Iˇsaˬtaˆ 2:15 - Akha

¹⁵ Iˇsaˬtaˆ sahˬ paˬ jawˇ gaˇ le-eu aˇ yamˬ tsaˬ laˇ-euˬ meh. Iˇsaˬtaˆ-aˬ, Aˬbiˇheˬlaˇ-euˬ aˬ buˇ pyeuꞈ-awˇ Mawˬdaˬkehˇ-euˬ dmˇ ma tsaˬ-eu meh. Mawˬdaˬkehˇ neh aˬ yawꞈ-ahˇ gʼoˆ cu-euˬ meh. Iˇsaˬtaˆ-ahˇ kʼaˇ mawˇ-euˬ tsawˇ haˬ yawˬ gʼaˬ na luꞈ, aˬ yawꞈ-ahˇ gʼawˬ shaˬ gaˬ-eu nui ma ahˇ-eu meh. Aˬ yawꞈ ya le-eu aˇ yamˬ tsaˬ laˇ ngeh, aˬ yawˇ yawꞈ tiˬ jeˬ-iˬ maˬ dm maˬ geuꞈ ni, sahˬ paˬ-euˬ zaˬ miˬ zaˬ deuˬ jawˇ-eu nymˇ-ahˇ haw-eu pyaˆ-eu gʼaˬ pyeuꞈ-eu Heˬgehˇ neh bi dm di geuꞈ-euˬ loꞈ-ehˇ dm-awˇ geuꞈ-awˇ le-euˬ meh.

Iˇsaˬtaˆ 2:15 ပူးပေါင်းရင်းမြစ်များ

Iˇsaˬtaˆ 2:14

Uˬ ciꞈ paw aˬ yawꞈ kʼoeˇ gaˇ le-awˇ, yawˬ shawˬ yawˬ aˬ yawꞈ-ahˇ sahˬ paˬ-euˬ zaˬ miˬ zaˬ deuˬ jawˇ-eu nymˇ nyiˬ nymˇ tiˬ nymˇ-ahˇ sheuˬ gʼeh-awˇ, sahˬ paˬ-euˬ ma nyiˇ deuˬ-ahˇ haw-eu pyaˆ-eu gʼaˬ pyeuꞈ-eu Shaˬshaˇgaˬ uˆ lahˇ-eu laꞈ oˆ ya bi jawˇ-eu meh. Sahˬ paˬ aˬ yawꞈ-ahˇ mawꞈ-awˇ paˇ bi kuˇ laˬ-iˇ ngeh maˬ ngeuˇ naˇ, sahˬ paˬ jawˇ gaˇ maˬ paˇ ya le meh.

Iˇsaˬtaˆ 2:16

Sahˬ paˬ Aˬtaˬdzeuˬsehˆ sahˬ paˬ geuꞈ-eu shiꞈ kʼoꞈ tiˬ kʼoꞈ ba la tseˇ siˬ tiˬ siˬ pyeuꞈ-eu Teˬbehˆ ba la-ahˇ, sahˬ paˬ Aˬtaˬdzeuˬsehˆ jawˇ-eu sahˬ paˬ-euˬ hawˇ nymˇ-ahˇ, Iˇsaˬtaˆ-ahˇ sheuˬ gʼeh-euˬ meh.

Iˇsaˬtaˆ 2:3

Nawˬ-euˬ miˇ kʼahˬ kʼahˬ ma laꞈ kʼoeˇ jaˆ-eu miˇ kʼahˬ aˬ yawꞈ kʼahˬ yawꞈ laꞈ kʼoeˇ yaw huiˬ yaw mahˇ deuˬ-ahˇ nawˇ tseˇ doˆ-awˇ, miˬ daꞈ daꞈ shuiꞈ kʼoeˇ deuˬ-ahˇ heu gaˇ Suˇsaˬ meuˬ-ahˇ jaˆ-eu miˬ daꞈ deuˬ bi jawˇ-euˬ nawˬ-euˬ nymˇ-ahˇ bi sheuˬ uiꞈ laꞈ-awˇ, nawˬ-euˬ zaˬ miˬ zaˬ deuˬ-ahˇ haw-eu pyaˆ-eu gʼaˬ pyeuꞈ-eu Heˬgehˇ-ahˇ a nehˬ-awˇ, yaw muiˬ paˬ-ehˇ bi laˆ muiˬ-awˬ.

