Iˇsaˬyaˇ 1:15 - Akha

¹⁵ Naw maꞈ aꞈ laꞈ cawˬ ja-awˇ guiˬ lahˬ shaˇ ngeh, naw maꞈ-ahˇ ngaˇ maˬ haw cawˬ. Naw maꞈ-euˬ aˬ laꞈ-ahˇ shiˬ lehꞈ-eu miˇ neh, naw maꞈ guiˬ lahˬ shaˇ sehꞈ leꞈ kʼawꞈ, ngaˇ maˬ naˇ haˬ nehˬ.

Iˇsaˬyaˇ 1:15 ပူးပေါင်းရင်းမြစ်များ

1 Sahˬpaˬ 8:22

Kʼoeˇ naˇ, Iˇsaˬleˬlaˆ tsawˇ haˬ deuˬ-euˬ mehˬ shi, lawˇ duˬ dawˬ peh Sawˇlaˬmoˬ yawꞈ leˇ-awˇ, aˬ laꞈ baꞈ diˇ-awˇ,

1 Sahˬpaˬ 8:54

Sawˇlaˬmoˬ Sahˬpaˬ Miˬyehˇ-ahˇ guiˬ lahˬ shaˇ gʼaˬ ngeh, lawˇ duˬ mehˬ shi aˬ yawꞈ aˬ laꞈ baꞈ diˇ-awˇ pawˬ tsuiꞈ pawˬ dmˬ dmˬ-awˇ jawˇ-eu tuˇ laˇ-euˬ meh.

Eˇzaˬlaˬ 9:5

Uˬ ciꞈ uˬ taw paw poˆ lawˇ-eu shehˇ-eu jeˬ mˇ yamˬ keuˆ laˇ ngeh, ngaˇ noeˬ shaˬ-eu laꞈ kʼoeˇ dzuˇ luꞈ-eu tsawˬ tuˇ-awˇ, cehˬ pyaˬ taˬ-euˬ mehˬ tsoeˬ dm luꞈ-eu laꞈ kʼoeˇ, pawˬ tsuiꞈ pawˬ dmˬ dmˬ-awˇ ngaˬ-euˬ aˬ laꞈ cawˬ ja-awˇ neh, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-euˬ ma.

Yawˇbaˆ 27:20

Ja pyuˬ ni oe-euˬ iˇ jeuˬ loꞈ-ehˇ aˬ yawꞈ maꞈ kʼoeˇ taˆ guˆ-eu gaˆ-eu jeˬ keuˆ le-awˇ, uˬ ciꞈ paw baw-eu jaˬ lehˇ aˬ yawꞈ maꞈ-ahˇ baw byoˆ gʼeh tehꞈ-a.

Yawˇbaˆ 35:13

Aˬ yawꞈ maꞈ yaw kʼaˆ-ehˇ guˇ-awˇ shaˇ kʼawꞈ, yawꞈ ngehꞈ meh. Baoˬ huiˬ-eu Miˬyehˇ maˬ siˬ maˬ mawˇ-euˬ geuꞈ-awˇ jawˇ-eu meh.

Jaceuq 134:2

Uˬ duˬ tahˬ nymˇ nymˇ ma-ahˇ aˬ laꞈ baꞈ diˇ-awˇ guiˬ lahˬ shaˇ-eu laꞈ kʼoeˇ, aˬ yawꞈ-ahˇ ja ceuˬ-awˬ.

Jaceuq 55:1

Miˬyehˇ-oˇ, ngaˬ-euˬ guiˬ lahˬ shaˇ dawˬ-ahˇ naˇ haˬ nehˬ laꞈ. Ngaˬ-euˬ shaˇ dawˬ-ahˇ taˬ byehˇ dzeh nehˬ laꞈ.

Jaceuq 66:18

Ngaˬ-euˬ nui ma laꞈ kʼoeˇ iˬ baˇ-ahˇ gaˬ law nmˇ-aˬ, ngaˬ-euˬ dawˬ-ahˇ Sahˬpaˬ Miˬyehˇ maˬ naˇ haˬ-aˇ.

