Iˇsaˬyaˇ 10:5 - Akha

⁵ Aˬshuˇliˆ miˇ kʼahˬ-aˬ, ngaˬ-euˬ daˇ cuiˇ ma. Ngaˇ nui ma pehˇ ngeh diˬ-eu diˬ duˇ ma.

Iˇsaˬyaˇ 10:5 ပူးပေါင်းရင်းမြစ်များ

Aˇ dahˬ 10:11

Kʼoeˇ gaˇ neh naˇ, Aˬshuˇliˆ miˇ kʼahˬ paw aˬ yawꞈ le-awˇ, Niˇnaˬbeˬ meuˬ, Leˬhawˇboˆiˇyaˆ meuˬ, Kaˬlaˬ meuˬ,

2 Sahˬpaˬ 18:25

Sahˬpaˬ Miˬyehˇ ngaˬ-ahˇ maˬ caw ba gaˇ, naw maꞈ-euˬ miˇ kʼahˬ-ahˇ ngaˇ guiˇ deuˆ le-awˇ laˆ cawˆ le-euˬ nga lehˇ naw maꞈ noeˬ te loˇ. Miˇ kʼahˬ heu kʼahˬ-ahˇ guiˇ deuˆ le-awˇ, laˆ cawˆ nehˬ-awˬ lehˇ, Sahˬpaˬ Miˬyehˇ ngaˬ-ahˇ kʼehˇ-eu meh.”

2 Sahˬpaˬ 19:25

“Heu loꞈ-ehˇ bi pyeuꞈ laˇ-eu gʼaˇ duˬ, aˇ hu ba neh ngaˇ gaˇ kawˆ kawˆ taˬ-euˬ nawˇ maˬ gaˬ haw-aˬ loˇ. Nymˬ-mˇ ngaˇ kʼoeˇ loꞈ-ehˇ mˇ byah luꞈ-eu ma. Ziꞈ dui dui-eu meuˬ deuˬ meuˬ tsoeˬ tsoeˬ-iˇ gaˇ keuˆ ni laˆ cawˆ nehˬ nya-eu baoˬ, nawˬ-ahˇ ngaˇ biꞈ taˬ-euˬ ma.

Jaceuq 125:3

Yaw tsaˬ yaw dawˇ deuˬ-euˬ miˇ kʼahˬ-ahˇ yaw haiˬ deuˬ aˬ myah luꞈ maˬ ya uˆ lahˇ-a. Kʼoeˇ loꞈ-ehˇ uˆ lahˇ naˇ, yaw tsaˬ yaw dawˇ deuˬ yaw haiˬ jeˬ mˇ laˇ tehꞈ-a.

Jaceuq 17:14

Miˇtaˆnui loˆtiˬli dehꞈ-eu, haiˬ-eu tsawˇhaˬdeuˬ-euˬlaꞈ-ahˇ, nawˇngaˬ-ahˇka kʼoꞈnehˬ le-awˬ. Yawꞈmaꞈgʼaˇduˬlehˬhmˬtaˬ-euˬ, kʼehˬ-eu kʼaˆ-eu bi keuˆ le-awˬ. Zaˬziˇkeuˆni mˇkeuˆnehˬ-awˇ, oeˬziˇkeuˆni taˬbi dzeuˇ-iˇ.

Iˇsaˬyaˇ 10:15

Sahˬpaˬ Miˬyehˇ ehˇ-eu, “Daˇ kawˬ deuˆ-eu deuˆ haˬ tiˬ kahˇ, deuˆ sahˇ taꞈ-ehˇ huiˬ dzehˬ ta loˇ. Teˇ byaꞈ yehˬ-eu yehˬ ma tiˬ kahˇ, yehˬ sahˇ taꞈ-ehˇ huiˬ dzehˬ ta loˇ. Daˇ cuiˇ-ahˇ tsawˇ haˬ sheu diˇ-eu maˬ ngeuˇ naˇ, tsawˇ haˬ-ahˇ daˇ cuiˇ maˬ sheu diˇ nya-a.”

Iˇsaˬyaˇ 10:25

Aˬ yawꞈ maꞈ naw maꞈ-ahˇ kʼehˬ-eu kʼaˆ-eu jeˬ, tiˬ kʼehˇ laˇ kʼehˬ laꞈ kʼoeˇ aˇ saˬ bi saˬ-awˇ, aˬ yawꞈ maꞈ-ahˇ ngaˇ laˆ luˬ laˆ seˇ nehˬ ma.

