HeˬByehˇ 6:8 - Akha

⁸ Ehˇ kawꞈ, aˬ gah baw duˆ hawˇ-eu yaˇ moꞈ tehꞈ-ehˇ bi dehꞈ laˇ naˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ-aˬ, Miˬyehˇ neh yaˬ kʼehˇ bi yaˬ-awˇ, miˬ dzaˬ bi puiˆ byoˆ mawꞈ laˇ-euˬ miˇ tsaˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Aerkhawf, mirtsaq khoertsanr-anr aqgan arbawq hawr-eu aqgan bawduv taef-aer daeflar nar-aq, yabi byaerdzae-eu uqtaf, yaqkhaer yaq-eu gar yadaq-eu dawqpae paelar-awr, arsaqsaq ngae-aq, miqdzaq nae yabi keuqdzae taef-a.

HeˬByehˇ 6:8 ပူးပေါင်းရင်းမြစ်များ

Aˇ dahˬ 4:11

Nawˇ-aˬ, yaˬ kʼehˇ yaˬ nehˬ-eu jeˬ-ahˇ ya daˬ-eu tsawˇ haˬ tiˬ gʼaˬ pyeuꞈ-awˇ, miˇ tsaˬ-ahˇ nawˇ maˬ paˇ tsehˬ dzaˬ nya meh. Nawˬ-euˬ aˬ nyiˇ-ahˇ nawˇ sehꞈ ngeh, miˇ tsaˬ kʼaˬ meh mˇ nga-awˇ, nawˬ-euˬ aˬ nyiˇ-euˬ shiˬ dawˇ ahˇ-euˬ meh.

Aˇ dahˬ 5:29

Kʼoeˇ ngeh, “Sahˬpaˬ Miˬyehˇ neh yaˬ kʼehˇ yaˬ taˬ-euˬ miˇ tsaˬ heu kʼoeˇ taˆ, shaˬ-eu zahˬ-eu laꞈ kʼoeˇ aˬ dui ya mˇ dzaˬ ya kʼawꞈ dawˇ-eu jeˬ-ahˇ, aˬ li heu li bi buˬ-iˇ laꞈ luꞈ-uˇ” lehˇ aˬ yawꞈ ehˇ-awˇ, aˬ li kʼoeˇ li-ahˇ Noˇaˬ lehˇ myahˇ nehˬ-euˬ meh.

2 Saˬmeuˬlaˆ 23:7

Shmˇ jehˆ kaˆ neh sheu doˆ leꞈ-awˇ, gahˬ gahˬ yoeˬ neh pehˆ pyaˆ nehˬ-awˇ, miˬ dzaˬ dzah puiˆ byoˆ nehˬ tehꞈ-a.”

Yawˇbaˆ 31:40

cehˇ hawˇ-eu lawˬ loeˇ ka taˬ-euˬ gaˇ, yaˇ moꞈ hawˇ-eu aˬ gah dehꞈ laˇ luꞈ-uˇ.” Yawˇbaˆ-euˬ dawˬ heu gaˇ aˇ saˬ saˬ-euˬ meh.

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Iˇsaˬyaˇ 27:4

Yaˇ kmˇ kʼoeˇ-ahˇ ngaˇ nui ma maˬ pehˇ. Yaˇ moꞈ hawˇ-eu aˬ gah nawˆ laˇ gaˇ ngaˇ ceh gʼaˬ-awˇ, miˬ dzaˬ dzah puiˆ nehˬ-eu ma.

Yeˬlaˬmiˇ 17:6

Aˬ yawꞈ-euˬ guiˬ lahˬ-aˬ, aˇ bawˇ baw duˆ tiˬ jeˬ-iˬ maˬ dehꞈ-eu, miˇ tsaˬ saˬ deuꞈ kuiˇ-awˇ, gui coˇ ni gʼeh-eu bawˇ tsahˬ bawˇ dahˇ-ahˇ, kʼaˇ shuiꞈ shuiꞈ yaˇ kʼoeˇ taˆ dehꞈ-eu baw duˆ-ahˇ duˇ-eu meh. Aˬ yawꞈ gʼaˇ duˬ yaw muiˬ tiˬ jeˬ-iˬ maˬ jaˆ-a.

Yeˬlaˬmiˇ 44:22

Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.

Yeˬsaˬgeˬlaˇ 20:47

Laꞈ oˆ paw kʼahˬ-euˬ aˇ bawˇ sahˬ kʼaˆ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ aˬ joˆ-ehˇ ehˇ luꞈ-eu gaˇ kawˆ ehˇ nehˬ-iˬ sheˇ. Haw taˬ yawˬ. Ngaˇ miˬ dzaˬ keuˬ-awˇ, nawˬ-euˬ laꞈ kʼoeˇ kʼaˇ dehꞈ-eu aˇ bawˇ yaw jmˬ yaw gui dawˬ tawˆ luꞈ bi puiˆ dzaˬ jiˇ ma. Miˬ dzaˬ kʼoeˇ-ahˇ tiˬ jeˬ neh-iˬ maˬ laˆ miˆ nya-ehˇ, laꞈ oˆ kʼahˬ-ahˇ neh laꞈ taˆ kʼahˬ-ahˇ keuˆ ni doꞈ nyawˬ leˇ-awˇ, miˬ lmˇ kʼoeˇ yawˬ gʼaˬ na luꞈ-ahˇ lahˇ leˇ tehꞈ-a.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Maꞈtehˬ 25:41

