HeˬByehˇ 6:16 - Akha

¹⁶ Tsawˇ haˬ tiˬ gʼaˬ na tiˬ jeˬ paˬ gaˇ kawˆ kamˬ ngeh, yawˬ ha naˆ maˬ tseˇ huiˬ dzehˬ mahˇ dzehˬ-eu tsawˇ haˬ tiˬ gʼa-euˬ tsawˇ myahˇ-ahˇ gʼoe-awˇ kamˬ-eu meh. Kʼoeˇ loꞈ-ehˇ kamˬ-eu baˬ da neh, gaˇ kawˆ kʼoeˇ-ahˇ tiˬ gʼaˬ-iˬ maˬ laˆ pyawˆ nya-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Tsawrhaqzaq kamq ngae, yawqha navmaqtser huiqdzaeq-eu ghaq-anr ghoe-awr kamq-eu mae. Khoerlof-aer kamq-eu-aq, yawduq bibaw-awr, aqyawfmaf kharpyaer-eu garkawv arsaq bisaq-eu gharduq mae.

HeˬByehˇ 6:16 ပူးပေါင်းရင်းမြစ်များ

Aˇ dahˬ 14:22

Ehˇ kʼawꞈ, Aˬbyaˬ ehˇ-eu, “Huiˬ dui mahˇ dui dui-eu Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ heu loꞈ-ehˇ kamˬ tsehˆ-eu ma.

Aˇ dahˬ 21:23

Teu miˇ neh, ngaˬ-ahˇ maˬ ehˇ, ngaˬ-euˬ zaˬ deuˬ-ahˇ maˬ ehˇ, aˬ kaˇ dehꞈ le jawˇ le-eu ngaˬ-euˬ zaˬ ngaˬ-euˬ uˆ deuˬ-ahˇ maˬ ehˇ, nawˇ yehˬ bawˬ-ehˇ maˬ jahˇ lehˇ, Miˬyehˇ-euˬ mehˬ shi ngaˬ nehˬ-ehˇ saˇ jaˇ dzaˬ-awˬ. Ngaˇ nawˬ-ahˇ saˇ jaˇ ziꞈ-eu loꞈ-ehˇ, nawˇ kʼawꞈ, ngaˬ-ahˇ maˬ ehˇ, nawˇ jawˇ luꞈ-eu miˇ kʼahˬ heu kʼahˬ-ahˇ maˬ ehˇ, saˇ jaˇ ziꞈ ma lehˇ nymˬ-mˇ ehˇ tsehˆ-awˬ.”

Aˇ dahˬ 21:24

Aˬbyaˬhaˬ gʼeh, “Nawˬ neh ehˇ-euˬ dawˬ-ahˇ ngaˇ saˇ jaˇ ziꞈ ma” lehˇ ehˇ tsehˆ-euˬ meh.

Aˇ dahˬ 31:53

Aˬbyaˬhaˬ-euˬ Miˬyehˇ hawˇ-eu, Naˬkawˬ-euˬ Miˬyehˇ aˇ nyaꞈ-ahˇ yaˇ kʼaˬ daˇ nehˬ laꞈ tehꞈ-a.” Kʼoeˇ ngeh, aˬ yawꞈ-euˬ aˬ da Iˇtsaˆ uˬ duˬ tahˬ-eu Miˬyehˇ-euˬ tsawˇ myahˇ uˬ moˆ, Yaˬkoˆ saˇ jaˇ dzaˬ-euˬ meh.

2 Saˬmeuˬlaˆ 21:2

Giˇbyoˬ meuˬ-ahˇ jawˇ-eu tsawˇ haˬ deuˬ-aˬ, Iˇsaˬleˬlaˆ tsawˇ haˬ maˬ ngeuˇ-a. Aˬ yawꞈ maꞈ-aˬ, Iˇsaˬleˬlaˆ tsawˇ haˬ deuˬ neh haw piˇ nehˬ ma lehˇ kamˬ-awˇ bi jawˇ-euˬ Aˬmawˇliˆ tsawˇ jeuˬ aˇ maꞈ tiˬ maꞈ pyeuꞈ-eu meh. Ehˇ kʼawꞈ, Sawˇluˆ-aˬ, Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ deuˬ gʼaˇ duˬ nui ma keuˆ-eu laꞈ kʼoeˇ, aˬ yawꞈ maꞈ-ahˇ laˆ piˬ laˆ byoˆ nehˬ jiˇ-eu lehˇ leh jeh-euˬ meh.

Doˆ-iˇ 22:11

tsawˇ haˬ kʼoeˇ gʼaˬ uˬ duˬ tahˬ-eu jawˇ duˬ-ahˇ le-awˇ, aˬ cawˬ-euˬ jeˬ zaˬ aˬ yawꞈ maˬ kʼoeˬ-aˬ lehˇ ya kamˬ meh. Jeˬ zaˬ kʼoeˇ mawˇ aˬ cawˬ neh bi kʼoeˬ-euˬ jeˬ maˬ ngeuˇ naˇ, yaw sahˇ gʼaˬ ya smˬ-awˇ, cu paˆ paˆ-euˬ gʼaˬ lawˬ nehˬ-eu maˬ loˬ-a.

Gaˬlaˬtiˆ 3:15

Aˬ yuiꞈ aˬ nyiˇ Ka li zaˬ deuˬ-oˇ, yawˬ nah na luꞈ ya puˬ ya mawˇ luꞈ-eu gaˇ kawˆ yaw jeˬ ma jeˬ tiˬ hmˬ ngaˇ ehˇ-eu ma. Tsawˇ haˬ nyiˬ gʼaˬ yaw kaˬ gaˇ kawˆ tiˬ jeˬ na-ahˇ taꞈ leˇ-awˇ saˇ jaˇ dzaˬ-eu laꞈ kʼoeˇ sahˬ boꞈ boꞈ tsehˆ gʼaˬ naˇ, tiˬ gʼaˬ-iˬ maˬ paˇ laˆ pyaˆ nya-eu uˬ taꞈ, dawˬ tiˬ dawˬ-iˬ maˬ paˇ dawˆ lahˬ nya meh.

HeˬByehˇ 6:13

Aˬbyaˬhaˬ-ahˇ Miˬyehˇ saˇ jaˇ dzaˬ ngeh, aˬ yawꞈ neh kʼaˇ ehˇ-euˬ loꞈ-ehˇ mˇ ma lehˇ kamˬ tsehˆ-euˬ meh. Aˬ yawꞈ naˆ maˬ tseˇ huiˬ dzehˬ mahˇ dzehˬ-eu tiˬ gʼaˬ-iˬ maˬ jawˇ-eu baˬ da neh, aˬ yawꞈ-euˬ tsawˇ myahˇ-ahˇ gʼoe-awˇ aˬ yawꞈ kamˬ-euˬ meh.