HeˬByehˇ 7:22 - Akha

²² Beu gaˇ duˬ kʼoeˇ loꞈ-ehˇ jaˆ-eu baˬ da neh, Yeˬsuˇ-aˬ, muiˬ dzehˬ byah dzehˬ-eu dawˬ ma saˇ jaˇ heu hmˬ-euˬ yaw duˬ yaw ciˇ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²² Khoermirnae, Yeqsur-aq, muiqdzaeq-eu dawqma sarjax khoer zifni, yawduq bi bawlar-eu ghaq pyeuf-eu mae.

HeˬByehˇ 7:22 ပူးပေါင်းရင်းမြစ်များ

Aˇ dahˬ 43:9

Aˬ li-euˬ gʼaˇ duˬ ngaˬ-euˬ saꞈ laˇ nawˬ-ahˇ biꞈ dah ma. Aˬ yawꞈ-ahˇ tiˬ jeˬ paˬ ca laˇ naˇ, ngaˬ-ahˇ kʼaˇ jahˇ mawꞈ-eu jahˇ nya tehꞈ-a. Aˬ yawꞈ-ahˇ tiˬ jeˬ-iˬ maˬ bi ca laˇ ni, nawˇ jawˇ gaˇ ngaˇ maˬ sheuˬ kʼoꞈ keuˆ laꞈ naˇ, iˬ baˇ kʼoeˇ mˬ maˬ maˬ byaˆ zaˇ ziˇ ngaˇ pi ma.

Aˇ dahˬ 44:32

Kʼoeˇ uˬ taꞈ, aˬ nyiˇ nyiˇ saˬ gʼaˬ gʼaˇ duˬ, ngaˬ da-ahˇ ngaˬ-euˬ saꞈ laˇ biꞈ dah yaꞈ-euˬ ma. Aˬ li aˬ nyiˇ nyiˇ saˬ gʼaˬ iˇ kahˇ maˬ sheuˬ kʼoꞈ keuˆ laꞈ naˇ, kʼaˇ keuˆ le-eu jeˬ ngaˬ-euˬ kʼoeˇ taˆ keuˆ le luꞈ-uˇ. Ziˇ jiˇ ngeh keuˆ ni ngaˇ daˬ ma lehˇ, ngaˬ da-ahˇ ngaˇ ehˇ tsehˆ taˬ yaꞈ-euˬ ma.

Jaceuq 119:122

Nawˬ-euˬ zaˬ kʼaˆ-ahˇ caw ba ma lehˇ saˇ jaˇ dzaˬ nehˬ laꞈ-awˬ. Miˬyehˇ maˬ baw-eu deuˬ neh taˬ bi kʼehˬ nehˬ laꞈ.

Dawqdaq 20:16

Maˬ siˬ boeˇ mi-euˬ dziˇ dzoˆ shaˇ pi naˇ, yawˬ ha pehˇ kʼahˬ ya lehˆ daˇ gaˇ keuˆ meh.

Dawqdaq 6:1

Ngaˬ li-oˇ, maˬ siˬ maˬ suˇ-eu tsawˇ haˬ gʼaˇ duˬ nawˇ kamˬ-awˇ, aˬ cawˬ-euˬ dziˇ dzoˆ pi paˬ-ehˇ pyeuꞈ laˇ naˇ,

Iˇsaˬyaˇ 38:14

Ngaˇ dawˬ maˬ ngehˬ doˆ coeˇ ni pyeuꞈ-iˇ-awˇ, kʼaˬ kʼoeˬ duˇ-eu naˆ ni mahˇ-euˬ tehꞈ ma. Mˬ-ahˇ gʼawˇ leuˇ haw-euˬ miˇ neh, ngaˬ-euˬ myaˆ nuiˆ gʼah dui dui nya. Sahˬpaˬ Miˬyehˇ-oˇ, shaˬ zahˬ heu laꞈ kʼoeˇ, ngaˬ-ahˇ ka kʼoꞈ laꞈ-awˬ.

