Iˇsaˬyaˇ 1:25 - Akha

²⁵ Nawˬ-ahˇ ngaˇ do yuˇ ma. Pyuˇ baw guiˇ-awˇ laˆ shawˇ geuꞈ-eu loꞈ-ehˇ, nawˬ-euˬ iˬ baˇ ngaˇ laˆ shawˇ ma.

Iˇsaˬyaˇ 1:25 ပူးပေါင်းရင်းမြစ်များ

Jaceuq 119:119

Haiˬ-eu tsawˇ haˬ deuˬ-ahˇ pawꞈ lawꞈ pawꞈ kuˬ loꞈ-ehˇ nawˇ sawˇ dzeh nehˬ-eu miˇ neh, nawˇ mehˬ-eu tsoˆ-eu dawˬ-ahˇ ngaˇ gaˬ-eu ma.

Iˇsaˬyaˇ 1:22

Yaw beh nawˇ pyuˇ kʼoˇ loꞈ-ehˇ poeˬ kʼawꞈ, nymˬ-mˇ pyuˇ keˬ loꞈ-ehˇ tehꞈ meh. Yaw beh nawˇ kuiˇ dui dui-eu aˬ gaꞈ dzaˇ uiˇ pyeuꞈ kʼawꞈ, nymˬ-mˇ iˇ cuꞈ shehˆ byawˬ taˬ gaˇ duˇ-eu meh.

Iˇsaˬyaˇ 27:9

Lawˇ ciꞈ zaˬ-euˬ lawˇ duˬ kʼaˬ lo kʼoeˇ deuˬ, lu boeˬ kʼaˬ lo loꞈ-ehˇ deh meuˇ jiˇ-awˇ, yaw saw jeˬ doꞈ damˬ-euˬ lawˇ duˬ hawˇ-eu, Aˬsheˇlaˬ miˬ yehˇ ma-euˬ tahˬ pahˬ aˬ ma mawˇ kawˇ, tiˬ hmˬ kʼaˇ dzeˇ kʼoeˇ keuˆ ni, Iˇsaˬleˬlaˆ tsawˇ jeuˬ-ahˇ iˬ baˇ maˬ pyehˬ nehˬ-a.

Iˇsaˬyaˇ 4:4

Sahˬpaˬ Miˬyehˇ aˬ yawꞈ-euˬ baoˬ-ahˇ gʼoe-awˇ, aˬ yawꞈ-euˬ tsawˇ jeuˬ-ahˇ yaˇ kʼaˬ daˇ-awˇ bi muiˬ bi shawˇ laˇ-eu laꞈ kʼoeˇ, Yeˬluˇsaˬlehˬ meuˬ-euˬ iˬ baˇ hawˇ-eu, kʼoeˇ gaˇ yoeˇ dzeh-euˬ shiˬ deuˬ tsiˬ shawˇ nehˬ tehꞈ-a.

Yeˬlaˬmiˇ 6:29

Baw aˇ naˆ ni baw neˇ kʼawꞈ, shmˇ shmˇ keˬ maˬ baw shawˇ nya-eu loꞈ-ehˇ, ngaˬ-euˬ tsawˇ haˬ deuˬ ahˇ baw shawˇ-eu-aˬ, haiˬ-eu jeˬ maˬ byoˆ-iˇ nya-eu miˇ neh, tiˬ jeˬ-iˬ gaˇ dahˇ maˬ tsoeˬ-a.

Yeˬlaˬmiˇ 9:6

Kʼehˬ-eu kʼoeˇ taˆ kʼaˆ-eu jeˬ baꞈ bymˇ-awˇ, jaˬ myawꞈ kʼoeˇ taˆ mehˇ shuiˇ geu daˆ-eu meh. “Aˬ yawꞈ maꞈ ngaˬ-ahˇ maˬ haw nahˇ-a” lehˇ, Sahˬpaˬ Miˬyehˇ ehˇ luꞈ-eu meh.

Yeˬlaˬmiˇ 9:7

Kʼoeˇ miˇ neh Baoˬ huiˬ-eu Sahˬpaˬ Miˬyehˇ ehˇ-eu, “Shmˇ puiˆ neˇ-awˇ tsehˬ ka haw-eu loꞈ-ehˇ, ngaˬ-euˬ tsawˇ haˬ deuˬ-ahˇ ngaˇ lawˬ haw ma. Ngaˬ-euˬ tsawˇ haˬ iˬ baˇ mˇ-euˬ miˇ neh, ngaˇ aˬ jeˬ paˇ gʼeh nehˬ nya nmˇ.

