Iˇsaˬyaˇ 12:2 - Akha

² Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 12:2 ပူးပေါင်းရင်းမြစ်များ

2 Saˬmeuˬlaˆ 7:24

Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ tsawˇ jeuˬ-ahˇ, mˬ maˬ maˬ byaˆ zaˇ ziˇ nawˬ-euˬ tsawˇ jeuˬ bi pyeuꞈ laˇ-awˇ, nawˇ aˬ yawꞈ maꞈ-euˬ Miˬyehˇ pyeuꞈ laˇ-euˬ meh.

Yawˇbaˆ 13:16

Haiˬ-eu tsawˇ haˬ Miˬyehˇ-ahˇ maˬ tahˬ puˬ leˇ peuˬ-eu-aˬ, ngaˬ-euˬ nui kʼaˬ ngaˬ-ahˇ ka kʼoꞈ-eu maˬ siˬ.

Jaceuq 112:8

Aˬ yawꞈ guˆ-eu nui ma tiˬ pawꞈ-iˬ maˬ ahˇ-ehˇ, aˬ yawꞈ-ahˇ muiˇ-eu deuˬ smˬ-iˇ tehꞈ-a lehˇ siˬ duˬ-eu meh.

Jaceuq 118:14

Sahˬpaˬ Miˬyehˇ ngaˬ-ahˇ gʼaˬ bi kʼaˆ laˇ-awˇ, ngaˬ-ahˇ ka kʼoꞈ nehˬ laꞈ-euˬ meh.

Jaceuq 118:21

Ngaˬ-euˬ shaˇ dawˬ-ahˇ nawˇ naˇ haˬ-euˬ uˬ taꞈ, guiˇ deuˆ-euˬ bi gʼaˬ leˇ laꞈ-euˬ miˇ neh, nawˬ-ahˇ ngaˇ ja ceuˬ-eu ma.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 65:6

Nawˬ-euˬ gʼaˬ neh gawˬ jawˬ deuˬ-ahˇ ciˬ tsaˬ taˬ-eu laꞈ kʼoeˇ, nawˬ-euˬ baoˬ bi mawˇ-euˬ meh.

Jaceuq 68:20

Aˬ dui-euˬ Miˬyehˇ-aˬ, aˬ dui-ahˇ ka kʼoꞈ-eu Miˬyehˇ pyeuꞈ-awˇ, shiˇ-eu jeˬ keuˆ le ngeh aˬ dui-ahˇ sheuˬ dzeuˇ nehˬ laꞈ-eu meh.

Jaceuq 68:21

Iˬ baˇ mˇ mˇ-ehˇ kʼaˬ gʼa luꞈ-eu muiˇ-eu deuˬ-euˬ uˬ duˬ-ahˇ, Miˬyehˇ kʼoˆ paˆ nehˬ tehꞈ-a.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Doˆ-iˇ 15:2

Sahˬpaˬ Miˬyehˇ-aˬ, gʼaˬ huiˬ-awˇ, ngaˬ-ahˇ haw piˇ-eu gʼaˬ pyeuꞈ-eu meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ pyeuꞈ-eu meh. Aˬ yawꞈ ngaˬ-euˬ Miˬyehˇ pyeuꞈ-awˇ, aˬ yawꞈ-ahˇ ngaˇ ja ceuˬ ma. Aˬ yawꞈ ngaˬ da-euˬ Miˬyehˇ pyeuꞈ-awˇ, aˬ yawꞈ huiˬ-eu mahˇ-eu gaˇ kawˆ, ngaˇ caˇ-awˇ ja ceuˬ ma.

Iˇsaˬyaˇ 10:24

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ neh, Ziˇoˬ meuˬ-ahˇ jawˇ-eu aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Aˬshuˇliˆ tsawˇ haˬ deuˬ-ahˇ taˬ guˆ. Iˇjiˇtuˆ tsawˇ haˬ deuˬ neh naw maꞈ-ahˇ kʼehˬ nehˬ laꞈ haw-euˬ loꞈ-ehˇ, aˬ yawꞈ maꞈ naw maꞈ-ahˇ kʼehˬ nehˬ laꞈ kʼawꞈ, naw maꞈ taˬ guˆ.

