Iˇsaˬyaˇ 10:9 - Akha

⁹ Kaˬsheˬmiˇ meuˬ-ahˇ deuˆ gʼaˬ nehˬ-euˬ loꞈ-ehˇ, Kaˬlaˬnoˬ meuˬ-ahˇ deuˆ gʼaˬ nehˬ-euˬ maˬ ngeuˇ-a loˇ. Haˬmaˆ meuˬ hawˇ-eu Aˬpaˆ meuˬ-ahˇ, tiˬ gaˇ duˇ ni jahˇ nehˬ-awˇ, Saˬmaˬliˆ meuˬ hawˇ-eu Daˬmaˬsehˇ meuˬ-ahˇ, aˬ yawꞈ tiˬ jeˬ bi keuˆ le-euˬ maˬ ngeuˇ-a loˇ.

Iˇsaˬyaˇ 10:9 ပူးပေါင်းရင်းမြစ်များ

Aˇ dahˬ 10:10

Yaw beh aˬ yawꞈ-euˬ miˇ kʼahˬ-aˬ, Baˬbuˇloˬ miˇ kʼahˬ-ahˇ jaˆ-eu Baˬbuˇloˬ meuˬ, Ehˇlehˆ meuˬ, Aˬkaˆ meuˬ, heu smˇ meuˬ meh.

2 Saˬmeuˬlaˆ 8:9

Haˬdaˬdeˬzaˬ-euˬ guiˇ maꞈ dawˬ tawˆ luꞈ-ahˇ Daˬbiˇ deuˆ gʼaˬ-euˬ gaˇ kawˆ, Haˬmaˆ meuˬ-ahˇ jawˇ-eu sahˬ paˬ Tawˇiˆ ya gaˬ-euˬ meh.

2 Sahˬpaˬ 16:9

Aˬkaˆ-euˬ shaˇ dawˬ-ahˇ Tiˇgaˬlaˇpaˬleˬsaˬ naˇ haˬ-awˇ, aˬ yawꞈ-euˬ guiˇ maꞈ sheuˬ leꞈ-awˇ, Daˬmaˬsehˇ meuˬ-ahˇ deuˆ gʼaˬ-awˇ sahˬ paˬ Leˬzeˬ-ahˇ sehꞈ-euˬ uˬ taꞈ, Suˇliˆ miˇ kʼahˬ zaˬ deuˬ-ahˇ Kiˇlaˆ meuˬ-ahˇ nyehꞈ daˆ gʼeh-euˬ meh.

2 Sahˬpaˬ 17:24

Aˬshuˇliˆ sahˬ paˬ-aˬ, Baˬbuˇloˬ meuˬ, Guˇdaˆ meuˬ, Iˇbaˬ meuˬ, Haˬmaˆ meuˬ, Seˬpaˬbeˬ meuˬ heu deuˬ-ahˇ jawˇ-eu tsawˇ haˬ deuˬ sheuˬ-awˇ, aˬ yawꞈ neh nyehꞈ daˆ gʼeh-euˬ Iˇsaˬleˬlaˆ tsawˇ haˬ kʼoeˇ deuˬ-euˬ jawˇ duˬ pyeuꞈ-eu Saˬmaˬliˆ meuˬ-ahˇ bi jawˇ-euˬ meh. Tsawˇ haˬ kʼoeˇ deuˬ meuˬ kʼoeˇ deuˬ laꞈ kʼoeˇ jawˇ geuꞈ le-euˬ meh.

2 Sahˬpaˬ 18:34

Miˬ yehˇ kʼoeˇ deuˬ aˬ geu paw iˇ byoˆ jiˇ taˬ. Haˬmaˆ meuˬ-euˬ miˬ yehˇ hawˇ-eu Aˬpaˆ meuˬ-euˬ miˬ yehˇ deuˬ aˬ gaˇ iˇ taˬ. Seˬpaˬbeˬ meuˬ, Heˬnaˬ meuˬ hawˇ-eu Iˇbaˬ meuˬ kʼoeˇ deuˬ-euˬ miˬ yehˇ deuˬ aˬ geu paw iˇ byoˆ jiˇ taˬ. Saˬmaˬliˆ meuˬ-ahˇ kʼawꞈ, tiˬ gʼaˬ na neh ka kʼoꞈ nehˬ haw-euˬ jaˆ ta loˇ.

