HeˬByehˇ 6:17 - Akha

¹⁷ Miˬyehˇ neh saˇ jaˇ dzaˬ taˬ-euˬ tsawˇ haˬ deuˬ-ahˇ Miˬyehˇ aˬ yawꞈ neh noeˬ taˬ-euˬ jeˬ tiˬ jawˇ-iˬ maˬ poˆ maˬ paˇ-eu gaˇ kawˆ bi siˬ duˬ mawꞈ-eu meh. Kʼoeˇ miˇ neh, aˬ yawꞈ saˇ jaˇ dzaˬ ngeh, dzaˬ-euˬ loꞈ-ehˇ maˇ maˇ ni bi pyeuꞈ laˇ-eu gʼaˇ duˬ kamˬ tsehˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Khoernav maqtser, Miqyaer nae jeqbir of-eu tsawrhaq deuq-anr maq parlar nya-eu sarjax dzaq-euq khoer, byacaevni bi mawrmawf-eu mirnae, aqyawf noeqtsaev-awr kamqtaq-euq mae.

HeˬByehˇ 6:17 ပူးပေါင်းရင်းမြစ်များ

Aˇ dahˬ 26:28

Aˬ yawꞈ maꞈ ehˇ-eu, “Sahˬpaˬ Miˬyehˇ nawˬ nehˬ-ehˇ jawˇ-eu gaˇ kawˆ nymˬ-mˇ nga maꞈ siˬ duˬ-eu ma. Kʼoeˇ miˇ neh, nawˇ hawˇ-eu nga maꞈ yaw kaˬ saˇ jaˇ dzaˬ taꞈ-eu tsaˬ tehꞈ-a lehˇ, nga maꞈ noeˬ mawˇ-eu ma.

Jaceuq 110:4

Saˇ jaˇ dzaˬ gʼaˬ-euˬ dawˬ-ahˇ Sahˬpaˬ Miˬyehˇ maˬ yuˇ kʼoꞈ-a. Maˬlaˬkiˇsaˬdehˇ-euˬ aˇ yaˬ nawˇ za-awˇ, mˬ maˬ maˬ byaˆ zaˇ ziˇ piˇ ma ya geuꞈ tehꞈ-a lehˇ, aˬ yawꞈ saˇ jaˇ dzaˬ taˬ-euˬ meh.

Jaceuq 33:11

SahˬpaˬMiˬyehˇ-euˬbawˬtoˆ-aˬ, mˬmaˬmaˬbyaˆzaˇziˇgmˬ-awˇ, aˬyawꞈneh shaˇnoeˬtaˬ-euˬjeˬ, mˬmaˬmaˬbyaˆzaˇziˇziꞈmeh.

Jaceuq 36:8

Baw-eu za-eu nawˬ-euˬnymˇ-ahˇ, aˬyawꞈmaꞈdzaˬdehˆdawˇdehˆ-awˇ, nawˬ-euˬ guiˬlahˬlawˇbaˬyoeˇgaˇ, aˬyawꞈmaꞈya kʼawꞈdawˇ-eu meh.

Doˆ-iˇ 22:11

tsawˇ haˬ kʼoeˇ gʼaˬ uˬ duˬ tahˬ-eu jawˇ duˬ-ahˇ le-awˇ, aˬ cawˬ-euˬ jeˬ zaˬ aˬ yawꞈ maˬ kʼoeˬ-aˬ lehˇ ya kamˬ meh. Jeˬ zaˬ kʼoeˇ mawˇ aˬ cawˬ neh bi kʼoeˬ-euˬ jeˬ maˬ ngeuˇ naˇ, yaw sahˇ gʼaˬ ya smˬ-awˇ, cu paˆ paˆ-euˬ gʼaˬ lawˬ nehˬ-eu maˬ loˬ-a.

