Iˇsaˬyaˇ 1:9 - Akha

⁹ Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Iˇsaˬyaˇ 1:9 ပူးပေါင်းရင်းမြစ်များ

Aˇ dahˬ 18:26

Sahˬpaˬ Miˬyehˇ ehˇ-eu, “Sawˇdoˬ meuˬ laꞈ kʼoeˇ iˬ baˇ maˬ mˇ-eu tsawˇ haˬ ngaˬ tseˇ gʼaˬ ngaˇ ya mawˇ naˇ, aˬ yawꞈ maꞈ baˬ da neh, meuˬ meuˬ lah-ehˇ kʼehˬ-eu kʼaˆ-eu jeˬ-ahˇ maˬ ya daˬ ni bi buˬ-iˇ ma.”

Aˇ dahˬ 18:32

“Sahˬpaˬ Miˬyehˇ-oˇ, nui ma taˬ pehˇ nehˬ laꞈ siˬ. Ngaˇ heu loꞈ-ehˇ tiˬ dawˬ paˇ naˇ haˬ la siˬ. Tseˇ gʼaˬ tehꞈ-ehˇ jawˇ naˇ aˬ joˆ-ehˇ jahˇ nehˬ nmˇ” lehˇ, Aˬbyaˬhaˬ paˇ naˇ haˬ ngeh, “Iˬ baˇ maˬ mˇ-eu tsawˇ haˬ tseˇ gʼaˬ tehꞈ-ehˇ jawˇ lawˬ naˇ kʼawꞈ, meuˬ kʼoeˇ meuˬ-ahˇ ngaˇ maˬ laˆ cawˆ” lehˇ, Sahˬpaˬ Miˬyehˇ ehˇ kʼoꞈ nehˬ-euˬ meh.

Aˇ dahˬ 19:24

Tiˬ poˆ tehꞈ-ehˇ, miˬ dzaˬ doꞈ luꞈ-eu miˬ dzaˇ dzaˇ shuiˇ deuˬ, uˬ yehˇ yehˇ-eu loꞈ-ehˇ, Sawˇdoˬ meuˬ hawˇ-eu Gawˇmawˇlaˆ meuˬ kʼoeˇ taˆ Sahˬpaˬ Miˬyehˇ bi ga le-euˬ meh.

1 Sahˬpaˬ 19:18

Ehˇ kʼawꞈ, ngaˬ-ahˇ saˇ jaˇ ziꞈ-awˇ, Baˬlaˇ miˬ yehˇ mehˬ shi maˬ awˆ byaˆ-ehˇ, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ-ahˇ mehˬ cuˇ maˬ cuˇ-euˬ tsawˇ haˬ shiꞈ heˇ gʼaˬ-ahˇ, Iˇsaˬleˬlaˆ miˇ kʼahˬ laꞈ kʼoeˇ ngaˇ bi dehꞈ yaꞈ ma.”

2 Sahˬpaˬ 19:4

Dehꞈ luꞈ-eu Miˬyehˇ-ahˇ bi naˬ gʼa-eu gʼaˇ duˬ, Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ deuˬ-ahˇ pyehˬ gʼeh leꞈ-euˬ meh. Kʼoeˇ loꞈ-ehˇ naˬ gʼa-eu dawˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, naˬ gʼa le-euˬ tsawˇ haˬ kʼoeˇ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ shiˇ dzeuˇ-ehˇ dehꞈ luꞈ-eu tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ-awˬ.”

Iˇsaˬyaˇ 1:8

Yeˬluˇsaˬlehˬ meuˬ tiˬ meuˬ dzeˇ-eu kʼawꞈ, aˬ cawˬ neh bi jawˬ lahˇ taˬ-awˇ, aˬ gaꞈ yaˇ kmˇ-ahˇ gʼawˆ taˬ-euˬ sehˬ gʼawˆ hawˇ-eu siˬ kʼoˬ kʼoˬ yaˇ-ahˇ jaˆ-eu yaˇ cmˇ loꞈ-ehˇ tiˬ jeˬ-iˬ maˬ mˇ doˆ luꞈ-a.

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Iˇsaˬyaˇ 11:16

Iˇsaˬleˬlaˆ tsawˇ haˬ-euˬ aˬ poeˬ aˬ bawˇ deuˬ, Iˇjiˇtuˆ miˇ kʼahˬ-ahˇ doˆ le ngeh gaˇ jawˬ dahˇ-euˬ loꞈ-ehˇ, Aˬshuˇliˆ miˇ kʼahˬ-ahˇ dzeˇ-eu Iˇsaˬleˬlaˆ tsawˇ haˬ deuˬ gʼaˇ duˬ, Aˬshuˇliˆ miˇ kʼahˬ-ahˇ neh gaˇ jawˬ dahˇ doˆ tehꞈ-a.

