HeˬByehˇ 7:26 - Akha

²⁶ Kʼoeˇ baˬ da neh, Yeˬsuˇ-aˬ, aˬ dui kʼaˇ loˬ-eu jeˬ mˇ byah nehˬ nya-eu Piˇma Yaw huiˬ gʼaˬ pyeuꞈ-eu meh. Aˬ yawꞈ-aˬ, yaw muiˬ yaw shawˇ meh. Ehˇ kʼaˇ tiˬ pawꞈ-iˬ maˬ za-eu uˬ taꞈ, iˬ baˇ tiˬ pawꞈ-iˬ maˬ ahˇ-a. Iˬ baˇ zaˬ deuˬ nehˬ-ehˇ maˬ bi keuˬ ni aˬ yawꞈ-ahˇ Miˬyehˇ yuˇ doˆ taˬ-awˇ, mˬ naˆ maˬ tseˇ goˇ-eu tiˆ-ahˇ ciˬ huiˬ ciˬ mahˇ keuˆ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Heulof-aer ghae-eu Pirma yawhuiq ghaq-aq, aqdui-anr tsaq duidui-eu mae. Aqyawf-aq, yawjawf hawr-eu yawlaeq maqanr-eu uqtaf, yawshawr mae. Iqbaxzaq-anr nae bi tserpav dov-awr, mq-euq navmaqtser bi ciqgor taq-euq mae.

HeˬByehˇ 7:26 ပူးပေါင်းရင်းမြစ်များ

Jaceuq 68:18

Tsawˇ haˬ gʼawˬ mya ni aˬ yawꞈ nyehꞈ gʼeh-awˇ, gawˬ jawˬ yaw goˇ-ahˇ daˆ leˇ tehꞈ-a. Aˬ yawꞈ-ahˇ puiˬ-eu tsawˇ haˬ deuˬ-ahˇ keuˆ ni, aˬ yawꞈ-ahˇ laꞈ sawˬ biꞈ laˇ-awˇ, mˬ maˬ maˬ byaˆ zaˇ ziˇ Sahˬpaˬ Miˬyehˇ kʼoeˇ gaˇ jawˇ tehꞈ-a.

Doˆ-iˇ 28:36

“Maˇ jawˆ ni gʼeh-eu shuiˇ neh, daˇ gʼawˆ tiˬ gʼawˆ jahˇ-awˇ, Sahˬpaˬ Miˬyehˇ-ahˇ a nehˬ taˬ-euˬ lehˇ toeˬ boꞈ taˬ-awˬ.

Iˇsaˬyaˇ 53:9

Aˬ yawꞈ tiˬ jeˬ-iˬ mˇ lehˬ taˬ-euˬ maˬ jaˆ-ehˇ, jaˬ myawꞈ myawꞈ-eu dawˬ tiˬ dawˬ-iˬ maˬ ngehˬ kʼawꞈ, haiˬ-eu tsawˇ haˬ nehˬ-ehˇ lmˬ bymˇ taꞈ-awˇ, smˇ muiˬ deuˬ nehˬ-ehˇ tiˬ gaˇ bi duˬ pahˬ-euˬ meh.”

Yeˬsaˬgeˬlaˇ 44:27

Kʼoeˇ sahˇ miˇ tsa, Uˬ duˬ tahˬ nymˇ nymˇ ma laꞈ kʼoeˇ gaˇ mˇ nya ni, Uˬ duˬ tahˬ nymˇ nymˇ ma-euˬ laꞈ kʼoeˇ pu kaˬ-ahˇ uˇ leˇ-awˇ, gʼawˇ mawˇ shawˇ-eu lawˇ-eu jeˬ ya lawˇ-eu meh lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.

Bawˇtsahˬ 29:26

Ngaˬ nah tiˬ nah-ahˇ, maˇ byawꞈ maˬ baw-eu mawˇ neˇ mawˇ gaw zaˬ gʼoeˬ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ tseˇ oeˬ mawˇ ya lawˇ meh.

Maꞈtehˬ 27:18

Yuˇdaˆ tsawˇ haˬ aˬ yuiꞈ aˬ tsu deuˬ Yeˬsuˇ-ahˇ myaˆ naˆ-eu miˇ neh, aˬ yawꞈ jawˇ gaˇ nyehꞈ ha laˇ-euˬ gaˇ kawˆ sahˬ paˬ Piˇlaˆ siˬ duˬ taˬ-euˬ meh.

