Iˇsaˬtaˆ 9:25 - Akha

²⁵ Ehˇ kʼawꞈ, Iˇsaˬtaˆ gʼaˬ sahˬ paˬ jawˇ gaˇ le ngeh, sahˬ paˬ dawˬ biꞈ-awˇ sahˬ boꞈ bi pyehˬ gʼeh-eu laꞈ kʼoeˇ, Haˬmaˬ neh Yuˇdaˆ tsawˇ haˬ deuˬ-ahˇ jahˇ coeˬ nehˬ-eu lehˇ lehˬ hmˬ taˬ-euˬ jeˬ, Haˬmaˬ-euˬ uˬ duˬ-ahˇ paˇ bi keuˆ le-euˬ meh.

Iˇsaˬtaˆ 9:25 ပူးပေါင်းရင်းမြစ်များ

1 Sahˬpaˬ 8:32

Sahˬpaˬ Miˬyehˇ nawˇ mˬ kʼoeˇ taˆ jawˇ-awˇ naˇ haˬ-eu laꞈ kʼoeˇ, nawˬ-euˬ zaˬ kʼaˆ deuˬ-ahˇ yaˇ kʼaˬ daˇ nehˬ-awˬ. Lehˬ-eu gʼaˬ lehˬ-eu bymˇ bi tawˆ-awˇ, tsaˬ-eu gʼaˬ tsaˬ-eu bymˇ bi tawˆ-awˬ.

Iˇsaˬtaˆ 3:6

Kʼoeˇ uˬ taꞈ, Mawˬdaˬkehˇ Yuˇdaˆ tsawˇ haˬ pyeuꞈ-eu gaˇ kawˆ aˬ yawꞈ paˇ ya siˬ duˬ ngeh, Mawˬdaˬkehˇ tiˬ gʼaˬ-ahˇ tehꞈ-ehˇ maˬ kehˬ nehˬ ni, Paˇshaˇ miˇ kʼahˬ kʼahˬ ma laꞈ kʼoeˇ jawˇ-eu Yuˇdaˆ tsawˇ haˬ dawˬ tawˆ luꞈ-ahˇ ya sehꞈ jiˇ ni leh jeh ma lehˇ noeˬ tsehˆ-euˬ meh.

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Iˇsaˬtaˆ 7:4

Ngaˇ hawˇ-eu ngaˬ-euˬ tsawˇ jeuˬ-aˬ, aˬ cawˬ neh bi sehꞈ-eu lehˇ bi ahˬ dzaˬ taˬ-euˬ tsawˇ haˬ deuˬ pyeuꞈ-eu ma. Zaˬ kʼaˆ bi geuꞈ-eu gʼaˇ duˬ tehꞈ-ehˇ nga maꞈ-ahˇ ahˬ dzaˬ-euˬ law nmˇ-aˬ, nawˬ-ahˇ heu loꞈ-ehˇ shaˇ shaˇ-ehˇ maˬ paˇ laˆ bahˬ-eu ma. Nymˬ-mˇ-aˬ, nga maꞈ tsawˇ jeuˬ aˇ yoeˬ bi sehꞈ cuˆ-eu keuˆ laˇ taˬ-euˬ meh.”

Iˇsaˬtaˆ 7:5

Kʼoeˇ naˇ, sahˬ paˬ miˬ zaˬ Iˇsaˬtaˆ-ahˇ sahˬ paˬ Dzeuˬsehˆ ehˇ nehˬ-eu, “Teu naˆ naˆ-ehˇ gʼeh-eu jeˬ mˇ peuˬ-eu aˬ suˇ gʼaˬ-a. Tsawˇ haˬ kʼoeˇ gʼaˬ aˬ gaˇ jawˇ ta.”

Jaceuq 140:8

Sahˬpaˬ Miˬyehˇ-oˇ, haiˬ-eu tsawˇ haˬ deuˬ-euˬ nui kʼahˇ taˬ bi byah leˇ. Aˬ yawꞈ maꞈ-euˬ nui noeˬ taˬ bi mˇ pyeuꞈ.

Jaceuq 140:9

Ngaˬ-ahˇ muiˇ-eu deuˬ ngaˬ-euˬ kʼoeˇ taˆ taˬ bi gʼaˬ laˇ. Aˬ yawꞈ maꞈ neh ngaˬ-ahˇ yaw doeˇ jahˇ-euˬ jeˬ, aˬ yawꞈ maꞈ kʼoeˇ taˆ paˇ bi keuˆ le-awˬ.

Jaceuq 141:10

Ngaˇ ya buˬ ya law-iˇ luꞈ ngeh, haiˬ-euˬ tsawˇ haˬ deuˬ yawˬ ha neh kʼmˇ taˬ-euˬ lahˇ ju-ahˇ paꞈ leˇ jiˇ luꞈ-uˇ.