Iˇsaˬyaˇ 17:6

Iˇsaˬleˬlaˆ miˇ kʼahˬ-euˬ gaˇ kawˆ-aˬ, saˬ loˬ aˇ siˬ bi pyaˆ geuꞈ jiˇ-awˇ, uˬ laꞈ yaw awˆ-ahˇ oeˬ siˬ ngaˬ siˬ ngeuˬ-eu, saˬ loˬ aˇ bawˇ loꞈ-ehˇ guiˬ lahˬ doeˇ tehꞈ-a lehˇ, Iˇsaˬleˬlaˆ miˇ kʼahˬ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 24:13

Miˇ tsaˬ kʼoeˇ taˆ jaˆ-eu miˇ kʼahˬ dawˬ tawˆ kʼoeˇ taˆ, kʼoeˇ loꞈ-ehˇ keuˆ le tehꞈ-a. Uˬ pyaˬ uˬ laꞈ bi diˬ juˆ-euˬ saˬ loˬ aˇ bawˇ hawˇ-eu, aˇ siˬ bi pyaˆ cuˆ jiˇ-euˬ aˬ gaꞈ baw duˆ loꞈ-ehˇ jaˆ tehꞈ-a.

Iˇsaˬyaˇ 24:6

Miˇ tsaˬ tahˬ kʼawˇ-ahˇ Miˬyehˇ yaˬ kehˇ yaˬ-eu miˇ neh, iˬ baˇ naꞈ-eu miˇ tsaˬ zaˬ teˬ le byoˆ le-awˇ, ui cuiˆ tehꞈ-ehˇ dzeuˇ-iˇ-eu meh.

Iˇsaˬyaˇ 37:4

Aˬshuˇliˆ sahˬ paˬ neh aˬ yawꞈ-euˬ yaw huiˬ yaw mahˇ gʼaˬ-ahˇ pyehˬ gʼeh leꞈ-awˇ, dehꞈ luꞈ-eu Miˬyehˇ-ahˇ yehˬ bawˬ sehˇ lu-ehˇ bi ehˇ le-euˬ meh. Kʼoeˇ loꞈ-ehˇ yehˬ bawˬ sehˇ lu-ehˇ ehˇ-eu dawˬ-ahˇ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ya gaˬ-awˇ, kʼoeˇ loꞈ-ehˇ ehˇ-eu tsawˇ haˬ deuˬ-ahˇ kʼehˬ nehˬ kʼaˆ nehˬ luꞈ-uˇ. Kʼoeˇ miˇ neh, maˬ luˬ maˬ seˇ-iˇ-ehˇ dzeˇ-eu aˬ dui-euˬ tsawˇ haˬ deuˬ gʼaˇ duˬ, Miˬyehˇ-ahˇ guiˬ lahˬ shaˇ nehˬ laꞈ-awˬ.”

Iˇsaˬyaˇ 46:3

“Yaˬkoˆ-euˬ zaˬ deuˬ uˆ deuˬ-oˇ, Iˇsaˬleˬlaˆ tsawˇ jeuˬ laꞈ kʼoeˇ kʼaˇ dzeˇ luꞈ-eu deuˬ-oˇ, ngaˇ ehˇ gaˇ naˇ haˬ-awˬ. Naw maꞈ dehꞈ le ngeh tiˬ nah neh, naw maꞈ-ahˇ ngaˇ bo saˆ-euˬ ma.

Iˇsaˬyaˇ 6:13

Tseˇ pu-ahˇ tiˬ pu dzeˇ yaꞈ-euˬ kʼawꞈ, paˇ bi puiˆ byoˆ jiˇ tehꞈ-a. Ehˇ kʼawꞈ, tsuiꞈ kaˆ aˇ bawˇ bi tuˇ dzeh ngeh, tsuiꞈ kaˆ sahˬ nyiꞈ tsawˬ tuˇ-ehˇ jaˆ yaꞈ-euˬ loꞈ-ehˇ, muiˬ-eu shawˇ-eu tsawˇ haˬ aˇ yoeˬ, miˇ kʼahˬ kʼoeˇ kʼahˬ laꞈ kʼoeˇ sahˬ nyiꞈ loꞈ-ehˇ dzeˇ yaꞈ tehꞈ-a.” (Sahˬ nyiꞈ-euˬ dawˬ tsuiꞈ-aˬ, Miˬyehˇ-euˬ tsawˇ haˬ yaw shuiꞈ dehꞈ tuˇ laˇ gaˇ ehˇ mawꞈ-eu meh.)

