Iˇsaˬyaˇ 12:1 - Akha

¹ Miˇ kʼahˬ zaˬ deuˬ heu loꞈ-ehˇ caˇ dawˬ caˇ-eu aˇ nah keuˆ le tehꞈ-a. “Sahˬpaˬ Miˬyehˇ-oˇ, nawˬ-ahˇ ngaˇ ja ceuˬ-eu ma. Yaw beh nawˇ ngaˬ-ahˇ nui ma pehˇ-euˬ kʼawꞈ, nymˬ-mˇ nui ma maˬ paˇ pehˇ-ehˇ, ngaˬ-euˬ nui ma-ahˇ laˆ saˆ nehˬ laꞈ-euˬ meh.

Iˇsaˬyaˇ 12:1 ပူးပေါင်းရင်းမြစ်များ

Neˬhaˬmiˇ 8:10

Iˇ kahˇ-ahˇ gʼoꞈ-iˇ-awˇ dzaˬ-iˇ dawˇ-iˇ-awˬ. Naw maꞈ-euˬ dzaˬ dzaˬ dawˇ dawˇ hawˇ-eu aˬ gaꞈ dzaˇ uiˇ-ahˇ, maˬ jaˆ-eu tsawˇ haˬ deuˬ-ahˇ kʼawꞈ biˇ nehˬ-awˇ bi dzaˬ-awˬ. Iˬ nah-aˬ, aˬ dui-euˬ Sahˬpaˬ Miˬyehˇ gʼaˇ duˬ muiˬ-eu shawˇ-eu aˇ nah pyeuꞈ-eu miˇ neh, nui ma shaˬ zahˬ taˬ mˇ. Sahˬpaˬ Miˬyehˇ laꞈ kʼoeˇ laˬ kʼaˬ cehˇ-eu jeˬ-aˬ, naw maꞈ-euˬ gʼaˬ meh.”

Yawˇbaˆ 11:16

Iˇ jeuˬ oe-euˬ myahˇ laˇ ngeh ngehˇ-eu loꞈ-ehˇ, nawˬ-euˬ shaˬ zahˬ nawˇ ngehˇ byoˆ jiˇ tehꞈ-a.

Yawˇbaˆ 13:16

Haiˬ-eu tsawˇ haˬ Miˬyehˇ-ahˇ maˬ tahˬ puˬ leˇ peuˬ-eu-aˬ, ngaˬ-euˬ nui kʼaˬ ngaˬ-ahˇ ka kʼoꞈ-eu maˬ siˬ.

Jaceuq 30:5

Aˬyawꞈnui ma pehˇ-eu jeˬ-aˬ, tiˬkʼehˇlaˇkʼehˬ tehꞈ-ehˇgmˬ-awˇ, aˬyawꞈnui ma muiˬ-eu jeˬ-aˬ, tiˬziˇjiˇtiˬyehˆjuˬ-eu meh. Uˬciꞈmyaˆbiˇya yoeˇbya kawꞈ, uˬbya laˬkʼaˬcehˇ-eu oe meh.

Jaceuq 71:21

Dzeuˇ laˇ ngeh naˆ maˬ tseˇ ciˬ huiˬ ciˬ mahˇ nehˬ laꞈ-eu laꞈ kʼoeˇ, nawˇ ngaˬ-ahˇ nui ma paˇ bi saˇ laˇ tehꞈ-a.

Jaceuq 85:4

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ sheuˬ kʼoꞈ le nehˬ laꞈ. Nga maꞈ kʼoeˇ taˆ nawˇ nui ma maˬ saˇ-eu jeˬ bi byoˆ-iˇ nehˬ laꞈ.

Jaceuq 86:17

Sahˬpaˬ Miˬyehˇ-oˇ, nawˇ muiˬ-eu gaˇ kawˆ bi siˬ bi mawˇ laꞈ. Nawˇ ngaˬ-ahˇ nui saˇ oꞈ-eu jeˬ biꞈ laꞈ-awˇ ngehˬ gʼeh luꞈ gaˇ ya mawˇ ngeh, ngaˬ-ahˇ bye-eu tsawˇ haˬ deuˬ ya shaꞈ dawˇ tehꞈ-a.

