Iˇsaˬyaˇ 1:22 - Akha

²² Yaw beh nawˇ pyuˇ kʼoˇ loꞈ-ehˇ poeˬ kʼawꞈ, nymˬ-mˇ pyuˇ keˬ loꞈ-ehˇ tehꞈ meh. Yaw beh nawˇ kuiˇ dui dui-eu aˬ gaꞈ dzaˇ uiˇ pyeuꞈ kʼawꞈ, nymˬ-mˇ iˇ cuꞈ shehˆ byawˬ taˬ gaˇ duˇ-eu meh.

Iˇsaˬyaˇ 1:22 ပူးပေါင်းရင်းမြစ်များ

Jaceuq 119:119

Haiˬ-eu tsawˇ haˬ deuˬ-ahˇ pawꞈ lawꞈ pawꞈ kuˬ loꞈ-ehˇ nawˇ sawˇ dzeh nehˬ-eu miˇ neh, nawˇ mehˬ-eu tsoˆ-eu dawˬ-ahˇ ngaˇ gaˬ-eu ma.

Iˇsaˬyaˇ 1:21

Yaw beh saˇ jaˇ ziꞈ-eu meuˬ, meh maˬ laˇ-ahˇ dehꞈ duˇ taˬ-euˬ meh. Yaw beh yaw tsaˬ yaw dawˇ jeˬ byah-awˇ, yaw muiˬ yaw shawˇ jeˬ jaˆ-euˬ kʼawꞈ, nymˬ-mˇ aˬ cawˬ-ahˇ sehꞈ-eu tsawˇ haˬ tehꞈ meh.

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

Hawˇseˬ 4:18

Jiˇ baˬ yehꞈ-eu aˇ muˇ kʼoeˇ muˇ, meh maˬ laˇ-ahˇ cehˇ gʼa-eu meh. Yaw shehꞈ kʼahˬ sehˇ-ahˇ naˆ maˬ tseˇ, daˬ ga-eu jeˬ-ahˇ mawꞈ-eu meh.

Hawˇseˬ 6:4

Ehˇ kʼawꞈ, Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ ya jahˇ nehˬ paˬ nga, Yuˇdaˆ miˇ kʼahˬ-oˇ nawˬ-ahˇ ngaˇ, aˬ joˆ-ehˇ ya jahˇ nehˬ paˬ nga. Naw nyaꞈ ngaˬ-ahˇ gaˬ-eu jeˬ-aˬ, uˬ shawˬ tmˬ-eu mˬ dmˇ hawˇ-eu, uˬ shawˬ ga aˬ-euˬ ceuˬ loꞈ-ehˇ, tiˬ kʼehˇ laˇ kʼehˬ gmˬ-eu tehꞈ meh.

2 Gawˇliˬtu 2:17

Nga maꞈ-aˬ, aˬ cawˬ loꞈ-ehˇ yawˬ ha gʼaˇ duˬ jiˇ jeuˬ ahˇ ni Miˬyehˇ dawˬ kawˬ mehˬ-eu tsawˇ haˬ maˬ ngeuˇ. Ehˇ kʼawꞈ, Miˬyehˇ neh kʼehˇ gʼeh leꞈ-euˬ tsawˇ haˬ pyeuꞈ-eu miˇ neh, Ka li-euˬ zaˬ kʼaˆ loꞈ-ehˇ Miˬyehˇ mehˬ shi dawˇ coe ni ngehˬ-eu tmˇ-eu ma.