Iˇsaˬyaˇ 1:13 - Akha

¹³ Gaˇ dahˇ maˬ tsoeˬ-eu lawˇ-eu shehˇ-eu jeˬ taˬ paˇ yuˇ laꞈ. Tsiˇ yaw saw jeˬ doꞈ damˬ gaˇ ngaˇ nui daˆ daˆ nya. Naw maꞈ la shuiꞈ lah-eu, jawˇ nah tawˬ-eu, yaw bui bui-eu, iˬ baˇ mˇ-eu uiˬ leˇ bymˇ leˇ gaˇ duˇ-awˇ, ngaˬ-ahˇ maˬ haw nahˇ nya.

Iˇsaˬyaˇ 1:13 ပူးပေါင်းရင်းမြစ်များ

2 Sahˬpaˬ 4:23

Kʼaˬ dzeˇ zaˬ gʼaˬ ehˇ-eu, “Jawˇ nah kʼawꞈ maˬ ngeuˇ, La shuiꞈ lah-eu Bawˬ-iˬ gʼeh yamˬ kʼawꞈ maˬ ngeuˇ gaˇ, aˬ jeˬ miˇ neh nawˇ iˬ nah ya le ta.” Miˬ zaˬ gʼaˬ ehˇ-eu, “Tiˬ jeˬ-iˬ maˬ ngeuˇ-aˇ.”

1 Laˬsaˬbaˬ 23:31

jawˇ nah ngeh nah maˬ ehˇ, laˆ loˆ lah-eu bawˬ-iˬ gʼeh ngeh hawˇ-eu bawˬ-iˬ nui deuˬ gʼeh ngeh maˬ ehˇ, miˬ dzaˬ-ahˇ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ kʼaˇ lawˇ nehˬ ngeh, aˬ yawꞈ-ahˇ ja ceuˬ-awˇ ciˬ huiˬ ciˬ mahˇ nehˬ-eu gaˇ-aˬ, aˬ yawꞈ maꞈ ya mˇ-eu gaˇ deuˬ pyeuꞈ-eu meh. Sahˬpaˬ Miˬyehˇ-ahˇ aˇ yamˬ maˬ tseˇ ni aˬ myah luꞈ uˬ duˬ tahˬ-eu gʼaˇ duˬ, Leˬbiˇ tsawˇ haˬ deuˬ-ahˇ gaˇ biꞈ taˬ-euˬ meh.

Jaceuq 78:40

Kʼaˇ shuiꞈ deh ga laꞈ kʼoeˇ aˬ yawꞈ maꞈ aˬ yawꞈ-ahˇ aˇ myaˆ poˆ puiˬ-euˬ nga. Aˬ yawꞈ-ahˇ aˇ myaˆ poˆ bi noeˬ shaˬ-euˬ nga.

Doˆ-iˇ 12:16

Yaw beh nah hawˇ-eu shiꞈ nah tiˬ nah laꞈ kʼoeˇ, naw maꞈ tiˬ gaˇ tehꞈ-ehˇ uiˬ leˇ-awˇ uˬ duˬ ya tahˬ meh. Aˇ nah kʼoeˇ shiꞈ nah laꞈ kʼoeˇ naw maꞈ gaˇ maˬ ya mˇ-a. Ehˇ kʼawꞈ, yawˬ ha dzaˬ-eu dzaˇ laˆ saˆ dzaˬ nya meh.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Dawqdaq 7:14

“Iˬ nah ngaˇ lawˇ-eu shehˇ-eu jeˬ mˇ-awˇ, lawˇ gaˇ shehˇ gaˇ dzehˬ laˇ-euˬ shaˬ jiˇ jaˆ ma.

Iˇsaˬyaˇ 66:23

La shuiꞈ lah-eu bawˬ-iˬ kʼaˇ gʼeh ngeh maˬ ehˇ, jawˇ nah lah-eu kʼaˇ tsaˬ laˇ ngeh maˬ ehˇ, miˇ kʼahˬ yawˬ kʼahˬ na luꞈ-ahˇ kʼaˇ jawˇ-eu tsawˇ haˬ deuˬ, Yeˬluˇsaˬlehˬ meuˬ heu meuˬ laꞈ kʼoeˇ ngaˬ-ahˇ uˬ duˬ tahˬ laˇ tehꞈ-a” lehˇ Sahˬpaˬ Miˬyehˇ ehˇ-eu meh.