Iˇsaˬyaˇ 13:5

Miˇ kʼahˬ kʼahˬ lah ni laˆ cawˆ jiˇ-eu gʼaˇ duˬ, Sahˬpaˬ Miˬyehˇ-euˬ nui kʼahˇ mˇ byah-eu lehˇ, mˬ dzeˇ miˇ dzeˇ miˇ kʼahˬ-ahˇ neh, aˬ yawꞈ maꞈ laˇ-euˬ meh.

Iˇsaˬyaˇ 14:24

Baoˬ huiˬ-eu Sahˬpaˬ Miˬyehˇ ehˇ-eu, “Ngaˬ neh kʼaˇ lehˬ hmˬ taˬ-euˬ jeˬ keuˆ le-awˇ, ngaˇ kʼaˇ noeˬ tsehˆ taˬ-euˬ jeˬ pyeuꞈ laˇ tehꞈ-a.

Iˇsaˬyaˇ 14:25

Ngaˬ-euˬ miˇ tsaˬ Iˇsaˬleˬlaˆ miˇ kʼahˬ laꞈ kʼoeˇ, Aˬshuˇliˆ tsawˇ haˬ deuˬ-ahˇ ngaˇ laˆ cawˆ ma. Ngaˬ-euˬ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ ngaˇ nawˬ pyehˆ ma. Ngaˬ-euˬ tsawˇ haˬ deuˬ-ahˇ aˬ yawꞈ maꞈ neh ciˬ baꞈ ciˬ pi nehˬ-euˬ, kʼaˆ baꞈ kʼaˆ behˆ dawˬ tawˆ luꞈ-ahˇ, ngaˇ yuˇ dzeh nehˬ jiˇ ma.

Iˇsaˬyaˇ 23:13

Duˇlu meuˬ-ahˇ bawˇ tsahˬ jeˬ zaˬ byah ni jahˇ-euˬ-aˬ, Aˬshuˇliˆ tsawˇ haˬ deuˬ maˬ ngeuˇ-a. Baˬbuˇloˬ tsawˇ haˬ deuˬ meh. Baˬbuˇloˬ tsawˇ haˬ deuˬ meuˬ-ahˇ deuˆ-eu nymˇ goˇ tsoˆ-awˇ, ziꞈ dah ni gʼeh-eu meuˬ deh pyaˆ jiˇ-awˇ, yaw cawˆ-ehˇ byehˇ dzeh yaꞈ-euˬ meh.

Iˇsaˬyaˇ 26:20

Ngaˬ-euˬ tsawˇ haˬ deuˬ-oˇ, kuˆ lawˆ-ahˇ uˇ leˇ-awˇ laˇ gʼoˆ kaꞈ tehˬ-awˬ. Miˬyehˇ nui ma pehˇ-eu jeˬ iˇ dzeuˇ ngeh keuˆ ni, dzuˇ zaꞈ-awˇ jawˇ tawˬ-awˬ.

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Iˇsaˬyaˇ 30:27

Haw yawˬ. Sahˬpaˬ Miˬyehˇ-euˬ tsawˇ myahˇ, gaˇ mahˇ kaˬ gaˇ neh oe luꞈ meh. Miˬ dzaˬ hawˇ-eu uˬ kʼoeˬ laꞈ kʼoeˇ, aˬ yawꞈ nui ma pehˇ-eu jeˬ mehˬ luꞈ meh. Aˬ yawꞈ mehˬ luˬ nui ma pehˇ dui dui-awˇ, aˬ yawꞈ-euˬ dawˬ, miˬ dzaˬ-ahˇ duˇ-eu meh.

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Iˇsaˬyaˇ 34:2

Tsawˇ jeuˬ dawˬ tawˆ luꞈ-ahˇ Sahˬpaˬ Miˬyehˇ nui ma pehˇ-awˇ, guiˇ maꞈ dawˬ tawˆ luꞈ-ahˇ aˬ yawꞈ nui ma daˆ luꞈ-eu meh. Aˬ yawꞈ maꞈ-ahˇ aˬ yawꞈ laˆ cawˆ nehˬ-awˇ, bi sehꞈ byoˆ jiˇ tehꞈ-a.

