Iˇsaˬtaˆ 1:17 - Akha

¹⁷ Sahˬ paˬ miˬ zaˬ kʼoeˇ loꞈ-ehˇ jahˇ-euˬ gaˇ kawˆ ya gaˬ naˇ, miˇ kʼahˬ heu kʼahˬ-ahˇ jawˇ-eu zaˬ miˬ zaˬ dawˬ tawˆ luꞈ, yawˬ ha-euˬ kʼaˬ dzeˇ zaˬ-ahˇ taˬ nyiˇ tehꞈ-a. ‘Sahˬ paˬ Dzeuˬsehˆ neh aˬ yawꞈ-euˬ miˬ zaˬ Baˬshaˬtiˇ-ahˇ kuˇ-euˬ kʼawꞈ miˬ zaˬ gʼaˬ maˬ iˇ nehˬ-aˬ’ lehˇ aˬ yawꞈ maꞈ ehˇ tehꞈ-a.

Iˇsaˬtaˆ 1:17 ပူးပေါင်းရင်းမြစ်များ

2 Saˬmeuˬlaˆ 6:16

Dawˬ ma saˇ jaˇ Bahˬ keuˆ meuˬ laꞈ kʼoeˇ baꞈ uˇ keuˆ laꞈ gaˇ, Sawˇluˆ-euˬ aˬ buˇ Miˇkaˬlaˇ gʼaˬ laˇ gʼoˆ gʼoˆ zaˬ-ahˇ neh haw ka gʼeh ngeh, Sahˬpaˬ Miˬyehˇ-euˬ mehˬ shi Daˬbiˇ gaˇ nyeh nyeh nyeh-ehˇ tsawˬ luꞈ gaˇ ya mawˇ-awˇ, Daˬbiˇ-ahˇ nui daˆ daˆ-euˬ meh.

Eˇzaˬlaˬ 4:6

Paˇshaˇ sahˬ paˬ Dzeuˬsehˆ uˆ lahˇ dahˬ beh ngeh yamˬ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ muiˇ-eu deuˬ, aˬ yawꞈ maꞈ-euˬ gaˇ kawˆ sahˬ boꞈ boꞈ-awˇ daˬ-euˬ meh.

Iˇsaˬtaˆ 1:16

Kʼoeˇ ngeh, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-ahˇ Meˬmuˇkaˬ gʼaˬ heu loꞈ-ehˇ ehˇ nehˬ-euˬ meh. “Sahˬ paˬ miˬ zaˬ Baˬshaˬtiˇ-aˬ, sahˬ paˬ-ahˇ tehꞈ-ehˇ maˬ ngeuˇ ni, sahˬ paˬ-euˬ gaˇ mˇ-eu yaw huiˬ yaw mahˇ deuˬ hawˇ-eu miˇ kʼahˬ zaˬ dawˬ tawˆ luꞈ-ahˇ mˇ bahˬ-euˬ meh.

Iˇsaˬtaˆ 1:18

Sahˬ paˬ miˬ zaˬ kʼoeˇ loꞈ-ehˇ mˇ-euˬ gaˇ kawˆ-ahˇ, Paˇshaˇ miˇ kʼahˬ hawˇ-eu Meˬdiˇ miˇ kʼahˬ-ahˇ sahˬ paˬ-euˬ gaˇ mˇ luꞈ-eu yaw huiˬ yaw mahˇ deuˬ-euˬ miˬ zaˬ deuˬ ya gaˬ ngeh, uˬ ciꞈ maˬ ciꞈ-iˇ dah mi naˆ-ehˇ yawˬ ha-euˬ kʼaˬ dzeˇ zaˬ deuˬ-ahˇ gaˇ kawˆ kʼoeˇ ja mehˬ nehˬ tehꞈ-a. Yawˬ gaˇ na luꞈ miˬ zaˬ deuˬ yawˬ ha-euˬ kʼaˬ dzeˇ zaˬ deuˬ-ahˇ kʼoeˇ loꞈ-ehˇ ja nehˬ-eu miˇ neh, kʼaˬ dzeˇ zaˬ deuˬ yawˬ ha-euˬ miˬ zaˬ-ahˇ nui ma ya pehˇ tehꞈ-a.

Eˇpeˇsu 5:33

Jaˇliꞈ heu deuˆ naw maꞈ-ahˇ kʼawꞈ taꞈ leˇ-eu meh. Kʼaˬ dzeˇ zaˬ yawˬ gʼaˬ na luꞈ yawˬ ha-euˬ gʼawˇ mawˇ-ahˇ gaˬ-eu loꞈ-ehˇ yawˬ ha-euˬ miˬ zaˬ-ahˇ ya gaˬ-awˇ, miˬ zaˬ yawˬ gʼaˬ na luꞈ yawˬ ha-euˬ kʼaˬ dzeˇ zaˬ-ahˇ yaw zeu ya baw-eu meh.