Iˇsaˬyaˇ 66:3

“Tsawˇ haˬ zaˬ deuˬ yawˬ ha kʼaˇ noeˬ doˆ-euˬ jeˬ mˇ-eu meh. mawˇ neˇ sehꞈ-awˇ lawˇ-eu hawˇ-eu tsawˇ haˬ sehꞈ-awˇ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Yawˇ zaˬ lawˇ-eu hawˇ-eu aˬ kuiˬ-euˬ kawˬ lahˇ ngawˬ kʼehꞈ-eu, aˬ yawꞈ maꞈ gʼaˇ duˬ tiˬ kawˆ meh. Dzaˬ la gʼo cehˇ lawˇ-eu hawˇ-eu aˬ zaꞈ-euˬ shiˬ lawˇ-eu, aˬ yawꞈ maꞈ gʼaˇ duˬ tiˬ kawˆ meh. Tsiˇ yaw saw jeˬ lawˇ-eu hawˇ-eu tahˬ pahˬ aˬ ma mawˇ kawˇ-ahˇ guiˬ lahˬ shaˇ-eu jeˬ, aˬ yawꞈ maꞈ-euˬ gʼaˇ duˬ maˬ beu gaˇ-a. Nui daˆ daˆ laˇ paˬ-ehˇ gʼeh-eu uˬ duˬ tahˬ-eu jeˬ-ahˇ, aˬ yawꞈ maꞈ cehˇ gʼa luꞈ-eu meh.

Ngoeˇ dawˬ 2:6

Kmˇ cehˇ ngawˬ pyaˆ dzeh-eu loꞈ-ehˇ, yawꞈ-euˬ Uˬ duˬ tahˬ nymˇ nymˇ ma, yawꞈ ngawˬ pyaˆ-awˇ laˆ cawˆ-euˬ meh. Yawꞈ neh bawˬ-iˬ bi gʼeh-euˬ jawˇ duˬ, yawꞈ laˆ luˬ laˆ seˇ nehˬ-euˬ meh. Bawˬ-iˬ deuˬ hawˇ-eu jawˇ nah tawˬ-eu, yawꞈ neh laˆ byoˆ jiˇ nehˬ-euˬ meh. Sahˬ paˬ maˬ ehˇ, piˇ ma maˬ ehˇ, yawꞈ-euˬ nui pehˇ zaw leˇ-euˬ meh.

Yeˬsaˬgeˬlaˇ 20:39

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu “Iˇsaˬleˬlaˆ tsawˇ haˬ deuˬ-oˇ, nymˬ-mˇ naw maꞈ-euˬ nui kʼahˇ mˇ-awˬ. Tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ jawˇ tawˬ-awˬ. Tahˬ pahˬ aˬ ma mawˇ kawˇ deuˬ-ahˇ damˬ nehˬ-eu laꞈ kʼoeˇ ngaˬ-euˬ muiˬ-eu shawˇ-eu tsawˇ myahˇ-ahˇ yehˬ bawˬ-ehˇ maˬ gʼeh nya-eu aˇ yamˬ keuˆ le tehꞈ-a lehˇ, naw maꞈ-ahˇ ngaˇ yaw kʼaˆ kʼaˆ-ehˇ ehˇ-eu ma.

Hawˇseˬ 2:11

Aˬ yawꞈ bawˬ-iˬ gʼeh-awˇ zahˇ tawˬ-eu, la shuiꞈ lah-awˇ, jawˇ nah tawˬ-eu, zahˇ sahˇ kʼoꞈ bawˬ-iˬ dawˬ tawˆ luꞈ-ahˇ, byoˆ-iˇ jiˇ ni ngaˇ jahˇ nehˬ ma.

Yawˇlaˆ 1:14

Maˬ dzaˬ-eu zahˇ jahˇ-awˇ lah-awˬ. Tsawˇ haˬ aˇ maꞈ kuˇ uiˬ jiˇ-awˬ. Aˬ yuiꞈ aˬ tsu, tsawˇ mawˬ tsawˇ kʼaˆ, miˇ kʼahˬ zaˬ yawˬ gʼaˬ yawˬ na luꞈ, Miˬyehˇ Sahˬpaˬ Miˬyehˇ jawˇ gaˇ, Uˬ duˬ tahˬ nymˇ-ahˇ uiˬ leˇ-awˇ, Sahˬpaˬ Miˬyehˇ-ahˇ ngoeˇ haw-awˬ.