Iˇsaˬyaˇ 17:10

Iˇsaˬleˬlaˆ tsawˇ haˬ deuˬ-oˇ, naw maꞈ gʼaˇ duˬ lo guˇ loꞈ-ehˇ ziꞈ-euˬ, naw maꞈ-ahˇ ka kʼoꞈ-euˬ miˬ yehˇ-ahˇ, naw maꞈ byehˇ dzeh yaꞈ-awˇ, aˬ cawˬ tsawˇ jeuˬ-euˬ Miˬyehˇ-ahˇ uˬ duˬ tahˬ-eu gʼaˇ duˬ, muiˬ-eu shawˇ-eu yaˇ kmˇ mˇ-euˬ miˇ neh,

Iˇsaˬyaˇ 27:5

Yaˇ moꞈ hawˇ-eu aˬ gah kʼoeˇ deuˬ, ngaˬ-ahˇ tahˬ shaˇ laˇ naˇ, aˬ yawꞈ maꞈ ngaˬ-ahˇ dehꞈ tsaˬ luꞈ-uˇ. Aˬ yawꞈ maꞈ ngaˬ-ahˇ tsaˬ laˇ dzoeˇ laˇ luꞈ-uˇ.”

Iˇsaˬyaˇ 32:2

Aˬ yawꞈ maꞈ aˬ yawꞈ gʼaˬ yawꞈ, jaˬ lehˇ baw ngeh naˬ duˬ loꞈ-ehˇ pyeuꞈ-awˇ, mˬ jeˬ jaˬ lehˇ huiˬ ngeh awˆ duˬ-ahˇ duˇ tehꞈ-a. Gui coˇ ni gʼeh-eu kʼaˇ shuiꞈ deh yaˇ-ahˇ, yoeˇ doˆ le-euˬ lawˇ gawˆ hawˇ-eu, shiˬ deuˬ ni gʼeh-eu lo guˇ-ahˇ duˇ tehꞈ-a.

Iˇsaˬyaˇ 33:22

Sahˬpaˬ Miˬyehˇ aˬ dui kʼoeˇ taˆ uˆ lahˇ-eu meh. Sahˬpaˬ Miˬyehˇ aˬ dui-ahˇ zahˇ dawˬ kʼoꞈ dawˬ biꞈ laꞈ-awˇ, Sahˬpaˬ Miˬyehˇ aˬ dui-euˬ sahˬ paˬ meh. Aˬ dui-ahˇ aˬ yawꞈ ka kʼoꞈ laꞈ-eu meh.

Iˇsaˬyaˇ 38:20

Sahˬpaˬ Miˬyehˇ-oˇ, nawˇ ngaˬ-ahˇ laˆ taˬ nehˬ laꞈ-euˬ meh. Nga maꞈ deuˇ-mˬ diˬ-awˇ nawˬ-ahˇ ja ceuˬ-eu ma. Nga maꞈ yaw dehꞈ dehꞈ-eu tiˬ ziˇ, nawˬ-euˬ Uˬ duˬ tahˬ nymˇ nymˇ ma laꞈ kʼoeˇ, ja ceuˬ-eu caˇ dawˬ caˇ-eu ma.

Iˇsaˬyaˇ 45:17

Ehˇ kʼawꞈ, Iˇsaˬleˬlaˆ-ahˇ Sahˬpaˬ Miˬyehˇ ka kʼoꞈ-awˇ, mˬ maˬ maˬ byaˆ zaˇ ziˇ gʼaˬ leˇ-eu gʼaˬ pyeuꞈ-awˇ, shaꞈ dawˇ-eu jeˬ maˬ keuˆ le-ehˇ daˬ maˬ ga-a.’

Iˇsaˬyaˇ 49:5

Ngaˇ maˬ dehꞈ doˆ le mi naˆ-ehˇ, Sahˬpaˬ Miˬyehˇ ngaˬ-ahˇ tseˇ doˆ-euˬ meh. Aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ-eu gʼaˇ duˬ, ngaˬ-ahˇ aˬ yawꞈ zaˬ kʼaˆ bi geuꞈ-euˬ meh. Sahˬpaˬ Miˬyehˇ ngaˬ-ahˇ taˬ huiˬ laꞈ-awˇ, aˬ yawꞈ baˬ da neh ngaˇ gʼaˬ byah luꞈ-eu ma.

