Iˇsaˬyaˇ 10:32 - Akha

³² Iˬ nah muiˇ-eu deuˬ Noˇbaˆ meuˬ-ahˇ oe keuˆ-awˇ, Ziˇoˬ gawˬ jawˬ hawˇ-eu Yeˬluˇsaˬlehˬ meuˬ-ahˇ, laꞈ du cawˬ doˆ-awˇ lmˬ tehꞈ-a.

Iˇsaˬyaˇ 10:32 ပူးပေါင်းရင်းမြစ်များ

2 Laˬsaˬbaˬ 32:1

Sahˬ paˬ Heˬsaˬgiˇ-aˬ, Sahˬpaˬ Miˬyehˇ-ahˇ saˇ jaˇ ziꞈ-eu laꞈ kʼoeˇ, aˬ yawꞈ neh mˇ-euˬ gaˇ kʼoeˇ deuˬ mˇ jiˇ shaˇ jiˇ gʼaˬ ngeh, Aˬshuˇliˆ sahˬ paˬ Saˬneˬkaˬliˇ Yuˇdaˆ miˇ kʼahˬ-ahˇ uˇ le-euˬ meh. Ziꞈ dah ni tsoˆ taˬ-euˬ meuˬ deuˬ-ahˇ aˬ yawꞈ loꞈ jawˬ-awˇ, deuˆ gʼaˬ-eu lehˇ lehˬ hmˬ luꞈ-eu meh.

2 Laˬsaˬbaˬ 32:2

Saˬneˬkaˬliˇ Yeˬluˇsaˬlehˬ meuˬ-ahˇ guiˇ deuˆ laˇ-eu lehˇ noeˬ taˬ-euˬ gaˇ Heˬsaˬgiˇ ya siˬ ngeh,

Neˬhaˬmiˇ 11:32

Aˬnaˬtawˇ meuˬ, Noˇbaˆ meuˬ, Aˬnaˬniˇyaˆ meuˬ,

Iˇsaˬyaˇ 1:8

Yeˬluˇsaˬlehˬ meuˬ tiˬ meuˬ dzeˇ-eu kʼawꞈ, aˬ cawˬ neh bi jawˬ lahˇ taˬ-awˇ, aˬ gaꞈ yaˇ kmˇ-ahˇ gʼawˆ taˬ-euˬ sehˬ gʼawˆ hawˇ-eu siˬ kʼoˬ kʼoˬ yaˇ-ahˇ jaˆ-eu yaˇ cmˇ loꞈ-ehˇ tiˬ jeˬ-iˬ maˬ mˇ doˆ luꞈ-a.

Iˇsaˬyaˇ 10:24

Dawˬ tawˆ kʼoeˇ taˆ uˆ lahˇ-eu Baoˬ huiˬ-eu Sahˬpaˬ Miˬyehˇ neh, Ziˇoˬ meuˬ-ahˇ jawˇ-eu aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Aˬshuˇliˆ tsawˇ haˬ deuˬ-ahˇ taˬ guˆ. Iˇjiˇtuˆ tsawˇ haˬ deuˬ neh naw maꞈ-ahˇ kʼehˬ nehˬ laꞈ haw-euˬ loꞈ-ehˇ, aˬ yawꞈ maꞈ naw maꞈ-ahˇ kʼehˬ nehˬ laꞈ kʼawꞈ, naw maꞈ taˬ guˆ.

Iˇsaˬyaˇ 10:31

Maˬdaˬmeˬnahˬ meuˬ-ahˇ jawˇ-eu deuˬ nui ma ga ka-awˇ, Geˬbymˬ meuˬ-ahˇ jawˇ-eu deuˬ, uˬ kʼawˇ cehˆ piˇ luꞈ meh.

Iˇsaˬyaˇ 11:15

Iˇjiˇtuˆ miˇ kʼahˬ-euˬ laˆ shaˆ lahˇ gʼoꞈ-ahˇ, Sahˬpaˬ Miˬyehˇ bi gui-iˇ-awˇ, Uˇpaˬlaˇ lawˇ baˬ tsiˇ-iˇ ni, aˬ yawꞈ jaˬ lehˇ yaw lahˇ bi baw-euˬ miˇ neh, tsawˇ haˬ yawˬ gʼaˬ na luꞈ tsehˆ doˆ nya-eu gawˆ laꞈ shiꞈ gawˆ tehꞈ-ehˇ dzeˇ laˇ tehꞈ-a.