Jaceuq 9:1

Sahˬpaˬ Miˬyehˇ-oˇ, ngaˬ-euˬnui ma gʼawˇmawˇdawˬtawˆ, nawˬ-ahˇja ceuˬdui dui-eu ma. Nawˬneh mˇdoˆtaˬ-euˬgaˇdeuˬ, zahˬdui dui leˇpaˬ-ehˇgʼeh-eu, maˬja gaˬ-ehˇ maˬjawˇcoeˇnya.

Iˇsaˬyaˇ 10:25

Aˬ yawꞈ maꞈ naw maꞈ-ahˇ kʼehˬ-eu kʼaˆ-eu jeˬ, tiˬ kʼehˇ laˇ kʼehˬ laꞈ kʼoeˇ aˇ saˬ bi saˬ-awˇ, aˬ yawꞈ maꞈ-ahˇ ngaˇ laˆ luˬ laˆ seˇ nehˬ ma.

Iˇsaˬyaˇ 10:4

Aˬ cawˬ neh bi deuˆ sehꞈ-eu jeˬ hawˇ-eu, aˬ cawˬ miˇ kʼahˬ-ahˇ bi nyehꞈ gʼeh-eu nyiˬ jeˬ uˬ taꞈ, gaˇ ma yawˬ kahˇ yawˬ maˬ dahˇ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ taˬ leˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ, maˬ baꞈ ka ni bi jaˆ tehꞈ-a.

Iˇsaˬyaˇ 11:16

Iˇsaˬleˬlaˆ tsawˇ haˬ-euˬ aˬ poeˬ aˬ bawˇ deuˬ, Iˇjiˇtuˆ miˇ kʼahˬ-ahˇ doˆ le ngeh gaˇ jawˬ dahˇ-euˬ loꞈ-ehˇ, Aˬshuˇliˆ miˇ kʼahˬ-ahˇ dzeˇ-eu Iˇsaˬleˬlaˆ tsawˇ haˬ deuˬ gʼaˇ duˬ, Aˬshuˇliˆ miˇ kʼahˬ-ahˇ neh gaˇ jawˬ dahˇ doˆ tehꞈ-a.

Iˇsaˬyaˇ 14:3

Iˇsaˬleˬlaˆ tsawˇ haˬ deuˬ shaˬ zahˬ naꞈ dui dui-awˇ, myawˬ kʼaˆ bi ciˬ pi-euˬ uˬ moˆ, Sahˬpaˬ Miˬyehˇ aˬ yawꞈ maꞈ-ahˇ bi buˬ bi law-iˇ tehꞈ-a.

Iˇsaˬyaˇ 2:11

Aˬ cawˬ-ahˇ zuiˆ gʼaˬ-euˬ myaˆ nuiˆ ga juˬ-iˇ-awˇ, tsawˇ haˬ zaˬ nui ma huiˬ-eu jeˬ bi nawˬ awˆ tehꞈ-a. Aˇ nah aˇ yamˬ kʼoeˇ keuˆ laˇ ngeh, Sahˬpaˬ Miˬyehˇ tiˬ gʼaˬ tehꞈ-ehˇ, ciˬ huiˬ ciˬ mahˇ nehˬ gaˇ ya daˬ tehꞈ-a.

Iˇsaˬyaˇ 25:1

Sahˬpaˬ Miˬyehˇ-oˇ, nawˇ ngaˬ-euˬ Miˬyehˇ ma. Nawˬ-ahˇ ngaˇ taˬ huiˬ taˬ mahˇ-awˇ, nawˬ-euˬ tsawˇ myahˇ-ahˇ ja ceuˬ ma. Zahˬ leˇ paˬ-ehˇ gʼeh-eu gaˇ deuˬ nawˇ mˇ-euˬ meh. Aˇ hu ba neh nawˬ neh kʼaˇ noeˬ taˬ-euˬ jeˬ, saˇ jaˇ ziꞈ-eu laꞈ kʼoeˇ nawˇ mˇ byah luꞈ-eu meh.