Iˇsaˬyaˇ 50:10

Naw maꞈ laꞈ kʼoeˇ Sahˬpaˬ Miˬyehˇ-ahˇ guˆ-eu siˬ nya-awˇ, aˬ yawꞈ-euˬ zaˬ kʼaˆ ehˇ dawˬ naˇ haˬ-eu deuˬ dawˬ tawˆ luꞈ, naw maꞈ cah-eu gaˇ ma zahˇ dui dui meh. Ehˇ kʼawꞈ Sahˬpaˬ Miˬyehˇ-ahˇ naw maꞈ jah-awˇ, Miˬyehˇ-ahˇ gʼoe-eu jeˬ-ahˇ taˬ ngehˇ.

Iˇsaˬyaˇ 51:12

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 62:11

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ heu loꞈ-ehˇ ehˇ luꞈ meh. “Naw maꞈ-ahˇ ka kʼoꞈ-eu gʼaˇ duˬ, aˬ yawꞈ neh ka kʼoꞈ doˆ laꞈ-euˬ tsawˇ haˬ deuˬ-ahˇ sheuˬ-awˇ, Sahˬpaˬ Miˬyehˇ oe luꞈ meh lehˇ, Yeˬluˇsaˬlehˬ tsawˇ haˬ-ahˇ ehˇ nehˬ-awˬ.”

Iˇsaˬyaˇ 65:18

Ngaˬ neh beh-euˬ jeˬ-ahˇ, mˬ maˬ maˬ byaˆ zaˇ ziˇ laˬ kʼaˬ cehˇ-awˬ. Ngaˬ neh beh-euˬ Yeˬluˇsaˬlehˬ yaw shuiꞈ laꞈ kʼoeˇ, laˬ kʼaˬ cehˇ duˬ tiˬ byah jaˆ-awˇ, kʼoeˇ gaˇ jawˇ-eu tsawˇ haˬ deuˬ laˬ kʼaˬ cehˇ tehꞈ-a.

Iˇsaˬyaˇ 7:14

Toˆ-ehˇ jeˬ maˇ-iˬ, Sahˬpaˬ Miˬyehˇ aˬ yawꞈ-euˬ mawˇ do, nawˬ-euˬ kʼoeˇ taˆ bi siˬ bi mawˇ-eu jeˬ bi keuˆ le tehꞈ-a. Shawˇ jehˆ ni gʼeh-eu zaˬ miˬ zaˬ zaˬ guˬ tiˬ gʼaˬ aˬ nyiˇ pi leˇ-awˇ, aˬ li tiˬ li ciˬ-awˇ, Eˇmaˬnoeˬlaˇ, lehˇ myahˇ nehˬ tehꞈ-a.

Yeˬlaˬmiˇ 23:6

Aˬ yawꞈ sahˬ paˬ pyeuꞈ laˇ ngeh, Yuˇdaˆ tsawˇ haˬ deuˬ guˆ kʼaˇ maˬ za-ehˇ, Iˇsaˬleˬlaˆ tsawˇ haˬ deuˬ kʼawꞈ nui saˇ oꞈ tehꞈ-a. Aˬ yawꞈ-ahˇ, ‘Nga maꞈ-ahˇ ka kʼoꞈ-eu Sahˬpaˬ Miˬyehˇ’ lehˇ kuˇ tehꞈ-a.”

Yeˬlaˬmiˇ 3:23

Gawˬ duˇ uˬ du kʼaˇ ngeuˇ gaˇ lawˇ ciꞈ zaˬ deuˬ uˬ duˬ tahˬ-eu jeˬ, nga maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ nya. Iˇsaˬleˬlaˆ-ahˇ caw ba-euˬ jeˬ-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ neh doˆ le-eu tehꞈ meh.