Yawˇlaˆ 2:15

Ziˇoˬ gawˬ jawˬ uˬ du jawˇ-awˇ, daˇ heh teˇ saˇ baw gaˬ nehˬ-awˬ. Maˬ dzaˬ-eu zahˇ jahˇ-awˇ lah-awˇ, miˇ kʼahˬ zaˬ uiˬ laˇ ni kuˇ-awˬ.

Uˬ duˬ 26:31

Naw maꞈ-euˬ meuˬ deuˬ hawˇ-eu, uˬ duˬ tahˬ-eu jawˇ duˬ deuˬ ngaˇ laˆ cawˆ byoˆ jiˇ-awˇ, naw maꞈ neh lawˇ-euˬ jeˬ-ahˇ maˬ ha geuꞈ ni ngaˇ jawˇ ma.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Bawˇtsahˬ 10:2

“Iˇsaˬleˬlaˆ tsawˇ haˬ deuˬ-ahˇ kuˇ uiˬ ngeh zmˬ-eu gʼaˇ duˬ maˬ ehˇ, mehˬ hu paw iˇ-eu lehˇ gʼeh ngeh zmˬ-eu gʼaˇ duˬ maˬ ehˇ, pyuˇ daˇ heh nyiˬ hmˬ jahˇ-awˬ.

Maꞈtehˬ 15:9

Yawꞈ maꞈ ngaˬ-ahˇ uˬ duˬ tahˬ-eu, tiˬ jeˬ-iˬ gaˇ dahˇ maˬ tsoeˬ-a. Yawꞈ maꞈ mehˬ-eu zahˇ sahˇ kʼoꞈ deuˬ, tsawˇ haˬ neh beh-euˬ zahˇ meh lehˇ, Miˬyehˇ ehˇ taˬ-euˬ jaˆ-eu meh.’ ”

Luˇkaꞈ 11:42

“Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ-aˬ, dzaˇ muiˇ dzaˇ sawˇ hawˇ-eu ka gʼawˬ ka dzaˇ deuˬ Miˬyehˇ-ahˇ tseˇ bymˇ tiˬ bymˇ damˬ-eu meh. Ehˇ kʼawꞈ, yaw tsaˬ yaw dawˇ jeˬ hawˇ-eu Miˬyehˇ-ahˇ gaˬ-eu jeˬ-ahˇ naw maꞈ byehˇ taˬ-euˬ meh. Naw maꞈ heu deuˬ-ahˇ mˇ byah-eu uˬ taꞈ, nui deuˬ-ahˇ kʼawꞈ maˬ byehˇ ni mˇ-eu tsaˬ meh.

1 Gawˇliˬtu 11:17

Ehˇ kʼawꞈ, laꞈ oˆ paw mehˬ taˬ tsoˆ taˬ-euˬ gaˇ kawˆ-ahˇ taꞈ leˇ-awˇ, naw maꞈ-ahˇ ngaˇ maˬ ja ceuˬ. Aˬ jeˬ miˇ neh ehˇ naˇ, naw maꞈ tiˬ gaˇ uiˬleˇ-awˇ uˬ duˬ tahˬ-eu kʼoeˇ-aˬ, yaw muiˬ jeˬ naˆ maˬ tseˇ yaw cawˆ jeˬ myaˬ-eu meh.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

Piˇliˇpiˆ 1:15

Maˇ maˇ ni ehˇ naˇ, tiˬ paˆ na deuˬ-aˬ, aˬ cawˬ-ahˇ myaˆ naˆ-awˇ ceh dzaˬ mawꞈ-eu nui ma ahˇ-eu miˇ neh Ka li gaˇ kawˆ mehˬ-eu jeˬ pyeuꞈ-eu meh. Ehˇ kʼawꞈ, tiˬ paˆ na deuˬ-aˬ, maˇ maˇ ni nui ma keuˆ-eu laꞈ kʼoeˇ mehˬ-eu meh.