Iˇsaˬtaˆ 8:1

Kʼoeˇ ngeh nah-ahˇ, Yuˇdaˆ tsawˇ haˬ deuˬ-ahˇ muiˇ-eu gʼaˬ pyeuꞈ-eu Haˬmaˬ-euˬ pyuˇ shuiˇ myawˬ gahˬ dawˬ tawˆ luꞈ, sahˬ paˬ Dzeuˬsehˆ neh sahˬ paˬ miˬ zaˬ Iˇsaˬtaˆ-ahˇ biꞈ-euˬ meh. Mawˬdaˬkehˇ-aˬ, aˬ yawꞈ-euˬ aˬ yuiꞈ aˬ nyiˇ pyeuꞈ-eu gaˇ kawˆ sahˬ paˬ-ahˇ Iˇsaˬtaˆ neh ehˇ nehˬ-awˇ, kʼoeˇ ngeh neh naˇ Mawˬdaˬkehˇ gʼaˬ sahˬ paˬ-euˬ mehˬ shi le-eu a kawˬ-aˬ za-euˬ meh.

Iˇsaˬtaˆ 9:29

Aˬbiˇheˬlaˆ-euˬ aˬ buˇ pyeuꞈ-eu sahˬ paˬ miˬ zaˬ Iˇsaˬtaˆ gʼaˬ kʼawꞈ, Mawˬdaˬkehˇ nehˬ-ehˇ tiˬ kawˆ loꞈ-ehˇ, yaw beh Mawˬdaˬkehˇ neh boꞈ taˬ-euˬ Puˬlmˬ bawˬ-iˬ gaˇ kawˆ sahˬ boꞈ kʼoeˇ taꞈ-ahˇ, aˬ yawꞈ-euˬ baoˬ dawˬ tawˆ luꞈ zmˬ-awˇ tiˬ poˆ paˇ boꞈ tehˬ-euˬ meh.

Dawqdaq 15:33

Sahˬpaˬ Miˬyehˇ-ahˇ guˆ-eu-aˬ, zaˬ siˬ tsawˇ gahˇ za-awˇ, nui nahˬ nui yu mehˬ hu aˬ cawˬ yaw zeu baw-eu jeˬ jaˆ-mˇ jeˇ.

Dawˬ caˇ 6:9

Ehˇ kʼawꞈ, ngaˇ gaˬ-eu tiˬ gʼaˬ jawˇ-eu tehꞈ ma. Aˬ yawꞈ-aˬ, kʼaˬ kʼoeˬ loꞈ-ehˇ aˇ gʼehˇ muiˬ dui dui-eu meh. Aˬ yawꞈ aˬ ma o neh aˬ yawꞈ tiˬ gʼaˬ tehꞈ-ehˇ jawˇ-awˇ, aˬ ma gaˬ dui dui-eu aˬ buˇ meh. Zaˬ miˬ zaˬ kʼaˇ ngeuˇ-eu aˬ yawꞈ-ahˇ maˬ ja ceuˬ-ehˇ maˬ jawˇ coeˇ-a. Sahˬ paˬ-euˬ miˬ zaˬ deuˬ hawˇ-eu ma nyiˇ deuˬ, aˬ yawꞈ-ahˇ caˇ-awˇ ja ceuˬ-eu meh.

Dawˬ caˇ 8:10

Ngaˇ-aˬ, meuˬ meuˬ lahˇ ma. Ngaˬ-euˬ kʼahˬ nyiˬ pyawˬ-aˬ, kʼoeˇ-euˬ nymˇ goˇ ma. Ngaˬ-euˬ zaˬ kʼaˬ nehˬ-ehˇ ngaˇ ya jawˇ naˇ nui saˇ oꞈ-eu, ngaˬ-euˬ zaˬ kʼaˬ siˬ duˬ-eu meh.

Gʼaˬkʼehˇ 7:10

shaˬ-eu zahˬ-eu jeˬ laꞈ kʼoeˇ sheuˬ dzeuˇ nehˬ-euˬ meh. Iˇjiˇtuˆ sahˬ paˬ mehˬ shi Yoˇsehˆ ya le ngeh, Miˬyehˇ aˬ yawꞈ-ahˇ myaˆ pyawˬ pyuˇ-eu jeˬ hawˇ-eu zaˬ siˬ tsawˇ gahˇ biꞈ neh-euˬ meh. Sahˬ paˬ kʼoeˇ gʼaˬ neh Yoˇsehˆ-ahˇ aˬ yawꞈ-euˬ miˇ kʼahˬ kʼoeˇ taˆ hawˇ-eu sahˬ paˬ-euˬ hawˇ nymˇ kʼoeˇ taˆ bi uˆ lahˇ-euˬ meh.