Maˬkuˆ 16:19

Sahˬpaˬ Yeˬsuˇ aˬ yawꞈ maꞈ-ahˇ dawˬ ngehˬ cawˬ gʼaˬ ngeh, aˬ yawꞈ-ahˇ mˬ kʼoeˇ taˆ sheuˬ kʼoꞈ daˆ leꞈ-awˇ, Miˬyehˇ-euˬ aˇ maˇ paw nuiˇ-euˬ meh.

Luˇkaꞈ 1:35

Mˬ taˆ gʼaˬ kʼehˇ ehˇ-eu, “Muiˬ-eu shawˇ-eu Yaw sahˇ Miˬyehˇ nawˬ-euˬ kʼoeˇ taˆ zaꞈ le-awˇ, Huiˬ dui Mahˇ dui dui-eu Miˬyehˇ-euˬ baoˬ nawˬ-ahˇ joe shmˇ le tehꞈ-a. Kʼoeˇ miˇ neh, dehꞈ le-euˬ muiˬ-eu shawˇ-eu aˬ li kʼoeˇ gʼaˬ-ahˇ, Miˬyehˇ-euˬ Zaˬmaˇ lehˇ kuˇ tehꞈ-a.

Luˇkaꞈ 23:22

Sahˬ paˬ Piˇlaˆ aˬ yawꞈ maꞈ-ahˇ smˬ poˆ tiˬ poˆ paˇ shaˇ-awˇ ehˇ-eu, “Aˬ yawꞈ mˇ lehˬ mˇ ca-euˬ aˬ jeˬ jaˆ ta. Aˬ yawꞈ ya shiˇ paˬ-ehˇ mˇ lehˬ taˬ-euˬ tiˬ jeˬ-iˬ ngaˇ maˬ ya mawˇ-aˬ. Aˬ yawꞈ-ahˇ ngaˇ yahˬ caˆ neh bi juiꞈ-awˇ pyehˬ nehˬ ma.”

Luˇkaꞈ 23:41

Aˇ nyaꞈ-aˬ, mˇ bahˬ-euˬ miˇ neh oꞈ-eu geuˇ-eu loꞈ-ehˇ ya daˬ luꞈ-eu ma. Ehˇ kʼawꞈ, tsawˇ haˬ heu gʼaˬ tiˬ jeˬ-iˬ mˇ bahˬ taˬ-euˬ maˬ jaˆ-a.”

Luˇkaꞈ 23:47

Kʼoeˇ loꞈ-ehˇ pyeuꞈ laˇ-euˬ gaˇ, yehˇ kʼoeˇ deuˬ kʼoeˇ taˆ aˬ yuiꞈ geuꞈ-eu gʼaˬ ya mawˇ ngeh, Miˬyehˇ-euˬ guiˬ lahˬ-ahˇ ja ceuˬ-awˇ, “Tsawˇ haˬ heu gʼaˬ aˬ diˇ aˬ maˇ iˬ baˇ maˬ ahˇ law hawˇ ngaˬ” lehˇ ehˇ-eu eh.

Luˇkaꞈ 24:26

Ka li aˬ yawꞈ yaw shehꞈ kʼahˬ sehˇ laꞈ kʼoeˇ uˇ leˇ nya ni, kʼoeˇ deuˬ-ahˇ jeˬ huˬ ya daˬ-eu maˬ ngeuˇ-a loˇ.”

Luˇkaꞈ 24:46

Kʼoeˇ naˇ, aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ meh. Ka li-aˬ, sehꞈ gaˇ ya daˬ-awˇ, smˬ nah byah laˇ naˇ, Miˬyehˇ neh paˇ bi gʼoꞈ dehꞈ laˇ tehꞈ-a.

Yoˇhaˬ 14:30

Ngaˇ naw maꞈ nehˬ-ehˇ ngehˬ cawˬ ngehˬ cawˬ-ehˇ jawˇ-eu aˇ yamˬ maˬ paˇ jaˆ meh. Aˬ jeˬ miˇ neh ehˇ naˇ, miˇ tsaˬ-ahˇ uˆ lahˇ-eu gʼaˬ oe luꞈ meh. Aˬ yawꞈ-aˬ, ngaˬ-ahˇ maˬ zuiˆ gʼaˬ nya-a.

Yoˇhaˬ 8:29

Ngaˬ-ahˇ kʼehˇ gʼeh leꞈ-euˬ gʼaˬ ngaˬ nehˬ-ehˇ jawˇ ma. Aˬ yawꞈ ngaˬ-ahˇ maˬ byehˇ dzeh nehˬ laꞈ-a. A jeˬ miˇ neh ehˇ naˇ, aˬ myah luꞈ aˬ yawꞈ nui ma tsaˬ-eu jeˬ tehꞈ-ehˇ ngaˇ mˇ-eu ma.”