Iˇsaˬyaˇ 13:2

Deˬ ko ni gʼeh-eu gawˬ jawˬ-ahˇ paˇ loˬ paˇ lehˇ baꞈ diˇ-awˇ, yehˇ deuˬ-ahˇ yaw kʼaˆ-ehˇ guˇ gaˬ-awˬ. Nui ma huiˬ-eu deuˬ-euˬ meuˬ meuˬ lahˇ-ahˇ guiˇ deuˆ leˇ-eu gʼaˇ duˬ, laꞈ liˆ liˆ nehˬ-awˬ.

Iˇsaˬyaˇ 16:1

Yeˬluˇsaˬlehˬ meuˬ-ahˇ uˆ lahˇ-eu gʼaˬ jawˇ gaˇ, kʼaˇ shuiꞈ deh yaˇ-ahˇ jaˆ-eu Seˇlaˇ meuˬ-ahˇ neh, Mawˇbaˆ tsawˇ haˬ deuˬ yawˇ zaˬ tiˬ mawˇ laꞈ sawˬ biꞈ gʼeh-euˬ meh.

Iˇsaˬyaˇ 19:16

Iˇjiˇtuˆ tsawˇ haˬ deuˬ zaˬ miˬ zaˬ loꞈ-ehˇ nui ma baˬ-iˇ-eu aˇ nah keuˆ le tehꞈ-a. Aˬ yawꞈ maꞈ-ahˇ kʼehˬ nehˬ kʼaˆ nehˬ-eu gʼaˇ duˬ Sahˬpaˬ Miˬyehˇ aˬ laꞈ cawˬ ja taˬ-euˬ gaˇ ya mawˇ ngeh, aˬ yawꞈ maꞈ guˆ-awˇ yaw dzuˬ dzuˬ tehꞈ-a.

Iˇsaˬyaˇ 2:2

Aˬ kaˇ mehˬ hu paw keuˆ le-eu aˇ nah aˇ yamˬ laꞈ kʼoeˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma jaˆ-eu gawˬ jawˬ kʼoeˇ, gawˬ jawˬ dawˬ tawˆ luꞈ kʼoeˇ taˆ goˇ dzehˬ laˇ-awˇ, gawˬ duˇ dawˬ tawˆ luꞈ kʼoeˇ taˆ jaˆ tehꞈ-a. Tsawˇ jeuˬ dawˬ tawˆ luꞈ kʼoeˇ gaˇ le uiˬ jiˇ-awˇ,

Iˇsaˬyaˇ 29:2

Kʼoeˇ naˇ, Miˬyehˇ-euˬ lawˇ duˬ lehˇ kuˇ-euˬ meuˬ kʼoeˇ-ahˇ, Miˬyehˇ guˆ-eu gaˆ-eu jeˬ bi keuˆ le tehꞈ-a. Guˇ guˇ-ehˇ ngoeˇ-eu teˇ saˇ byah jiˇ-awˇ, meuˬ meuˬ lah-ehˇ shiˬ yoeˇ kʼaˇ-eu lawˇ duˬ-ahˇ duˇ tehꞈ-a.

Iˇsaˬyaˇ 37:22

Saˬneˬkaˬliˇ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. Saˬneˬkaˬliˇ-oˇ, Yeˬluˇsaˬlehˬ meuˬ nawˬ-ahˇ uiˇ-awˇ, noeˬ teˬ dui dui luꞈ meh.

Iˇsaˬyaˇ 8:8

Yuˇdaˆ miˇ kʼahˬ-ahˇ aˬ yawꞈ maꞈ iˇ jeuˬ jeuˬ ahˇ leꞈ-awˇ, kawˬ lahˇ-ahˇ keuˆ ni jeuˬ keuˆ laꞈ-awˇ, yawˬ jeˬ na luꞈ-ahˇ dahˬ pymˬ jiˇ tehꞈ-a. Iˇ jeuˬ kʼoeˇ miˇ kʼahˬ kʼoeˇ coeˇ heu coeˇ doˆ ni oe byah leꞈ tehꞈ-a.” Miˬyehˇ-oˇ, nga maꞈ nehˬ-ehˇ jawˇ nehˬ laꞈ.

Yeˬlaˬmiˇ 6:23

Aˬ yawꞈ maꞈ kaˆ hawˇ-eu mi cehˇ baꞈ-awˇ, gʼawˬ shaˬ gaˬ-eu maˬ siˬ nya-a. Aˬ yawꞈ maꞈ mahˬ pyehˬ teh sehˇ-awˇ oe-eu, iˬ ma laˆ shaˆ mahˇ gaˇ duˇ-awˇ, Yeˬluˇsaˬlehˬ meuˬ-ahˇ deuˆ-eu lehˇ gʼeh-eu meh.

