Iˇsaˬyaˇ 10:29 - Akha

²⁹ Aˬ yawꞈ maꞈ gʼaˬ lahˇ oe tsehˆ-awˇ, Geˬbaˬ meuˬ-ahˇ uˬ ciꞈ oe yaꞈ-euˬ meh. Laˬmahˇ meuˬ-ahˇ jawˇ-eu tsawˇ haˬ deuˬ guˆ dui dui-awˇ, Sawˇluˆ-euˬ meuˬ pyeuꞈ-eu Giˇbyaˬ meuˬ-ahˇ jawˇ-eu deuˬ cehˆ byaˆ jiˇ-euˬ meh.

Iˇsaˬyaˇ 10:29 ပူးပေါင်းရင်းမြစ်များ

1 Sahˬpaˬ 15:23

Sahˬ paˬ Aˬsaˬ neh nui ma kʼaˬ duˬ ni taˬ-awˇ mˇ-euˬ gaˇ deuˬ hawˇ-eu aˬ yawꞈ neh tsoˆ muiˬ-euˬ meuˬ deuˬ maˬ ehˇ, aˬ yawꞈ neh kʼaˇ mˇ kʼaˇ shaˇ-euˬ yawˬ je na luꞈ maˬ ehˇ, Yuˇdaˆ sahˬ paˬ deuˬ gaˇ kawˆ boꞈ taˬ-euˬ sahˬ boꞈ laꞈ kʼoeˇ boꞈ ahˇ taˬ-euˬ meh. Ehˇ kʼawꞈ, aˬ yawꞈ tsawˇ mawˬ mawˬ laˇ ngeh, aˬ yawꞈ-euˬ aˬ kuiˇ maˇ naˇ naˇ laˇ-awˇ, kuiˇ shiˇ shiˇ-euˬ meh.

Yeˬlaˬmiˇ 31:15

Sahˬpaˬ Miˬyehˇ heu loꞈ-ehˇ ehˇ-eu meh. “Laˬmahˇ meuˬ-ahˇ teˇ saˇ gaˬ doˆ laˇ nya. Shaˬ zahˬ naꞈ-awˇ ngoeˇ-eu teˇ saˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Aˬ li dawˬ tawˆ luꞈ maˬ paˇ ya mawˇ-eu miˇ neh, maˬ muˇ taˬ nya ni ngoeˇ-eu meh.”

Hawˇseˬ 10:9

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ tsawˇ haˬ deuˬ-aˬ, Giˇbyaˬ meuˬ-ahˇ aˇ dahˬ beh-euˬ, iˬ baˇ mˇ-eu maˬ naˬ-aˬ siˬ. Kʼoeˇ baˬ da neh Giˇbyaˬ meuˬ-ahˇ, guiˇ deuˆ-eu jeˬ keuˆ le tehꞈ-a.

Hawˇseˬ 5:8

Giˇbyaˬ meuˬ-ahˇ coiˇ doi baw-awˬ. Laˬmahˇ meuˬ-ahˇ daˇ heh baw-awˬ. Behˬdaˬbeˬ meuˬ-ahˇ laˆ luiˬ-awˬ. Beˬyaˬmiˬ tsawˇ jeuˬ guiˇ deuˆ-awˬ.

Hawˇseˬ 9:9

Giˇbyaˬ meuˬ-ahˇ dehꞈ ngeh loꞈ-ehˇ aˬ yawꞈ maꞈ kʼaˇ mˇ kʼaˇ shaˇ-eu, ehˇ kʼaˇ maˬ za ni haiˬ-eu meh. Iˬ baˇ kʼoeˇ deuˬ-ahˇ maˬ ngehˇ ni, Miˬyehˇ kʼehˬ nehˬ kʼaˆ nehˬ tehꞈ-a.

Yawˇshuˆ 21:17

Beˬyaˬmiˬ miˇ kʼahˬ laꞈ kʼoeˇ aˬ yawꞈ maꞈ-ahˇ biˇ oꞈ nehˬ-euˬ meuˬ oeˬ meuˬ-aˬ, Giˇbyoˬ meuˬ, Geˬbaˬ meuˬ,

1 Saˬmeuˬlaˆ 10:26

Sawˇluˆ gʼeh Giˇbyaˬ meuˬ-ahˇ gʼoꞈ-iˇ-euˬ meh. Miˬyehˇ neh nui ma laˆ saˆ nehˬ-euˬ baoˬ ahˇ-eu tsawˇ haˬ tiˬ paˆ na deuˬ kʼawꞈ, aˬ yawꞈ-euˬ mehˬ nah caw teh gʼeh-euˬ meh.

1 Saˬmeuˬlaˆ 11:4

Dawˬ tsaꞈ tsaꞈ le-euˬ tsawˇ haˬ deuˬ, Sawˇluˆ jawˇ-eu Giˇbyaˬ meuˬ-ahˇ oe keuˆ-awˇ gaˇ kawˆ kʼoeˇ dzawˇ nehˬ ngeh, kʼoeˇ gaˇ jawˇ-eu tsawˇ haˬ deuˬ noeˬ shaˬ dui dui-eu laꞈ kʼoeˇ ngoeˇ-eu meh.

