HeˬByehˇ 6:12 - Akha

¹² Naw maꞈ yaw doeˇ doeˇ-eu tsawˇ haˬ maˬ bi pyeuꞈ mawꞈ nya. Ehˇ kʼawꞈ, jah-eu laꞈ kʼoeˇ nui ma gʼawˬ mahˇ ni taˬ-eu baˬ da neh, Miˬyehˇ neh saˇ jaˇ dzaˬ taˬ-euˬ jeˬ-ahˇ za-eu tsawˇ haˬ bi pyeuꞈ mawꞈ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoermirnae, nymrgawq yawdoer tsawrhaq maqya pyeufni, jan-awr or-eu lafkhoer, Miqyaer nae sarjax dzaqtaq-euq jeq-anr za-euq tsawrhaq deuq-anr mrcaw-awq.

HeˬByehˇ 6:12 ပူးပေါင်းရင်းမြစ်များ

Dawqdaq 12:24

Mˇ coeˇ shaˇ coeˇ-eu deuˬ dzoeˬ dzaˬ oꞈ-awˇ, nymˇ gawˬ deuˬ zaˬ kʼaˆ ya geuꞈ-eu meh.

Dawqdaq 13:4

Yaw doeˇ neh noeˬ tmˬ-euˬ jeˬ tiˬ jawˇ-iˬ maˬ keuˆ le-ehˇ, leh jeh-eu deuˬ-euˬ nui kʼahˇ maˬ lehˬ-iˇ-a.

Dawqdaq 15:19

Nymˇ gawˬ-euˬ gaˇ ma yaˇ moꞈ nawˆ byoˆ-awˇ, yaw sui yaw dawˇ deuˬ-euˬ gaˇ ma juˇ tsui ni jaˆ-eu meh.

Dawqdaq 18:9

Yaw doeˇ doeˇ-eu jeˬ-aˬ, aˬ dzawˬ aˇ gah-ahˇ mehˇ nmˇ jawꞈ-eu meh.

Dawqdaq 2:20

Kʼoeˇ miˇ neh muiˬ-eu jaˬ-eu deuˬ-euˬ mehˬ nah caw teh-awˇ, tsaˬ-eu dawˇ-eu gaˇ ma-ahˇ nawˇ cah-awˬ.

Dawqdaq 26:14

Yaw doeˇ yuꞈ zaˇ poˆ laˆ paˇ paˇ-ehˇ jawˇ-eu meh. Laˇ gʼoˆ -ahˇ gʼoˆ bahˬ neh gʼeu tehˬ taˬ-euˬ loꞈ-ehˇ, aˬ yawꞈ tiˬ gaˇ-iˬ maˬ iˇ maˬ laˇ-a.

Dawqdaq 28:10

Yaw sui yaw dawˇ tsawˇ haˬ iˬ baˇ mˇ ni nawˇ tsawˇ gahˇ gahˇ naˇ, yawˬ ha neh kʼmˇ taˬ-euˬ lahˇ ju-ahˇ yawˬ ha ya paꞈ leˇ tehꞈ-a. Yaw sui yaw dawˇ gʼaˬ guiˬ lahˬ huiˬ tehꞈ-a.

Dawˬ caˇ 1:8

Miˬ daꞈ dawˬ tawˆ kʼoeˇ taˆ muiˬ dzehˬ-eu gʼaˬ-oˇ, ngaˇ aˬ gaˇ jawˇ-eu maˬ siˬ nya te loˇ. Yawˇ yawˇ maꞈ-euˬ mehˬ nah caw teh-awˇ, yawˇ bo-eu deuˬ-euˬ sehˬ gʼawˆ dawˬ peh, nawˬ-euˬ ciꞈ myehꞈ bo le-awˬ.

Yeˬlaˬmiˇ 6:16

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Gaˇ ma gaˇ tsmˇ-ahˇ yawꞈ-awˇ haw duˬ-awˬ. Aˇ hu ba-euˬ gaˇ ma gaˇ oeˇ naˇ haˬ duˬ-awˬ. Gaˇ ma gaˇ muiˬ naˇ haˬ duˬ-awˇ cah naˇ, nui saˇ oꞈ-awˇ ya dehꞈ tehꞈ-a.” Ehˇ kʼawꞈ, “Gaˇ ma gaˇ muiˬ-ahˇ maˬ cah” lehˇ, Sahˬpaˬ Miˬyehˇ-ahˇ aˬ yawꞈ maꞈ ehˇ-eu meh.

Maꞈtehˬ 22:32

‘Ngaˇ-aˬ, Aˬbyaˬhaˬ-euˬ Miˬyehˇ, Iˇtsaˆ-euˬ Miˬyehˇ, Yaˬkoˆ-euˬ Miˬyehˇ ma’ lehˇ, aˬ yawꞈ ehˇ-eu meh. Aˬ yawꞈ-aˬ, dehꞈ luꞈ-eu tsawˇ haˬ deuˬ-euˬ Miˬyehˇ meh. Shiˇ-euˬ tsawˇ haˬ deuˬ-euˬ Miˬyehˇ maˬ ngeuˇ-a.”