Gʼaˬkʼehˇ 3:14

Aˬ yawꞈ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ meh. Ehˇ kʼawꞈ, naw maꞈ aˬ yawꞈ-ahˇ byehˇ dzeh-awˇ, aˬ yawꞈ-euˬ dah zaˇ aˬ cawˬ-ahˇ sehꞈ-euˬ tsawˇ haˬ tiˬ gʼaˬ-ahˇ pyehˬ nehˬ-awˬ lehˇ, sahˬ paˬ Piˇlaˆ-ahˇ naw maꞈ shaˇ-euˬ meh.

Gʼaˬkʼehˇ 4:27

Nawˬ neh Ka li bi geuꞈ-euˬ nawˬ-euˬ muiˬ-eu shawˇ-eu Zaˬ kʼaˆ pyeuꞈ-eu Yeˬsuˇ-ahˇ muiˇ-eu gʼaˇ duˬ, Heˬloˆ hawˇ-eu Boˬtiˇ Piˇlaˆ aˬ nyaꞈ, lawˇ ciꞈ zaˬ deuˬ hawˇ-eu Iˇsaˬleˬlaˇ tsawˇ haˬ deuˬ nehˬ-ehˇ meuˬ heu meuˬ laꞈ kʼoeˇ aˬ diˇ aˬ maˇ mehˬ bawˬ mˇ-euˬ meh.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

HeˬByehˇ 2:10

Yawˬ jeˬ na luꞈ-ahˇ beh-awˇ bo saˆ haw piˇ luꞈ-eu gʼaˬ pyeuꞈ-eu Miˬyehˇ neh, aˬ yawꞈ-euˬ zaˬ gʼawˬ mya ni-ahˇ aˬ yawꞈ-euˬ yaw shehꞈ kʼahˬ sehˇ za ni bi sheuˬ laꞈ-eu gʼaˇ duˬ, Yeˬsuˇ-ahˇ shaˬ-eu zahˬ-eu jeˬ bi daˬ-eu laꞈ kʼoeˇ byah laˇ ni jahˇ-euˬ kʼoeˇ-aˬ, tsaˬ dui dui meh. Aˬ jeˬ miˇ neh ehˇ naˇ, aˬ yawꞈ maꞈ ka kʼoꞈ-eu jeˬ za ni sheuˬ gʼeh-eu gʼaˬ-aˬ, Yeˬsuˇ meh.

HeˬByehˇ 2:17

Ehˇ mawꞈ-eu dawˬ tsuiꞈ-aˬ, tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni, saˇ jaˇ ziꞈ-awˇ gʼawˬ shaˬ gaˬ-eu nui ma ahˇ-eu Miˬyehˇ-euˬ gaˇ mˇ-eu Piˇma Yaw huiˬ gʼaˬ geuꞈ-eu gʼaˇ duˬ, yawˬ jeˬ na luꞈ laꞈ kʼoeˇ aˬ yawꞈ-euˬ mehˇ nmˇ pyeuꞈ-eu tsawˇ haˬ zaˬ deuˬ loꞈ-ehˇ maˇ maˇ ni tsawˇ haˬ zaˬ ya pyeuꞈ tsehˆ-euˬ meh.

HeˬByehˇ 3:1

Aˬ cawˬ loꞈ-ehˇ Miˬyehˇ neh kuˆ-euˬ tsawˇ haˬ pyeuꞈ-eu ngaˬ-euˬ aˬ yuiꞈ aˬ nyiˇ deuˬ-oˇ, aˬ dui jah-eu jeˬ-euˬ Piˆma Yaw huiˬ gʼaˬ bi geuꞈ-eu gʼaˇ duˬ, Miˬyehˇ neh kʼehˇ gʼeh leꞈ-euˬ gʼaˬ pyeuꞈ-eu Yeˬsuˇ-euˬ gaˇ kawˆ shaˇ noeˬ haw sheˇ.

HeˬByehˇ 7:11

Iˇsaˬleˬlaˆ tsawˇ haˬ deuˬ-ahˇ biꞈ-euˬ Zahˇ dawˬ kʼoꞈ dawˬ-aˬ, Leˬbiˇ tsawˇ jeuˬ piˇ ma geuꞈ gaˇ taꞈ leˇ-awˇ biꞈ-euˬ Zahˇ dawˬ kʼoꞈ dawꞈ pyeuꞈ-eu meh. Nymˬ-mˇ-aˬ, Leˬbiˇ tsawˇ jeuˬ piˇ ma deuˬ neh mˇ byah jiˇ-euˬ law nmˇ-aˬ, Aˬloˬ-ahˇ maˬ taꞈ-ehˇ Maˬlaˬkiˇsaˬdehˇ-ahˇ taꞈ-eu piˇ ma yawˬ jeuˬ yawˬ doˆ laˇ-eu maˬ paˇ loˬ meh.

