HeˬByehˇ 7:19 - Akha

¹⁹ Aˬ jeˬ miˇ neh ehˇ naˇ, Moˇseˬ-ahˇ gʼoe-awˇ Miˬyehˇ neh biꞈ-euˬ Zahˇ dawˬ kʼoꞈ dawˬ kʼoeˇ-aˬ, tiˬ jeˬ-ahˇ-iˬ byah laˇ ni maˬ mˇ byah nehˬ nya-a. Nymˬ-mˇ-aˬ, aˬ dui-ahˇ Miˬyehˇ jawˇ paw bi peh dzehˬ laˇ-euˬ muiˬ dzehˬ-eu noeˬ tmˬ-eu jeˬ-ahˇ aˬ dui za-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Aqjeq mirnae aernar-aq, zanrdawq-aq, tiqjeq-anr-iq maqbi byanlar nya-a. Aerkhawf, tiqdzer dzaq-anr par aernar-aq, khoernav maqtser muiq-eu noeqtmq-eu jeq-anr sheuqmaeq naeqlaf-eu jeq pyeuf-eu mae. Noeqtmq-eu khoerjeq-euq baqda’nae, aqdui, Miqyaer jawr-eu gar jivler nya-eu mae.

HeˬByehˇ 7:19 ပူးပေါင်းရင်းမြစ်များ

Jaceuq 73:28

Ehˇ kʼawꞈ, Miˬyehˇ-euˬ dawˬ peh ya jawˇ-eu jeˬ ngaˬ-euˬ gʼaˇ duˬ muiˬ dui dui nya. Ngaˬ-euˬ ziꞈ duˬ gʼoe duˬ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ma. Aˬ yawꞈ neh kʼaˇ mˇ-euˬ jeˬ dawˬ tawˆ luꞈ ngaˇ ja gaˬ ma.

Ngoeˇ dawˬ 3:57

Ngaˇ kuˇ gaˇ gaˬ ngeh nawˇ oe-awˇ, taˬ guˆ lehˇ ehˇ nehˬ laꞈ-euˬ meh.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Gʼaˬkʼehˇ 13:39

Moˇseˬ-euˬ Zahˇ dawˬ kʼoꞈ dawˬ neh maˬ bi buˬ-iˇ nya-eu yawˬ jeˬ na luꞈ laꞈ kʼoeˇ, jah-eu tsawˇ haˬ deuˬ Yeˬsuˇ baˬ da neh buˬ-iˇ nya meh.

Lormav 5:2

Aˬ dui Ka li-ahˇ jah-eu miˇ neh, nymˬ-mˇ aˬ dui dehꞈ luꞈ jawˇ luꞈ-eu Miˬyehˇ-euˬ gʼawˬ shaˬ gaˬ-eu guiˬ lahˬ laꞈ kʼoeˇ, aˬ yawꞈ aˬ dui-ahˇ sheuˬ ahˇ nehˬ laꞈ-euˬ meh. Miˬyehˇ aˬ dui-ahˇ yaw shehꞈ kʼahˬ sehˇ biꞈ laꞈ gaˇ noeˬ tmˬ-awˇ, aˬ dui nui ma huiˬ kʼaˇ za-eu ma.

Lormav 7:7

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ yawˇ yawꞈ iˬ baˇ ahˇ meh lehˇ aˬ dui ehˇ nmˇ loˇ. Maˬ ngeuˇ-a. Ehˇ kʼawꞈ, Zahˇ dawˬ kʼoꞈ dawˬ jaˆ-eu baˬ da neh iˬ baˇ ehˇ-eu aˬ jeˬ-a lehˇ aˬ dui siˬ nya laˇ-euˬ ma. “Aˬ cawˬ-euˬ myawˬ-ahˇ mehˇ juiˇ taˬ juiˇ” lehˇ Zahˇ dawˬ kʼoꞈ dawˬ laꞈ kʼoeˇ maˬ ehˇ taˬ law nmˇ-aˬ, kʼoeˇ loꞈ-ehˇ mehˇ juiˇ juiˇ-eu jeˬ-ahˇ ngaˇ maˬ siˬ nya-aˇ.

Lormav 8:3

Shiˬ shaˬ jiˇ-euˬ nui noeˬ gʼaˬ baˬ-eu miˇ neh, Zahˇ dawˬ kʼoꞈ dawˬ neh maˬ mˇ byah nya-euˬ jeˬ-ahˇ Miˬyehˇ mˇ byah-euˬ meh. Iˬ baˇ-ahˇ bi sha dzeh-eu gʼaˇ duˬ, aˬ yawꞈ-euˬ Zaˬmaˇ-ahˇ iˬ baˇ ahˇ-eu tsawˇ haˬ zaˬ-euˬ shiˬ shaˬ jiˇ gʼawˇ mawˇ pi-awˇ bi oe-euˬ laꞈ kʼoeˇ, shiˬ shaˬ jiˇ nui noeˬ laꞈ kʼoeˇ ahˇ-eu iˬ baˇ-ahˇ yaˇ kʼaˬ bi daˇ le-euˬ meh.

