HeˬByehˇ 9:11 - Akha

¹¹ Ehˇ kʼawꞈ, Ka li-aˬ, nymˬ-mˇ heu gaˇ keuˆ le taˬ-euˬ yaw muiˬ jeˬ heu deuˬ-ahˇ biꞈ nehˬ laꞈ-eu Piˇma Yaw huiˬ gʼaˬ loꞈ-ehˇ oe keuˆ taˬ-euˬ meh. Aˬ yawꞈ gaˇ mˇ luꞈ-eu sehˬ gʼawˆ-aˬ, muiˬ dzehˬ byah dzehˬ-eu meh. Sehˬ gʼawˆ kʼoeˇ-aˬ, tsawˇ haˬ zaˬ neh gʼawˆ-euˬ sehˬ gʼawˆ maˬ ngeuˇ-eu uˬ taꞈ, beh taˬ-euˬ miˇ tsaˬ tahˬ kʼawˇ heu-ahˇ taꞈ-eu sehꞈ gʼawˆ maˬ ngeuˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aerkhawf, Kali-aq, keuvle-eu laer ghae-eu yawmuiq jeq-euq Pirma yawhuiq ghaq lof-aer oe-euq mae. Baetaq-euq jeq-anr maqtaf-aer, tsawrhaq-euq aqlaf nae ghawvtaq-euq maqngeur-eu, huiqdzaeq-awr byandzaeq-eu saqpar saeqghawv-anr aqyawf urler-euq mae.

HeˬByehˇ 9:11 ပူးပေါင်းရင်းမြစ်များ

Aˇ dahˬ 49:10

Sahˬ paˬ-euˬ gawˬ yoeˬ-ahˇ aˬ yawꞈ tuˆ tehˬ taˬ-awˇ, Aˬ yawꞈ-euˬ zaˬ deuˬ tiˬ ziˇ saˇ-iˬ tiˬ ziˇ dzoeˬ dzaˬ oꞈ tehꞈ-a. Aˬ cawˬ tsawˇ jeuˬ deuˬ aˬ yawꞈ jawˇ gaˇ pyuˇ shuiˇ myawˬ gahˬ taꞈ ha laˇ-awˇ, Aˬ yawꞈ mehˬ shi awˆ byaˆ-eu laꞈ kʼoeˇ aˬ yawꞈ ehˇ dawˬ naˇ haˬ tehꞈ-a.

Jaceuq 40:7

Kʼoeˇbaˬda neh ngaˇoˬtoˬ-awˇ, nawˬ-ahˇheu loꞈ-ehˇ ehˇ-eu ma. “Nawˬneh biꞈ-euˬdawˬmehˬdawˬtsoˆ, Zahˇdawˬpaˇyoˆ laꞈkʼoeˇ ahˇma.”

Iˇsaˬyaˇ 59:20

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-ahˇ ngehˬ gʼeh-eu gʼaˇ duˬ hawˇ-eu, iˬ baˇ kʼaˇ noeˬ poˆ-eu tsawˇ haˬ dawˬ tawˆ luꞈ-ahˇ, ka kʼoꞈ-eu gʼaˇ duˬ ngaˇ oe ma.

Yeˬlaˬmiˇ 33:8

Aˬ yawꞈ maꞈ neh ngaˬ-ahˇ mˇ lehˬ-euˬ iˬ baˇ-ahˇ ngaˇ tsiˬ shawˇ nehˬ-awˇ, aˬ yawꞈ maꞈ-euˬ yaw lehˬ hawˇ-eu ngaˬ-ahˇ puiˬ-euˬ jeˬ-ahˇ, iˬ baˇ pyehˬ nehˬ ma.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Maꞈtehˬ 11:3

Aˬ yawꞈ maꞈ Yeˬsuˇ-ahˇ naˇ haˬ-eu, “Oe tehꞈ-a lehˇ Yoˇhaˬ ehˇ-eu kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaˬ yawˬ-ahˇ nga maꞈ paˇ ya dawˬ ta loˇ.”

Maꞈtehˬ 2:6

‘Behˬlehˬhehˬ-oˇ, Yuˇdaˆ meuˬ deuˬ laꞈ kʼoeˇ, nawˇ maˬ nyiˇ teˬ dzehˬ-a. Aˬ jeˬ miˇ neh ehˇ naˇ, ngaˬ-euˬ tsawˇ jeuˬ pyeuꞈ-eu, Iˇsaˬleˬlaˆ kʼoeˇ taˆ, sheuˬ gʼeh uˆ lahˇ-eu gʼaˬ, nawˬ-euˬ laꞈ kʼoeˇ doˆ laˇ tehꞈ-a.”’