HeˬByehˇ 8:1

Aˬ dui ehˇ luꞈ-eu gaˇ kawˆ heu dawˬ tawˆ luꞈ-euˬ uˬ dzah-aˬ, heu loꞈ-ehˇ ehˇ mawꞈ-eu ma. Mˬ kʼoeˇ taˆ uˆ lahˇ luꞈ-eu Sahˬpaˬ pyeuꞈ-eu Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu Piˇma Yaw huiˬ tiˬ gʼaˬ aˬ dui jawˇ-eu ma.

HeˬByehˇ 9:14

Kʼoeˇ loꞈ-ehˇ jahˇ-eu baˬ da neh shawˇ laˇ nya naˇ, Ka li-euˬ shiˬ baˬ da neh aˇ naˆ ni paˇ shawˇ dzehˬ laˇ nmˇ. Mˬ maˬ maˬ byaˆ zaˇ ziˇ dehꞈ-eu Yaw sahˇ Miˬyehˇ-ahˇ gʼoe-eu laꞈ kʼoeˇ, byah dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ Miˬyehˇ-ahˇ damˬ nehˬ-euˬ meh. Dehꞈ luꞈ-eu Miˬyehˇ-euˬ nui kʼahˇ aˬ dui mˇ nya ni, gaˇ dahˇ maˬ tsoeˬ-eu zahˇ sahˇ kʼoꞈ kʼoeˇ deuˬ neh maˬ shawˇ nehˬ laꞈ nya-euˬ aˬ dui-euˬ nui ma-ahˇ aˬ yawꞈ shawˇ nehˬ laꞈ tehꞈ-a.

1 Beˬtuˆluˆ 1:19

Maˇ byawꞈ maˇ naˇ tiˬ pawꞈ-iˬ maˬ baw-eu yawˇ zaˬ-ahˇ duˇ-eu Ka li aˬ yawꞈ-euˬ shiˬ lawˇ dah-euˬ miˇ neh, aˇ poeˬ kʼaˆ dui dui-eu jeˬ neh naw maꞈ-ahˇ zeuˇ kʼoꞈ taˬ-euˬ jeˬ pyeuꞈ-eu meh.

1 Beˬtuˆluˆ 2:22

Aˬ yawꞈ iˬ baˇ tiˬ pawꞈ-iˬ maˬ mˇ haw-aˬ. Aˬ yawꞈ-euˬ kʼaˬ meh-ahˇ jaꞈ myawꞈ myawꞈ-eu dawˬ tiˬ dawˬ-iˬ ma ngehˬ doˆ leꞈ haw-aˬ.

1 Beˬtuˆluˆ 3:22

Gʼoꞈ dehꞈ laˇ-euˬ Ka li-aˬ, mˬ kʼoeˇ taˆ daˆ gʼoꞈ leˇ-awˇ Miˬyehˇ-euˬ aˇ maˇ paw nuiˇ-eu laꞈ kʼoeˇ, mˬ taˆ gʼaˬ kʼehˇ dawˬ tawˆ luꞈ kʼoeˇ taˆ maˬ ehˇ, mˬ taˆ-euˬ sahˬ paˬ sahˬ ma deuˬ hawˇ-eu baoˬ ahˇ-eu deuˬ dawˬ tawˆ luꞈ kʼoeˇ taˆ maˬ ehˇ, uˆ lahˇ luꞈ-eu meh.

1 Yoˇhaˬ 2:2

Aˬ dui-ahˇ iˬ baˇ pyehˬ nehˬ laꞈ-euˬ kʼoeˇ-aˬ, Ka li baˬ da neh meh. Aˬ dui-euˬ iˬ baˇ tehꞈ-ehˇ maˬ ngeuˇ-ehˇ, tsawˇ haˬ yawˬ gʼaˬ na luꞈ-euˬ i baˇ pyehˬ nehˬ laꞈ-euˬ meh.

1 Yoˇhaˬ 3:5

Ka li oe-euˬ-aˬ, iˬ baˇ-ahˇ yuˇ dzeh-eu gʼaˇ duˬ pyeuꞈ-awˇ, aˬ yawꞈ-euˬ laꞈ kʼoeˇ iˬ baˇ tiˬ pawꞈ-iˬ maˬ ahˇ-eu gaˇ kawˆ naw maꞈ siˬ duˬ luꞈ meh.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.