuˬ kʼoeˇ taˆ, iˇ cuꞈ lawˇ baˬ bi yoeˇ le ma. Deh kʼawꞈ laꞈ kʼoeˇ lawˇ gawˆ bi yoeˇ le ma. Kʼaˇ shuiꞈ deh-ahˇ iˇ cuꞈ lah bi dahˬ laˇ-awˇ, miˇ tsaˬ gui gaˇ lawˇ gawˆ bi yoeˇ le ma.
Aˬ yawꞈ maꞈ-ahˇ gaˬ-eu gʼaˬ neh sheuˬ gʼeh nehˬ-euˬ miˇ neh, aˬ yawꞈ maꞈ mehꞈ-eu shuꞈ-eu maˬ baw-ehˇ, nahˇ tsaˇ hawˇ-eu kʼaˇ shuiꞈ deh ga yaw lahˇ, aˬ yawꞈ maꞈ-ahˇ maˬ coeˬ leˇ-a. Iˇ cuꞈ lawˇ baˬ yoeˇ-eu dawˬ peh, aˬ yawꞈ maꞈ-ahˇ aˬ yawꞈ sheuˬ gʼeh tehꞈ-a.
Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.
Iˇ cuꞈ heu gawˆ kʼaˇ yoeˇ ka gʼeh gaˇ, jeˬ zaˬ hawˇ-eu ngaˬ shaˬ yawˬ jeˬ na luꞈ jawˇ kuꞈ-eu meh. Lawˇ baˬ heu gawˆ-aˬ, Shiˇ-eu iˬ ma laˆ shaˆ iˇ cuꞈ-ahˇ yaw shuiꞈ shuiꞈ-ehˇ paˇ bi pyeuꞈ laˇ-awˇ, aˬ yawꞈ kʼaˇ yoeˇ ka gʼeh gaˇ, yawˬ jeˬ na luꞈ-ahˇ yaw dehꞈ bi dehꞈ-eu meh.
Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-euˬ iˬ baˇ yaw jawꞈ yaw laꞈ tsiˬ shawˇ-eu gʼaˇ duˬ, iˇ cuꞈ lawˇ kʼawꞈ tiˬ gawˆ pah tehꞈ-a.
Aˬ yawꞈ laꞈ kʼoeˇ gʼawˬ shaˬ gaˬ-eu jeˬ tiˬ byah ni ahˇ-awˇ, aˬ dui-ahˇ guiˬ lahˬ tiˬ jeˬ saˇ-iˬ tiˬ jeˬ biꞈ laꞈ luꞈ-eu meh.
Mˬ taˆ gʼaˬ kʼehˇ kʼoeˇ gʼaˬ ngaˬ-ahˇ dehꞈ-eu saꞈ laˇ lawˇ baˬ mehˬ nehˬ laꞈ-euˬ meh. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ-ahˇ neh yoeˇ doˆ le-awˇ, doˆ coˆ-ehˇ haw mawˇ nya-eu shawˇ jehˆ ni gʼeh-eu lawˇ baˬ pyeuꞈ-eu meh.
Yaw sahˇ Miˬyehˇ hawˇ-eu dahˬ dzaˬ-iˇ-eu lehˇ gʼeh-eu Zaˬmiˬ kʼoeˇ gʼaˬ “Laˇ-awˬ” lehˇ ehˇ-eu meh. Kʼaˇ ya gaˬ-euˬ tsawˇ haˬ yawˬ gʼaˬ na luꞈ kʼawꞈ, “Laˇ-awˬ” lehˇ ehˇ-awˬ. Iˇ cuꞈ kʼaˇ mehꞈ-eu tsawˇ haˬ laˇ-awˬ. Kʼaˇ dawˇ mawꞈ-eu tsawˇ haˬ deuˬ dehꞈ-eu saꞈ laˇ iˇ cuꞈ yawꞈ ngehꞈ-ehˇ dawˇ laˇ-awˬ.
Aˬ jeˬ miˇ neh ehˇ naˇ, dzoeˬ dzaˬ nuiˇ mahˬ-euˬ gʼahˇ ceh nuiˇ luꞈ-eu Yawˇzaˬ-aˬ, aˬ yawꞈ maꞈ-ahˇ bo-eu yawˇ bo-eu yaw sahˇ pyeuꞈ-awˇ, dehꞈ-eu saꞈ laˇ lawˇ gawˆ-ahˇ aˬ yawꞈ maꞈ-ahˇ sheuˬ gʼeh tehꞈ-a. Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ Miˬyehˇ siˆ shawˇ nehˬ tehꞈ-a.
Haˬnahˬ guiˬ lahˬ shaˇ-eu, “Sahˬpaˬ Miˬyehˇ, ngaˬ nui ma-ahˇ laˬ kʼaˬ cehˇ jeˬ bi byah-euˬ meh. Yawꞈ neh mˇ-euˬ gaˇ baˬ da neh, laˬ kʼaˬ cehˇ dui dui-eu laꞈ kʼoeˇ, Muiˇ-eu deuˬ-ahˇ ngaˇ uiˇ-eu ma. Miˬyehˇ caw ba laꞈ-euˬ miˇ neh, ngaˇ laˬ kʼaˬ cehˇ dui dui-eu ma.