HeˬByehˇ 7:23 - Akha

²³ Beu gaˇ duˬ heu loꞈ-ehˇ tiˬ hmˬ paˇ jaˆ-a siˬ. Piˇ ma kʼoeˇ deuˬ-aˬ, gʼawˬ mya gʼaˬ jawˇ-eu meh. Aˬ yawꞈ maꞈ ziˇ dehꞈ jiˇ-euˬ baw-eu miˇ neh, tiˬ gʼaˬ tehꞈ-ehˇ gʼawˬ myahˇ ni maˬ mˇ daˆ leꞈ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Dzeurlaf ngae, Pirma tiqghaq sair tiqghaq yabi geuf-euq khoer-aq, aqyawfmaf gar mrdavlef ngae, shir-eu jeq lavtsoeq-eu mirnae mae.

HeˬByehˇ 7:23 ပူးပေါင်းရင်းမြစ်များ

Maꞈtehˬ 3:14

Yoˇ haˬ Yeˬsuˇ-ahˇ iˇ cuꞈ shawˇ nehˬ-eu maˬ noeˬ doˆ coeˇ-ehˇ ehˇ-eu, “Ngaˇ-aˬ, nawˬ neh iˇ cuꞈ bi shawˇ paˬ-ehˇ gʼeh-eu tsawˇ haˬ ma. Ngaˬ neh iˇ cuꞈ bi shawˇ nehˬ-eu lehˇ nawˇ oe teˬ loˇ.”

HeˬByehˇ 7:21

Ehˇ kʼawꞈ, Yeˬsuˇ-aˬ, Miˬyehˇ neh kamˬ-awˇ piˇ ma bi pyeuꞈ laˇ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ piˇ ma ka nehˬ ngeh Miˬyehˇ heu loꞈ-ehˇ ehˇ nehˬ-euˬ meh. “Sahˬpaˬ Miˬyehˇ kamˬ tsehˆ-euˬ jeˬ, maˬ poˆ maˬ paˇ nya-a. Mˬ maˬ maˬ byaˆ zaˇ ziˇ, nawˇ piˇ ma ya geuꞈ meh.”

HeˬByehˇ 7:22

Beu gaˇ duˬ kʼoeˇ loꞈ-ehˇ jaˆ-eu baˬ da neh, Yeˬsuˇ-aˬ, muiˬ dzehˬ byah dzehˬ-eu dawˬ ma saˇ jaˇ heu hmˬ-euˬ yaw duˬ yaw ciˇ pyeuꞈ-eu meh.

HeˬByehˇ 7:24

Ehˇ kʼawꞈ, Yeˬsuˇ-aˬ, mˬ maˬ maˬ byaˆ zaˇ ziˇ dehꞈ-eu miˇ neh, aˬ yawꞈ piˇ ma geuꞈ-awˇ mˇ-euˬ gaˇ-ahˇ yawˬ gʼaˬ yawˬ ya mˇ daˆ leꞈ-eu maˬ baw-a.

HeˬByehˇ 7:8

Ehˇ kʼawꞈ, Maˬlaˬkiˇsaˬdehˇ-ahˇ tseˇ bymˇ tiˬ bymˇ taꞈ nehˬ-euˬ kʼoeˇ-aˬ, Jaˇliꞈ laꞈ kʼoeˇ ehˇ taˬ-euˬ loꞈ-ehˇ, tiˬ jawˇ-iˬ maˬ shiˇ-eu gʼaˬ-ahˇ taꞈ nehˬ-euˬ jeˬ pyeuꞈ-eu meh.