Iˇsaˬyaˇ 25:9

Kʼoeˇ loꞈ-ehˇ pyeuꞈ laˇ ngeh, tsawˇ haˬ yawˬ gʼaˬ na luꞈ heu loꞈ-ehˇ ehˇ tehꞈ-a. “Aˬ yawꞈ-aˬ, aˬ dui-euˬ Miˬyehˇ ma. Aˬ yawꞈ-ahˇ aˬ dui gʼoe-euˬ loꞈ-ehˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Aˬ yawꞈ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-ahˇ aˬ dui gʼoe-euˬ loꞈ-ehˇ, nymˬ-mˇ aˬ dui laˬ kʼaˬ cehˇ nui saˇ za-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ neh ka kʼoꞈ nehˬ laꞈ-euˬ meh.”

Iˇsaˬyaˇ 26:1

Yuˇdaˆ miˇ kʼahˬ laꞈ kʼoeˇ caˇ dawˬ heu bymˇ ya caˇ-eu aˇ nah keuˆ le tehꞈ-a. Aˬ dui-euˬ meuˬ ziꞈ dui dui meh. Meuˬ meuˬ lahˇ-ahˇ Miˬyehˇ haw piˇ luꞈ meh.

Iˇsaˬyaˇ 35:10

Aˬ yawꞈ maꞈ laˬ kʼaˬ cehˇ-eu caˇ dawˬ caˇ-awˇ guˇ guˇ-ehˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ le keuˆ tehꞈ-a. Aˬ yawꞈ maꞈ mˬ maˬ maˬ byaˆ zaˇ ziˇ laˬ kʼaˬ cehˇ-awˇ, noeˬ shaˬ noeˬ zahˬ-eu jeˬ hawˇ-eu myaˆ biˇ doˆ-eu jeˬ-ahˇ, mˬ maˬ maˬ byaˆ zaˇ ziˇ buˬ-iˇ law-iˇ tehꞈ-a.

Iˇsaˬyaˇ 49:13

Mˬ-oˇ, caˇ-awˇ ja ceuˬ-awˬ. Miˇ-oˇ, laˬ kʼaˬ cehˇ-awˇ guˇ-awˬ. Gawˬ jawˬ deuˬ kʼawꞈ yaw kʼaˆ-ehˇ caˇ-awˇ ja ceuˬ-awˬ. Aˬ yawꞈ-euˬ tsawˇ jeuˬ-ahˇ Sahˬpaˬ Miˬyehˇ nui saˇ bi oꞈ tehꞈ-a. Kʼehˬ-eu kʼaˆ-eu gaˇ ya daˬ-euˬ aˬ yawꞈ-euˬ tsawˇ haˬ-ahˇ, aˬ yawꞈ gʼawˬ shaˬ gaˬ nehˬ tehꞈ-a.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Iˇsaˬyaˇ 54:7

“Nawˬ-ahˇ ngaˇ tiˬ kʼehˇ laˇ kʼehˬ byehˇ dzeh-euˬ tehꞈ ma. Gaˬ dui dui-eu laꞈ kʼoeˇ nawˬ-ahˇ ngaˇ paˇ sheuˬ kʼoꞈ geuꞈ ma.

Iˇsaˬyaˇ 54:8

Nui ma pehˇ dui dui-eu miˇ neh, ngaˬ-euˬ myaˆ pyawˬ tiˬ kʼehˇ laˇ kʼehˬ ciˬ zaꞈ-euˬ ma. Ngaˬ-euˬ nui gaˬ mˬ maˬ maˬ byaˆ zaˇ ziˇ, nawˬ-ahˇ bi mawˇ ma” lehˇ, nawˬ-ahˇ ka kʼoꞈ-euˬ Sahˬpaˬ Miˬyehˇ ehˇ-eu meh.

Iˇsaˬyaˇ 54:9

“Miˇ tsaˬ kʼoeˇ taˆ iˇ cuꞈ maˬ paˇ bi dahˬ pymˬ-eu gʼaˇ duˬ, Noˇaˬ-euˬ ziˇ-ahˇ ngaˇ saˇ jaˇ biꞈ-euˬ loꞈ-ehˇ, nawˬ-ahˇ nui ma maˬ paˇ pehˇ-eu gʼaˇ duˬ nymˬ-mˇ ngaˇ saˇ jaˇ biꞈ-eu ma. Nawˬ-ahˇ ngaˇ maˬ paˇ byehˇ dzeh ma.