Maˬkuˆ 14:58

“‘Tsawˇ haˬ zaˬ neh tsoˆ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ deh pyaˆ dzeh jiˇ-awˇ, smˬ nah laꞈ kʼoeˇ tsawˇ haˬ zaˬ neh maˬ tsoˆ-euˬ Uˬ duˬ tahˬ nymˇ nymˇ ma ngaˇ paˇ tsoˆ kʼoꞈ ma’ lehˇ, tsawˇ haˬ teu gʼaˬ ehˇ-eu nga maꞈ gaˬ duˬ taˬ-euˬ ma.”

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Yoˇhaˬ 4:25

Zaˬ miˬ zaˬ kʼoeˇ gʼaˬ ehˇ-eu, “(Ka li lehˇ kuˇ-eu) Meˬsiˇya oe meh lehˇ ngaˇ siˬ nya ma. Aˬ yawꞈ oe keuˆ ngeh, aˬ dui-ahˇ yawˬ jeˬ na luꞈ ehˇ mehˬ nehˬ laꞈ tehꞈ-a.”

Gʼaˬkʼehˇ 7:48

“Ehˇ kʼawꞈ, Dawˬ tawˆ kʼoeˇ taˆ Huiˬ-eu Sahˬpaˬ Miˬyehˇ-aˬ, tsawˇ haˬ zaˬ-euˬ aˬ laꞈ neh tsoˆ-euˬ nymˇ-ahˇ jawˇ-eu maˬ ngeuˇ-a lehˇ, Miˬyehˇ gʼaˇ duˬ ngeh dah-eu tsawˇ haˬ neh ehˇ taˬ-euˬ heu loꞈ-ehˇ jaˆ-eu meh.

2 Gawˇliˬtu 4:18

Aˬ jeˬ miˇ neh ehˇ naˇ, myaˆ nuiˆ haw mawˇ nya-eu jeˬ-ahˇ aˬ dui noeˬ tsoˆ taˬ-euˬ maˬ ngeuˇ. Myaˆ nuiˆ maˬ haw mawˇ nya-eu jeˬ-ahˇ noeˬ tsoˆ taˬ-euˬ ma. Myaˆ nuiˆ haw mawˇ nya-eu jeˬ-aˬ, tiˬ kʼehˇ laˇ kʼehˬ gmˬ-eu tehꞈ meh. Ehˇ kʼawꞈ, myaˆ nuiˆ maˬ haw mawˇ nya-eu jeˬ-aˬ, mˬ maˬ maˬ byaˆ zaˇ ziˇ gmˬ-eu meh.

2 Gawˇliˬtu 5:1

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui jawˇ luꞈ-eu yaˇ cmˇ pyeuꞈ-eu aˬ dui-euˬ gʼawˇ mawˇ heu cawˆ-iˇ ngeh, aˬ dui bi jawˇ-eu gʼaˇ duˬ Miˬyehˇ neh mˬ kʼoeˇ taˆ tsoˆ taˬ-euˬ mˬ maˬ maˬ byaˆ zaˇ ziˇ ziꞈ-eu nymˇ jaˆ ma lehˇ aˬ dui siˬ nya ma.

Gawˇlawˇsehˇ 2:11

Ka li laꞈ kʼoeˇ naw maꞈ baˆ kʼoˆ mehˬ dzaˬ yehˬ gʼaˬ-euˬ meh. Kʼoeˇ-aˬ, tsawˇ haˬ zaˬ neh baˆ kʼoˆ mehˬ dzaˬ yehˬ-euˬ gaˇ maˬ duˇ-a. Ka li laꞈ kʼoeˇ baˆ kʼoˆ mehˬ dzaˬ yehˬ-euˬ kʼoeˇ-aˬ, iˬ baˇ ahˇ-eu gʼawˇ mawˇ heu-euˬ laꞈ kʼoeˇ neh bi buˬ-iˇ nya-eu baoˬ ahˇ-eu meh.