Iˇsaˬyaˇ 66:14

Kʼoeˇ loꞈ-ehˇ pyeuꞈ laˇ gaˇ mawˇ ngeh, naw maꞈ laˬ kʼaˬ ya cehˇ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ jawˇ saˇ doˆ-awˇ gʼaˬ ahˇ tehꞈ-a. Kʼoeˇ loꞈ-ehˇ pyeuꞈ laˇ ngeh, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ ehˇ dawˬ naˇ haˬ-eu deuˬ-ahˇ ngehˬ gʼeh-awˇ, ngaˬ-ahˇ muiˇ-eu deuˬ-ahˇ nui ma bi mawˇ gaˇ, naw maꞈ ya siˬ ya mawˇ tehꞈ-a.”

Iˇsaˬyaˇ 7:17

“Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ biˇ paˆ ngeh nah neh dahˬ beh-awˇ, iˬ nah keuˆ ni kʼaˇ ya tahˬ puˬ haw-euˬ shaˬ zahˬ dawˬ tawˆ luꞈ naˆ maˬ tseˇ doeˇ dui dui-eu jeˬ, nawˬ-euˬ kʼoeˇ taˆ maˬ ehˇ, nawˬ-euˬ tsawˇ haˬ deuˬ kʼoeˇ taˆ maˬ ehˇ, nawˬ-euˬ aˇ jeuˬ aˇ ca dawˬ tawˆ luꞈ kʼoeˇ taˆ maˬ ehˇ, Sahˬpaˬ Miˬyehˇ bi keuˆ le tehꞈ-a. Aˬshuˇliˆ sahˬ paˬ-ahˇ aˬ yawꞈ sheuˬ ahˇ leꞈ tehꞈ-a.

Iˇsaˬyaˇ 7:20

“Aˇ nah aˇ yamˬ kʼoeˇ yamˬ keuˆ le ngeh, uˬ jehˆ jehˆ-eu tsawˇ haˬ tiˬ gʼaˬ kuˇ ahˇ leꞈ-eu loꞈ-ehˇ, Uˇpaˬlaˇ lawˇ baˬ nui baˬ paw jawˇ-eu Aˬshuˇliˆ sahˬ paˬ-ahˇ Sahˬpaˬ Miˬyehˇ kuˇ ahˇ leꞈ-awˇ, nawˬ-euˬ uˬ duˬ tsehˇ kahˇ maˬ ehˇ, mehˬ mahˬ maˬ ehˇ, mawˬ gʼaw caꞈ hm deuˬ maˬ ehˇ, nawˬ-euˬ gʼawˇ mawˇ-ahˇ kʼaˇ tsoꞈ-eu caꞈ hm dawˬ tawˆ luꞈ, aˬ yawꞈ neh bi jehˆ dzeh jiˇ tehꞈ-a.

Iˇsaˬyaˇ 8:4

“Aˬ li kʼoeˇ li aˬ ma aˬ da-ahˇ maˬ kuˇ nya laˇ mi naˆ-ehˇ, Daˬmaˬsehˇ meuˬ hawˇ-eu Saˬmaˬliˆ meuˬ-ahˇ kʼaˇ jaˆ-eu pyuˇ shuiˇ myawˬ gahˬ dawˬ tawˆ luꞈ, Aˬshuˇliˆ sahˬ paˬ neh bi deuˆ geuꞈ jiˇ-awˇ, bi baꞈ kʼoꞈ jiˇ gʼeh tehꞈ-a” lehˇ aˬ yawꞈ ehˇ-eu meh.

Iˇsaˬyaˇ 8:7

Kʼoeˇ miˇ neh, Sahˬpaˬ Miˬyehˇ pyeuꞈ-eu ngaˇ Aˬshuˇliˆ sahˬ paˬ hawˇ-eu aˬ yawꞈ-euˬ guiˇ maꞈ dawˬ tawˆ luꞈ-ahˇ sheuˬ ka leꞈ-awˇ, Yuˇdaˆ miˇ kʼahˬ-ahˇ guiˇ bi deuˆ le ma. Uˇpaˬlaˇ lawˇ baˬ iˇ jeuˬ oe ngeh lawˇ deh maˬ mawˇ laˇ-eu loꞈ-ehˇ, Aˬshuˇliˆ guiˇ maꞈ deuˬ yoeˇ gʼeh leꞈ tehꞈ-a.

