Iˇsaˬtaˆ 6:13 - Akha

¹³ Kʼaˇ pyeuꞈ laˇ-euˬ dawˬ tawˆ luꞈ, aˬ yawꞈ-euˬ cawˬ deuˬ hawˇ-eu aˬ yawꞈ-euˬ miˬ zaˬ-ahˇ Haˬmaˬ dzawˇ nehˬ-euˬ meh. Kʼoeˇ ngeh, aˬ yawꞈ-euˬ miˬ zaˬ hawˇ-eu zaˬ siˬ tsawˇ gahˇ ahˇ-eu aˬ yawꞈ-euˬ cawˬ deuˬ aˬ yawꞈ-ahˇ ehˇ nehˬ-eu, “Nawˇ-aˬ, Mawˬdaˬkehˇ-euˬ baoˬ-ahˇ maˬ gʼaˬ leˇ-ehˇ pyeuꞈ-iˇ-euˬ nga. Aˬ yawꞈ-aˬ, Yuˇdaˆ tsawˇ haˬ meh. Aˬ yawꞈ-ahˇ nawˇ maˬ gʼaˬ leˇ nya-a. Aˬ diˇ aˬ maˇ aˬ yawꞈ nawˬ-ahˇ gʼaˬ leˇ tehꞈ-a.”

Iˇsaˬtaˆ 6:13 ပူးပေါင်းရင်းမြစ်များ

Aˇ dahˬ 24:66

Zaˬ kʼaˆ kʼoeˇ gʼaˬ-aˬ, aˬ yawꞈ neh kʼaˇ mˇ yaꞈ-euˬ jeˬ dawˬ tawˆ luꞈ Iˇtsaˆ-ahˇ dzawˇ nehˬ-euˬ meh.

Aˇ dahˬ 40:19

Smˬ nah laꞈ kʼoeˇ, sahˬ paˬ nawˬ-ahˇ pyehˬ doˆ-awˇ, nawˬ-euˬ uˬ duˬ toˆ tsehˆ-awˇ, nawˬ-euˬ gʼawˇ mawˇ-ahˇ aˇ bawˇ tiˬ bawˇ kʼoeˇ taˆ paꞈ gʼeu taˬ tehꞈ-a. Kʼoeˇ ngeh, aˇ jiˇ deuˬ oe-awˇ, nawˬ-euˬ shaˬ jiˇ-ahˇ toˆ dzaˬ tehꞈ-a.”

Aˇ dahˬ 41:8

Uˬ bya bya laˇ ngeh, sahˬ paˬ noeˬ shaˬ dui dui-eu miˇ neh, Iˇjiˇtuˆ miˇ kʼahˬ laꞈ kʼoeˇ kʼaˇ jawˇ-eu nyiˇ paˬ shaˆ ma deuˬ hawˇ-eu, zaˬ siˬ tsawˇ gahˇ ahˇ-eu tsawˇ haˬ deuˬ-ahˇ bi kuˇ uiˬ-euˬ meh. Aˬ yawꞈ neh yuꞈ maˆ maˆ mawˇ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ mehˬ nehˬ kʼawꞈ, tiˬ gʼaˬ-iˬ dawˬ tsuiꞈ maˬ yuˇ doˆ nehˬ nya-a.

Yawˇbaˆ 15:24

Guiˇ deuˆ-eu lehˬ hmˬ taˬ-euˬ baoˬ huiˬ-eu sahˬ paˬ tiˬ gʼaˬ loꞈ-ehˇ, luˬ-iˇ seˇ-iˇ-eu jeˬ aˬ yawꞈ kʼoeˇ taˆ keuˆ le-eu lehˇ lehˬ hmˬ luꞈ meh.

Yawˇbaˆ 16:2

“Teu loꞈ-ehˇ gʼeh-eu dawˬ ngaˇ gaˬ haw-euˬ ma. Naw maꞈ ngaˬ-ahˇ gʼaˬ biꞈ-eu dawˬ teu, ngaˬ-ahˇ ciˬ pi-eu dawˬ-ahˇ duˇ nya.