Iˇsaˬyaˇ 60:10

Yeˬluˇsaˬlehˬ-ahˇ Sahˬpaˬ Miˬyehˇ ehˇ-eu, “Boeˇ miˬ siˬ kʼaˬ deuˬ nawˬ-euˬ meuˬ lahˇ gawˬ muiˬ-awˇ, aˬ yawꞈ maꞈ-euˬ sahˬ paˬ deuˬ nawˬ-ahˇ ya mˇ cu tehꞈ-a. Nui ma pehˇ-eu laꞈ kʼoeˇ nawˬ-ahˇ ngaˇ kʼehˬ-euˬ kʼawꞈ, nawˬ-euˬ myaˆ pyawˬ-ahˇ ngaˇ haw-awˇ gʼawˬ shaˬ gaˬ ma.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Iˇsaˬyaˇ 64:5

Yaw tsaˬ yaw dawˇ jeˬ mˇ gaˇ laˬ kʼaˬ cehˇ-eu deuˬ hawˇ-eu, nawˬ-euˬ nui kʼahˇ poˆ-eu deuˬ-ahˇ nawˇ maˬ ngehˇ-a. Nawˇ nga maꞈ-ahˇ nui ma pehˇ kʼawꞈ, nga maꞈ iˬ baˇ mˇ-eu maˬ byehˇ dzeh-aˬ. Nawˇ nui ma pehˇ dui dui-euˬ kʼawꞈ, aˇ hu ba neh yaw lehˬ jeˬ nga maꞈ mˇ ka leꞈ-euˬ ma.

Iˇsaˬyaˇ 65:18

Ngaˬ neh beh-euˬ jeˬ-ahˇ, mˬ maˬ maˬ byaˆ zaˇ ziˇ laˬ kʼaˬ cehˇ-awˬ. Ngaˬ neh beh-euˬ Yeˬluˇsaˬlehˬ yaw shuiꞈ laꞈ kʼoeˇ, laˬ kʼaˬ cehˇ duˬ tiˬ byah jaˆ-awˇ, kʼoeˇ gaˇ jawˇ-eu tsawˇ haˬ deuˬ laˬ kʼaˬ cehˇ tehꞈ-a.

Iˇsaˬyaˇ 66:13

Aˬ ma zaˬ-ahˇ bo saˆ nehˬ-eu loꞈ-ehˇ, Yeˬluˇsaˬlehˬ laꞈ kʼoeˇ naw maꞈ-ahˇ ngaˇ bo saˆ nehˬ ma.

Yeˬlaˬmiˇ 30:19

Kʼoeˇ gaˇ jawˇ-eu tsawˇ haˬ deuˬ ja ceuˬ-eu caˇ dawˬ caˇ-awˇ, laˬ kʼaˬ cehˇ cehˇ-ehˇ guˇ tehꞈ-a. Ngaˬ-euˬ guiˬ lahˬ baˬ da aˬ yawꞈ maꞈ jeuˬ le o le-awˇ, aˬ yawꞈ maꞈ-ahˇ aˬ cawˬ taˬ huiˬ taˬ mahˇ tehꞈ-a.

Yeˬlaˬmiˇ 31:13

Kʼoeˇ ngeh aˬ buˇ miˬ daꞈ deuˬ gaˇ nyeh nyeh tehꞈ-a. Zaˬ guˬ tsawˇ mawˬ maˬ ehˇ laˬ kʼaˬ ya cehˇ tehꞈ-a. Aˬ yawꞈ maꞈ-euˬ nui ma-ahˇ ngaˇ laˆ saˆ nehˬ-eu miˇ neh, myaˆ biˇ yoeˇ-eu dah zaˇ laˬ kʼaˬ cehˇ-awˇ, shaˬ zahˬ dah zaˇ nui saˇ oꞈ le tehꞈ-a.

Hawˇseˬ 11:8

“Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ gʼeh-awˇ byehˇ coeˇ nmˇ. Aˬdaˬmaˬ-ahˇ kʼehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ kʼehˬ nmˇ. Zeˬbymˬ-ahˇ jahˇ nehˬ-euˬ loꞈ-ehˇ, nawˬ-ahˇ ngaˇ aˬ joˆ-ehˇ jahˇ nmˇ. Nawˬ-ahˇ gaˬ dui dui-eu miˇ neh, kʼoeˇ loꞈ-ehˇ jahˇ nehˬ-eu gʼaˇ duˬ, ngaˬ-euˬ nui ma maˬ gʼaˬ leˇ nya.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Zaˬkaˬliˇ 1:16

Kʼoeˇ miˇ neh, Yeˬluˇsaˬlehˬ meuˬ-ahˇ gʼawˬ shaˬ gaˬ nehˬ-eu gʼaˇ duˬ ngaˇ paˇ gʼoꞈ le-euˬ ma. Ngaˇ nui ma pehˇ-eu jeˬ byoˆ-iˇ-awˇ, ngaˬ-euˬ Uˬ duˬ tahˬ nymˇ nymˇ ma tsoˆ muiˬ-awˇ, meuˬ paˇ gawˬ ziꞈ ma.”

