HeˬByehˇ 7:3 - Akha

³ Maˬlaˬkiˇsaˬdehˇ-euˬ aˬ da aˬ ma hawˇ-eu aˬ poeˬ aˬ bawˇ deuˬ gaˇ kawˆ boꞈ taˬ-euˬ tiˬ gaˇ-iˬ maˬ jaˆ-a. Aˬ yawꞈ dehꞈ le-euˬ gaˇ kawˆ hawˇ-eu shiˇ-euˬ gaˇ kawˆ boꞈ taˬ-euˬ kʼawꞈ maˬ jaˆ-a. Aˬ yawꞈ-aˬ, Miˬyehˇ-euˬ Zaˬmaˇ-ahˇ duˇ-awˇ, mˬ maˬ maˬ byaˆ zaˇ ziˇ piˇ ma pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf-aq, aqma aqda hawr-eu tsuif maqbaw-a. Aqyawf daefle-euq arnan maqjav-aer, shir-euq arnan khawf maqjav-a. Aqyawf-aq, Miqyaer-euq Zaqyo lof-aer arsaq saq-eu maqbawni Pirma pyeuf-eu mae.

HeˬByehˇ 7:3 ပူးပေါင်းရင်းမြစ်များ

Doˆ-iˇ 6:18

Kawˇhaˆ-aˬ, Aˬmaˬlamˬ, Iˇzaˬhaˬ, Heˬbyoˬ hawˇ-eu Awˇzeˬlaˇ lehˇ myahˇ-euˬ aˬ li oeˬ gʼaˬ jawˇ-eu meh. Kawˇhaˆ-aˬ, tiˬ yaˇ smˬ tseˇ smˇ kʼoꞈ keuˆ ni dehꞈ-euˬ meh.

Maꞈtehˬ 4:3

Kʼoeˇ ngeh, Nehꞈ sahˬ paˬ aˬ yawꞈ jawˇ gaˇ oe-awˇ ehˇ-eu, “Nawˇ Miˬyehˇ-euˬ Zaˬ maˇ pyeuꞈ-eu ngeuˇ naˇ, kʼaˬ lo heu deuˬ-ahˇ kaˬ muˇ pyeuꞈ laˇ-awˬ lehˇ dawˬ biꞈ-awˬ tawˇ.”

HeˬByehˇ 4:14

Aˬ dui jah ma lehˇ ehˇ taˬ-euˬ jeˬ-ahˇ ziꞈ dah ni tuˆ tehˬ taˬ kaˇ-euˇ. Aˬ jeˬ miˇ neh ehˇ naˇ, Miˬyehˇ-euˬ mehˬ shi keuˆ ni uˇ keuˆ leˇ-euˬ Piˇ ma Yaw huiˬ tiˬ gʼaˬ aˬ dui jawˇ-eu ma. Aˬ yawꞈ-aˬ, Miˬyehˇ-euˬ Zaˬmaˇ pyeuꞈ-eu Yeˬsuˇ meh.

HeˬByehˇ 7:1

Maˬlaˬkiˇsaˬdehˇ kʼoeˇ gʼaˬ-aˬ, Saˬleˬ meuˬ-euˬ sahˬ paˬ pyeuꞈ-awˇ, Huiˬ dui Mahˇ dui dui-eu Miˬyehˇ-euˬ piˇ ma pyeuꞈ-eu meh. Sahˬ paˬ oeˬ gʼaˬ-ahˇ Aˬbyaˬhaˬ guiˇ deuˆ gʼaˬ-awˇ gʼoꞈ laˇ ngeh, Maˬlaˬkiˇsaˬdehˇ aˬ yawꞈ-ahˇ tahˬ puˬ le-awˇ, dawˬ ngehˬ gʼeh nehˬ-euˬ meh.

HeˬByehˇ 7:17

Aˬ jeˬ miˇ neh ehˇ naˇ, “Nawˇ-aˬ, Maˬlaˬkiˇsaˬdehˇ neh tawˬ dzeuˇ yaꞈ-euˬ gaˇ-ahˇ tawˬ daˆ leꞈ-eu, mˬ maˬ maˬ byaˆ zaˇ ziˇ piˇ ma ya geuꞈ tehꞈ-a” lehˇ, Jaˇliꞈ laꞈ kʼoeˇ ehˇ taˬ-euˬ meh.

HeˬByehˇ 7:2

Aˬbyaˬhaˬ gʼeh, aˬ yawꞈ neh guiˇ kʼaˇ deuˆ za laꞈ-euˬ jeˬ dawˬ tawˆ luꞈ laꞈ kʼoeˇ, tseˇ bymˇ tiˬ bymˇ yuˇ doˆ-awˇ aˬ yawꞈ-ahˇ biꞈ nehˬ-euˬ meh. (Maˬlaˬkiˇsaˬdehˇ lehˇ ehˇ-eu tsawˇ myahˇ heu myahˇ-euˬ dawˬ tsuiꞈ yaw beh hmˬ-aˬ, “Yaw tsaˬ yaw dawˇ jeˬ-euˬ Sahˬpaˬ” lehˇ ehˇ mawꞈ-eu meh. Dawˬ tsuiꞈ nyiˬ hmˬ tiˬ hmˬ pyeuꞈ-eu aˬ yawꞈ-ahˇ “Saˬleˬ meuˬ-euˬ Sahˬpaˬ” lehˇ ehˇ-eu kʼoeˇ-aˬ, “Nui saˇ oꞈ-eu jeˬ-euˬ Sahˬpaˬ” lehˇ ehˇ mawꞈ-eu meh.)

HeˬByehˇ 7:6

Maˬlaˬkiˇsaˬdehˇ-aˬ, Leˬbiˇ-euˬ tsuiꞈ-ahˇ maˬ taꞈ-a. Ehˇ kʼawꞈ, Aˬbyaˬhaˬ neh damˬ nehˬ-euˬ tseˇ bymˇ tiˬ bymˇ ha geuꞈ-awˇ, Miˬyehˇ neh saˇ jaˇ dzaˬ-euˬ jeˬ-ahˇ za-euˬ gʼaˬ pyeuꞈ-eu Aˬbyaˬhaˬ-ahˇ dawˬ ngeh gʼeh nehˬ-euˬ meh.