Doˆ-iˇ 9:29

Moˇseˬ ehˇ-eu, “Meuˬ heu meuˬ laꞈ kʼoeˇ neh ngaˇ doˆ-iˇ-eu nehˬ-ehˇ, ngaˬ-euˬ aˬ laꞈ baꞈ diˇ-awˇ, Sahˬpaˬ Miˬyehˇ-ahˇ guiˬ lahˬ shaˇ ma. Miˇ tsaˬ heu-aˬ, Sahˬpaˬ Miˬyehˇ-euˬ miˇ tsaˬ pyeuꞈ-eu gaˇ nawˇ ya siˬ ni, mˬ jeˬ tsawˬ tehˆ tehˆ-eu naˬ leˇ-awˇ, uˬ yehˇ aˇ siˬ ga le-eu tsiˇ leˇ tehꞈ-a.

Dawqdaq 1:28

Kʼoeˇ ngeh naw maꞈ ngaˬ-ahˇ kuˇ kʼawꞈ, ngaˇ maˬ naˇ haˬ. Naw maꞈ ngaˬ-ahˇ poˆ sehꞈ leꞈ kʼawꞈ, maˬ poˆ mawˇ nya-aˇ.

Dawqdaq 6:17

Jahˇ gʼeh-eu myaˆ nuiˆ tiˬ jeˬ, jaˬ myawꞈ myawꞈ-eu mehˬ laˇ tiˬ jeˬ, maˬ bahˬ-eu tsawˇ haˬ-ahˇ sehꞈ-eu aˬ laꞈ tiˬ jeˬ,

Iˇsaˬyaˇ 4:4

Sahˬpaˬ Miˬyehˇ aˬ yawꞈ-euˬ baoˬ-ahˇ gʼoe-awˇ, aˬ yawꞈ-euˬ tsawˇ jeuˬ-ahˇ yaˇ kʼaˬ daˇ-awˇ bi muiˬ bi shawˇ laˇ-eu laꞈ kʼoeˇ, Yeˬluˇsaˬlehˬ meuˬ-euˬ iˬ baˇ hawˇ-eu, kʼoeˇ gaˇ yoeˇ dzeh-euˬ shiˬ deuˬ tsiˬ shawˇ nehˬ tehꞈ-a.

Iˇsaˬyaˇ 45:15

Aˬ yawꞈ-euˬ tsawˇ jeuˬ-ahˇ ka kʼoꞈ-eu gʼaˬ, Iˇsaˬleˬlaˆ-euˬ Miˬyehˇ-aˬ, yawˬ haˇ yawˬ ha dzuˇ zaꞈ-eu meh.

Iˇsaˬyaˇ 58:4

Naw maꞈ maˬ dzaˬ-eu zahˇ jahˇ luꞈ-eu heu, iˬ dehˬ iˬ ceh bi doˆ laˇ-eu gaˇ kawˆ tehꞈ meh. Naw maꞈ maˬ dzaˬ-eu zahˇ heu loꞈ-ehˇ jahˇ-eu baˬ da neh, naw maꞈ shaˇ dawˬ ngaˇ naˇ haˬ meh lehˇ noeˬ te loˇ.

Iˇsaˬyaˇ 58:7

Hawˬ mehꞈ shaˬ-eu deuˬ-ahˇ hawˬ biˇ nehˬ-awˇ, nymˇ jiˇ maˬ baw-eu tsawˇ haˬ deuˬ gʼaˇ duˬ, nawˬ-euˬ nymˇ laˇ gʼoˆ pah taˬ-awˬ. Mehˬ tsoeˬ maˬ jaˆ-eu deuˬ-ahˇ mehˬ tsoeˬ biꞈ nehˬ-awˇ, yawˬ ha-euˬ aˬ yuiꞈ aˬ nyiˇ-ahˇ ngehˬ maˬ gʼeh ni taˬ byehˇ.

