HeˬByehˇ 9:7 - Akha7 Piˇma Yaw huiˬ gʼaˬ tehꞈ-ehˇ sehˬ gʼawˆ laꞈ kʼoeˇ lawˆ-ahˇ ya uˇ leˇ-awˇ, tiˬ kʼoꞈ tiˬ poˆ tehꞈ-ehˇ ya uˇ leˇ-eu meh. Aˬ yawꞈ kʼoeˇ loꞈ-ehˇ uˇ leˇ ngeh, yawˬ ha-euˬ iˬ baˇ gʼaˇ duˬ maˬ ehˇ, tsawˇ haˬ zaˬ deuˬ neh iˬ baˇ meh lehˇ maˬ siˬ nya-ehˇ mˇ lehˬ-euˬ iˬ baˇ gʼaˇ duˬ maˬ ehˇ, Miˬyehˇ-ahˇ lawˇ-eu gʼaˇ duˬ shiˬ ya yuˇ ahˇ gʼeh-eu meh. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq7 Aerkhawf, nyiq lawv tiqlawv-anr-aq, pirma yawhuiq ghaq taef-aer yawqkhof navluf tiq khof tiq pov taef-aer ya urler-eu mae. Aqyawf urler ngae, yawqha-euq iqbax-euq gharduq hawr-eu Irsaqleqlav tsawrhaq maq siqnya-aer mr-euq iqbax-euq gharduq, lawrnaeq-eu shiq ya yuranr lef-eu mae. အခန်းကိုကြည့်ပါ။ |
HeˬByehˇ 9:7
23 ပူးပေါင်းရင်းမြစ်များ
Iˬ baˇ ya buˬ-iˇ ni, tiˬ kʼoꞈ tiˬ poˆ sehꞈ-awˇ lawˇ-euˬ jeˬ zaˬ-eu shiˬ yuˇ-awˇ, lawˇ duˬ kʼoeˇ hmˬ-euˬ uˬ coeˇ oeˬ kahˬ-ahˇ toeˬ lehꞈ-eu laꞈ kʼoeˇ, lawˇ duˬ shawˇ-eu zahˇ Aˬloˬ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, yawˬ kʼoꞈ na luꞈ kʼoeˇ loꞈ-ehˇ ya mˇ meh. Lawˇ duˬ heu hmˬ-aˬ, maˇ maˇ ni shawˇ jehˆ ni gʼeh-awˇ, Sahˬpaˬ Miˬyehˇ pyeuꞈ-eu ngaˬ-ahˇ damˬ nehˬ taˬ-euˬ lawˇ duˬ ya bi pyeuꞈ meh.”
Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ, jiˇ baˬ yehꞈ-awˇ yawꞈ lawꞈ gʼaˇ laˇ-ehˇ cah-eu meh. Aˬ yawꞈ maꞈ jiˇ baˬ yehꞈ dui dui-eu miˇ neh, tiˬ jeˬ-iˬ maˬ duˬ maˬ ciˇ-a. Miˬyehˇ gʼaˇ duˬ ngehˬ dah-eu deuˬ jiˇ baˬ yehꞈ-eu miˇ neh, Miˬyehˇ pah mehˬ-eu jeˬ-ahˇ maˬ mawˇ duˬ nya-a. Piˇ ma deuˬ jiˇ baˬ yehꞈ-eu baˬ da neh, yaw tsaˬ yaw dawˇ dawˇ-ehˇ yaˇ kʼaˬ maˬ daˇ nya-a.
Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu deuˬ-ahˇ, aˬ myah luꞈ maˬ byehˇ ni ya caw teh meh. Iˇsaˬleˬlaˆ tsawˇ haˬ deuˬ iˬ baˇ buˬ-iˇ law-iˇ-awˇ, bi muiˬ bi shawˇ laˇ-eu zahˇ heu hmˬ tiˬ kʼoꞈ tiˬ poˆ ya jahˇ meh. Kʼoeˇ loꞈ-ehˇ, Sahˬpaˬ Miˬyehˇ neh dawˬ kʼaˇ biꞈ taˬ-euˬ loꞈ-ehˇ Moˇseˬ mˇ-euˬ meh.