Gaˬlaˬtiˆ 2:16

Ehˇ kʼawꞈ, tsawˇ haˬ tiˬ gʼaˬ-aˬ, Zahˇ dawˬ kʼoꞈ dawˬ-ahˇ mˇ byah-eu miˇ neh maˬ ngeuˇ-ehˇ, Yeˬsuˇ Ka li-ahˇ jah-eu baˬ da neh tehꞈ-ehˇ Miˬyehˇ-ahˇ tsaˬ leˇ tsahˇ leˇ nya-eu meh lehˇ aˬ dui siˬ nya ma. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ-ahˇ mˇ byah-awˇ Miˬyehˇ-ahˇ tsaˬ leˇ tsahˇ leˇ nya-eu tsawˇ haˬ tiˬ gʼaˬ-iˬ maˬ jawˇ-a.

Gaˬlaˬtiˆ 3:21

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ Miˬyehˇ neh dzaˬ taˬ-euˬ saˇ jaˇ-ahˇ laˆ cawˆ ta loˇ. Maˬ ngeuˇ-a. Aˬ jeˬ miˇ neh ehˇ naˇ, dehꞈ-eu jeˬ biꞈ laꞈ nya-eu zahˇ dawˬ kʼoꞈ dawˬ-ahˇ tsawˇ haˬ zaˬ deuˬ za taˬ-euˬ ngeuˇ naˇ, zahˇ dawˬ kʼoꞈ dawˬ kʼoeˇ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ nya tehꞈ-a.

Gaˬlaˬtiˆ 3:24

Jah-eu jeˬ baˬ da neh Miˬyehˇ-ahˇ aˬ dui bi tsaˬ bi dzoeˇ leˇ nya-eu gʼaˇ duˬ Ka li maˬ oe keuˆ kʼoeˇ keuˆ ni, Zahˇ dawˬ kʼoꞈ dawˬ kʼoeˇ aˬ dui-ahˇ haw piˇ tawˬ-euˬ meh.

Eˇpeˇsu 3:12

Ka liˬ-euˬ laꞈ kʼoeˇ hawˇ-eu aˬ yawꞈ-ahˇ jah-eu laꞈ kʼoeˇ aˬ dui nui ma ziꞈ dah ni taˬ-awˇ, Miˬyehˇ jawˇ gaˇ kʼaˬ duˬ ni le uˇ peuˬ-eu ma.

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

1 Tiˆmoˇseˬ 1:1

Aˬ dui-ahˇ Ka kʼoꞈ-eu gʼaˬ pyeuꞈ-eu Miˬyehˇ hawˇ-eu, aˬ dui-euˬ noeˬ tmˬ duˬ pyeuꞈ-eu Yeˬsuˇ Ka li neh dawˬ biꞈ-euˬ baˬ da neh Yeˬsuˇ Ka li-euˬ gʼaˬ kʼehˇ geuꞈ luꞈ-eu ngaˇ Pawˇluˆ,

HeˬByehˇ 10:1

Yuˇdaˆ tsawˇ haˬ-euˬ Zahˇ dawˬ kʼoꞈ dawˬ-aˬ, maˇ maˇ ni gʼeh-eu jeˬ maˬ ngeuˇ-a. Keuˆ le luꞈ-eu maˇ maˇ ni gʼeh-eu yaw muiˬ jeˬ-euˬ aˇ baˇ naˇ shmˇ loˆ ni tehꞈ meh. Tiˬ jawˇ-iˬ lawˇ gʼaˬ shehˇ gʼaˬ-euˬ maˬ baw ni, aˬ yawꞈ tiˬ jeˬ tehꞈ-ehˇ gʼawˬ mya kʼoꞈ gʼawˬ mya la ya lawˇ ya shehˇ poˆ-eu meh. Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ, kʼoeˇ loꞈ-ehˇ lawˇ poˆ shehˇ poˆ poˆ-eu laꞈ kʼoeˇ, Miˬyehˇ jawˇ gaˇ laˇ-eu tsawˇ haˬ deuˬ-ahˇ byah-eu tsawˇ haˬ aˬ joˆ-ehˇ bi pyeuꞈ laˇ nya nmˇ.

HeˬByehˇ 11:40

Aˬ jeˬ miˇ neh ehˇ naˇ, kʼoeˇ naˆ maˬ tseˇ muiˬ-eu jeˬ aˬ dui gʼaˇ duˬ Miˬyehˇ laˆ saˆ taˬ-euˬ meh. Aˬ dui maꞈ nehˬ-ehˇ tiˬ kawˆ loꞈ-ehˇ aˬ yawꞈ maꞈ-ahˇ bi byah laˇ-eu gʼaˇ duˬ Miˬyehˇ shaˇ noeˬ taˬ-euˬ meh.