Jaceuq 7:16

Yawˬha neh mˇ-euˬ yaw haiˬjeˬ, yawˬha-ahˇ paˇgʼoꞈpoˆle-awˇ, yawˬha neh jahˇ-euˬyaw doeˇjeˬ, yawˬha-ahˇ paˇkeuˆle-eu meh.

Jaceuq 7:17

SahˬpaˬMiˬyehˇ tsaˬ-eu dawˇ-eu, guiˬlahˬhuiˬ-awˇ ja ceuˬ-eu ma. Huiˬdui mahˇdui dui-eu Miˬyehˇ, aˬdui-euˬ SahˬpaˬMiˬyehˇ-ahˇ, ngaˇcaˇ-awˇ ja ceuˬnehˬ-eu ma.

Jaceuq 94:23

Maˬ sui maˬ dawˇ-eu baˬ da neh aˬ yawꞈ maꞈ-ahˇ aˬ yawꞈ kʼehˬ nehˬ-awˇ, aˬ yawꞈ maꞈ-euˬ iˬ baˇ baˬ da neh laˆ luˬ laˆ seˇ nehˬ tehꞈ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ, aˬ yawꞈ maꞈ-ahˇ laˆ cawˆ tehꞈ-a.

Dawqdaq 26:27

Aˬ cawˬ-ahˇ lahˇ ju kʼmˇ-eu tsawˇ haˬ, yawˬ haˇ yawˬ ha kʼmˇ paꞈ tehꞈ-a. Miˇ byaˆ ngawˬ-eu tsawˇ haˬ, yawˬ haˇ yawˬ ha bi byaˆ tehˬ sehꞈ tehꞈ-a.

Dawqdaq 5:22

Haiˬ-euˬ tsawˇ haˬ iˬ baˇ mˇ-eu lahˇ ju kʼmˇ gaˇ duˇ-awˇ, yawˬ ha-euˬ iˬ baˇ lahˇ ju-ahˇ yawˬ ha teuˆ paꞈ-eu meh.

Iˇsaˬyaˇ 22:25

Kʼoeˇ loꞈ-ehˇ pyeuꞈ laˇ ngeh, ziꞈ dah ni diˬ taˬ-euˬ taꞈ cmˬ yaˇ laˇ-awˇ lehˆ-iˇ tehꞈ-a. Kʼoeˇ ngeh, kʼoeˇ gaˇ kʼaˇ ciˬ ceuˬ taˬ-euˬ jeˬ dawˬ tawˆ luꞈ ga ka jiˇ tehꞈ-a.”

Aaˇbaˬdiˇ 1:15

“Miˇ tsaˬ tsawˇ jeuˬ dawˬ tawˆ luꞈ-ahˇ, Sahˬpaˬ Miˬyehˇ yaˇ kʼaˬ daˇ-eu aˇ nah dawˬ peh peh laˇ luꞈ meh. Eˬdoˬ miˇ kʼahˬ nawˇ mˇ-euˬ jeˬ, nawˬ-euˬ kʼoeˇ taˆ keuˆ le tehꞈ-a. Nawˬ neh aˬ cawˬ-ahˇ biꞈ-euˬ jeˬ, nawˬ-ahˇ aˬ cawˬ biꞈ kʼoꞈ tehꞈ-a.

1 Saˬmeuˬlaˆ 25:39

Naˬbaˬlaˇ shiˇ-euˬ gaˇ kawˆ Daˬbiˇ ya gaˬ ngeh, heu loꞈ-ehˇ ehˇ-eu meh. “Yaw lehˬ jeˬ maˬ ya mˇ ni ngaˬ-ahˇ ha lahˇ nehˬ laꞈ-awˇ, ngaˬ-ahˇ yehˬ bawˬ sehˇ lu-ehˇ ehˇ-eu Naˬbaˬlaˇ-ahˇ Sahˬpaˬ Miˬyehˇ laꞈ poˆ poˆ kʼoꞈ nehˬ-euˬ miˇ neh, Sahˬpaˬ Miˬyehˇ-ahˇ ngaˇ ja ceuˬ-eu ma. Naˬbaˬlaˇ yaw haiˬ jeˬ mˇ-euˬ miˇ neh, Sahˬpaˬ Miˬyehˇ neh aˬ yawꞈ-ahˇ kʼehˬ nehˬ kʼaˆ nehˬ-euˬ meh.” Kʼoeˇ naˇ, “Ngaˬ-ahˇ mˇ dzaˬ laˇ ma loˇ” lehˇ, Daˬbiˇ neh Aˬbiˇgeˬlaˆ-ahˇ bi naˇ haˬ-iˇ-euˬ meh.