HeˬByehˇ 8:12 - Akha

¹² Aˬ yawꞈ maꞈ-ahˇ iˬ baˇ pyehˬ-awˇ, yaw lehˬ yaw ca dawˬ tawˆ luꞈ-ahˇ, maˬ juiˇ taˬ ni byehˇ byoˆ nehˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Ngar, aqyawf maf-euq maqtsaq maqdawr-eu jeq-anr ghawqshaq gaqnaeq-awr, Ngar, aqyawf maf-euq iqbax hawr-eu zanrdawq-anr leur-eu jeq mr-euq gar maqpar noeqtaq ma.” (Ylm 31:31-34)

HeˬByehˇ 8:12 ပူးပေါင်းရင်းမြစ်များ

Jaceuq 25:7

Ngaˇzaˬguˬpyeuꞈngeh mˇyaꞈ-euˬ, yaw lehˬyaw ca iˬbaˇdeuˬ-ahˇ, maˬjuiˇtaˬni iˬbaˇpyehˬlaꞈ. Nawˬ-euˬyaw muiˬyaw jaˬhawˇ-eu, maˬtsehˆleˇ-eu gaˬ-eu laꞈkʼoeˇ, ngaˬ-ahˇmaˬngehˇni noeˬkeuˆlaꞈ.

Jaceuq 65:3

Yawˬ ha-euˬ iˬ baˇ gaˇ kawˆ-ahˇ taꞈ leˇ-awˇ ya laˇ tehꞈ-a. Nga maꞈ-euˬ iˬ baˇ nga maꞈ-ahˇ gʼaˬ leˇ taˬ-euˬ kʼawꞈ, nawˇ iˬ baˇ pyehˬ nehˬ laꞈ-euˬ meh.

Iˇsaˬyaˇ 43:25

Ehˇ kʼawꞈ, ngaˬ-euˬ gʼaˇ duˬ naw maꞈ-euˬ yaw lehˬ-ahˇ ngehˇ-awˇ, naw maꞈ-ahˇ iˬ baˇ pyehˬ nehˬ-euˬ Miˬyehˇ ngaˇ ma.

Iˇsaˬyaˇ 44:22

Mˬ dmˇ lawˬ-iˇ-eu loꞈ-ehˇ nawˬ-euˬ iˬ baˇ ngaˇ shiˆ shawˇ gʼaˬ-euˬ ma. Ngaˇ jawˇ gaˇ gʼoꞈ laˇ-awˬ. Ngaˇ nawˬ-ahˇ ka kʼoꞈ-eu gʼaˬ ma.”

Yeˬlaˬmiˇ 31:34

Ngaˬ-ahˇ siˬ nya laˇ ni, aˬ yawꞈ maꞈ tiˬ gʼaˬ tiˇ gʼaˬ mehˬ-eu tsoˆ-eu maˬ paˇ loˬ-aˇ. Aˬ jeˬ miˇ neh ehˇ naˇ, huiˬ zaˬ nyiˇ zaˬ dawˬ tawˆ luꞈ ngaˬ-ahˇ siˬ nya jiˇ tehꞈ-a. Aˬ yawꞈ maꞈ-ahˇ ngaˇ iˬ baˇ pyehˬ nehˬ-awˇ, aˬ yawꞈ maꞈ-euˬ yaw lehˬ ngaˇ maˬ paˇ noeˬ taˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 33:8

Aˬ yawꞈ maꞈ neh ngaˬ-ahˇ mˇ lehˬ-euˬ iˬ baˇ-ahˇ ngaˇ tsiˬ shawˇ nehˬ-awˇ, aˬ yawꞈ maꞈ-euˬ yaw lehˬ hawˇ-eu ngaˬ-ahˇ puiˬ-euˬ jeˬ-ahˇ, iˬ baˇ pyehˬ nehˬ ma.

Yeˬlaˬmiˇ 50:20

Aˇ yamˬ kʼoeˇ yamˬ keuˆ laˇ ngeh, Iˇsaˬleˬlaˆ miˇ kʼahˬ laꞈ kʼoeˇ iˬ baˇ maˬ poˆ mawˇ nya ehˇ, Yuˇdaˆ miˇ kʼahˬ laꞈ kʼoeˇ yaw haiˬ jeˬ maˬ jaˆ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, ngaˬ neh bi buˬ bi law-iˇ-euˬ tsawˇ haˬ kʼoeˇ deuˬ-ahˇ ngaˇ iˬ baˇ pyehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Miˇkaˬ 7:19

Nga maꞈ-ahˇ nawˇ gʼawˬ shaˬ tiˬ poˆ paˇ gaˬ nehˬ laꞈ tehꞈ-a. Nga maꞈ-euˬ iˬ baˇ-ahˇ nawˇ tsawˬ nawˬ nawˬ-awˇ, iˬ ma laˆ shaˆ dawˬ dah sha ha dzeh tehꞈ-a.

Lormav 11:27

Aˬ yawꞈ maꞈ-euˬ iˬ baˇ-ahˇ ngaˇ, yuˇ dzeh nehˬ gʼaˬ jiˇ ngeh tiˬ jawˇ, ngaˬ-euˬ dawˬ ma saˇ jaˇ heu hmˬ, aˬ yawꞈ maꞈ nehˬ-ehˇ ngaˇ dzaˬ ma.”

Eˇpeˇsu 1:7

Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Gawˇlawˇsehˇ 1:14

Aˬ yawꞈ neh aˬ dui-ahˇ bi buˬ-iˇ laꞈ-euˬ meh. Kʼoeˇ-aˬ, aˬ dui-ahˇ iˬ baˇ pyehˬ nehˬ laꞈ-euˬ jeˬ pyeuꞈ-eu meh.

Panmaeq 1:5

Saˇ jaˇ ziꞈ-eu tsawˇ haˬ pyeuꞈ-awˇ, shiˇ-euˬ laꞈ kʼoeˇ Miˬyehˇ neh bi gʼoꞈ dehꞈ beh beh laˇ-awˇ, miˇ kʼahˬ sahˬ paˬ sahˬ ma dawˬ tawˆ luꞈ koeˇ taˆ uˆ lahˇ-eu gʼaˬ pyeuꞈ-eu Yeˬsuˇ Ka li jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ. Aˬ yawꞈ aˬ dui-ahˇ gaˬ-awˇ gʼawˇ mawˇ shiˇ dah-eu laꞈ kʼoeˇ, iˬ baˇ laꞈ kʼoeˇ bi buˬ-iˇ laꞈ-euˬ meh.