Maꞈtehˬ 25:26

“Baw leˬ gʼaˬ ehˇ-eu, ‘Haiˬ dui dui-awˇ yaw doeˇ doeˇ dui dui-eu zaˬ kʼaˆ-oˇ, ngaˬ neh maˬ ka-euˬ gaˇ ngaˇ yehˬ dzaˬ-awˇ, ngaˬ neh maˬ baw shawˇ-euˬ cehˇ-ahˇ ngaˇ tawˆ geuꞈ-eu nawˇ siˬ duˬ-eu nga laˬ.

Luˇkaꞈ 16:22

“Iˇ shaˬ iˇ taw kʼoeˇ gʼaˬ shiˇ-awˇ, mˬ taˆ gʼaˬ kʼehˇ deuˬ neh Aˬbyaˬhaˬ-euˬ bawˇ kʼahˇ-ahˇ ciˬ keuˆ ha nehˬ leˇ-euˬ meh. Smˇ muiˬ smˇ baw kʼoeˇ gʼaˬ kʼawꞈ shiˇ-awˇ, baꞈ pahˬ-iˇ-euˬ meh.

Luˇkaꞈ 8:15

Miˇ tsaˬ miˇ muiˬ muiˬ gaˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ dawˬ kawˬ-ahˇ ya gaˬ ngeh, dawˇ coe ni gʼeh-eu muiˬ-eu jaˬ-eu nui ma laꞈ kʼoeˇ jeˬ hmˬ taˬ-awˇ, aˇ siˬ siˬ le ngeh keuˆ ni dawˬ kʼoeˇ deuˬ-ahˇ ziꞈ dah ni nyehꞈ tehˬ taˬ-eu tsawˇ haˬ deuˬ-ahˇ ehˇ mawꞈ-eu meh.

Lormav 12:11

Yaw doeˇ maˬ doeˇ ni mˇ dui dui-awˬ. Nui ma keuˆ dui dui-eu laꞈ kʼoeˇ Miˬyehˇ gaˇ mˇ-awˬ.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

Lormav 4:12

Baˆ kʼoˆ mehˬ dzaˬ yehˬ-euˬ uˬ taꞈ, aˇ hu Aˬbyaˬhaˬ aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ kʼaˇ dehꞈ yaꞈ-euˬ loꞈ-ehˇ jah jah-ehˇ dehꞈ-eu deuˬ-euˬ aˬ da yaw dzahˇ gʼaˬ kʼawꞈ, Aˬbyaˬhaˬ aˬ yawꞈ meh.

1 Teˇsaˬloˇni 1:3

Aˬ jeˬ miˇ neh ehˇ naˇ, jah-eu baˬ da neh naw maꞈ aˬ joˆ-ehˇ mˇ doˆ shaˇ doˆ laꞈ luꞈ-eu gaˇ kawˆ maˬ ehˇ, gʼoeˇ-eu gaˬ-eu jeˬ baˬ da neh naw maꞈ aˇ naˆ ni leh jeh-awˇ mˇ luꞈ-eu gaˇ kawˆ maˬ ehˇ, aˬ dui-euˬ Sahˬpaˬ Yeˬsuˇ Ka li-ahˇ naw maꞈ noeˬ tmˬ taˬ-euˬ jeˬ aˇ naˆ ni ziꞈ luꞈ-eu gaˇ kawˆ maˬ ehˇ, aˬ dui-euˬ Aˬda pyeuꞈ-eu Miˬyehˇ mehˬ shi nga maꞈ noeˬ keuˆ luꞈ-eu ma.

2 Teˇsaˬloˇni 1:4

Kʼoeˇ miˇ neh, Miˬyehˇ-euˬ Ka li zaˬ aˇ muˇ deuˬ mehˬ shi, naw maꞈ gaˇ kawˆ nga maꞈ kʼahˬ sehˇ jehˆ-eu ma. Naw maꞈ ya daˬ luꞈ-eu kʼehˬ-eu kʼaˆ-eu jeˬ hawˇ-eu shaˬ-eu zahˬ-eu jeˬ dawˬ tawˆ luꞈ-ahˇ naw maꞈ daˬ dzeuˇ oˇ dzeuˇ-eu laꞈ kʼoeˇ, naw maꞈ jah luꞈ-eu gaˇ kawˆ nga maꞈ kʼahˬ sehˇ jehˆ-eu ma.