Daˬyeˬlaˇ 9:27

Uˆ lahˇ-eu tsawˇ haˬ kʼoeˇ gʼaˬ, shiꞈ kʼoꞈ keuˆ ni tsawˇ haˬ gʼawˬ mya gʼaˬ nehˬ-ehˇ dawˬ ma saˇ jaˇ dzaˬ taꞈ-awˇ, aˇ yamˬ tiˬ paˆ paˆ-iˇ ngeh, lawˇ-eu shehˇ-eu jeˬ maˬ bi mˇ ni laˆ tsoeˬ tehꞈ-a. Uˬ duˬ tahˬ nymˇ nymˇ ma-euˬ kʼaˬ boeˬ-ahˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ bi jaˆ-awˇ, kʼoeˇ loꞈ-ehˇ bi jaˆ-euˬ gʼaˬ-ahˇ yaˇ kʼaˬ daˇ-eu gʼaˇ duˬ, Miˬyehˇ neh lehˬ hmˬ taˬ-eu aˇ yamˬ maˬ keuˆ laˇ kʼoeˇ keuˆ ni, kʼoeˇ gaˇ jaˆ tehꞈ-a.”

Maꞈtehˬ 26:28

Heu-aˬ, tsawˇ haˬ gʼawˬ mya ni-euˬ iˬ baˇ bi buˬ bi law-iˇ-eu gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Maˬkuˆ 14:24

Yeˬsuˇ ehˇ-eu, “Heu-aˬ, tsawˇ haˬ gʼawˬ mya ni gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Luˇkaꞈ 22:20

Kʼoeˇ gaˇ duˇ ni, ciꞈ hawˬ dzaˬ gʼaˬ ngeh, aˬ yawꞈmaꞈ-ahˇ kʼmˬ maˬ ciˬ nehˬ-awˇ ehˇ-eu, “Heu-aˬ, naw maꞈ gʼaˇ duˬ yoeˇ le-euˬ ngaˬ-euˬ shiˬ baˬ da neh pyeuꞈ laˇ-euˬ dawˬ ma saˇ jaˇ yaw shuiꞈ ma.

1 Gawˇliˬtu 11:25

Kʼoeˇ loꞈ-ehˇ duˇ ni, ciꞈ hawˬ kʼoeˇ byawˇ dzaˬ gʼaˬ ngeh, kʼmˬ maˬ ciˬ-awˇ, “Kʼmˬ maˬ heu-aˬ, ngaˬ-euˬ shiˬ-ahˇ gʼoe-awˇ dzaˬ-eu Miˬyehˇ-euˬ dawˬ ma saˇ jaˇ yaw shuiꞈ pyeuꞈ-eu meh. Naw maꞈ kʼaˇ dawˇ-eu yawˬ poˆ na luꞈ, ngaˬ-ahˇ noeˬ keuˆ-awˇ dawˇ-awˬ” lehˇ ehˇ-euˬ meh.

HeˬByehˇ 12:24

Dawˬ ma saˇ jaˇ yaw shuiꞈ lehˬ hmˬ laˆ saˆ-euˬ gʼaˬ pyeuꞈ-eu Yeˬsuˇ jawˇ gaˇ maˬ ehˇ, Aˬbeˬlaˆ-euˬ shiˬ naˆ maˬ tseˇ baoˬ huiˬ dzehˬ-eu saˇ jaˇ dawˬ kawˬ pyeuꞈ-eu byaˆ shehˬ-euˬ shiˬ jaˆ gaˇ maˬ ehˇ, naw maꞈ laˇ-euˬ jeˬ pyeuꞈ-eu meh.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,

HeˬByehˇ 7:23

Beu gaˇ duˬ heu loꞈ-ehˇ tiˬ hmˬ paˇ jaˆ-a siˬ. Piˇ ma kʼoeˇ deuˬ-aˬ, gʼawˬ mya gʼaˬ jawˇ-eu meh. Aˬ yawꞈ maꞈ ziˇ dehꞈ jiˇ-euˬ baw-eu miˇ neh, tiˬ gʼaˬ tehꞈ-ehˇ gʼawˬ myahˇ ni maˬ mˇ daˆ leꞈ nya-a.

HeˬByehˇ 8:13

Dawˬ ma saˇ jaˇ yaw shuiꞈ gaˇ kawˆ Miˬyehˇ ehˇ-eu laꞈ kʼoeˇ, yaw beh dzaˬ taˬ-euˬ dawˬ ma saˇ jaˇ kʼoeˇ hmˬ bi oeˇ-iˇ-euˬ meh. Myahˇ laˇ-awˇ oeˇ-iˇ-euˬ jeˬ-aˬ, gʼawˬ myahˇ maˬ gʼeh-ehˇ piˬ-iˇ byoˆ-iˇ tehꞈ-a.