Dawqdaq 19:21

Tsawˇ haˬ zaˬ gaˇ kawˆ aˬ joˆ-ehˇ kawˆ kʼawꞈ, Sahˬpaˬ Miˬyehˇ-euˬ nui kʼahˇ uˬ duˬ duˬ leˇ-eu meh.

Dawˬ caˇ 5:1

Ngaˬ-euˬ yaˇ kmˇ-ahˇ ngaˇ oe-euˬ ma. Ngaˇ gaˬ-eu ngaˬ-euˬ zaˬ kʼaˬ jawˇ gaˇ ngaˇ oe-euˬ ma. Muˇ laˬ hawˇ-eu tsiˇ yaw saw jeˬ ngaˇ yuˇ uiˬ luꞈ-eu ma. Ngaˬ-euˬ byaˬ byaˬ uiˇ hawˇ-eu byaˬ yaˆ ngaˇ dzaˬ luꞈ-eu ma. Ngaˬ-euˬ aˬ gaꞈ dzaˇ uiˇ hawˇ-eu mawˇ neˇ aˬ coeˇ ngaˇ dawˇ luꞈ-eu ma. Gaˬ-eu cawˬ deuˬ-oˇ, dzaˬ-awˬ dawˇ-awˬ. Dzaˬ yehꞈ dawˇ yehꞈ ngeh keuˆ ni, dzaˬ boˆ dawˇ boˆ boˆ-awˬ.

Iˇsaˬyaˇ 14:24

Baoˬ huiˬ-eu Sahˬpaˬ Miˬyehˇ ehˇ-eu, “Ngaˬ neh kʼaˇ lehˬ hmˬ taˬ-euˬ jeˬ keuˆ le-awˇ, ngaˇ kʼaˇ noeˬ tsehˆ taˬ-euˬ jeˬ pyeuꞈ laˇ tehꞈ-a.

Iˇsaˬyaˇ 46:10

Aˇ dahˬ beh ngeh neh aˇ saˬ saˬ-eu jeˬ ngaˇ ehˇ jiˇ-awˇ, aˇ hu ba neh aˬ kaˇ pyeuꞈ laˇ-eu gaˇ kawˆ ehˇ taˬ jiˇ-euˬ ma. Ngaˬ neh lehˬ hmˬ-euˬ jeˬ tiˬ hmˬ-iˬ maˬ bi dzeuˇ-iˇ ni, kʼaˇ noeˬ taˬ-euˬ yawˬ jeˬ na luꞈ mˇ keuˆ ma lehˇ, ngaˬ neh ehˇ taˬ-euˬ dawˬ jaˆ ma.

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Iˇsaˬyaˇ 55:7

Haiˬ-euˬ tsawˇ haˬ deuˬ dehꞈ jeˬ dehꞈ kawˆ bi paˇ-awˇ, nui noeˬ bi paˇ laˇ-awˬ. Aˬ yawꞈ maꞈ-ahˇ Sahˬpaˬ Miˬyehˇ jawˇ paw bi gʼoꞈ laˇ-awˇ, gʼawˬ shaˬ bi haw gaˬ-awˬ. Aˬ yawꞈ maꞈ Miˬyehˇ jawˇ paw gʼoꞈ laˇ ngeh, iˬ baˇ dawˬ tawˆ luꞈ-ahˇ pyehˬ nehˬ tehꞈ-a.

Maˬlaˬkiˇ 3:6

“Ngaˇ-aˬ, noeˬ poˆ noeˬ paˇ maˬ mˇ-eu Sahˬpaˬ Miˬyehˇ ma. Kʼoeˇ miˇ neh, naw maꞈ Yaˬkoˆ-euˬ zaˬ deuˬ byoˆ jiˇ laˆ jiˇ gaˇ maˬ keuˆ-a siˬ.