Zaˬkaˬliˇ 14:20

Aˇ nah aˇ yamˬ kʼoeˇ yamˬ keuˆ le ngeh, mahˬ-euˬ jaˇ cuˇ-ahˇ keuˆ ni, “Sahˬpaˬ Miˬyehˇ-ahˇ a nehˬ-euˬ ma” lehˇ boꞈ myahˬ taˬ-euˬ gaˇ ya mawˇ tehꞈ-a. Uˬ duˬ tahˬ nymˇ nymˇ ma laꞈ kʼoeˇ jaˇ dzahˇ-eu oeˬ lahˬ deuˬ kʼawꞈ, lawˇ duˬ-euˬ mehˬ shi jaˆ-eu naˬ bo loꞈ-ehˇ muiˬ-eu shawˇ-eu mˇ myawˬ pyeuꞈ tehꞈ-a.

Zaˬkaˬliˇ 14:9

Kʼoeˇ naˇ, miˇ tsaˬ dawˬ tawˆ luꞈ kʼoeˇ taˆ Sahˬpaˬ Miˬyehˇ sahˬ paˬ geuꞈ-awˇ uˆ lahˇ tehꞈ-a. Kʼoeˇ ngeh jawˇ, tsawˇ haˬ yawˬ gʼaˬ na luꞈ Miˬyehˇ-ahˇ tehꞈ-ehˇ uˬ duˬ tahˬ-awˇ, Miˬyehˇ-euˬ tsawˇ myahˇ tiˬ myahˇ tehꞈ-ehˇ jaˆ tehꞈ-a.

Zaˬkaˬliˇ 8:11

Ehˇ kʼawꞈ, miˇ kʼahˬ heu kʼahˬ laꞈ kʼoeˇ dzeˇ yaꞈ-euˬ tsawˇ haˬ deuˬ-ahˇ, nymˬ-mˇ ngaˇ kʼoeˇ loꞈ-ehˇ maˬ paˇ jahˇ ma.

Zaˬkaˬliˇ 8:19

“Ba la oeˬ siˬ tiˬ siˬ, ngaˬ siˬ tiˬ siˬ, shiꞈ siˬ tiˬ siˬ hawˇ-eu, tseˇ siˬ tiˬ siˬ laꞈ kʼoeˇ, maˬ dzaˬ-eu zahˇ jahˇ-eu bawˬ-iˬ gʼeh-eu kʼoeˇ-aˬ, Yuˇdaˆ tsawˇ haˬ gʼaˇ duˬ laˬ kʼaˬ cehˇ-eu bawˬ-iˬ pyeuꞈ laˇ tehꞈ-a. Yaw tsaˬ yaw dawˇ jeˬ hawˇ-eu tsaˬ leˇ dzoeˇ leˇ-eu jeˬ-ahˇ naw maꞈ ya gaˬ meh.”

Lormav 11:15

Aˬ yawꞈ maꞈ-ahˇ Miˬyehˇ byehˇ dzeh nehˬ ngeh, Miˬyehˇ-ahˇ muiˇ-euˬ aˬ cawˬ tsawˇ jeuˬ kʼoeˇ deuˬ Miˬyehˇ-ahˇ cawˬ cawˬ taꞈ nya-eu tsawˇ haˬ bi pyeuꞈ laˇ-euˬ-aˬ, aˬ yawꞈ maꞈ-ahˇ ha geuꞈ nehˬ ngeh jawˇ aˬ joˆ-ehˇ paˇ pyeuꞈ laˇ nmˇ. Shiˇ-euˬ tsawˇ haˬ paˇ bi gʼoꞈ dehꞈ laˇ-euˬ gaˇ duˇ tehꞈ-a.