HeˬByehˇ 6:5 - Akha

⁵ Miˬyehˇ-euˬ dawˬ kawˬ aˇ naˆ ni muiˬ-eu gaˇ kawˆ aˬ yawꞈ maꞈ-euˬ nui maˬ laꞈ kʼoeˇ ya siˬ ya mawˇ duˬ-awˇ, Miˬyehˇ uˆ lahˇ le-eu aˇ yamˬ-ahˇ taꞈ leˇ-eu baoˬ kʼoeˇ-ahˇ aˬ yawꞈ maꞈ ya siˬ duˬ gʼaˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ aqkar keuvle-eu zir-euq baoq hawr-eu Miqyaer-euq dawq arnavni muiq-eu nya laer myeufhaw-euq tsawrhaq deuq,

HeˬByehˇ 6:5 ပူးပေါင်းရင်းမြစ်များ

Jaceuq 34:8

SahˬpaˬMiˬyehˇmuiˬdui dui-eu, yaw muiˬpaˬ-ehˇpyehˆtseˇduˬ-awˬ. Aˬyawꞈ-ahˇtahˬshaˇleˇ-eu deuˬ, laˬkʼaˬcehˇ-eu jeˬ oꞈ-eu meh.

Maꞈtehˬ 12:32

Tsawˇhaˬ-euˬ Zaˬmaˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, Miˬ yehˇ iˬ baˇ pyehˬ nehˬ nya tehꞈ-a. Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ-ahˇ ngehˬ bahˬ tmˇ bahˬ-euˬ tsawˇ haˬ-ahˇ, mˬ maˬ maˬ byaˆ zaˇ ziˇ iˬ baˇ maˬ pyehˬ nehˬ nya-a.

Maˬkuˆ 6:20

Heˬloˆ-aˬ, Yoˇhaˬ-ahˇ guˆ-eu meh. Aˬ jeˬ miˇ neh ehˇ naˇ, Yoˇhaˬ-aˬ, muiˬ-eu shawˇ-eu yaw tsaˬ yaw dawˇ tsawˇ haˬ tiˬ gʼaˬ pyeuꞈ-eu meh lehˇ, aˬ yawꞈ siˬ nya-eu meh. Kʼoeˇ miˇ neh, maˬ bi ca laˇ ni haw piˇ nehˬ luꞈ-eu meh. Yoˇhaˬ-euˬ dawˬ kʼaˇ ya gaˬ ngeh aˬ yawꞈ nui ma maˬ saˇ kʼawꞈ, Yoˇhaˬ mehˬ-euˬ dawˬ-ahˇ aˬ yawꞈ naˇ haˬ mawꞈ-eu nui ma ahˇ-eu meh.

Luˇkaꞈ 8:13

Kʼaˬ lo lo yaˇ-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ-euˬ dawˬ kawˬ ya gaˬ ngeh, laˬ kʼaˬ tiˬ cehˇ ha geuꞈ-euˬ kʼawꞈ, duˬ ciˇ maˬ toeˬ ziꞈ nya-eu miˇ neh, tiˬ kʼehˇ laˇ kʼehˬ tehꞈ-ehˇ jah-awˇ, muˇ juˇ juˇ-eu jeˬ keuˆ le ngeh, coˬ-iˇ-eu meh.

Eˇpeˇsu 6:17

Ka kʼoꞈ-eu jeˬ pyeuꞈ-eu shmˇ uˬ kʼoˆ kʼoˆ-awˇ, Yaw sahˇ Miˬyehˇ neh biꞈ laꞈ-euˬ mi cehˇ pyeuꞈ-eu Miˬyehˇ-euˬ dawˬ kawˬ-ahˇ tuˆ tehˬ taˬ-awˬ.

HeˬByehˇ 11:3

Miˬyehˇ-euˬ dawˬ neh boeˬ boeˬ luˆ luˆ dawˬ tawˆ luꞈ-ahˇ beh-awˇ, maˬ mawˇ nya-eu jeˬ yuˇ-awˇ mawˇ nya-eu jeˬ jahˇ doˆ taˬ-euˬ meh lehˇ aˬ dui siˬ nya-eu heu-aˬ, jah-eu jeˬ baˬ da neh siˬ nya-eu jeˬ pyeuꞈ-eu meh.

HeˬByehˇ 2:5

Miˬyehˇ-aˬ, nymˬ-mˇ aˬ dui ja luꞈ-eu, aˬ kaˇ keuˆ le-eu lehˇ gʼeh-eu miˇ tsaˬ tahˬ kʼawˇ yaw shuiꞈ kʼoeˇ-ahˇ, mˬ taˆ gʼaˬ kʼehˇ deuˬ neh bi uˆ lahˇ-eu lehˇ gʼeh-eu maˬ ngeuˇ-a.

HeˬByehˇ 4:12

Miˬyehˇ-euˬ dawˬ-aˬ, yaw dehꞈ dehꞈ luꞈ-awˇ baoˬ tiˬ byah ni ahˇ-eu uˬ taꞈ, mi seuˬ nyiˬ pyawˬ tsoꞈ-eu mi cehˇ naˆ maˬ tseˇ taˆ dui dui-eu miˇ neh, nui ma hawˇ-eu saꞈ laˇ tsmˇ leˇ gaˇ keuˆ ni maˬ ehˇ, yoeˬ tsuiꞈ yoeˬ laꞈ dzmˇ leˇ gaˇ keuˆ ni maˬ ehˇ, ceuꞈ paˇ doˆ gʼeh nya-awˇ, tsawˇ haˬ zaˬ-euˬ nui noeˬ nui loˆ dawˬ tawˆ luꞈ-ahˇ caw duˬ nya-eu meh.

1 Beˬtuˆluˆ 1:25

Ehˇ kʼawꞈ, Sahˬpaˬ Miˬyehˇ-euˬ dawˬ, mˬ maˬ maˬ byaˆ zaˇ ziˇ ziꞈ meh.” Sahˬpaˬ Miˬyehˇ-euˬ dawˬ lehˇ ehˇ-eu kʼoeˇ-aˬ, naw maꞈ-ahˇ mehˬ laˇ-euˬ Laˬ kʼaˬ cehˇ-eu Guiˬ lahˬ dawˬ-ahˇ ehˇ-eu meh.

1 Beˬtuˆluˆ 2:3

Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Sahˬpaˬ Miˬyehˇ aˇ naˆ ni gʼawˬ shaˬ gaˬ nya-eu gaˇ kawˆ naw maꞈ siˬ duˬ mawˇ duˬ gʼaˬ-euˬ meh.”

2 Beˬtuˆluˆ 2:20

Tsawˇ haˬ zaˬ-aˬ, ka kʼoꞈ-eu gʼaˬ pyeuꞈ-eu aˬ dui-euˬ Sahˬpaˬ Yeˬsuˇ Ka li-ahˇ siˬ nya-eu baˬ da neh, miˇ tsaˬ heu kʼoeˇ taˆ gʼaˬ kʼaˆ luꞈ-eu jawꞈ dui dui-eu jeˬ mˇ gaˇ ya buˬ-iˇ gʼaˬ miˇ tsa, kʼoeˇ neh tiˬ poˆ paˇ bi gʼaˬ leˇ shaw naˇ, yaw beh poˆ naˆ maˬ tseˇ doeˇ dui dui tehꞈ-a.