HeˬByehˇ 10:1

Yuˇdaˆ tsawˇ haˬ-euˬ Zahˇ dawˬ kʼoꞈ dawˬ-aˬ, maˇ maˇ ni gʼeh-eu jeˬ maˬ ngeuˇ-a. Keuˆ le luꞈ-eu maˇ maˇ ni gʼeh-eu yaw muiˬ jeˬ-euˬ aˇ baˇ naˇ shmˇ loˆ ni tehꞈ meh. Tiˬ jawˇ-iˬ lawˇ gʼaˬ shehˇ gʼaˬ-euˬ maˬ baw ni, aˬ yawꞈ tiˬ jeˬ tehꞈ-ehˇ gʼawˬ mya kʼoꞈ gʼawˬ mya la ya lawˇ ya shehˇ poˆ-eu meh. Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ, kʼoeˇ loꞈ-ehˇ lawˇ poˆ shehˇ poˆ poˆ-eu laꞈ kʼoeˇ, Miˬyehˇ jawˇ gaˇ laˇ-eu tsawˇ haˬ deuˬ-ahˇ byah-eu tsawˇ haˬ aˬ joˆ-ehˇ bi pyeuꞈ laˇ nya nmˇ.

HeˬByehˇ 12:27

“Tiˬ poˆ paˇ gʼeu nyeh ma” lehˇ ehˇ-eu dawˬ kʼoeˇ dawˬ-aˬ, maˬ nyeh laˇ nya-eu jeˬ bi ziꞈ-awˇ, kʼaˇ beh taˬ-euˬ jeˬ bi nyeh laˇ-awˇ bi byoˆ-iˇ jiˇ ma lehˇ bya cehˆ ni ehˇ mawꞈ-eu meh.

HeˬByehˇ 13:14

Aˬ jeˬ miˇ neh ehˇ naˇ, miˇ tsaˬ heu kʼoeˇ taˆ aˬ dui gʼaˇ duˬ ziꞈ-eu meuˬ maˬ jaˆ-a. Aˬ kaˇ keuˆ le-eu meuˬ-ahˇ aˬ dui noeˬ tmˬ luꞈ-eu ma.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 3:1

Aˬ cawˬ loꞈ-ehˇ Miˬyehˇ neh kuˆ-euˬ tsawˇ haˬ pyeuꞈ-eu ngaˬ-euˬ aˬ yuiꞈ aˬ nyiˇ deuˬ-oˇ, aˬ dui jah-eu jeˬ-euˬ Piˆma Yaw huiˬ gʼaˬ bi geuꞈ-eu gʼaˇ duˬ, Miˬyehˇ neh kʼehˇ gʼeh leꞈ-euˬ gʼaˬ pyeuꞈ-eu Yeˬsuˇ-euˬ gaˇ kawˆ shaˇ noeˬ haw sheˇ.

HeˬByehˇ 4:15

Aˬ dui-euˬ Piˇma Yaw huiˬ gʼaˬ-aˬ, aˬ dui-euˬ gʼaˬ baˬ duˬ-ahˇ gʼawˬ shaˬ gaˬ-eu maˬ siˬ nya-eu gʼaˬ maˬ ngeuˇ-a. Aˬ dui loꞈ-ehˇ muˇ juˇ juˇ-eu yawˬ jeˬ na luꞈ-ahˇ ya daˬ haw-euˬ Piˇma Yaw huiˬ tiˬ gʼaˬ aˬ dui jawˇ-eu ma. Ehˇ kʼawꞈ, aˬ yawꞈ iˬ baˇ maˬ mˇ haw-aˬ.

HeˬByehˇ 7:1

Maˬlaˬkiˇsaˬdehˇ kʼoeˇ gʼaˬ-aˬ, Saˬleˬ meuˬ-euˬ sahˬ paˬ pyeuꞈ-awˇ, Huiˬ dui Mahˇ dui dui-eu Miˬyehˇ-euˬ piˇ ma pyeuꞈ-eu meh. Sahˬ paˬ oeˬ gʼaˬ-ahˇ Aˬbyaˬhaˬ guiˇ deuˆ gʼaˬ-awˇ gʼoꞈ laˇ ngeh, Maˬlaˬkiˇsaˬdehˇ aˬ yawꞈ-ahˇ tahˬ puˬ le-awˇ, dawˬ ngehˬ gʼeh nehˬ-euˬ meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

2 Yoˇhaˬ 1:7

Yeˬsuˇ Ka li tsawˇ haˬ zaˬ-euˬ shiˬ shaˬ jiˇ pi-awˇ oe-euˬ meh lehˇ maˬ ha geuꞈ-eu jaˬ myawꞈ mehˇ shuiˇ shuiˇ-eu tsawˇ haˬ deuˬ gʼawˬ mya ni miˇ tsaˬ kʼoeˇ taˆ iˇ byah taˬ-euˬ meh. Kʼoeˇ loꞈ-ehˇ ehˇ-eu tsawˇ haˬ-aˬ, jaˬ myawꞈ mehˇ shuiˇ pyeuꞈ-awˇ, Ka li-ahˇ Muiˇ-eu tsawˇ haˬ meh.