“Kʼoeˇ naˇ, Sahˬ paˬ-euˬ aˇ caˇ paw jawˇ-eu tsawˇ haˬ deuˬ-ahˇ, Sahˬ paˬ heu loꞈ-ehˇ ehˇ nehˬ tehꞈ-a. ‘Miˬyehˇ neh yaˬ kʼehˇ bi yaˬ-euˬ tsawˇ haˬ deuˬ-oˇ, ngaˇ jawˇ gaˇ neh doˆ-iˇ-awˇ, Nehꞈ sahˬ paˬ hawˇ-eu aˬ yawꞈ-euˬ mˬ taˆ gʼaˬ kʼehˇ deuˬ gʼaˇ duˬ lehˬ hmˬ taˬ-euˬ, mˬ maˬ maˬ byaˆ zaˇ ziˇ doꞈ luꞈ-eu miˬ dzaˬ laꞈ kʼoeˇ uˇ-iˇ-awˬ.

Maꞈtehˬ 3:10

Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a.

Maꞈtehˬ 7:19

Aˇ siˬ yaw muiˬ maˬ kʼaˇ siˬ le-eu aˇ bawˇ deuˬ tuˇ dzeh-awˇ, miˬ dzaˬ-ahˇ baꞈ puiˆ-eu meh.

Maˬkuˆ 11:14

“Tsawˇ haˬ tiˬ gʼaˬ-iˬ nawˬ-euˬ aˇ siˬ maˬ paˇ ya dzaˬ haw-aˇ” lehˇ, siˬ guˬ kʼoeˇ bawˇ-ahˇ Yeˬsuˇ ehˇ nehˬ-euˬ meh. Aˬ yawꞈ kʼoeˇ loꞈ-ehˇ ehˇ gaˇ aˬ yawꞈ-euˬ zaˬ lahˇ deuˬ gaˬ-euˬ meh.

Maˬkuˆ 11:21

Beˬtuˆluˆ gaˇ kawˆ kʼoeˇ noeˬ doˆ laˇ-awˇ, Yeˬsuˇ-ahˇ ehˇ nehˬ-eu, “Saˬ laˬ-oˇ, haw sheˇ. Nawˬ neh yaˬ kʼehˇ yaˬ-euˬ siˬ guˬ aˇ bawˇ kʼoeˇ bawˇ baw guˇ guˇ-iˇ taˬ-euˬ nga.”

Yoˇhaˬ 15:6

Ngaˬ-ahˇ maˬ kʼaˇ tsoꞈ tsaꞈ-eu tsawˇ haˬ-aˬ, uˬ laꞈ bi deuˆ tsehˆ dzeh-awˇ koˆ-iˇ gaˇ duˇ tehꞈ-a. Kʼoeˇ loꞈ-ehˇ gʼeh-eu uˬ laꞈ deuˬ-ahˇ gʼoˆ uiˬ-awˇ, miˬ dzaˬ jehˆ bymˇ-ahˇ baꞈ ahˇ-awˇ bi puiˆ dzaˬ jiˇ tehꞈ-a.

Dawˬmehˬ 29:28

Sahˬpaˬ Miˬyehˇ nui ma pehˇ dui dui laˇ-euˬ laꞈ kʼoeˇ, aˇ bawˇ duˬ ciˇ gʼawˇ lehˆ-eu loꞈ-ehˇ, aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ gʼawˇ lehˆ doˆ-awˇ, boeˇ miˬ siˬ kʼaˬ deuˬ-euˬ miˇ kʼahˬ-ahˇ biˬ ahˇ nehˬ-awˇ, iˬ nah aˬ yawꞈ maꞈ kʼoeˇ gaˇ dehꞈ luꞈ-eu meh’ lehˇ ya ehˇ kʼoꞈ gaˇ keuˆ tehꞈ-a.

HeˬByehˇ 10:27

Aˬ dui kʼoeˇ taˆ keuˆ le-eu yaˇ kʼaˬ daˇ-eu jeˬ hawˇ-eu Miˬyehˇ-ahˇ puiˬ-eu tsawˇ haˬ deuˬ-ahˇ laˆ luˬ laˆ seˇ le-eu, guˆ dui dui laˇ paˬ-ehˇ gʼeh-eu miˬ dzaˬ-ahˇ guˆ guˆ-ehˇ dawˬ-eu jeˬ maˬ ngeuˇ naˇ, aˬ dui gʼaˇ duˬ nui jeˬ noeˬ tmˬ kʼaˇ maˬ paˇ za meh.

HeˬByehˇ 12:17

Aˇ nah hawˇ-eu aˬ da neh dawˬ ngehˬ gʼeh nehˬ-euˬ guiˬ lahˬ-ahˇ Iˇsawˇ geuꞈ mawꞈ-eu gaˇ kawˆ naw maꞈ siˬ nya meh. Ehˇ kʼawꞈ, aˬ yawꞈ-ahˇ byehˇ dzeh nehˬ gaˇ ya daˬ-euˬ meh. Aˬ jeˬ miˇ neh ehˇ naˇ, aˬ yawꞈ myaˆ biˇ doˆ doˆ-ehˇ aˇ naˆ ni leh jeh-euˬ kʼawꞈ, aˬ yawꞈ neh mˇ dzeuˇ-euˬ jeˬ-ahˇ maˬ paˇ laˆ paˇ nya meh.

Panmaeq 20:15

Dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ maˬ kʼaˇ ahˇ-eu tsawˇ haˬ deuˬ-aˬ, miˬ dzaˬ lah-ahˇ bi baꞈ puꞈ jiˇ-euˬ meh.