HeˬByehˇ 11:6

Jah-eu jeˬ maˬ ahˇ naˇ, tsawˇ haˬ tiˬ gʼaˬ-iˬ Miˬyehˇ nui kʼahˇ shiˇ ni maˬ dehꞈ nya-a. Aˬ jeˬ miˇ neh ehˇ naˇ, Miˬyehˇ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, Miˬyehˇ aˬ diˇ jawˇ-eu gaˇ kawˆ hawˇ-eu, aˬ yawꞈ-ahˇ kʼaˇ poˆ-eu tsawˇ haˬ-ahˇ aˬ yawꞈ guiˬ lah biꞈ-eu gaˇ kawˆ ya jah meh.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

HeˬByehˇ 7:11

Iˇsaˬleˬlaˆ tsawˇ haˬ deuˬ-ahˇ biꞈ-euˬ Zahˇ dawˬ kʼoꞈ dawˬ-aˬ, Leˬbiˇ tsawˇ jeuˬ piˇ ma geuꞈ gaˇ taꞈ leˇ-awˇ biꞈ-euˬ Zahˇ dawˬ kʼoꞈ dawꞈ pyeuꞈ-eu meh. Nymˬ-mˇ-aˬ, Leˬbiˇ tsawˇ jeuˬ piˇ ma deuˬ neh mˇ byah jiˇ-euˬ law nmˇ-aˬ, Aˬloˬ-ahˇ maˬ taꞈ-ehˇ Maˬlaˬkiˇsaˬdehˇ-ahˇ taꞈ-eu piˇ ma yawˬ jeuˬ yawˬ doˆ laˇ-eu maˬ paˇ loˬ meh.

HeˬByehˇ 7:20

Kʼoeˇ uˬ taꞈ, Miˬyehˇ neh kamˬ taˬ-euˬ dawˬ kʼawꞈ jaˆ-eu ma. Piˇ ma kʼoeˇ deuˬ-ahˇ piˇ ma ka nehˬ ngeh, Miˬyehˇ kamˬ taˬ-euˬ maˬ jaˆ-a.

HeˬByehˇ 7:25

Kʼoeˇ miˇ neh, nymˬ-mˇ maˬ ehˇ, aˬ kaˇ mehˬ hu paw aˬ geu yamˬ-ahˇ maˬ ehˇ, aˬ yawꞈ-ahˇ gʼoe-awˇ Miˬyehˇ jawˇ gaˇ kʼaˇ laˇ-eu tsawˇ haˬ-ahˇ aˬ yawꞈ ka kʼoꞈ nehˬ nya-eu meh. Aˬ jeˬ miˇ neh ehˇ naˇ, tsawˇ haˬ zaˬ-euˬ dah zaˇ Miˬyehˇ-ahˇ tahˬ shaˇ -eu gʼaˇ duˬ aˬ yawꞈ mˬ maˬ maˬ byaˆ zaˇ ziˇ dehꞈ-eu meh.

HeˬByehˇ 8:6

Miˬyehˇ hawˇ-eu aˬ yawꞈ-euˬ tsawˇ haˬ yaw kaˬ-ahˇ Yeˬsuˇ neh lehˬ hmˬ taˬ-euˬ dawˬ ma saˇ jaˇ kʼoeˇ-aˬ, muiˬ dzehˬ byah dzehˬ-eu saˇ jaˇ dawˬ-ahˇ gʼoe-awˇ mˇ taˬ-euˬ miˇ neh, dawˬ ma saˇ jaˇ yaw oeˇ naˆ maˬ tseˇ muiˬ dzehˬ byah dzehˬ-eu dawˬ ma saˇ jaˇ pyeuꞈ-eu meh. Kʼoeˇ loꞈ-ehˇ duˇ ni, piˇ ma kʼoeˇ deuˬ mˇ luꞈ-eu gaˇ naˆ maˬ tseˇ huiˬ dzehˬ-eu gaˇ, Yeˬsuˇ-ahˇ aˬ nehˬ taˬ-euˬ meh.

HeˬByehˇ 9:9

Heu-aˬ, nymˬ-mˇ-euˬ aˇ yamˬ heu-ahˇ mehˬ nehˬ laꞈ-eu jeˬ pyeuꞈ-eu meh. Ehˇ mawꞈ-eu dawˬ tsuiꞈ-aꞈ, Miˬyehˇ-ahˇ damˬ nehˬ-euˬ jeˬ hawˇ-eu jeˬ zaˬ sehꞈ-awˇ lawˇ-eu shehˇ-eu jeˬ-aˬ, Miˬyehˇ-ahˇ uˬ duˬ tahˬ-eu tsawˇ haˬ-euˬ nui ma muiˬ laˇ shawˇ laˇ ni maˬ mˇ byah nehˬ nya-a lehˇ ehˇ mawꞈ-eu meh.

Yaˬkoˆ 4:8

Miˬyehˇ-euˬ dawˬ peh jiˆ laˇ-awˬ. Naw maꞈ-euˬ dawˬ peh Miˬyehˇ jiˆ le tehꞈ-a. Iˬ baˇ zaˬ deuˬ-oˇ, naw maꞈ-euˬ aˬ laꞈ dzuiꞈ shawˇ-awˬ. Nui ma nyiˬ jeˬ noeˬ-eu tsawˇ haˬ deuˬ-oˇ, naw maꞈ-euˬ nui ma shawˇ-awˬ.