Jaceuq 105:15

“Ngaˬ neh tseˇ doˆ-euˬ ngaˬ-euˬ zaˬ kʼaˆ deuˬ-ahˇ taˬ laˆ coeˬ. Ngaˬ-euˬ gʼaˇ duˬ ngehˬ dah-eu deuˬ-ahˇ taˬ laˆ ciˆ” lehˇ, aˬ yawꞈ dawˬ biꞈ-euˬ meh.

Dawqdaq 28:18

Yaw sui yaw dawˇ tsawˇ haˬ guˆ-eu gaˆ-eu jeˬ-ahˇ dzeuˇ-iˇ-awˇ, maˬ sui maˬ dawˇ-eu tsawˇ haˬ coˬ-iˇ tehꞈ-a.

Daˬyeˬlaˇ 2:12

Kʼoeˇ loꞈ-ehˇ ehˇ laˇ gaˇ sahˬ paˬ nui ma pehˇ dui dui-awˇ, Baˬbuˇloˬ meuˬ-ahˇ kʼaˇ jawˇ-eu sahˬ paˬ-ahˇ nui noeˬ nui duˇ biꞈ-eu deuˬ pyeuꞈ-eu tsawˇ gahˇ ahˇ-eu tsawˇ haˬ dawˬ tawˆ luꞈ-ahˇ sehꞈ-eu gʼaˇ duˬ, dawˬ biꞈ-euˬ meh.

Hawˇseˬ 14:9

Zaˬ siˬ tsawˇ gahˇ byah-eu tsawˇ haˬ, gaˇ kawˆ heu deuˬ noeˬ siˬ luꞈ-uˇ. Noeˬ siˬ noeˬ mawˇ nya-eu tsawˇ haˬ, gaˇ kawˆ heu deuˬ gʼoˆ shaw luꞈ-uˇ. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ gaˇ ma-aˬ, yaw tsaˬ yaw dawˇ gaˇ ma pyeuꞈ-awˇ, kʼaˇ sui kʼaˇ dawˇ-eu tsawˇ haˬ deuˬ, gaˇ ma kʼoeˇ kahˇ-ahˇ cah-eu meh. Ehˇ kʼawꞈ, iˬ baˇ mˇ-eu tsawˇ haˬ, gaˇ ma kʼoeˇ kahˇ-ahˇ maˬ haw ni, pehˆ toˆ-awˇ coˬ dzeh-iˇ-eu meh.

Zaˬkaˬliˇ 2:12

Yuˇdaˆ miˇ kʼahˬ-aˬ, Sahˬpaˬ Miˬyehˇ-euˬ muiˬ-eu shawˇ-eu miˇ tsaˬ-ahˇ jaˆ-eu miˇ kʼahˬ tiˬ kʼahˬ paˇ pyeuꞈ laˇ-awˇ, Yeˬluˇsaˬlehˬ meuˬ-aˬ, meuˬ dawˬ tawˆ luꞈ naˆ maˬ tseˇ aˬ yawꞈ gaˬ dzehˬ-eu meuˬ pyeuꞈ laˇ tehꞈ-a.

Bawˇtsahˬ 24:9

Iˇsaˬleˬlaˆ tsawˇ jeuˬ-aˬ, aˇ laˬ jaˬ shiˇ-ahˇ duˇ-eu meh. Aˬ yawꞈ yuꞈ kʼaˆ luꞈ ngeh tiˬ gʼaˬ-iˬ maˬ laˆ noeˬ peuˬ-a. Iˇsaˬleˬlaˆ-ahˇ dawˬ kʼaˇ ngehˬ gʼeh nehˬ-eu tsawˇ haˬ guiˬ lahˬ za-awˇ, Iˇsaˬleˬlaˆ-ahˇ yaˬ kʼehˇ kʼaˇ yaˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a”

Dawˬmehˬ 32:10

“Jaˬ lehˇ neh bi hehˇ dzaˬ jiˇ-euˬ, kʼaˇ shuiꞈ deh yaˇ bawˇ tsahˬ laꞈ kʼoeˇ, yawꞈ maꞈ shaˬ luꞈ gaˇ ya mawˇ-awˇ, yawˬ ha gʼawˇ mawˇ loꞈ-ehˇ sawˇ-awˇ, yawꞈ maꞈ-ahˇ bo saˆ nehˬ-euˬ meh.