Iˇsaˬyaˇ 1:6 - Akha

⁶ Aˬ kuiˇ pehˬ zaˬ-ahˇ neh uˬ duˬ-ahˇ doˆ ni, geuꞈ-eu maˬ paˇ ahˇ ngaˇ. Maˇ kʼehˬ maˇ naˇ hawˇ-eu shiˬ dzahˬ maˇ lu tehꞈ-ehˇ jaˆ-awˇ, shiˬ doˆ dui dui luꞈ nga. Nawˬ-euˬ maˇ naˇ maˬ laˆ taˬ-ehˇ, saˬ paˇ maˬ lahˇ taˬ-aˬ. Jaˆ gʼaˬ maˬ laˆ saˆ-aˬ.

Iˇsaˬyaˇ 1:6 ပူးပေါင်းရင်းမြစ်များ

2 Saˬmeuˬlaˆ 14:25

Iˇsaˬleˬlaˆ miˇ kʼahˬ laꞈ kʼoeˇ, Aˬbaˇsaˬloˬ loꞈ-ehˇ seuˆ dzeuꞈ aˇ gʼehˇ muiˬ-awˇ, tsawˇ myahˇ doˆ-eu tsawˇ haˬ tiˬ gʼaˬ-iˬ maˬ jawˇ-a. Uˬ duˬ-ahˇ neh aˬ kuiˇ pehˬ zaˬ-ahˇ keuˆ ni, ehˇ kʼaˇ za-eu tiˬ tsahˇ-iˬ maˬ jaˆ-a.

Yawˇbaˆ 5:18

Miˬyehˇ laˆ tahˬ laˆ naˇ-euˬ gaˇ Miˬyehˇ kaꞈ uꞈ-eu meh. Aˬ yawꞈ-euˬ aˬ laꞈ neh laˆ naˇ-awˇ, aˬ yawꞈ-euˬ aˬ laꞈ neh paˇ laˆ taˬ nehˬ-eu meh.

Jaceuq 77:2

Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Yeˬlaˬmiˇ 17:9

Tsawˇ haˬ zaˬ-euˬ nui ma aˬ suˇ gʼaˬ siˬ nya ta. Nui ma loꞈ-ehˇ laꞈ gʼoꞈ baw-eu tiˬ jeˬ-iˬ maˬ jaˆ-a. Yaw cawˆ myaˬ-eu miˇ neh maˬ laˆ muiˬ geuꞈ nya-a.

Yeˬlaˬmiˇ 30:12

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-euˬ maˇ naˇ maˬ laˆ byoˆ nya-ehˇ, naw maꞈ-euˬ maˇ kʼehˬ maˬ yaˇ taˬ nya-a.

Yeˬlaˬmiˇ 30:15

Naw maꞈ maˇ kʼehˬ maˇ naˇ gaˇ kawˆ taˬ toˇ. Taˬ leˇ nya-eu gaˇ ma maˬ paˇ dahˇ meh. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ heu loꞈ-ehˇ kʼehˬ-eu ma.

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Yeˬlaˬmiˇ 6:14

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ deuˬ-ahˇ, aˬ gah pyaˆ-eu naˆ ni tehꞈ-ehˇ aˬ yawꞈ maꞈ sawˇ nehˬ-awˇ, maˬ taˬ leˇ gaˇ keuˆ ni taˬ leˇ gʼaˬ mehˬ lehˇ myawꞈ-eu meh.

Yeˬlaˬmiˇ 6:7

Lah duˬ laꞈ kʼoeˇ iˇ cuꞈ iˇ beuˆ doˆ-eu loꞈ-ehˇ, Yeˬluˇsaˬlehˬ laꞈ kʼoeˇ yaw haiˬ jeˬ iˇ beuˆ doˆ-eu meh. Meuˬ laꞈ kʼoeˇ kʼehˬ dzaˬ kʼaˆ dzaˬ-eu jeˬ ya gaˬ-awˇ, maˇ kʼehˬ maˇ naˇ hawˇ-eu naˇ gawˇ maˬ tsehˆ leˇ-a.

Naˬhmˬ 3:19

Nawˬ-euˬ maˇ kʼehˬ maˇ naˇ yaw naꞈ, tiˬ jeˬ-iˬ maˬ laˆ taˬ nya-a. Nawˬ neh kʼehˬ nehˬ kʼaˆ nehˬ-euˬ gaˇ, maˬ daˬ haw ni dehꞈ dzeuˇ nya-euˬ, tiˬ gʼaˬ-iˬ maˬ jawˇ-eu miˇ neh, nawˬ-euˬ guiˬ lahˬ doeˇ-eu gaˇ kawˆ, kʼaˇ ya gaˬ-euˬ tsawˇ haˬ dawˬ tawˆ, laꞈ kʼawˆ tehˆ-awˇ cehˇ gʼa tehꞈ-a.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Maꞈtehˬ 9:12

Kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, heu loꞈ-ehˇ ehˇ kʼoꞈ nehˬ-euˬ meh. “Jawˇ saˇ doˆ luꞈ-eu deuˬ naˇ gawˇ laˆ saˆ-eu tsawˇ haˬ-ahˇ maˬ loˬ-a. Jawˇ saˇ maˬ doˆ-eu deuˬ tehꞈ-ehˇ naˇ gawˇ laˆ saˆ-eu tsawˇ haˬ-ahˇ loˬ-eu meh.

Luˇkaꞈ 10:34

Tsawˇ haˬ kʼoeˇ gʼaˬ ga gaˇ aˬ yawꞈ iˇ-awˇ, diˬ leuꞈ diˬ kʼaw taˬ-euˬ maˇ kʼehˬ maˇ naˇ-ahˇ aˬ gaꞈ dzaˇ uiˇ hawˇ-eu tsiˇ shehˆ lehꞈ nehˬ-awˇ, saˬ paˇ neh lahˇ cuꞈ nehˬ-euˬ meh. Kʼoeˇ naˇ, aˬ yawꞈ neh dziˬ leꞈ-euˬ mahˬ tahˬ laˆ kʼoeˇ taˆ ciˬ dziˬ-awˇ, daˬ yah yaꞈ duˬ nymˇ laꞈ kʼoeˇ ciˬ ahˇ-awˇ, yaw muiˬ paˬ-ehˇ bo saˆ nehˬ-euˬ meh.