Iˇsaˬyaˇ 65:8

Sahˬpaˬ Miˬyehˇ heu loꞈ-ehˇ ehˇ-eu meh. “Aˬ gaꞈ aˇ siˬ yaw muiˬ maˬ laˆ cawˆ ni, aˬ gaꞈ dzaˇ uiˇ jahˇ gaˇ geuꞈ-eu loꞈ-ehˇ, Ngaˬ-euˬ tsawˇ haˬ dawˬ tawˆ luꞈ-ahˇ maˬ laˆ cawˆ ni, ngaˬ-euˬ nui kʼahˇ mˇ-eu deuˬ-ahˇ ngaˇ ka kʼoꞈ ma.

Yeˬlaˬmiˇ 23:14

Ehˇ kʼawꞈ Yeˬluˇsaˬlehˬ meuˬ-ahˇ ngaˬ-euˬ gʼaˇ duˬ ngehˬ dah-eu deuˬ, kʼoeˇ naˆ maˬ tseˇ doeˇ gaˇ ngaˇ mawˇ-euˬ ma. Aˬ cawˬ-euˬ miˬ zaˬ-ahˇ aˬ yawꞈ maꞈ bahˬ gʼa muˆ gʼa-awˇ, jaˬ myawꞈ mehˇ shuiˇ dawˬ ngehˬ-eu meh. Tsawˇ haˬ yawˬ gʼaˬ na luꞈ yaw haiˬ jeˬ maˬ byehˇ ni mˇ-eu gʼaˇ duˬ, yaw lehˬ mˇ gaˇ aˬ yawꞈ maꞈ gʼaˬ baꞈ baꞈ-eu meh. Aˬ yawꞈ maꞈ dawˬ tawˆ luꞈ ngaˬ-euˬ mehˬ shi, Sawˇdoˬ hawˇ-eu Gawˇmawˇlaˆ meuˬ loꞈ-ehˇ, doeˇ dui dui-eu tsawˇ haˬ deuˬ pyeuꞈ-eu meh.”

Yeˬlaˬmiˇ 42:2

ngaˇ jawˇ gaˇ oe-awˇ heu loꞈ-ehˇ ehˇ le-euˬ meh. “Nga maꞈ nawˬ-ahˇ shaˇ-eu loꞈ-ehˇ jahˇ nehˬ laꞈ-awˬ. Nga maꞈ gʼaˇ duˬ nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ nehˬ laꞈ-awˬ. Buˬ-iˇ law-iˇ-euˬ tsawˇ haˬ deuˬ pyeuꞈ-eu nga maꞈ dawˬ tawˆ luꞈ gʼaˇ duˬ guiˬ lahˬ shaˇ nehˬ laꞈ-awˬ. Dzeuˇ laˇ ngeh aˬ dui tsawˇ haˬ myaˬ dui dui-euˬ kʼawꞈ, nymˬ-mˇ nawˇ mawˇ luꞈ-eu loꞈ-ehˇ ui cuiˆ dzeˇ-eu tehꞈ meh.

Yeˬlaˬmiˇ 50:20

Aˇ yamˬ kʼoeˇ yamˬ keuˆ laˇ ngeh, Iˇsaˬleˬlaˆ miˇ kʼahˬ laꞈ kʼoeˇ iˬ baˇ maˬ poˆ mawˇ nya ehˇ, Yuˇdaˆ miˇ kʼahˬ laꞈ kʼoeˇ yaw haiˬ jeˬ maˬ jaˆ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, ngaˬ neh bi buˬ bi law-iˇ-euˬ tsawˇ haˬ kʼoeˇ deuˬ-ahˇ ngaˇ iˬ baˇ pyehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 3:22

Sahˬpaˬ Miˬyehˇ gʼoeˇ-eu gaˬ-eu, tiˬ jawˇ-iˬ maˬ tsehˆ leˇ nya-ehˇ, aˬ yawꞈ-euˬ gʼawˬ shaˬ gaˬ-eu jeˬ, tiˬ jawˇ-iˬ maˬ tsiˇ leˇ nya-ehˇ,

Ngoeˇ dawˬ 4:6

Myaˆ nuiˆ kʼoˆ tehˆ tiˬ tehˆ laꞈ kʼoeˇ, Sawˇdoˬ meuˬ-ahˇ laˆ cawˆ nehˬ ngeh, caw ba miˇ le-eu maˬ dah-a. Ehˇ kʼawꞈ ngaˬ-euˬ tsawˇ haˬ deuˬ-aˬ, kʼoeˇ naˆ maˬ tseˇ ya daˬ-euˬ meh.

