HeˬByehˇ 6:14 - Akha

¹⁴ “Nawˬ-euˬ zaˬ deuˬ jeuˬ le o le ni ngaˇ nawˬ-ahˇ guiˬ lahˬ biꞈ-eu ma” lehˇ aˬ yawꞈ ehˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqyawf aer-eu, “Ngar, nawq-anr aqdir guiqlanq bi keuvle-awr, ngar, nawq-anr bimyaq bi baerlar ma.” (Adb 22:16-17)

HeˬByehˇ 6:14 ပူးပေါင်းရင်းမြစ်များ

Aˇ dahˬ 17:2

Ngaˇ nawˬ nehˬ-ehˇ dawˬ ma saˇ jaˇ dzaˬ taꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma.”

Aˇ dahˬ 22:16

“Nawˇ smˇ muiˬ muiˬ dui dui laˇ ni guiˬ lahˬ biꞈ-eu gʼaˇ duˬ, ngaˬ-euˬ tsawˇ myahˇ uˬ moˆ ngaˇ nawˬ-ahˇ saˇ jaˇ dzaˬ-eu ma lehˇ, Sahˬpaˬ Miˬyehˇ ehˇ-eu meh. Aˬ jeˬ miˇ neh ehˇ naˇ, nawˬ li tiˬ gʼaˬ tehꞈ-ehˇ jawˇ-eu kʼawꞈ, ngaˬ-euˬ gʼaˇ duˬ nawˇ lawˇ nehˬ peuˬ-eu meh.

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

Aˇ dahˬ 48:4

Aˬ yawꞈ ngaˬ-ahˇ ehˇ-eu, ‘Nawˬ-euˬ zaˬ nawˬ-euˬ uˆ deuˬ tsawˇ jeuˬ gʼawˬ mya jeuˬ pyeuꞈ laˇ ni, aˬ yawꞈ maꞈ-ahˇ ngaˇ bi jeuˬ bi o le ma. Miˇ kʼahˬ heu kʼahˬ, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ tsehˆ nehˬ ma’ lehˇ ehˇ-eu meh.

Neˬhaˬmiˇ 9:23

Mˬ taˆ tsehˬ byah taˬ-euˬ aˬ guiˇ loꞈ-ehˇ, aˬ yawꞈ maꞈ-euˬ zaˬ deuˬ-ahˇ nawˇ bi myaˬ laˇ-awˇ, aˬ yawꞈ maꞈ-ahˇ biꞈ-eu gʼaˇ duˬ, aˬ poeˬ aˬ bawˇ deuˬ-ahˇ nawˇ saˇ jaˇ dzaˬ-euˬ miˇ kʼahˬ-ahˇ, aˬ yawꞈ maꞈ deuˆ gʼaˬ-awˇ bi jawˇ-euˬ meh.

Doˆ-iˇ 32:13

Aˬbyaˬhaˬ, Iˇtsaˆ hawˇ-eu, Yaˬkoˆ-ahˇ noeˬ keuˆ-awˬ. Aˬ yawꞈ maꞈ nehˬ-ehˇ nawˇ dawˬ ma saˇ jaˇ dzaˬ-awˇ, aˬ yawꞈ maꞈ-euˬ zaˬ deuˬ uˆ deuˬ, mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ-awˇ, nawˬ neh aˬ yawꞈ maꞈ-ahˇ biꞈ ma lehˇ saˇ jaˇ dzaˬ taˬ-euˬ miˇ kʼahˬ dawˬ tawˆ luꞈ, aˬ yawꞈ maꞈ-euˬ zaˬ deuˬ-ahˇ mˬ maˬ maˬ byaˆ zaˇ ziˇ biꞈ tsehˆ ma lehˇ ehˇ taˬ-euˬ gaˇ noeˬ keuˆ-awˬ.”

Gaˬlaˬtiˆ 3:18

Miˬyehˇ neh biꞈ-euˬ jeˬ biˇ-aˬ, Zahˇ dawˬ kʼoꞈ dawˬ-ahˇ taꞈ-eu jeˬ pyeuꞈ-eu ngeuˇ naˇ, aˬ yawꞈ neh saˇ jaˇ dzaˬ taˬ-eu gaˇ taꞈ leˇ-eu jeˬ maˬ paˇ ngeuˇ meh. Ehˇ kʼawꞈ, Miˬyehˇ neh dzaˬ taˬ-euˬ saˇ jaˇ baˬ da neh jeˬ biˇ kʼoeˇ Aˬbyaˬhaˬ-ahˇ Miˬyehˇ biꞈ-euˬ meh.

Dawˬmehˬ 1:10

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, naw maꞈ-ahˇ mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ taˬ-euˬ meh.

Dawˬmehˬ 1:8

Miˇ kʼahˬ heu dawˬ tawˆ luꞈ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-ahˇ maˬ ehˇ, aˬ yawꞈ maꞈ-euˬ zaˬ deuˬ uˆ deuˬ-ahˇ maˬ ehˇ, biꞈ ma lehˇ Sahˬpaˬ Miˬyehˇ pyeuꞈ-eu ngaˇ saˇ jaˇ dzaˬ taˬ-euˬ ma. Naw maꞈ iˇ-awˇ kʼoeˇ gaˇ jawˇ-iˇ-awˬ’ lehˇ ehˇ-eu meh.”

1 Beˬtuˆluˆ 3:9

Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Aˬ cawˬ yaˬ kʼehˇ yaˬ laˇ gaˇ yaˬ kʼehˇ maˬ yaˬ kʼoꞈ nehˬ-ehˇ, Miˬyehˇ guiˬ lahˬ biꞈ nehˬ ni dawˬ ngehˬ gʼeh nehˬ-awˬ. Aˬ jeˬ miˇ neh ehˇ naˇ, Miˬyehˇ naw maꞈ-ahˇ kuˇ ngeh, guiˬ lahˬ biꞈ ma lehˇ saˇ jaˬ dzaˬ-awˇ kuˇ-euˬ meh.