1 Saˬmeuˬlaˆ 13:16

Sawˇluˆ hawˇ-eu aˬ yawꞈ-euˬ aˬ li Yawˇnaˆshaˬ-aˬ, aˬ yawꞈ nyaꞈ da zaˬ-euˬ yehˇ deuˬ nehˬ-ehˇ Beˬyaˬmiˬ miˇ kʼahˬ Geˬbaˬ meuˬ-ahˇ taˆ tsoˆ-awˇ jawˇ-euˬ meh. Piˇliˇtiˆ tsawˇhaˬ deuˬ-euˬ taˆ-aˬ, Miˇkaˬmaˆ meuˬ-ahˇ jaˆ-eu meh.

1 Saˬmeuˬlaˆ 13:2

Tsawˇ haˬ smˬ heˇ gʼaˬ aˬ yawꞈ tseˇ doˆ-awˇ, Aˬ yawꞈ jawˇ-eu Miˇkaˬmaˆ meuˬ hawˇ-eu Beˬdeˬlaˇ gahˬ kaˬ gawˬ jawˬ gawˬ duˇ deuˬ-ahˇ nyiˬ heˇ gʼaˬ bi jawˇ-awˇ, aˬ yawꞈ-euˬ aˬ li Yawˇnaˆshaˬ nehˬ-ehˇ Beˬyaˬmiˬ miˇ kʼahˬ Giˇbyaˬ meuˬ-ahˇ tiˬ heˇ gʼaˬ pyehˬ gʼeh-euˬ meh.

1 Saˬmeuˬlaˆ 13:23

Piˇliˇtiˆ tsawˇ haˬ deuˬ-aˬ, aˬ yawꞈ maꞈ-euˬ yehˇ tiˬ muˇ-ahˇ, Miˇkaˬmaˆ gʼaˬ lahˇ-ahˇ bi loꞈ tsoeˬ taˬ-euˬ meh.

1 Saˬmeuˬlaˆ 14:2

Sawˇluˆ-aˬ, Giˇbyaˬ meuˬ nehˬ-ehˇ maˬ kaˬ maˬ kaˇ-ehˇ jaˆ-eu Miˇgaˬloˬ meuˬ-ahˇ, aˇ ka uˆ aˇ bawˇ dawˬ pehˬ-ahˇ taˆ tsoˆ-awˇ jawˇ luꞈ-eu meh. Aˬ yawꞈ nehˬ-ehˇ yehˇ koꞈ yaˇ gʼaˬ ehˇ gʼaˬ ni jawˇ-eu meh.

1 Saˬmeuˬlaˆ 14:4

Yawˇnaˆshaˬ Piˇliˇtiˆ tsawˇ haˬ deuˬ-euˬ taˆ-ahˇ le ngeh ya le tsehˆ-eu Miˇkaˬmaˆ gʼaˬ lahˇ kʼoeˇ tsahˇ-ahˇ, gʼaˬ lahˇ gaˇ ma kʼoeˇ paˆ maˇ paˆ-ehˇ lo guˇ nyiˬ guˇ ciˬ taw taˬ-euˬ meh. Lo guˇ kʼoeˇ nyiˬ guˇ-ahˇ Bawˇzeh hawˇ-eu Seˬnehˇ lehˇ kuˇ-eu meh.

1 Saˬmeuˬlaˆ 14:5

Tiˬ guˇ-aˬ, Miˇkaˬmaˆ meuˬ paw pyawˇ-ehˇ, gʼaˬ lahˇ-euˬ laꞈ taˆ paw pyawˬ-ahˇ jaˆ-awˇ, yawˬ guˇ yawˬ-aˬ, gʼaˬ lahˇ-euˬ laꞈ oˆ paw Geˬbaˬ meuˬ paw pyawˇ-ehˇ jaˆ-eu meh.

1 Saˬmeuˬlaˆ 15:34

Kʼoeˇ naˇ, Saˬmeuˬlaˆ gʼaˬ Laˬ mahˇ meuˬ-ahˇ iˇ-awˇ, Sawˇluˆ gʼaˬ Giˇ byaˬ meuˬ-ahˇ gʼoꞈ leˇ-euˬ meh.

1 Saˬmeuˬlaˆ 7:17

Kʼoeˇ naˇ, aˬ yawꞈ jawˇ-eu Laˬmahˇ meuˬ-ahˇ paˇ gʼoꞈ-iˇ-awˇ, kʼoeˇ gaˇ kʼawꞈ yaˇ kʼaˬ daˇ nehˬ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, Laˬmahˇ meuˬ laꞈ kʼoeˇ lawˇ duˬ tiˬ tsahˇ aˬ yawꞈ gawˬ-euˬ meh.