Dziˇ dzoˆ tsoeˬ-eu lawˇ-eu jeˬ gʼaˇ duˬ, maˇ byawꞈ maˬ baw-eu yawˇ aˬ buˬ maˬ ngeuˇ naˇ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ, piˇ ma jawˇ gaˇ aˬ yawꞈ ya tsahˇ laꞈ meh. Jeˬ zaˬ kʼoeˇ mawˇ-ahˇ, kʼaˇ poeˬ kʼaˇ lawˬ-eu loꞈ-ehˇ aˇ poeˬ ya pyehˆ meh. Tsawˇ haˬ kʼoeˇ gʼaˬ neh maˬ noeˬ maˬ duˇ-ehˇ mˇ lehˬ-euˬ iˬ baˇ gʼaˇ duˬ, piˇ ma gʼaˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ buˬ-iˇ-eu meh.
Piˇ ma gʼaˬ tsawˇ haˬ aˇ maꞈ aˇ muˇ-ahˇ shawˇ nehˬ-eu zahˇ ya jahˇ meh. Kʼoeˇ ngeh, aˬ yawꞈ maꞈ-ahˇ iˬ baˇ pyehˬ nehˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ maˬ noeˬ maˬ duˇ-ehˇ mˇ lehˬ-euˬ jeˬ pyeuꞈ-awˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ, iˬ baˇ shawˇ-eu lawˇ-eu jeˬ Sahˬpaˬ Miˬyehˇ jawˇ gaˇ aˬ yawꞈ maꞈ yuˇ laꞈ-euˬ meh.
Saˇ baoˬ maˬ bi luˆ-iˇ nya ni shmˇ kuˆ seuˬ seuˬ ma neh gʼeu tehˬ taˬ-euˬ loꞈ-ehˇ, aˬ dui dehꞈ-eu jeˬ maˬ poˆ maˬ paˇ laˇ nya ni, aˬ dui-euˬ noeˬ tmˬ-eu jeˬ kʼoeˇ aˬ dui-ahˇ ziꞈ dah ni bi jaˆ-eu meh. Noeˬ tmˬ-eu jeˬ kʼoeˇ aˬ dui-euˬ nui ma-ahˇ ziꞈ dah ni bi pyeuꞈ laˇ-awˇ, aˬ dui noeˬ tmˬ taˬ-euˬ gʼaˬ pyeuꞈ-eu Yeˬsuˇ-aˬ, mˬ kʼoeˇ taˆ jaˆ-eu uˬ duˬ tahˬ nymˇ nymˇ ma-ahˇ taw taˬ-euˬ saˬ paˇ lawˆ kaˬ le dzeuˇ-awˇ, muiˬ-eu shawˇ-eu jawˇ duˬ-ahˇ uˇ keuˆ leˇ-eu meh.
Piˇ ma yaw huiˬ nui deuˬ-ahˇ aˬ yawꞈ maˬ duˇ-a. Aˬ yawꞈ maꞈ loꞈ-ehˇ yawˬ nah na luꞈ yawˬ ha-euˬ iˬ baˇ gʼaˇ duˬ jeˬ hu lawˇ gʼaˬ shehˇ gʼaˬ ngeh, aˬ cawˬ-euˬ i baˇ gʼaˇ duˬ ya lawˇ ya shehˇ-eu heu deuˬ-ahˇ aˬ yawꞈ mˇ-eu maˬ loˬ-a. Aˬ yawꞈ-euˬ gʼawˇ mawˇ lawˇ nehˬ-euˬ kʼoeˇ-aˬ, tiˬ poˆ lawˇ-awˇ mˬ maˬ maˬ byaˆ zaˇ ziˇ gmˬ-eu lawˇ-euˬ jeˬ pyeuꞈ-eu meh.
ကြော်ငြာတွေ