2 Laˬsaˬbaˬ 32:14

Miˇ kʼahˬ kʼoeˇ deuˬ-euˬ miˬ yehˇ deuˬ nga maꞈ-euˬ laꞈ-ahˇ neh aˬ yawꞈ maꞈ-euˬ miˇ kʼahˬ-ahˇ ka kʼoꞈ doˆ nehˬ-euˬ aˬ myah gaˬ haw teˬ. Toˆ-ehˇ ngeuˇ naˇ, naw maꞈ-euˬ miˬ yehˇ naw maꞈ-ahˇ ka kʼoꞈ nehˬ laꞈ tehꞈ-a lehˇ aˬ jeˬ miˇ neh noeˬ te.

2 Laˬsaˬbaˬ 35:20

Uˬ duˬ tahˬ nymˇ nymˇ ma gʼaˇ duˬ kʼoeˇ deuˬ dawˬ tawˆ luꞈ-ahˇ sahˬ paˬ Yawˇshiˆ mˇ gʼaˬ jiˇ ngeh, Iˇjiˇtuˆ sahˬ paˬ Neˬkawˇ gʼaˬ guiˇ maꞈ sheuˬ laꞈ-awˇ, Uˇpaˬlaˇ lawˇ baˬ lawˇ deh jaˆ-eu Kaˬsheˬmiˇ meuˬ-ahˇ guiˇ deuˆ laˇ-euˬ meh. Yawˇshiˆ gʼaˬ kʼawꞈ, aˬ yawꞈ maꞈ-ahˇ deuˆ-eu lehˇ luˆ-iˇ-euˬ meh.

Iˇsaˬyaˇ 10:8

Aˬ yawꞈ heu loꞈ-ehˇ ngehˬ-eu meh. “Ngaˬ-euˬ guiˇ maꞈ-ahˇ kʼaˇ uˆ lahˇ-eu yawˬ gʼaˬ na luꞈ, dzoeˬ dzaˬ oꞈ-eu sahˬ paˬ tehꞈ maˬ ngeuˇ-a loˇ.

Iˇsaˬyaˇ 17:1

Sahˬpaˬ Miˬyehˇ ehˇ-eu, “Daˬmaˬsehˇ meuˬ-aˬ, meuˬ maˬ paˇ pyeuꞈ-ehˇ, yaw cawˆ jeˬ baꞈ bymˇ taˬ-euˬ gaˇ duˇ tehꞈ-a.

Iˇsaˬyaˇ 17:3

Iˇsaˬleˬlaˆ miˇ kʼahˬ-euˬ meuˬ deuˬ maˬ paˇ ziꞈ-ehˇ, Daˬmaˬsehˇ meuˬ dzoeˬ dzaˬ byoˆ le tehꞈ-a. Dzeuˇ-iˇ-euˬ Suˇliˆ tsawˇ haˬ deuˬ, Iˇsaˬleˬlaˆ tsawˇ jeuˬ loꞈ-ehˇ, nui ma shaˬ zahˬ ya mˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 33:8

Gaˇ jawˬ deuˬ gaˇ tsoeˬ tsoeˬ-iˇ-awˇ, iˇ tawꞈ laˇ tawꞈ-eu tsawˇ haˬ maˬ jawˇ-a. Saˇ jaˇ dzaˬ taꞈ-euˬ dawˬ pyaˆ-iˇ jiˇ-awˇ, tsawˇ kaˬ geuꞈ-euˬ deuˬ-euˬ myaˆ pyawˬ-ahˇ maˬ haw-ehˇ, tiˬ gʼaˬ-ahˇ-iˬ yaw zeu maˬ baw nehˬ-a.

Iˇsaˬyaˇ 36:19

Haˬmaˆ miˬ yehˇ hawˇ-eu Aˬpaˆ miˬ yehˇ, nymˬ-mˇ aˬ geu paw cehˆ byoˆ-awˇ jawˇ ta. Sheˬpaˬbeˬ miˬ yehˇ deuˬ aˬ geu gaˇ iˇ byoˆ jiˇ-euˬ ta.

Iˇsaˬyaˇ 37:11

Aˬshuˇliˆ sahˬ paˬ neh laˆ cawˆ ma lehˇ kʼaˇ noeˬ-euˬ miˇ kʼahˬ deuˬ, aˬ joˆ-ehˇ pyeuꞈ-iˇ-euˬ gaˇ kawˆ nawˇ ya gaˬ-euˬ meh. Nawˇ teuˆ dzeuˇ nya ma lehˇ noeˬ te loˇ.

