Iˇsaˬtaˆ 9:28 - Akha

²⁸ Aˬ kaˇ keuˆ le-eu ziˇ yawˬ ziˇ na luꞈ laꞈ kʼoeˇ, Yuˇdaˆ tsawˇ haˬ nymˇ jiˇ yawˬ jiˇ na luꞈ, miˇ kʼahˬ aˬ geu kʼahˬ hawˇ-eu meuˬ aˬ geu meuˬ-ahˇ jawˇ-eu maˬ kaˬ, Puˬlmˬ bawˬ-iˬ gʼeh-eu aˇ nah kʼoeˇ nyiˬ nah-ahˇ aˬ myah luꞈ ya noeˬ keuˆ meh lehˇ, zahˇ sahˇ kʼoꞈ taˬ-euˬ meh.

Iˇsaˬtaˆ 9:28 ပူးပေါင်းရင်းမြစ်များ

Iˇsaˬtaˆ 9:27

Yuˇdaˆ tsawˇ haˬ deuˬ yawˬ ha-euˬ gʼaˇ duˬ maˬ ehˇ, zaˬ deuˬ uˆ deuˬ-euˬ ziˇ gʼaˇ duˬ maˬ ehˇ, Yuˇdaˆ tsawˇ haˬ kʼaˇ pyeuꞈ laˇ-euˬ aˬ cawˬ tsawˇ jeuˬ deuˬ gʼaˇ duˬ maˬ ehˇ, aˬ yawꞈ kʼoꞈ yawꞈ aˇ nah kʼoeˇ nyiˬ nah keuˆ laˇ ngeh, aˇ yamˬ tsaˬ tsaˬ ni Mawˬdaˬkehˇ neh mehˬ taˬ tsoˆ taˬ-euˬ loꞈ-ehˇ lah-eu daw-eu gʼaˇ duˬ, zahˇ sahˇ kʼoꞈ taˬ-euˬ meh.

Iˇsaˬtaˆ 9:29

Aˬbiˇheˬlaˆ-euˬ aˬ buˇ pyeuꞈ-eu sahˬ paˬ miˬ zaˬ Iˇsaˬtaˆ gʼaˬ kʼawꞈ, Mawˬdaˬkehˇ nehˬ-ehˇ tiˬ kawˆ loꞈ-ehˇ, yaw beh Mawˬdaˬkehˇ neh boꞈ taˬ-euˬ Puˬlmˬ bawˬ-iˬ gaˇ kawˆ sahˬ boꞈ kʼoeˇ taꞈ-ahˇ, aˬ yawꞈ-euˬ baoˬ dawˬ tawˆ luꞈ zmˬ-awˇ tiˬ poˆ paˇ boꞈ tehˬ-euˬ meh.

Jaceuq 103:2

Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ. Aˬ yawꞈ gʼawˬ shaˬ gaˬ nya dui dui gaˇ taˬ ngehˇ.

Jaceuq 145:4

Nawˬ neh mˇ-euˬ gaˇ deuˬ-ahˇ, tiˬ ziˇ saˇ-iˬ tiˬ ziˇ ja ceuˬ tehꞈ-a. Nawˬ neh mˇ-euˬ huiˬ-eu gaˇ deuˬ-ahˇ ja gaˬ tehꞈ-a.

Doˆ-iˇ 12:17

Bawˬ-iˬ heu hmˬ maˬ byehˇ ni aˬ myah luꞈ jahˇ-awˬ. Aˬ jeˬ miˇ neh ehˇ naˇ, aˇ nah kʼoeˇ nah-ahˇ, Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ ngaˇ sheuˬ doˆ nehˬ-euˬ ma. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, tiˬ ziˇ saˇ-iˬ tiˬ ziˇ, aˇ nah kʼoeˇ nah-ahˇ naw maꞈ lah daw-eu laꞈ kʼoeˇ, bawˬ-iˬ ya jahˇ daˆ leꞈ tehꞈ-a.

Zaˬkaˬliˇ 6:14

Shuiˇ uˬ kʼoˆ kʼoeˇ siˬ-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma laꞈ kʼoeˇ , Heˬlaˬdehˇ, Tawˇbiˇyaˆ, Yeˬdehˇyaˬ, Yawˇshuˆ aˬ ha oeˬ gʼaˬ-ahˇ noeˬ mawˇ-euˬ jeˬ pyeuꞈ tehꞈ-a.”

Yawˇshuˆ 4:7

‘Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ lawˇ baˬ tsehˆ ngeh, Yawˇdaˬ lawˇ baˬ iˇ cuꞈ yoeˇ-eu naˬ leˇ-euˬ meh’ lehˇ ehˇ mehˬ nehˬ-awˬ. Kʼaˬ lo heu deuˬ-aˬ, jawˇ duˬ heu tsahˇ-ahˇ aˬ joˆ-ehˇ pyeuꞈ yaꞈ-euˬ gaˇ kawˆ, Iˇsaˬleˬlaˆ tsawˇ haˬ deuˬ-ahˇ aˬ myah luꞈ bi noeˬ mawˇ tehꞈ-a.”