Yeˬsaˬgeˬlaˇ 20:38

Naw maꞈ laꞈ kʼoeˇ ngaˬ-ahˇ puiˬ-awˇ iˬ baˇ mˇ-eu deuˬ ngaˇ yuˇ dzeh ma. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ, nymˬ-mˇ aˬ yawꞈ maꞈ ya jawˇ luꞈ-eu miˇ kʼahˬ laꞈ kʼoeˇ neh ngaˇ sheuˬ doˆ nehˬ ma. Ehˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ maˬ bi gʼoꞈ jawˇ laˇ. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˆ kawˆ naw maꞈ ya siˬ duˬ tehꞈ-a.”

Yeˬsaˬgeˬlaˇ 22:19

Aˬ yawꞈ maꞈ kʼoeˇ naˆ ni gaˇ dahˇ tsoeˬ-eu tehꞈ meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, nymˬ-mˇ aˬ yawꞈ maꞈ-ahˇ ehˇ-eu ma. Aˬ yawꞈ maꞈ dawˬ tawˆ luꞈ-ahˇ Yeˬluˇsaˬlehˬ meuˬ laꞈ kʼoeˇ ngaˇ sheuˬ uiˬ ma.

Yeˬsaˬgeˬlaˇ 22:20

Pyuˇ kʼaˇ doˆ-eu tsawˇ haˬ deuˬ, pyuˇ, guiˬ shuiˇ, shmˇ hawˇ-eu za siˬ heu deuˬ-ahˇ baw-ahˇ dawˆ ahˇ-awˇ baw guiˇ-eu loꞈ-ehˇ, ngaˇ nui ma pehˇ-eu laꞈ kʼoeˇ naw maꞈ-ahˇ sheuˬ uiˬ-awˇ baw guiˇ ma.

Yeˬsaˬgeˬlaˇ 22:22

Baw baw gaˇ pyuˇ baw guiˇ-eu loꞈ-ehˇ, aˬ yawꞈ maꞈ-ahˇ Yeˬluˇsaˬlehˬ meuˬ laꞈ kʼoeˇ baw guiˇ nehˬ ma. Kʼoeˇ ngeh, Sahˬpaˬ Miˬyehˇ-euˬ nui ma aˬ yawꞈ maꞈ ya mawˇ duˬ tehꞈ-a.”

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Maˬlaˬkiˇ 3:3

Pyuˇ kʼoˇ baw guiˇ-awˇ laˆ shawˇ-eu loꞈ-ehˇ, yaˇ kʼaˬ daˇ-eu gʼaˇ duˬ aˬ yawꞈ oe tehꞈ-a. Piˇ ma deuˬ Sahˬpaˬ Miˬyehˇ-ahˇ tsaˬ-eu dawˇ-eu lawˇ-eu jeˬ lawˇ nehˬ laˇ ni, baw baw-eu tsawˇ haˬ pyuˇ hawˇ-eu shuiˇ baw guiˇ-awˇ laˆ shawˇ-eu loꞈ-ehˇ, Sahˬpaˬ Miˬyehˇ-euˬ dawˬ tsaꞈ dawˬ dzawˇ mˇ-eu gʼaˬ piˇ ma kʼoeˇ deuˬ-ahˇ shawˇ tehꞈ-a.

Maꞈtehˬ 3:12

Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”

Dawˬmehˬ 32:43

“Miˇ kʼahˬ tsawˇ jeuˬ dawˬ tawˆ luꞈ-oˇ, Sahˬpaˬ Miˬyehˇ-euˬ tsawˇ haˬ-ahˇ, naw maꞈ ya ja ceuˬ gaˇ keuˆ meh. Aˬ yawꞈ maꞈ-ahˇ sehꞈ-eu deuˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a. Muiˇ-eu deuˬ-ahˇ laꞈ poˆ poˆ-awˇ, aˬ yawꞈ-euˬ tsawˇ haˬ deuˬ-ahˇ-aˬ, aˬ yawꞈ iˬ baˇ pyehˬ nehˬ tehꞈ-a.”

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.