Yeˬsaˬgeˬlaˇ 22:31

Ehˇ kʼawꞈ, maˬ poˆ mawˇ nya nya. Kʼoeˇ miˇ neh, ngaˇ nui ma pehˇ-eu jeˬ aˬ yawꞈ maꞈ kʼoeˇ taˆ bi keuˆ le-awˇ, aˬ yawꞈ maꞈ neh mˇ-euˬ jeˬ aˇ poeˬ, miˬ dzaˬ loꞈ-ehˇ aˬ yawꞈ maꞈ-ahˇ ngaˇ laˆ cawˆ nehˬ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 7:10

Iˇsaˬleˬlaˆ ya luˬ ya seˇ-iˇ-eu aˇ nah keuˆ le luꞈ meh. Yaw haiˬ mˇ-eu jeˬ myaˬ laˇ luꞈ-awˇ, nui ma huiˬ-eu jeˬ aˇ dzehˬ dzeuˇ laˇ taˬ-euˬ meh.

Daˬyeˬlaˇ 11:36

“Suˇliˆ sahˬ paˬ-aˬ, yawˬ ha-ahˇ kʼaˇ loˆ laˇ-euˬ jeˬ mˇ tehꞈ-a. Miˬyehˇ dawˬ tawˆ luꞈ naˆ maˬ tseˇ aˬ yawꞈ huiˬ-awˇ, Dawˬ tawˆ kʼoeˇ taˆ huiˬ-eu Miˬyehˇ naˆ maˬ tseˇ aˬ yawꞈ huiˬ dzehˬ ma lehˇ, yawˬ haˇ yawˬ ha kʼahˬ sehˇ jehˆ tehꞈ-a. Miˬyehˇ aˬ yawꞈ-ahˇ kʼehˬ nehˬ-eu aˇ yamˬ maˬ keuˆ laˇ kʼoeˇ keuˆ ni, aˬ yawꞈ kʼoeˇ loꞈ-ehˇ jahˇ nya tehꞈ-a. Miˬyehˇ-aˬ, aˬ yawꞈ neh kʼaˇ noeˬ taˬ-euˬ loꞈ-ehˇ maˇ maˇ ni mˇ tehꞈ-a.

Naˬhmˬ 1:1

Heu-aˬ, Eˇlaˬkawˇshaˆ meuˬ-ahˇ jawˇ-eu Naˬhmˬ neh, Niˇnaˬbeˬ meuˬ gaˇ kawˆ yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu meh.

Haˬbaˬkuˆ 1:12

Mˬ ga miˇ seu dahˬ beh ngeh neh, Sahˬpaˬ Miˬyehˇ nawˇ Miˬyehˇ meh. Ngaˬ-euˬ Miˬyehˇ Yaw shawˇ Gʼaˬ-oˇ, nga maꞈ bi shiˇ-eu gʼeh te loˇ. Nga maꞈ-ahˇ yaˇ kʼaˬ bi daˇ-awˇ, bi muiˬ bi shawˇ laˇ-eu gʼaˇ duˬ, Baˬbuˇloˬ-ahˇ nawˇ tseˇ doˆ-awˇ, baoˬ tiˬ byah ni biꞈ taˬ teˬ loˇ.

Zeˬpaˬniˇ 2:13

Laꞈ taˆ paw aˬ laꞈ cawˬ ja-awˇ, Aˬsuˇliˆ meuˬ laˆ cawˆ tehꞈ-a. Niˇnaˬbeˬ meuˬ ciˬ cuˇ saˆ ni, kʼaˇ shuiꞈ deh ga pyeuꞈ-iˇ tehꞈ-a.

Bawˇtsahˬ 24:24

Guˇbaˬluˇ paw neh aˬ cawˬ guiˇ deuˆ ahˇ laꞈ tehꞈ-a. 1 Aˬshuˇliˆ miˇ kʼahˬ hawˇ-eu Eˬbaˬ miˇ kʼahˬ-ahˇ aˬ yawꞈ maꞈ deuˆ gʼaˬ tehꞈ-a. Ehˇ kʼawꞈ, aˬ yawꞈ maꞈ gʼeh mˬ maˬ maˬ byaˆ zaˇ ziˇ ya luˬ ya seˇ-iˇ tehꞈ-a.”