Yeˬsaˬgeˬlaˇ 14:22

Tsawˇ haˬ tiˬ gʼaˬ na dzeuˇ-iˇ-awˇ, aˬ yawꞈ-euˬ zaˬ deuˬ kʼawꞈ laˆ dzeuˇ nya naˇ, nawˇ jawˇ gaˇ laˇ doˆ tehꞈ-a. Aˬ yawꞈ maꞈ-ahˇ nawˇ ya mawˇ ngeh, aˬ yawꞈ maꞈ aˇ naˆ ni haiˬ-eu gaˇ kawˆ hawˇ-eu, Yeˬluˇsaˬlehˬ meuˬ-ahˇ ngaˬ neh kʼehˬ nehˬ kʼaˆ nehˬ-euˬ tsaˬ dui dui-eu gaˇ kawˆ, nawˇ ya siˬ duˬ tehꞈ-a.

Yeˬsaˬgeˬlaˇ 6:8

“Tsawˇ haˬ tiˬ paˆ na deuˬ-ahˇ, maˬ bi sehꞈ ni bi dzeuˇ-iˇ-awˇ, aˬ cawˬ miˇ kʼahˬ laꞈ kʼoeˇ bi jawˇ byaˆ jiˇ ma.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Aˬmoˆ 4:11

“Sawˇdoˬ meuˬ hawˇ-eu Gawˇmawˇlaˆ meuˬ-ahˇ ngaˇ laˆ cawˆ nehˬ-euˬ loꞈ-ehˇ, naw maꞈ tiˬ paˆ na deuˬ-ahˇ ngaˇ laˆ cawˆ nehˬ-euˬ ma. Naw maꞈ laꞈ kʼoeˇ kʼaˇ dzeuˇ-iˇ-euˬ deuˬ-aˬ, miˬ dzaˬ puiˆ luꞈ gaˇ gʼeu doˆ-euˬ doꞈ luꞈ-eu daˇ kawˬ-ahˇ duˇ-eu meh. Ehˇ kʼawꞈ, naw maꞈ ngaˇ jawˇ gaˇ maˬ gʼoꞈ poˆ laˇ-a” lehˇ Sahˬpaˬ Miˬyehˇ ehˇ-eu meh.

Haˬbaˬkuˆ 3:2

“Sahˬpaˬ Miˬyehˇ nawˬ-euˬ tsawˇ myahˇ, tsawˇ myahˇ huiˬ-eu ngaˇ ya gaˬ-awˇ, Sahˬpaˬ Miˬyehˇ nawˇ mˇ-euˬ gaˇ, ngaˬ-ahˇ zahˬ dui dui leˇ miˇ-a. Aˇ hu mˇ-euˬ huiˬ-eu gaˇ deuˬ, iˬ nah paˇ mˇ poˆ nehˬ laꞈ yawˬ. Nawˇ nui ma pehˇ dui dui ngeh kʼawꞈ, gʼawˬ shaˬ gaˬ-eu taˬ byehˇ nehˬ laꞈ.

Zeˬpaˬniˇ 2:9

Ngaˇ Baoˬ huiˬ-eu Sahˬpaˬ Miˬyehˇ, Iˇsaˬleˬlaˆ tsawˇ jeuˬ kʼoeˇ taˆ, Miˬyehˇ kʼaˇ pyeuꞈ luꞈ kʼoeˇ keuˆ ni, Mawˇbaˆ hawˇ-eu Aˬmoˬ tsawˇ jeuˬ, Sawˇdoˬ Gawˇmawˇlaˆ meuˬ loꞈ-ehˇ, kʼehˬ nehˬ kʼaˆ nehˬ gaˇ bi daˬ ma. Saˬ deuꞈ duˬ kʼahˬ pyeuꞈ-iˇ jiˇ-awˇ, yaˇ moꞈ neh bi uˆ tehˬ byoˆ-awˇ, yaˇ ziˇ yaw cawˆ-ehˇ jaˆ tehꞈ-a. Buˬ-iˇ-euˬ ngaˬ-euˬ tsawˇ haˬ deuˬ, miˇ kʼahˬ kʼoeˇ deuˬ ya geuꞈ tehꞈ-a.”