Iˇsaˬyaˇ 37:13

Haˬmaˆ meuˬ, Aˬpaˆ meuˬ, Seˬpaˬbeˬ meuˬ, Heˬnaˬ meuˬ hawˇ-eu Iˇbaˬ meuˬ kʼoeˇ deuˬ-euˬ sahˬ paˬ deuˬ aˬ geu paw iˇ byoˆ jiˇ-euˬ ta” lehˇ tsaꞈ ahˇ gʼeh-euˬ meh.

Iˇsaˬyaˇ 7:8

Suˇliˆ miˇ kʼahˬ kʼawꞈ, aˬ yawꞈ maꞈ-euˬ meuˬ meuˬ ma pyeuꞈ-eu Daˬmaˬsehˇ meuˬ taꞈ-ehˇ maˬ paˇ kʼaˆ dzehˬ-ehˇ, Daˬmaˬsehˇ meuˬ kʼawꞈ, sahˬ paˬ Leˬzeˬ aˬ yawꞈ-eu mawˇ do taꞈ-ehˇ maˬ paˇ kʼaˆ dzehˬ-aˇ. Iˇsaˬleˬlaˆ miˇ kʼahˬ-aˬ, mehˬ hu paw koꞈ tseˇ ngaˬ kʼoꞈ laꞈ kʼoeˇ, miˇ kʼahˬ tiˬ kʼahˬ maˬ paˇ pyeuꞈ ni pyaˆ-iˇ shaˆ-iˇ jiˇ tehꞈ-a.

Yeˬlaˬmiˇ 46:2

Yeˬhawˇyaˬkmˬ Yuˇdaˆ sahˬ paˬ geuꞈ-euˬ oeˬ kʼoꞈ tiˬ kʼoꞈ-ahˇ, Uˇpaˬlaˇ lawˇ baˬ dawˬ peh jaˆ-eu Kaˬsheˬmiˇ meuˬ-ahˇ Baˬbuˇloˬ sahˬ paˬ Neˬbuˬkaˬneˬzaˬ neh guiˇ bi deuˆ gʼaˬ-euˬ Iˇjiˇtuˆ sahˬ paˬ Neˬkawˇ-euˬ guiˇ maꞈ deuˬ-ahˇ taꞈ leˇ-awˇ, heu loꞈ-ehˇ ehˇ-eu meh.

Yeˬlaˬmiˇ 49:23

Daˬmaˬsehˇ meuˬ gaˇ kawˆ Sahˬpaˬ Miˬyehˇ heu loꞈ-ehˇ ehˇ-eu meh. “Haˬmaˆ meuˬ hawˇ-eu Aˬpaˆ meuˬ-ahˇ jawˇ-eu tsawˇ haˬ deuˬ, kʼahˬ lahˇ laˇ paˬ-ehˇ gʼeh-eu gaˇ kawˆ ya gaˬ-euˬ miˇ neh, noeˬ shaˬ luꞈ-eu meh. Noeˬ shaˬ noeˬ zahˬ-eu jeˬ iˬ ma laˆ shaˆ iˇ luˆ dzeh-eu loꞈ-ehˇ, aˬ yawꞈ maꞈ kʼoeˇ taˆ keuˆ le-eu miˇ neh, maˬ jawˇ tehˬ coeˇ-a.

Yeˬsaˬgeˬlaˇ 47:16

Daˬmaˬsehˇ meuˬ hawˇ-eu Haˬmaˆ meuˬ yaw kaˬ-ahˇ jaˆ-eu Beˬloˇdaˬ meuˬ hawˇ-eu Siˇbaˬleˬ meuˬ-euˬ nyiˬ tsehˆ-ehˇ, Hawˇlahˬ miˇ kʼahˬ-euˬ miˇ kaˬ dawˬ peh jaˆ-eu Haˬzeuˬhaˬtiˇkawˇ meuˬ-ahˇ keuˆ ni meh.

Haˬbaˬkuˆ 1:10

Sahˬ paˬ deuˬ-ahˇ aˬ jaꞈ jaꞈ-awˇ, sahˬ ma deuˬ-ahˇ naˬ gʼa-eu meh. Taˆ tsoˆ ziꞈ taˬ-euˬ gaˇ uiˇ-awˇ, miˇ tsaˬ ciˬ goˇ daˆ keuˆ leꞈ-awˇ, deuˆ byoˆ deuˆ laˆ jiˇ nehˬ-eu meh.

Bawˇtsahˬ 34:8

Kʼoeˇ gaˇ neh naˇ, Haˬmaˆ gʼaˬ lahˇ-ahˇ neh Zeˬdaˇ hawˇ-eu