HeˬByehˇ 9:21 - Akha

²¹ Kʼoeˇ loꞈ-ehˇ duˇ ni, Dawˬ ma saˇ jaˇ Sehˬ gʼawˆ-ahˇ maˬ ehˇ, uˬ duˬ tahˬ gaˇ zmˬ-eu mˇ myawˬ keu ka deuˬ kʼoeˇ taˆ maˬ ehˇ, shiˬ kʼoeˇ neh Moˇseˬ byaˆ shehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Khoerlof-aer durni, saqpar saeqghawv hawr-eu uqduq tanq-eu gar zmq-eu mrmyawq keuka yawqjeq navluf-anr khawf, aqyawf, shiq juifshaeq-eu mae.

HeˬByehˇ 9:21 ပူးပေါင်းရင်းမြစ်များ

Doˆ-iˇ 24:6

Moˇseˬ-aˬ, jeˬ zaˬ kʼoeˇ deuˬ-euˬ shiˬ tiˬ paˆ kʼmˬ maˬ laꞈ kʼoeˇ dawˆ ahˇ-awˇ, tiˬ paˆ lawˇ duˬ-ahˇ byaˆ shehˬ-euˬ meh.

Doˆ-iˇ 29:12

Mawˇ neˇ kʼoeˇ mawˇ-euˬ shiˬ ui cuiˆ yuˇ-awˇ, nawˬ-euˬ laꞈ noeˇ neh lawˇ duˬ-euˬ uˬ coeˇ-ahˇ lehꞈ-awˬ. Dzeˇ-eu shiˬ deuˬ yuˇ-awˇ, lawˇ duˬ dawˬ pehˬ-ahˇ shehˬ-awˬ.

Doˆ-iˇ 29:20

Yawˇ kʼoeˇ mawˇ sehꞈ gʼaˬ naˇ, shiˬ ui cuiˆ yuˇ-awˇ, Aˬloˬ hawˇ-eu aˬ yawꞈ-euˬ aˬ li deuˬ-euˬ aˇ maˇ paw naˬ paꞈ naˬ dzaˬ-ahˇ maˬ ehˇ, aˇ maˇ laꞈ laꞈ ma-ahˇ maˬ ehˇ, aˇ maˇ kuiˇ kuiˇ ma-ahˇ maˬ ehˇ, lehꞈ-awˬ. Dzeˇ-eu shiˬ deuˬ yuˇ-awˇ, lawˇ duˬ-euˬ oeˬ paw pyawˬ luꞈ-ahˇ shehˆ-awˬ.

Doˆ-iˇ 29:36

Iˬ baˇ pyehˬ-eu lawˇ-eu jeˬ gʼaˇ duˬ, aˬ yawꞈ nah yawꞈ mawˇ neˇ mawˇ gaw tiˬ mawˇ sehꞈ-awˇ lawˇ-awˬ. Kʼoeˇ loꞈ-ehˇ jahˇ-eu jeˬ-aˬ, lawˇ duˬ-ahˇ bi shawˇ laˇ-eu meh. Kʼoeˇ naˇ, lawˇ duˬ kʼoeˇ muiˬ laˇ shawˇ laˇ ni, saˬ loˬ tsiˇ lehꞈ nehˬ-awˬ.

Doˆ-iˇ 40:9

“Sehˬ gʼawˆ hawˇ-eu kʼoeˇ gaˇ kʼaˇ taꞈ leˇ-eu keu ka deuˬ bi muiˬ bi shawˇ laˇ-eu gʼaˇ duˬ, muiˬ-eu shawˇ-eu tsiˇ lehꞈ-awˇ, Sahˬpaˬ Miˬyehˇ-ahˇ a nehˬ-awˬ.

Uˬ duˬ 8:15

Mawˇ neˇ kʼoeˇ mawˇ-ahˇ Moˇseˬ sehꞈ-euˬ meh. Lawˇ duˬ a nehˬ-eu gʼaˇ duˬ, mawˇ neˇ kʼoeˇ mawˇ-euˬ shiˬ ui cuiˆ yuˇ-awˇ, aˬ yawꞈ-euˬ laꞈ noeˇ kʼoeˇ gaˇ cawˬ duiˆ-awˇ, lawˇ duˬ-euˬ laꞈ coeˇ-ahˇ tsoꞈ doˆ-eu uˬ coeˇ deuˬ-ahˇ lehꞈ-euˬ meh. Dzehˬ laˇ-euˬ shiˬ deuˬ yuˇ-awˇ, lawˇ duˬ-euˬ dawˬ pehˬ-ahˇ shehˆ-euˬ meh. Kʼoeˇ loꞈ-ehˇ jahˇ-awˇ, lawˇ duˬ kʼoeˇ a nehˬ-awˇ bi muiˬ bi shawˇ laˇ-euˬ meh.

Uˬ duˬ 8:19

Yawˇ kʼoeˇ mawˇ-ahˇ Moˇseˬ sehꞈ-awˇ, lawˇ duˬ-euˬ oeˬ pyawˬ luꞈ-ahˇ yawˇ-euˬ shiˬ neh byaˆ-euˬ meh.

Uˬ duˬ 9:18

Iˇsaˬleˬlaˆ tsawˇ haˬ deuˬ gʼaˇ duˬ, cawˬ cawˬ taꞈ-eu lawˇ-eu jeˬ lawˇ nehˬ-eu mawˇ neˇ mawˇ gaw hawˇ-eu yawˇ aˬ buˬ aˬ yawꞈ sehꞈ-euˬ meh. Aˬ yawꞈ-euˬ aˬ li deuˬ jeˬ zaˬ kʼoeˇ nyiˬ mawˇ-euˬ shiˬ yuˇ laꞈ-awˇ, lawˇ duˬ-euˬ oeˬ paw pyawˬ luꞈ-ahˇ byaˆ-euˬ meh.