Daˬyeˬlaˇ 3:28

Kʼoeˇ ngeh, sahˬ paˬ heu loꞈ-ehˇ ehˇ-eu meh. “Shaˬdaˬlaˆ, Meˬshaˆ, Aˬbeˬdaˬneˬgoˬ aˬ ha smˇ gʼaˬ-euˬ Miˬyehˇ-ahˇ ja ceuˬ-awˬ. Aˬ yawꞈ-ahˇ gʼoe-awˇ aˬ yawꞈ-euˬ nui kʼahˇ mˇ-eu tsawˇ haˬ heu smˇ gʼaˬ-ahˇ, aˬ yawꞈ-euˬ mˬ taˆ gʼaˬ kʼehˇ pyehˬ leꞈ-awˇ bi ka kʼoꞈ le-euˬ meh. Aˬ yawꞈ maꞈ-euˬ Miˬyehˇ-ahˇ maˬ ngeuˇ naˇ miˬ yehˇ nui gʼaˬ-ahˇ uˬ duˬ maˬ tahˬ lehˇ, shiˇ gaˇ maˬ guˆ ni ngaˬ-euˬ ehˇ dawˬ-ahˇ puiˬ-euˬ meh.

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”

Yawˇlaˆ 2:23

“Ziˇoˬ zaˬ-oˇ, laˬ kʼaˬ cehˇ-awˬ. Naw maꞈ jah-eu Miˬyehˇ pyeuꞈ-eu, Sahˬpaˬ Miˬyehˇ laꞈ kʼoeˇ cehˇ-awˬ. Aˬ yawꞈ tsaˬ-eu dawˇ-eu miˇ neh, naꞈ ngeh loˬ-eu uˬ yehˇ kʼoeˇ bahˬ. Tiˬ byah tiˬ loꞈ biꞈ laꞈ-euˬ meh. Naꞈ ngeh mya ngeh loˬ-eu uˬ yehˇ, dzeuˇ laˇ ngeh biꞈ laꞈ-euˬ loꞈ-ehˇ, yamˬ law tsaˬ ni biꞈ laꞈ-euˬ meh.

Yawˇnaˆ 2:9

Ehˇ kʼawꞈ, nawˬ-ahˇ ngaˇ ja ceuˬ-awˇ, nawˬ-ahˇ lawˇ-eu shehˇ-eu laꞈ kʼoeˇ, nawˬ-ahˇ saˇ jaˇ dzaˬ taˬ-euˬ jeˬ, maˬ byehˇ dzeh ni ngaˇ mˇ byah ma. Ka kʼoꞈ-eu guiˬ lahˬ yaw dzahˇ-aˬ, Sahˬpaˬ Miˬyehˇ neh biꞈ-euˬ meh.”

Haˬbaˬkuˆ 3:18

Sahˬpaˬ Miˬyehˇ pyeuꞈ-eu Miˬyehˇ, ka kʼoꞈ le gaˇ ngaˇ noeˬ tmˬ-awˇ, laˬ kʼaˬ cehˇ taˆ ni jawˇ-euˬ ma.

Lormav 1:16

Laˬ kʼaˬ cehˇ-eu Guiˬ lahˬ dawˬ-ahˇ ngaˇ nui ma huiˬ dui dui luꞈ ma. Laˬ kʼaˬ cehˇ-eu Guiˬ lahˬ dawˬ-aˬ, jah-eu tsawˇ haˬ dawˬ tawˆ luꞈ-ahˇ ka kʼoꞈ nehˬ-eu Miˬyehˇ-euˬ baoˬ pyeuꞈ-eu meh. Yuˇdaˆ tsawˇ haˬ-ahˇ neh dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni ka kʼoꞈ-eu meh.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

Panmaeq 7:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Ka kʼoꞈ-eu jeˬ-aˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu aˬ dui-euˬ Miˬyehˇ hawˇ-eu aˬ dui-euˬ Yawˇzaˬ jawˇ gaˇ neh oe-euˬ meh” lehˇ ehˇ-eu meh.

1 Saˬmeuˬlaˆ 2:1

Haˬnahˬ guiˬ lahˬ shaˇ-eu, “Sahˬpaˬ Miˬyehˇ, ngaˬ nui ma-ahˇ laˬ kʼaˬ cehˇ jeˬ bi byah-euˬ meh. Yawꞈ neh mˇ-euˬ gaˇ baˬ da neh, laˬ kʼaˬ cehˇ dui dui-eu laꞈ kʼoeˇ, Muiˇ-eu deuˬ-ahˇ ngaˇ uiˇ-eu ma. Miˬyehˇ caw ba laꞈ-euˬ miˇ neh, ngaˇ laˬ kʼaˬ cehˇ dui dui-eu ma.