HeˬByehˇ 1:14

Toˆ-ehˇ ngeuˇ naˇ, mˬ taˆ gʼaˬ kʼehˇ deuˬ aˬ jeˬ-a. Aˬ yawꞈ maꞈ-aˬ, ka kʼoꞈ-eu jeˬ za-eu tsawˇ haˬ deuˬ-ahˇ bi caw ba-eu gʼaˇ duˬ Miˬyehˇ neh kʼehˇ gʼeh leꞈ-euˬ, aˬ yawꞈ-euˬ gaˇ mˇ-eu yaw sahˇ deuˬ pyeuꞈ-eu meh.

HeˬByehˇ 10:36

Miˬyehˇ-euˬ nui kʼahˇ mˇ byah-awˇ aˬ yawꞈ neh saˇ jaˇ dzaˬ taˬ-euˬ jeˬ-ahˇ za nya ni, nui ma gʼawˬ mahˇ ni ya taˬ meh.

HeˬByehˇ 11:33

Jah-eu jeˬ baˬ da neh aˬ cawˬ-euˬ miˇ kʼahˬ deuˬ-ahˇ aˬ yawꞈ maꞈ guiˇ deuˆ gʼaˬ-euˬ meh. Yaw tsaˬ yaw dawˇ jeˬ aˬ yawꞈ maꞈ mˇ-awˇ, Miˬyehˇ neh saˇ jaˇ dzaˬ taˬ-euˬ jeˬ-ahˇ za-euˬ meh. Aˇ laˬ jaˬ shiˇ-ahˇ mehˬ cuꞈ cuꞈ nya-euˬ meh.

HeˬByehˇ 12:1

Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.

HeˬByehˇ 13:7

Naw maꞈ-ahˇ Miˬyehˇ dawˬ kawˬ mehˬ-euˬ aˬ yuiꞈ aˬ tsu deuˬ-ahˇ taˬ ngehˇ. Aˬ yawꞈ maꞈ aˬ joˆ-ehˇ dehꞈ yaꞈ jaˇ yaꞈ-awˇ shiˇ-euˬ gaˇ kawˆ-ahˇ shaˇ noeˬ-awˇ, aˬ yawꞈ maꞈ-euˬ jah-eu jeˬ-ahˇ dzaw geuꞈ-awˬ.

HeˬByehˇ 5:11

Gaˇ kawˆ heu hmˬ-ahˇ taꞈ leˇ-awˇ, ehˇ paˬ-ehˇ gʼeh-eu gʼawˬ mya ni jaˆ-eu ma. Ehˇ kʼawꞈ, naw maꞈ gʼoˆ shaw nya ni ehˇ mehˬ-eu ui cuiˆ yaw kʼaˆ meh. Aˬ jeˬ miˇ neh ehˇ naˇ, naw maꞈ gʼoˆ shaw-eu yaw myaꞈ meh.

HeˬByehˇ 6:15

Aˬbyaˬhaˬ nui ma gʼawˬ mahˇ ni taˬ-euˬ baˬ da neh, Miˬyehˇ neh saˇ jaˇ dzaˬ-euˬ jeˬ-ahˇ za-euˬ meh.

Yaˬkoˆ 1:3

Aˬ jeˬ miˇ neh ehˇ naˇ, naw maꞈ-euˬ jah-eu jeˬ-ahˇ lawˬ haw-eu kʼoeˇ-aˬ, naw maꞈ-ahˇ daˬ coeˇ oˇ coeˇ-eu tsawˇ haˬ bi pyeuꞈ laˇ-eu meh.

2 Beˬtuˆluˆ 1:10

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ neh naw maꞈ-ahˇ kuˇ-awˇ tseˇ doˆ nehˬ laꞈ-euˬ jeˬ-ahˇ aˬ myah luꞈ ziꞈ dah ni tuˆ tehˬ taˬ nya ni, yaw kʼaˆ kʼaˆ-ehˇ leh jeh-awˬ. Kʼoeˇ loꞈ-ehˇ mˇ naˇ, jah-eu jeˬ-ahˇ naw maꞈ tiˬ jawˇ-iˬ maˬ byehˇ dzeh-aˇ.

1 Yoˇhaˬ 2:25

Mˬ maˬ maˬ byaˆ zaˇ ziˇ dehꞈ-eu jeˬ aˬ dui-ahˇ biꞈ nehˬ laꞈ-eu gʼaˇ duˬ, Ka li neh saˇ jaˇ dzaˬ taˬ-euˬ jaˆ-eu meh.

Panmaeq 13:10

Aˬ cawˬ neh bi paꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni ya bi paꞈ tehꞈ-a. Mi cehˇ neh bi sehꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni mi cehˇ neh ya bi sehꞈ tehꞈ-a. Heu-aˬ, Miˬyehˇ-euˬ tsawˇ haˬ deuˬ daˬ dzeuˇ oˇ dzeuˇ-awˇ jah-eu gʼaˇ duˬ ehˇ-eu jeˬ pyeuꞈ-eu meh.”