Iˇsaˬyaˇ 64:7

Nawˬ-euˬ tsawˇ myahˇ-ahˇ kuˇ-eu tsawˇ haˬ maˬ jawˇ-a. Nawˬ-ahˇ uˬ duˬ tahˬ shaˇ-eu tsawˇ haˬ maˬ jawˇ-a. Nga maꞈ-euˬ iˬ baˇ baˬ da neh, nawˬ-euˬ myaˆ pyawˬ ciˬ zaꞈ taˬ-awˇ, nga maꞈ-ahˇ byehˇ dzeh laꞈ-euˬ meh.

Iˇsaˬyaˇ 8:17

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ maˬ bi mawˇ-eu gʼaˇ duˬ, jawˇ zaꞈ luꞈ-eu meh. Ehˇ kʼawꞈ, aˬ yawꞈ-ahˇ ngaˇ gʼoe-awˇ, noeˬ tmˬ-eu laꞈ kʼoeˇ loꞈ luꞈ-eu ma.

Yeˬlaˬmiˇ 11:11

Kʼoeˇ miˇ neh, aˬ yawꞈ maꞈ maˬ cehˆ dzeuˇ nya-eu luˬ-iˇ seˇ-iˇ-eu jeˬ bi keuˆ le ma lehˇ nymˬ-mˇ aˬ yawꞈ maꞈ-ahˇ ngaˇ ehˇ-eu ma. Caw ba nehˬ laꞈ lehˇ aˬ yawꞈ maꞈ ngaˬ-ahˇ guˇ-awˇ shaˇ kʼawꞈ, ngaˇ maˬ naˇ haˬ nehˬ.

Yeˬlaˬmiˇ 14:12

Aˬ yawꞈ maꞈ maˬ dzaˬ maˬ dawˇ ni lah daw kʼawꞈ, aˬ yawꞈ maꞈ-euˬ shaˇ dawˬ-ahˇ ngaˇ maˬ naˇ haˬ. Miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ lawˇ nehˬ laꞈ kʼawꞈ, aˬ yawꞈ maꞈ-ahˇ ngaˇ nui kʼahˇ maˬ shiˇ. Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.”

Yeˬlaˬmiˇ 4:31

Zaˬ baw aˬ ma ngoeˇteˇ ngaˇ gaˬ-euˬ ma. Zaˬ nahˬ ciˬ ngeh naˇ-eu teˇ saˇ loꞈ-ehˇ, Yeˬluˇsaˬlehˬ shiˇ dehꞈ shiˇ teuˆ-awˇ, aˬ laꞈ cawˬ ja taˬ-awˇ ehˇ-eu, “Maˬ paˇ gʼeh nya miˇ-a. Aˬ cawˬ laꞈ-ahˇ ya shiˇ miˇ-a.”

Yeˬsaˬgeˬlaˇ 11:6

Meuˬ heu meuˬ laꞈ kʼoeˇ naw maꞈ tsawˇ haˬ aˇ dzehˬ sehꞈ dzeuˇ-euˬ miˇ neh, gaˇ ma doe ni tsawˇ shiˇ ga byah taˬ-euˬ meh.

Yeˬsaˬgeˬlaˇ 14:3

“Tsawˇ haˬ zaˬ-oˇ, tsawˇ haˬ heu deuˬ tahˬ pahˬ aˬ ma mawˇ kawˇ deuˬ-ahˇ nui ma gʼawˇ mawˇ a nehˬ taˬ-awˇ, tahˬ pahˬ aˬ ma mawˇ kawˇ neh iˬ baˇ gaˇ ma-ahˇ bi sheuˬ gʼeh-euˬ meh. Aˬ yawꞈ maꞈ-ahˇ ngaˇ dawˬ ngehˬ cawˬ nahˇ tehꞈ-a lehˇ aˬ yawꞈ maꞈ noeˬ-eu ngaˇ.

