HeˬByehˇ 9:16 - Akha

¹⁶ Jeˬ biˇ biꞈ-eu gʼaˇ duˬ boꞈ tsehˆ taˬ-euˬ sahˬ boꞈ jaˆ naˇ, jeˬ biˇ biꞈ-eu gʼaˬ maˇ maˇ ni shiˇ-euˬ gaˇ kawˆ yaw duˬ ya bi baw meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Jeqbir bif-eu sanqbof jav nar-aq, jeqbir sanqbof bif-eu ghaq shir-euq yawduq yabi baw-eu mae.

HeˬByehˇ 9:16 ပူးပေါင်းရင်းမြစ်များ

Lormav 5:12

Tsawˇ haˬ tiˬ gʼaˬ baˬ da neh miˇ tsaˬ kʼoeˇ taˆ iˬ baˇ keuˆ le-awˇ, iˬ baˇ kʼoeˇ baˬ da neh shiˇ-eu jeˬ keuˆ le-euˬ meh. Shiˇ-eu jeˬ kʼoeˇ, tsawˇ haˬ zaˬ dawˬ tawˆ luꞈ kʼoeˇ taˆ keuˆ le-euˬ meh. Aˬ jeˬ miˇ neh ehˇ ehˇ naˇ, tsawˇ haˬ zaˬ yawˬ gʼaˬ na luꞈ iˬ baˇ mˇ-euˬ meh.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

1 Gawˇliˬtu 15:22

Tsawˇ haˬ dawˬ tawˆ luꞈ Aˬdaˬ-ahˇ taꞈ leˇ-eu laꞈ kʼoeˇ ya shiˇ-eu loꞈ-ehˇ, Ka li-ahˇ taꞈ leˇ-eu laꞈ kʼoeˇ paˇ ya gʼoꞈ dehꞈ laˇ tehꞈ-a.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,

HeˬByehˇ 9:15

Kʼoeˇ baˬ da neh, dawˬ ma saˇ jaˇ yaw shuiꞈ pyeuꞈ leˇ ni mˇ-eu gʼaˬ-aˬ, Ka li meh. Miˬyehˇ neh kuˇ doˆ-euˬ tsawˇ haˬ deuˬ mˬ maˬ maˬ byaˆ zaˇ ziˇ guiˬ lahˬ jeˬ biˇ za ni, aˬ yawꞈ kʼoeˇ loꞈ-ehˇ mˇ-euˬ meh. Dawˬ ma saˇ jaˇ yaw beh hmˬ-ahˇ gʼoe-awˇ dehꞈ luꞈ ngeh, Ka li shiˇ dah-awˇ tsawˇ haˬ zaˬ deuˬ-ahˇ yawˬ ha neh mˇ-euˬ iˬ baˇ-ahˇ bi buˬ-iˇ nya-euˬ miˇ neh, kʼoeˇ loꞈ-ehˇ mˇ pyeuꞈ nya-euˬ meh.

HeˬByehˇ 9:17

Aˬ jeˬ miˇ neh ehˇ naˇ, jeˬ biˇ biꞈ-eu gʼaˬ kʼaˇ dehꞈ kʼoeˇ keuˆ ni, jeˬ biˇ kʼoeˇ-ahˇ maˬ za nya-a siˬ. Jeˬ biˇ biꞈ-eu gʼaˬ shiˇ gʼaˬ miˇ tsa tehꞈ-ehˇ, jeˬ biˇ kʼoeˇ-ahˇ za nya-eu meh.

Yaˬkoˆ 2:10

Tsawˇ haˬ aˬ geuˬ gʼaˬ maˬ kaˬ, zahˇ dawˬ kʼoꞈ dawˬ dawˬ tawˆ luꞈ-ahˇ caw teh luꞈ kʼawꞈ, tiˬ dawˬ-ahˇ mˇ bahˬ naˇ, dawˬ tawˆ luꞈ-ahˇ mˇ bahˬ-euˬ jeˬ pyeuꞈ-eu meh.