Miˇkaˬ 1:9

Saˬmaˬliˆ meuˬ-euˬ naˇ gawˇ maˬ paˇ laˆ saˆ nya-ehˇ, Yuˇdaˆ miˇ kʼahˬ kʼawꞈ kʼoeˇ loꞈ-ehˇ duˇ ni ya naˇ ya gawˇ-eu keuˆ le taˬ-euˬ meh. Ngaˬ-euˬ tsawˇ haˬ deuˬ jawˇ-eu Yeˬluˇsaˬlehˬ meuˬ-euˬ lahˇ kʼehˬ-ahˇ, luˬ-iˇ seˇ-iˇ-eu jeˬ keuˆ le taˬ-euˬ meh.”

Zaˬkaˬliˇ 2:9

“Sahˬpaˬ Miˬyehˇ naw maꞈ-ahˇ guiˇ deuˆ-awˇ, naw maꞈ-euˬ zaˬ kʼaˆ deuˬ neh naw maꞈ-ahˇ tahˇ joe paˇ bi joe dzaˬ gaˇ keuˆ tehꞈ-a” lehˇ, Sahˬpaˬ Miˬyehˇ ehˇ-eu meh. Kʼoeˇ loꞈ-ehˇ pyeuꞈ laˇ ngeh jawˇ, Baoˬ huiˬ-eu Sahˬpaˬ Miˬyehˇ neh ngaˬ-ahˇ kʼehˇ gʼeh leꞈ-euˬ gaˇ kawˆ, tsawˇ haˬ yawˬ gʼaˬ na luꞈ ya siˬ duˬ tehꞈ-a.

1 Saˬmeuˬlaˆ 21:1

Kʼoeˇ naˇ, Noˇbaˆ meuˬ-ahˇ Aˬhiˇmaˬlehˇ jawˇ gaˇ Daˬbiˇ iˇ-euˬ meh. Kʼoeˇ ngeh, Aˬhiˇmaˬlehˇ yaw dzuˬ dzuˬ dzuˬ-ehˇ doˆ le-awˇ, “Aˬ jeˬ miˇ neh cawˬ tiˬ gʼaˬ-iˬ maˬ ahˇ ni nawˇ tehꞈ-ehˇ heu gaˇ oe teˬ” lehˇ naˇ haˬ-eu meh.

1 Saˬmeuˬlaˆ 21:2

Daˬbiˇ ehˇ-eu, “Sahˬ paˬ-euˬ gaˇ jaˆ-eu miˇ neh ngaˇ heu gaˇ oe-euˬ ma. Ngaˬ-ahˇ heu gaˇ pyehˬ gʼeh leꞈ-awˇ bi mˇ-euˬ jeˬ aˬ cawˬ-ahˇ taˬ bi siˬ lehˇ, sahˬ paˬ ngaˬ-ahˇ ehˇ taˬ-euˬ meh. Ngaˬ-euˬ tsawˇ haˬ deuˬ-ahˇ kʼawꞈ, jawˇ duˬ tiˬ tsahˇ-ahˇ paˇ tahˬ puˬ ma lehˇ ehˇ taˬ yaꞈ-euˬ ma.

1 Saˬmeuˬlaˆ 22:19

Piˇ ma deuˬ jawˇ-eu meuˬ pyeuꞈ-eu Noˇbaˆ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ-ahˇ kʼawꞈ sehꞈ jiˇ-awˬ lehˇ, Sawˇluˆ dawˬ biꞈ-euˬ meh. Kʼaˬ dzeˇ zaˬ hawˇ-eu zaˬ miˬ zaˬ dawˬ tawˆ luꞈ maˬ ehˇ, zaˬ guˬ deuˬ hawˇ-eu zaˬ yaw nahˬ deuˬ maˬ ehˇ, mawˇ neˇ, mahˬ tahˬ laˆ hawˇ-eu yawˇ dawˬ tawˆ luꞈ maˬ ehˇ, maˬ bi dzeuˇ-iˇ ni sehꞈ jiˇ-euˬ meh.

1 Saˬmeuˬlaˆ 22:9

Kʼoeˇ ngeh, Doˇgaˆ gʼaˬ kʼawꞈ, Sawˇluˆ-euˬ gaˇ mˇ-eu yaw huiˬ yaw mahˇ deuˬ nehˬ-ehˇ yawꞈ luꞈ-eu meh. Aˬ yawꞈ ehˇ-eu, “Noˇbaˆ meuˬ-ahˇ Aˬhiˇtuˆ-euˬ aˬ li Aˬhiˇmaˬlehˇ jawˇ gaˇ ngaˇ iˇ ngeh, Daˬbiˇ-ahˇ kʼoeˇ gaˇ ya mawˇ-euˬ ma.