Yeˬsaˬgeˬlaˇ 39:23

Iˇsaˬleˬlaˆ tsawˇ haˬ deuˬ aˬ cawˬ miˇ kʼahˬ-ahˇ bi nyehꞈ gʼeh-awˇ jawˇ byoˆ-euˬ-aˬ, aˬ yawꞈ maꞈ-euˬ iˬ baˇ baˬ da neh ngaˇ lehˇ, miˇ kʼahˬ tsawˇ jeuˬ deuˬ ya siˬ duˬ tehꞈ-a. Iˇsaˬleˬlaˆ tsawˇ haˬ deuˬ-ahˇ ngaˇ byehˇ dzeh-awˇ, muiˇ-eu deuˬ neh aˬ yawꞈ maꞈ-ahˇ bi deuˆ gʼaˬ-awˇ, bi deuˆ sehꞈ-euˬ ma.

Hawˇseˬ 5:6

Yawˇ hawˇ-eu mawˇ neˇ lawˇ lawˇ-ehˇ, Sahˬpaˬ Miˬyehˇ-ahˇ poˆ leˇ kʼawꞈ, yawꞈ maꞈ-ahˇ byehˇ dzeh-euˬ miˇ neh, maˬ poˆ mawˇ nya ni shaˬ tehꞈ-a.

Miˇkaˬ 3:4

Naw maꞈ Sahˬpaˬ Miˬyehˇ-ahˇ ngoeˇ ngoeˇ-ehˇ ya shaˇ-eu aˇ yamˬ peh le luꞈ meh. Ehˇ kʼawꞈ, naw maꞈ-ahˇ aˬ yawꞈ dawˬ maˬ ngehˬ cawˬ-a. Naw maꞈ maˬ muiˬ maˬ jaˬ-eu jeˬ mˇ-eu miˇ neh, naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ-a.

Zaˬkaˬliˇ 7:13

Ngaˬ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ-euˬ miˇ neh, aˬ yawꞈ maꞈ-euˬ guiˬ lahˬ shaˇ dawˬ-ahˇ ngaˇ maˬ naˇ haˬ.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Maꞈtehˬ 6:7

“Naw maꞈ guiˬ lahˬ shaˇ ngeh, lawˇ ciꞈ zaˬ deuˬ guiˬ lahˬ shaˇ-eu loꞈ-ehˇ, gaˇ dahˇ maˬ tsoeˬ-eu dawˬ gʼawˬ mya ni taˬ ngehˬ. Aˬ yawꞈ maꞈ guiˬ lahˬ gʼawˬ myahˇ ni shaˇ-eu baˬ da neh, Miˬyehˇ-ahˇ gaˬ leˇ tehꞈ-a lehˇ noeˬ-eu meh.

Yoˇhaˬ 9:31

Iˬ baˇ zaˬ-euˬ shaˇ dawˬ-ahˇ Miˬyehˇ maˬ naˇ haˬ-a lehˇ aˬ dui siˬ nya ma. Ehˇ kʼawꞈ, aˬ yawꞈ-ahˇ yaw zeu baw-awˇ, aˬ yawꞈ-euˬ nui kʼahˇ mˇ-eu deuˬ-euˬ shaˇ dawˬ-ahˇ naˇ haˬ nehˬ meh.

1 Tiˆmoˇseˬ 2:8

Ka li zaˬ aˇ muˇ uˬ duˬ kʼaˇ tahˬ ngeh, kʼaˬ dzeˇ zaˬ deuˬ-ahˇ guiˬ lahˬ bi shaˇ mawꞈ-eu ma. Yawˬ ha-euˬ gʼawˇ mawˇ Miˬyehˇ-ahˇ a nehˬ taˬ-euˬ tsawˇ haˬ deuˬ pyeuꞈ-eu, nui ma maˬ pehˇ-eu uˬ taꞈ, tsawˇ pyehˇ maˬ pyehˇ ni aˬ laꞈ baꞈ diˇ-awˇ guiˬ lahˬ shaˇ nya-eu tsawˇ haˬ deuˬ guiˬ lahˬ bi shaˇ mawꞈ-eu ma.