Iˬ baˇ ya buˬ-iˇ ni, tiˬ kʼoꞈ tiˬ poˆ sehꞈ-awˇ lawˇ-euˬ jeˬ zaˬ-eu shiˬ yuˇ-awˇ, lawˇ duˬ kʼoeˇ hmˬ-euˬ uˬ coeˇ oeˬ kahˬ-ahˇ toeˬ lehꞈ-eu laꞈ kʼoeˇ, lawˇ duˬ shawˇ-eu zahˇ Aˬloˬ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, yawˬ kʼoꞈ na luꞈ kʼoeˇ loꞈ-ehˇ ya mˇ meh. Lawˇ duˬ heu hmˬ-aˬ, maˇ maˇ ni shawˇ jehˆ ni gʼeh-awˇ, Sahˬpaˬ Miˬyehˇ pyeuꞈ-eu ngaˬ-ahˇ damˬ nehˬ taˬ-euˬ lawˇ duˬ ya bi pyeuꞈ meh.”
HeˬByehˇ 9:25 - Akha25 Yuˇdaˆ tsawˇ haˬ-euˬ Piˇma Yaw huiˬ gʼaˬ-aˬ, aˬ yawꞈ kʼoꞈ yawꞈ jeˬ zaˬ-euˬ shiˬ yuˇ-awˇ, Muiˬ dui shawˇ dui dui-eu Jawˇ duˬ-ahˇ uˇ leˇ-eu meh. Ehˇ kʼawꞈ, Ka li-aˬ, aˬ yawꞈ-euˬ gʼawˇ mawˇ gʼawˬ mya poˆ lawˇ-eu maˬ loˬ-a. အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq25 Khoer-aq, pirma yawhuiq ghaq, aqyawf khof aqyawf jeqzaq-euq shiq yur-awr, shawr duidui-eu lawv-anr urler-eu lof-aer, Kali, aqyawf-euq mawrdo ghawqmya pov maqya lawrnaeq-a. အခန်းကိုကြည့်ပါ။ |
HeˬByehˇ 9:25
9 ပူးပေါင်းရင်းမြစ်များ
Sehˬ gʼawˆ kʼoeˇ-ahˇ Yeˬsuˇ le uˇ-awˇ, Muiˬ dui shawˇ dui dui-eu Jawˇ duˬ-ahˇ mˬ maˬ maˬ byaˆ zaˇ ziˇ gʼaˇ duˬ tiˬ poˆ uˇ leˇ ngeh, ciꞈ myehꞈ hawˇ-eu mawˇ neˇ-euˬ shiˬ yuˇ ahˇ gʼeh-awˇ lawˇ leˇ-euˬ maˬ ngeuˇ-a. Aˬ yawꞈ-euˬ shiˬ yuˇ ahˇ gʼeh-awˇ, mˬ maˬ maˬ byaˆ zaˇ ziˇ ka kʼoꞈ-eu jeˬ-ahˇ aˬ dui za ni lawˇ leˇ-euˬ jeˬ pyeuꞈ-eu meh.
Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.
Kʼoeˇ loꞈ-ehˇ ya lawˇ law nmˇ-aˬ, mˬ beh miˇ beh ngeh neh aˇ dahˬ beh-awˇ, aˬ yawꞈ gʼawˬ mya poˆ ya kamˇ shiˇ-euˬ tehꞈ-a. Ehˇ kʼawꞈ, nymˬ-mˇ miˇ tsaˬ heu aˇ saˬ saˬ-eu dawˬ peh peh laˇ-euˬ aˇ yamˬ heu laꞈ kʼoeˇ, mˬ maˬ maˬ byaˆ zaˇ ziˇ gʼaˇ duˬ gmˬ ni aˬ yawꞈ tiˬ poˆ tehꞈ-ehˇ doˆ le-awˇ, aˬ yawꞈ-euˬ gʼawˇ mawˇ lawˇ nehˬ-eu laꞈ kʼoeˇ, iˬ baˇ yuˇ dzeh le-euˬ meh.
Piˇma Yaw huiˬ gʼaˬ tehꞈ-ehˇ sehˬ gʼawˆ laꞈ kʼoeˇ lawˆ-ahˇ ya uˇ leˇ-awˇ, tiˬ kʼoꞈ tiˬ poˆ tehꞈ-ehˇ ya uˇ leˇ-eu meh. Aˬ yawꞈ kʼoeˇ loꞈ-ehˇ uˇ leˇ ngeh, yawˬ ha-euˬ iˬ baˇ gʼaˇ duˬ maˬ ehˇ, tsawˇ haˬ zaˬ deuˬ neh iˬ baˇ meh lehˇ maˬ siˬ nya-ehˇ mˇ lehˬ-euˬ iˬ baˇ gʼaˇ duˬ maˬ ehˇ, Miˬyehˇ-ahˇ lawˇ-eu gʼaˇ duˬ shiˬ ya yuˇ ahˇ gʼeh-eu meh.
ကြော်ငြာတွေ