Yoˇhaˬ 10:10

Smˇ kʼoeˬ tahˇ joe-aˬ, kʼoeˬ-eu, sehꞈ-eu, laˆ cawˆ-eu gʼaˇ duˬ oe-eu tehꞈ meh. Ngaˇ-aˬ, naw maꞈ dehꞈ-eu saꞈ laˇ za nya ni oe-euˬ ma. Dehꞈ-eu saꞈ laˇ kʼoeˇ-ahˇ naw maꞈ tiˬ byah tiˬ loꞈ za ni oe-euˬ ma.

Lormav 11:29

Aˬ jeˬ miˇ neh ehˇ naˇ, Miˬyehˇ-aˬ, yawˬ ha neh tseˇ doˆ-awˇ guiˬ lahˬ biꞈ taˬ-euˬ tsawˇ haˬ deuˬ kʼoeˇ taˆ nui ma maˬ poˆ maˬ paˇ laˇ-a.

Lormav 8:17

Aˬ dui-aˬ, aˬ yawꞈ-euˬ zaˬ pyeuꞈ-eu miˇ neh, aˬ yawꞈ-euˬ jeˬ biˇ oꞈ-eu tsawˇ haˬ ma. Miˬyehˇ neh Ka li-ahˇ biꞈ-eu lehˇ lehˬ hmˬ taˬ-euˬ jeˬ biˇ kʼawꞈ, Ka li nehˬ-ehˇ tiˬ kawˆ loꞈ-ehˇ aˬ duiˬ za ma. Aˬ jeˬ miˇ neh ehˇ naˇ, kʼehˬ-eu kʼaˆ-eu jeˬ-ahˇ Ka li nehˬ-ehˇ tiˬ kawˆ loꞈ-ehˇ aˬ dui daˬ naˇ, aˬ yawꞈ nehˬ-ehˇ tiˬ kawˆ loꞈ-ehˇ yaw shehꞈ kʼahˬ sehˇ za tehꞈ-a.

Gaˬlaˬtiˆ 3:29

Naw maꞈ Ka li-euˬ tsawˇ haˬ ngeuˇ naˇ, Aˬbyaˬhaˬ-euˬ zaˬ deuˬ uˆ deuˬ lehˇ sawˇ nya-eu miˇ neh, Miˬyehˇ neh saˇ jaˇ dzaˬ taˬ-euˬ jeˬ biˇ za tehꞈ-a.

Eˇpeˇsu 1:11

Dawˬ tawˆ luꞈ Miˬyehˇ neh noeˬ tsehˆ-awˇ lehˬ hmˬ taˬ-euˬ loꞈ-ehˇ pyeuꞈ laˇ-euˬ meh. Aˇ dahˬ beh ngeh neh Miˬyehˇ noeˬ tsehˆ-awˇ lehˬ hmˬ taˬ-euˬ jaˆ-eu miˇ neh, Ka li laꞈ kʼoeˇ aˬ yawꞈ-euˬ tsawˇ haˬ bi pyeuꞈ laˇ-eu gʼaˇ duˬ aˬ dui -ahˇ tseˇ doˆ-euˬ meh.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

HeˬByehˇ 11:9

Miˬyehˇ neh saˇ jaˇ dzaˬ taˬ-euˬ maˬ siˬ maˬ suˇ-eu miˇ kʼahˬ-ahˇ aˬ yawꞈ jawˇ-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-ahˇ duˇ ni Miˬyehˇ neh saˇ jaˇ dzaˬ-euˬ jeˬ-ahˇ za-euˬ Iˇtsaˆ hawˇ-eu Yaˬkoˆ loꞈ-ehˇ, sehˬ gʼawˆ gʼawˆ gʼawˆ-ehˇ aˬ yawꞈ jawˇ-euˬ meh.

HeˬByehˇ 6:12

Naw maꞈ yaw doeˇ doeˇ-eu tsawˇ haˬ maˬ bi pyeuꞈ mawꞈ nya. Ehˇ kʼawꞈ, jah-eu laꞈ kʼoeˇ nui ma gʼawˬ mahˇ ni taˬ-eu baˬ da neh, Miˬyehˇ neh saˇ jaˇ dzaˬ taˬ-euˬ jeˬ-ahˇ za-eu tsawˇ haˬ bi pyeuꞈ mawꞈ-eu ma.