Maꞈtehˬ 7:14

Ehˇ kʼawꞈ, dehˬ-eu saꞈ laˇ gaˇ ma-euˬ gʼoˆ kʼehˬ-aˬ, suꞈ dui dui-awˇ, gaˇ ma shaˬ dui dui-eu miˇ neh, gaˇ ma kʼoeˇ kahˇ poˆ mawˇ-eu tsawˇ haˬ yaw cuiˆ meh.

Lormav 9:27

Iˇsaˬ leˬ laˇ tsawˇ jeuˬ gaˇ kawˆ Iˇsaˬyaˇ neh heu loꞈ-ehˇ ehˇ taˬ-euˬ meh. “Iˇsaˬleˬlaˆ tsawˇ haˬ deuˬ iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ loꞈ-ehˇ myaꞈ kʼawꞈ, ka kʼoꞈ-eu jeˬ za-eu tsawˇ haˬ cuiˆ dui dui tehꞈ-a.

Lormav 9:29

Naꞈ ngeh neh Iˇsaˬyaˇ neh ehˇ taˬ-euˬ heu loꞈ-ehˇ jaˆ-eu meh. “Baoˬ huiˬ-eu Sahˬpaˬ Miˬyehˇ neh, tsuiꞈ maˬ bi dahˬ-iˇ-eu gʼaˇ duˬ, zaˬ maˬ bi dzeuˇ-iˇ law nmˇ-aˬ, Sawˇdoˬ, Gawˇmawˇlaˆ meuˬ loꞈ-ehˇ, aˬ dui byoˆ-iˇ jiˇ-euˬ tehꞈ-a.”

Dawˬmehˬ 29:23

Naw maꞈ-euˬ miˇ kʼahˬ kʼahˬ lah ni, miˬ dzaˇ dzaˇ shuiˇ hawˇ-eu saˬ deuꞈ tehꞈ-ehˇ byah jiˇ-awˇ, gaˇ dahˇ maˬ tsoeˬ ni pyeuꞈ-iˇ tehꞈ-a. Tiˬ jeˬ-iˬ maˬ ka dzaˬ nya-eu uˬ taꞈ, yaˇ moꞈ kʼawꞈ maˬ dehꞈ ni pyeuꞈ-iˇ tehꞈ-a. Naw maꞈ-euˬ miˇ kʼahˬ-aˬ, Sahˬpaˬ Miˬyehˇ nui ma pehˇ dui dui-eu laꞈ kʼoeˇ laˆ luˬ laˆ seˇ nehˬ-euˬ Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ hawˇ-eu, Zeˬbaiˬ meuˬ heu deuˬ loꞈ-ehˇ pyeuꞈ-iˇ tehꞈ-a.

2 Beˬtuˆluˆ 2:6

Sawˇdoˬ meuˬ hawˇ-eu Gawˇmawˇlaˆ meuˬ-ahˇ kʼawꞈ, miˬ dzaˬ bi puiˆ byoˆ-euˬ meh. Kʼoeˇ-aˬ, Miˬyehˇ-ahˇ yaw zeu maˬ baw-eu tsawˇ haˬ deuˬ kʼoeˇ taˆ aˬ joˆ-ehˇ keuˆ le-eu gaˇ kʼawˆ, aˬ yawꞈ maꞈ bi dzaw geuꞈ-eu gʼaˇ duˬ mˇ mehˬ-euˬ jeˬ pyeuꞈ-eu meh.

Panmaeq 11:8

Aˬ yawꞈ nyaꞈ-euˬ gʼawˇ mawˇ-aˬ, aˬ yawꞈ nyaꞈ-euˬ Sahˬpaˬ-ahˇ laꞈ yaꞈ kʼoeˇ taˆ taꞈ sehꞈ-euˬ jawˇ duˬ pyeuꞈ-eu huiˬ dui dui-eu meuˬ-euˬ gaˇ ma-ahˇ ga tehꞈ-a. Meuˬ kʼoeˇ meuˬ-euˬ tsawˇ myahˇ myahˇ pawꞈ-aˬ, Sawˇdoˬ maˬ ngeuˇ naˇ Iˇjiˇtuˆ lehˇ kuˇ-eu meh.