HeˬByehˇ 6:16

Tsawˇ haˬ tiˬ gʼaˬ na tiˬ jeˬ paˬ gaˇ kawˆ kamˬ ngeh, yawˬ ha naˆ maˬ tseˇ huiˬ dzehˬ mahˇ dzehˬ-eu tsawˇ haˬ tiˬ gʼa-euˬ tsawˇ myahˇ-ahˇ gʼoe-awˇ kamˬ-eu meh. Kʼoeˇ loꞈ-ehˇ kamˬ-eu baˬ da neh, gaˇ kawˆ kʼoeˇ-ahˇ tiˬ gʼaˬ-iˬ maˬ laˆ pyawˆ nya-a.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

Yaˬkoˆ 2:5

Ngaˇ gaˬ-euˬ aˬ yuiꞈ aˬ nyiˇ Ka li zaˬ deuˬ-oˇ, ngaˇ ehˇ gaˇ naˇ haˬ sheˇ. Jah-eu jeˬ laꞈ kʼoeˇ smˇ muiˬ muiˬ-eu tsawˇ haˬ pyeuꞈ laˇ-awˇ, Miˬyehˇ-ahˇ gaˬ-eu tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ neh saˇ jaˇ dzaˬ taˬ-euˬ miˇ kʼahˬ-ahˇ bi uˇ leˇ-eu lehˇ, miˇ tsaˬ heu kʼoeˇ taˆ dehꞈ luꞈ-eu shaˬ-eu zahˬ-eu tsawˇ haˬ deuˬ-ahˇ Miˬyehˇ neh tseˇ doˆ taˬ-euˬ meh.

1 Beˬtuˆluˆ 1:3

Sahˬpaˬ Yeˬsuˇ Ka li-euˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ yawꞈ-euˬ huiˬ dui dui-eu gʼawˬ shaˬ gaˬ-eu jeˬ baˬ da neh, Yeˬsuˇ Ka li-ahˇ shiˇ-euˬ gaˇ bi gʼoꞈ dehꞈ laˇ-eu laꞈ kʼoeˇ aˬ dui-ahˇ yaw shuiꞈ bi dehꞈ paˇ laꞈ-euˬ meh. Kʼoeˇ-aˬ, aˬ dui-euˬ laꞈ kʼoeˇ dehꞈ luꞈ-eu noeˬ tmˬ duˬ bi byah laˇ-euˬ meh.

1 Beˬtuˆluˆ 3:7

Kʼoeˇ loꞈ-ehˇ duˇ ni, kʼaˬ dzeˇ zaˬ deuˬ kʼawꞈ, zaˬ miˬ zaˬ-aˬ kʼaˬ dzeˇ zaˬ naˆ maˬ tseˇ gʼaˬ baˬ-eu meh lehˇ siˬ nya-eu laꞈ kʼoeˇ, yawˬ ha-euˬ miˬ zaˬ nehˬ-ehˇ dehꞈ-awˬ. Aˬ yawꞈ maꞈ-ahˇ yaw zeu baw-awˬ. Aˬ jeˬ miˇ neh ehˇ naˇ, aˬ yawꞈ maꞈ gʼeh naw maꞈ nehˬ-ehˇ tiˬ kawˆ loꞈ-ehˇ Miˬyehˇ neh biꞈ laꞈ-euˬ yaw dehꞈ dehꞈ-eu guiˬ lahˬ yaw dzahˇ jeˬ biˇ za tehꞈ-a. Kʼoeˇ loꞈ-ehˇ yaw zeu baw naˇ, naw maꞈ guiˬ lahˬ shaˇ gaˇ laˆ tsoeˬ-eu tiˬ jeˬ-iˬ ma jaˆ-aˇ.